Éfɛsɔs 3:7 - Kálar Nzyɛ̌m : Ejwán é Sáá

⁷ Nzyɛ̌m á si kʉ bu séa e nkul nyé kwá nyǎm ɨ́ buo buo, e nzɨ̌ mpam nyé. Nye á si dwe me sɔ̂ʼ, abe e myɛ́na. Sá tɨ̂ʼ, yé á be ó dǐ syɛ̂l mesâ wé.

Kálara Zyɛ̌m Edwán é mpʉ̌n

⁷ Zyɛm a si kʉ bul sea e nkul é me tʉŋlʉ, ebe ncwɨncwɨa we. Bwaʼbwaʼ etʉm nye a ntɨh me e, lé ó dia syɛl mosa we me ndɨ tɨʼ ɨ. Syɛɛ me lé esea nye e, yé ó etuno Mbɨambɨa Lɔɔ.

Éfɛsɔs 3:7 ပူးပေါင်းရင်းမြစ်များ

Éfɛsɔs 1:19

Mě jɨʼlá ntémé ó, bɨ̌n gʉ́ŋaa nkǔl nɨ́nɨ́ɨ́ nyé, nyaá dí entaǎ sá yɨ́yɛ̂h nyɨ́. Bɨ̌n gʉ́ŋaa ntémé mpʉ nyé dí enze mɨ́ná gá ɨ́ nkɔ̌m e nkǔl nɨ́nɨ́ɨ́ nyaá yɨ́. Nyě gbɨ́gbá nkûl nyé nyɨnyɛ̂h ó, lɨ́ esúʼo mɨ́ná gâ, bʉr o b'á dyêʼ koo e né bá.

Éfɛsɔs 3:20

Kûm díʼee e Nzyɛ̌m, waá dí e nkul esâ sá yɨ́yɛ̂h, laǎ bím mɨ́ná dí edî gá, nkʉ̂ jwɨʼ yɨ́ nyá. Nyě sá sá yɨ́yɛ̂h ó, dû nkûl nɨ́nɨ́ɨ́ dí eséa ɨ́ mɨná gá nyɨ́.

Éfɛsɔs 3:2

Nzê bɨ̌n bé á bé así jóʼǒ mpʉ̌ Nzyɛ̌m á sâ ó, me díʼee syɛ̂l mesâ wé lɨ́ esú lɨ́n yɨ́ ɛ́? Nye á si kʉ sâ me mpam nyé, me nkʉ̂ di bɨ́n e nyɔm.

2 Korɛnt 3:6

Nye ó b'á dwe bɨ̌h nkul ó, bɨ̌h díʼee bʉr o jálá le eséa nyé syɛ́ɛ́ bá. Bɨ̌h mû ó osyɛ̂l o mésá bé, lɨ́ eníŋle bʉ̂r lɨ́ edwán é sáá. Nye á sâ saá nyaá ó e nzɨ̌ Sísǐm wé, abe e metié me dí micɛmá má. Ebě, metié mɨ́ɛ, mé jaá jʉ̂jʉ ó jʉ́ʼóo; Sísǐm mé Nzyɛ̌m wɨ́ɛ dwe bʉ̂r twǐʼ njʉ̌m dǐ e njʉ̌m dǐ.

Ebrœ̂ 13:21

Mě jɨʼlá e né ó, nye tyɛ́bɨɨ bɨ̌n ɨ́ miléme, ó bɨ̌n sâʼ syɛ́ɛla nyé dí ebeě mbɨ̂mbɨá yɨ́, mɨná nkʉ̂ lóŋlo gá gwɨ́má yé ɨ́ nzɨ̌ mé Yésʉs-Krîst, dí e kûm njʉ̌m dǐ e njʉ̌m dǐ nyá. Amɛn!

1 Tesalonika 2:13

Sá tɨ̂ʼ ó bɨ́h dí edwě Nzyɛ̌m nzyǒo ɨ́ bijɔʼ bíbyɛ̂h yɨ́, ebě, ɨ́ jɔʼ bɨ́h á lɛ́ɛ bɨ̌n lɔ́ɔ́ wé yɨ́, bɨ̌n bé á si bûʼla wê. Bɨ̌n bé á bé anʉa wé mpʉ̌ lɔ́ɔ́ dí eduho ɨ́ num mʉ̂r bipúno wɨ́. Bɨ̌n bé á kʉ nʉa wé ó, mpʉ̌ lɔ́ɔ́ mé Nzyɛ̌m lɨ́ otyeetye. Lɔ́ɔ́ mé Nzyɛ̌m waá, wé lɨ́ eséa ɨ́ bɨ̌n obûʼla.

Kolosi 1:29

Sá tɨ̂ʼ ó mé dí eséǎ syɛ́ɛ́ yɨ̂ʼ yɨ́. Mě séá yé ó e nkul. Tó kœb ó, nkul mé dí eséa e né nyɨ́, nyě duhó ó, kwá mé Krîst. Nkul nyé nyaá ó dí eséa ɨ́ me tʉ́ŋlʉ̌ nyɨ́.

1 Korɛnt 15:10

Damá jóʼo nó, me mʉr milʉ́mlʉ́ ó, ɨ́ metyɛʼ me mpóm Nzyɛ̌m á sʉ me má. Nye á bé asʉ mé mǎ dwêh. Nye á sʉ me mǎ ó, me nkʉ̂ séa, laa bʉ́ʉ́ bʉ̂r o mílʉ́mlʉ́ bé bɨ́bɛ̂h. Lɨ́ otyeetye, ntʉ mé á séa. Metyɛʼ me mpóm me dí ɨ́ me má, mé ó dí esâ ó, me séaa.

