Éfɛsɔs 3:3 - Kálar Nzyɛ̌m : Ejwán é Sáá

³ Nye á níŋle me ɨ́ syɛ́ɛ́ yaá ó, ɨ́ jɔʼ gwár e gwár nyé á dwe me pɨʼ lɨ́ esimá yɨ́. Nye á sâ nó ó, me nkʉ̂ pâʼla bɨ́n lwǐb ódîm yé. Bɨ̌n gʉ́á nó ó e nzɨ̌ bwá mékǎn mé dí ecɛma bɨ́n mâ.

Kálara Zyɛ̌m Edwán é mpʉ̌n

³ Nye a be ó si gwih me lwib odim ye ó, me gʉŋa ye, mpʉ bɨn mu lé ebee é zi bwa mokan me mu si tile bɨn ma.

Éfɛsɔs 3:3 ပူးပေါင်းရင်းမြစ်များ

Galásia 1:12

Me á bé ajóʼo wé ɨ́ num nyʉ́ʉ́ mʉ̂r. Abe ntémé e mʉr á lɛ̂ʼle me wǎ. Yésʉs-Krîst mʉr tɨ̂ʼ ó b'á gwîh me wǎ.

Rôm 16:25

Sâ bwaʼ nkûl Nzyɛ̌m dí e né nyɨ́ e! Nkul nyaá ó mû lɨ́ elɨl bɨ́n mpʉ̌ Mbɨambɨa Lɔ́ɔ́ mé dí elɛ́ɛ le etúno wɨ́ dí yɨ́. Mbɨambɨa Lɔ́ɔ waá, wé dumo ó e Yésʉs-Krîst. Wé lɨ́ edû ntémé lwǐb ódîm, yé á boo be solá,

Éfɛsɔs 3:9

Nye á dwe me syɛ́ɛ́ ntémé ó, me pâʼlaa jwɨʼ nyé á boo tíʼe ɨ́ lémé wé yɨ́, pyêl yé ɨ́ myɛ́n. Nzyɛ̌m, mʉr á kuho bisá bíbyɛ̂h nyá, á nyɛɛ sol jwɨʼ yé yaá ɨ́ mimbú mí píhe ó, bʉr jóʼaa sɔ̂ʼ njɨ lwǐb ódîm, yé omér.

Éfɛsɔs 3:4

Bɨ́n láá mékaná mâʼ nó, bɨ̌n bé ojʉ̂ʼrǎ sá mé mû sí gʉ́a ɨ́ pébébé, dumo e Krîst yɨ́. Sâ yaá, yé á nyɛɛ be ó lwǐb ódîm.

Mɨlʉmlʉ 22:17

«Jɔʼ mé á búlǎ Yerʉ́zalɛm yɨ́, nó ó, ɨ́ mpʉ mé á jɨjɨʼla ɨ́ mpáh Nzyɛ̌m tʉ́ŋlʉ̌ yɨ́, me nzě bee ésimá.

Mɨlʉmlʉ 22:21

Nó ó Tî Yésʉs á ka lɛ́ɛ e me ó: “Tóʼ, ebě, me múo nzě tyen gó lɨ́ ejaa, ɨ́ nko bʉ̂r o dí abe óYúden bá di yɨ́.”»

Éfɛsɔs 1:17

Me lɨ́ ejɨʼla e Nzyɛ̌m dí e kûm, waá dí Sɔ́ŋ mé Tî gá wɨ́ná, Yésʉs-Krîst nyá, ó nye tyɛ́bɨɨ bɨ̌n ɨ́ miléme, ó bɨ̌n twólwaa, le ntémé ó, nye gwíhɨɨ bɨ̌n misolá mílɔ̌b myé. Myé óbe bɨ́n e nyɔm, lɨ́ esú ó, bɨ̌n gʉ́ŋaa nye.

Rôm 11:25

Bɨ́ɔɔ́ bâm! Okɛ́l bâm! Mě kpɛl ó, bɨ̌n gʉ́ŋaa lwǐb ódîm yɨ̂ʼ ɨ́ pébébé. Bɨ̌n ámû jwɨʼ ó, bɨ̌n bé ó ocwóó. Lwǐb ódîm yaá, yé ó: bʉ́ʉ́ bʉ̂r ɨ́ kúl bʉ̂r o b'Ɨ́zraɛ̂l, bé e miléme mi dí ɨ́ buú lele lɨ́ ejóʼo mi. Milémé myɔ́ɔ́, myé óbe ɨ́ lele lɨ́ ejóʼo ó, tó kumo ɨ́ jɔʼ tólɔ́ɔ obûʼla o dí abe óYúden bá, ókumǒ bím Nzyɛ̌m á boo tíʼe ɨ́ lémé wé ó, nyě dwé ó bé twǐʼ njʉ̌m dǐ yɨ́.

