Éfɛsɔs 3:6 - Kálar Nzyɛ̌m : Ejwán é Sáá

⁶ Misolá mílɔ̌b myaá míɛ, myé ó mî: Mbɨambɨa Lɔ́ɔ mɨ́ná dí etúno gá wɨ́, wé sá ó, bɨ̌n, bʉr o bíkûl, bíʼee ntémé mepwaʼ mé Nzyɛ̌m, jala e nkɔb líʼe nyɨ́n, jwɨʼ gwár e gwár le oYúden. Bɨ̌n le onɔ́ɔ́ ó dí bitíl bí nyʉ̂l mpwár. Bɨ̌n le onɔ́ɔ́ ntémé bé óbeě mpʉ̌ Nzyɛ̌m ngá dira ménkɛ̌ʼ mé yɨ́.

Kálara Zyɛ̌m Edwán é mpʉ̌n

⁶ Lwib odim yaa ó yi: Mbɨambɨa Lɔɔ bɨna lé etuno ga ɛ, wé esa ó, bɨn, bʉr o ndɨ abe oYʉden ɨ, biʼe nteme mopoʼ boo Zyɛm, jala e nkɔb win, jwɨʼ gwar e gwar mpʉ oYʉden, bé óbi me e. Bɨn e boo nɔɔ mu ó bɨfum bɨ nyʉl ngwar. Bɨn e boo nɔɔ nteme mu ó bʉr bé óliʼ lé ebee mpʉ Zyɛm ósil dira monkɛʼ me e. Nye ódira monkɛʼ maa ó, é zi Yesʉs-Krɨst, duho é Mbɨambɨa Lɔɔ bɨna lé etuno ga ɛ.

Éfɛsɔs 3:6 ပူးပေါင်းရင်းမြစ်များ

1 Yʉanes 2:25

Nó ó, nkɛ̌ʼ Nzyɛ̌m Sɔ́ŋ mʉr tɨ̂ʼ á dwe mɨná gá nyɨ́, nye ó nyɨ̂: twǐʼ njʉ̌m dǐ.

1 Yʉanes 1:3

Sá bɨ́h á bee e míh mɨ́h, jóʼo e megwǎl mɨ́h yɨ́, yé ó bɨ́h dí etúno bɨ́n ntémé yɨ́, mbi dí ó, mɨná nkʉ̂ di gá ɨ́ mpúhlá, mɨná gá óbɛ̂h. Mpúhlá mɨ́ná ngá pûhla gá nyɨ́, óbe ó e Nzyɛ̌m Sɔ́ŋ, bé e Mwân wé, Yésʉs-Krîst.

Galásia 3:14

Yésʉs-Krîst á dwih mɨná gá ɨ́ mpila ébébe nó ó, lɨ́ esú é bʉ̂r o bíkúl bíswîh. Nye mû ó lɨ́ enzě ntɛŋ bɨ́n metyɛʼ me mpóm Nzyɛ̌m á kɛʼ Abraham ó, nye ósʉ má. Nye á dwih mɨná gá le onɔ́ɔ́ ɨ́ mpila yaá ó, mɨná nkʉ̂ bi gá nkɛ̌ʼ mé Nzyɛ̌m. Nkɛ̌ʼ nyaá, nye ó Sísǐm wé, waá nyé á kɛʼ mɨná gá wɨ́. Nyě ntɨ̌h wé ó, ebe mɨ́ná dí edyɛ̂ʼwo gá e né.

1 Korɛnt 12:27

Bɨ̌n bɨ́bɛ̂h, bé ó nyʉ̂l mé Krîst. Mʉr nyɨnyɛ̂h dí ɨ́ sɔ́má yɨ́n nyá, nye ó tíl nyʉ̂l nyaá.

Kolosi 2:19

Bé akǎ mɛ̂r Yésʉs-Krîst ɨ́ kpɨ́ɨ́ɨ́, nyɨɛ mʉr dí yɨ́ɛ lʉ̂, tíl nyʉ̂l dí ekab nkûl nyé ɨ́ bitíl bí nyʉ̂l biswîh yɨ́. Nye ó dí esyɛŋ byé, le elɛ̂ʼle byé mpʉ byé jálá le edira ɨ́ mebɨ̌l ndu e misihé yɨ́. Nye ntémé ó dí esâ ó, nyʉ̂l nyaá tôʼ le egwɨ́ě mpʉ̌ Nzyɛ̌m dí ekpɛl yɨ́.

Éfɛsɔs 5:30

Ebě, mɨná gá bɨ́bɛ̂h, bé ó bitíl bí nyʉ̂l byé.

Éfɛsɔs 5:7

Nó, anʉa gá ntœ̌b ɨ́ bisyɛ́ɛla bi bʉ̂r ónɨ̌.

1 Korɛnt 12:12

Nyʉ̂l, nye ó njɨ mpwár, damá jóʼo nyé dí e bitîl ɨ́ buo buo. Bítíl bí nyʉ̂l, byé damá buo, byé yɨ́ɛ ó lɨ́ esâ nyʉ̂l mpwár. Krîst, nye ó jwɨʼ gwár yaá.

Galásia 5:24

Bʉr o dí egúmo e Krîst bá, bé á si jʉ̂ njwɨr myâ gá wɨ́ná. Bisyɛ́ɛla bí ébébe wé á gwɨ̂gwɨm bí, byé akǎ báʼǎ be. Bé ó mpʉ̌ sá lɛ́ɛ́, bɨ́ jʉ̂ njwɨr waá, lɨ́ ebomlo wé e binzâŋ, bɨ́nɔɔ byé ɨ́ kolôs kʉ́.

Éfɛsɔs 3:3

Nye á níŋle me ɨ́ syɛ́ɛ́ yaá ó, ɨ́ jɔʼ gwár e gwár nyé á dwe me pɨʼ lɨ́ esimá yɨ́. Nye á sâ nó ó, me nkʉ̂ pâʼla bɨ́n lwǐb ódîm yé. Bɨ̌n gʉ́á nó ó e nzɨ̌ bwá mékǎn mé dí ecɛma bɨ́n mâ.