1 Korɛnt 3:5

Lɨ́ otyeetye, nzé dí Ápolos? Nzé dí Pɔ̂l? Bɨ̌h bé ó osúʼa bɨ́n, bʉr o b'á be bɨ̌n e nyɔm ó, bɨ̌n bûʼlaa bá. Mʉr nyɨnyɛ̂h, nye lɨ́ esâ syɛ́ɛla Tî Yésʉs á dwe nye ó, nye sâʼ yɨ́.

Rôm 15:16

Nye á bě sí sʉ mé metyɛʼ me mpóm, ó me díʼee syɛ̂l mesâ mé Yésʉs-Krîst lɨ́ esú é bʉ̂r o dí abe óYúden bá. Me mû ó mpʉ pára dí eliŋ bʉ̂r baá ndwéá Nzyɛ̌m dí ekpɛl, waá Sísǐm wé, wé á pubo wɨ́ nyá. Syɛ́ɛ́ pára mé dí esâ yɨ́, yé ó syɛ́ɛ́ étúnǒ Mbɨambɨa Lɔ́ɔ dí eduho kwá mé Nzyɛ̌m wɨ́.

Rôm 1:5

Nzyɛ̌m á si cwɨ́a e bɨ̌h ɨ́ nzɨ̌ mé Yésʉs-Krîst, le etyêl bɨ́h bʉr o mílʉ́mlʉ́ bé, lɨ́ esú é bíkúl bíbyɛ̂h, ó byé dyéʼee koo e né, le esâ nyé mejóʼo. Nye á sâ bɨ̌h syɛ́ɛla yaá ó, lɨ́ esú lé édwe díé é Mwân wé kûm.

Éfɛsɔs 4:16

Nye ó mʉr dí epûhla mɨ́ná gá óbɛ̂h, ó mɨná díʼee gá nyʉ̂l mpwár nyá. Bitíl bí nyʉ̂l byaá, nyě dirá byé ɨ́ mebɨ̌l ó e misihé. Misihé myaá ó dí entɛŋ bítíl bí nyʉ̂l bisâ bi dí byé e nyɔm bí. Sihé wɨ́wɛ̂h, wé ɨ́ jala le esúʼo nyʉ̂l ó, lɨ́ edû mpʉ̌ Nzyɛ̌m á komlo wɨ́haá yɨ́. Nkul nyé ó dí esâ ó, nyʉ̂l nyaá gwɨ́aa mbɨ̂mbɨá. Mpúhlá obûʼla, nye lɨ́ etô le egwɨ́e dóló ɨ́ jɔʼ bʉ̂r o dí tɨ̂ʼ bá dí ekpɛla yɨ́.

Éfɛsɔs 3:8

Ɨ́ sɔ́má bʉ̂r o bɨ́h le onɔ́ɔ́ dí egúmo e Nzyɛ̌m bá, bʉ́ʉ́ bɨ́bɛ̂h ó dí ejala le enyɛɛ́ gbáŋɔɔ ɨ́ nkɔb. Damá jóʼo nó, Nzyɛ̌m á si lɛ̂ʼle me mpam nyé, ó me túnaa Mbɨambɨa Lɔ́ɔ́ mé Yésʉs-Krîst kwá bʉr o dí abe óYúden bá, ó bé gʉ́ŋaa okúm le ogbaǎ Krîst dí enze mɨ́ná gá e wǎ wɨ́, nzamedwah e mpʉ wé dí agʉ́ŋɔɔ wɨ́wɛ̂h yɨ́.

Galásia 2:8

Mʉr ngwár e ngwár á séa e nkul ɨ́ Pétrus tʉ́ŋlʉ̌, ó nye tôʼ kwá oYúden nyá, nye ntémé ó dí eséǎ jɔʼ yɨ́yɛ̂h ɨ́ me lɨ́ esú é bíkúl bíswîh.

2 Korɛnt 4:1

Bɨ̌h bé adímle nkûl ɨ́ miléme, ebě, Nzyɛ̌m á si jɨ̂ʼ bɨ̌h nkoó lɨ́ edwe bɨ́h syɛ́ɛ́ yɨ̂.

Mɨlʉmlʉ 9:15

Nó ó Tî Yésʉs á lɛ́ɛ e né ó: «Tóʼ, ebě, me á si twâr mʉ̌r nɨ̌. Lɔ́ɔ́ wâm, wé ótó lɛ́ɔɔ kwá byúú bíkûl bi bʉ̂r ó, ɨ́ nzɨ̌ nyé. Nye ólɛ́ɛ ntémé ojwɨ́ɨ́ bɔ́ɔ́ wǎ, bé e bʉr o b'Ɨ́zraɛ̂l.

Rôm 12:3

Nzyɛ̌m á si lɛ̂ʼle me mpam nyé. Ɨ́ mpam nyaá ó mé dí elɛ́ɛ e mʉr nyɨnyɛ̂h dí ɨ́ sɔ́má yɨ́n nyá ó: mʉ̌r sá abuú láa nyé mʉr tɨ̂. Nye sêʼlaa nye mʉr tɨ̂ʼ, antaa sʉ́ŋa. Mʉr nyɨnyɛ̂h, nye pâhlaa nye mʉr tɨ̂, nye nkʉ̂ gʉ́ǎ mbi mʉ̂r nyé dí wɨ́, lɨ́ edû mbǐ búʼó Nzyɛ̌m á gbâ nye ɨ́ léme wɨ́.