Mɨlʉmlʉ 23:9

Bé á be ɨ́ buú bɨ̂n métwíí kʉ́ e nkul. Nó ó bʉ́ʉ́ ólɛ̂ʼla o métié ɨ́ sɔ́má bʉ̂r o nkɔ́m oFarizyɛ̂n, bé á tyɛ̂b tîtyěl, ntɔ̂ʼ lwib e nkul nyɨnyɛ̂h ó: «Bɨ̌h bé abeě sá ébébe ɨ́ mʉr nyâ. Yʉ́ʉ́ jɔʼ, yé á be ó sísǐm, nkʉ̂ ntɔ̂ʼ ó, éngeles ó b'á lwib e né.»

2 Korɛnt 12:1

Nzê yê tyeetye ó, me ó lɨ́ bi ó, me nkʉ́naa ɛ̌? Syɛ́ɛla yaá, yé abe mɛ̂m e bá nyɔm! Damá jóʼo nó, me páa lɛ́ɛ bɨ́n yɨ́ɛ mpʉ mɛ̂m á bi mbeá ésimá yɨ́, le egʉ́a mísolá bísá Nzyɛ̌m á lɛ̂ʼle me bí.

Éfɛsɔs 3:6

Misolá mílɔ̌b myaá míɛ, myé ó mî: Mbɨambɨa Lɔ́ɔ mɨ́ná dí etúno gá wɨ́, wé sá ó, bɨ̌n, bʉr o bíkûl, bíʼee ntémé mepwaʼ mé Nzyɛ̌m, jala e nkɔb líʼe nyɨ́n, jwɨʼ gwár e gwár le oYúden. Bɨ̌n le onɔ́ɔ́ ó dí bitíl bí nyʉ̂l mpwár. Bɨ̌n le onɔ́ɔ́ ntémé bé óbeě mpʉ̌ Nzyɛ̌m ngá dira ménkɛ̌ʼ mé yɨ́.

Éfɛsɔs 6:19

Jɨʼlaa gá ntémé e Nzyɛ̌m ɨ́ lɔ̌b wâm, ó nye dwêʼ me mekǎn mé lwíbɨɨ ɨ́ hwɨ́m, abáawǒ sɔ̂ʼ má. Me pâʼlaa lwǐb ódîm dí edumo e Mbɨambɨa Lɔ́ɔ yɨ́, bʉr gʉ́ŋaa yê.

Kolosi 2:2

Syɛ́ɛ́ mé dí eséa yɨ́, mě séá yé ó, me nkʉ̂ gbâ bɨ́n nkul ɨ́ miléme, le esâ ó, bɨ̌n kpɛ́laa, le egwá pûhla. Bɨ̌n nkʉ̂ gʉ́ǎ búʼó gá yɨ́ná ɨ́ pébébé, sá dí bɨ̌n e nyɔm ɨ́ buo buo yɨ́. Bɨ̌n gʉ́ŋaa ntémé Krîst, mʉ̌r Nzyɛ̌m á sol ɨ́ lwǐb ódîm nyá.

Kolosi 4:3

Jɨʼlaa gá ntémé lɨ́ esú lɨ́h. Nzyɛ̌m díbɨɨ bɨ̌h nzɨ̌ ó, bɨ̌h túnaa Mbɨambɨa Lɔ́ɔ́ wé, ó bɨ̌h pâʼlaa lwǐb ódîm dí edumo e Krîst yɨ́. Me ó kɛ́ʼá ɨ́ mbʉʼ ɨ́ lɔ́ɔ waá mé dí eboó tutúno wɨ́.

Ebrœ̂ 13:22

Bɨ́ɔɔ́ bâm! Okɛ́l bâm! Me cɛmá bɨ́n ó, bɨ̌n bíʼee nkul ɨ́ miléme. Me cɛmá ó, mekǎn abuo. Nó ó, mě jɨʼlá e bɨ̌n ó, bɨ̌n dûhwaa mekǎn maá lɨ́ ejóʼo!

1 Pyɛr 5:12

Bɨ̌h e Silâs ó dí ecɛma bɨ́n bwá mékaná mâ. Mɛ̌m bee ó, nye me ó mʉr ebúʼlɔɔ. Mě cɛmá bɨ́n ó e gwɨ́má égbâ bɨ́n nkul ɨ́ miléme. Mě boʼlo ntémé ó, mpam bɨ́n mû lɨ́ ebi ɨ́ nzɨ̌ mé Yésʉs nyɨ́, nye ó mpam mpâ mé Nzyɛ̌m.

2 Pyɛr 3:15

Jɔʼ yɨ́yɛ̂h bɨ́n béé ó, Tî gá wɨ́ná, nyé apǎ báʼǎ nze yɨ́, lɛ́yɨ́ɨ́ gá ɨ́ bijɔʼ byaá ó: «Nye ɨ́ buo bíhwó ɨ́ páʼ bʉ́ʉ́ ósyɛ̂l bé ébébe, lɨ́ esú ó, nye tíʼɨɨ bê.» Nó ntémé ó, mɨ́ɔɔ́ kpɛ̌l gá wɨ́ná Pɔ̂l á cɛma bɨ̌n yɨ́. Nye á cɛma nó ó, lɨ́ ocwóó Nzyɛ̌m á dwe nye wɨ́.