Éfɛsɔs 3:21 - Kálar Nzyɛ̌m : Ejwán é Sáá

²¹ Kûm díʼee e né e nzɨ̌ Mbɛ̌r-Nzyɛ̌m ti e Yésʉs-Krîst ntémé, tó pyâl ɨ́ mimyǎ mi bʉ̂r mímyɛ̂h njʉ̌m dǐ e njʉ̌m dǐ. Amɛn.

Kálara Zyɛ̌m Edwán é mpʉ̌n

²¹ Kum diʼe e nye é zi Mbɛr-Zyɛm ndwe e Yesʉs-Krɨst nteme, to pyal é mɨmya mɨ bʉr mimyɛh njʉmdia e njʉmdia. Amɛn.

Éfɛsɔs 3:21 ပူးပေါင်းရင်းမြစ်များ

Yʉ̂d 1:25

Nye omér ó dí Nzyɛ̌m. Kûm dwéŋɔɔ Nzyɛ̌m, dí Tiʼbʉr gá wɨ́ná nyá, ɨ́ nzɨ̌ mé Yésʉs-Krîst, Tî gá wɨ́ná, táare ɨ́ mimbú mí píhe, le ɨ́ báánâ, tó kumǒ kumáa ɨ́ twǐʼ njʉ̌m dǐ e njʉ̌m dǐ. Amɛn.

Rôm 11:36

Yé abe e mʉr, ebě, nye ó b'á komlo bisá bíbyɛ̂h. Byé á kwɨmlɨ ntémé ó, ɨ́ nzɨ̌ nyé. Sá yɨ́yɛ̂h, yê tɨ̂ʼ ó, lɨ́ esú lé. Mɨná gúmlaa gá nye njʉ̌m dǐ e njʉ̌m dǐ. Amɛn.

2 Pyɛr 3:18

Tóʼ gá dóló le egwɨ́e ɨ́ mpam mé Tî gá wɨ́ná Yésʉs-Krîst, dí ntémé Tiʼbʉr gá wɨ́ná nyá. Bɨ̌n e gwɨ́é ntémé, ebě, bɨ̌n bɨ́ gʉ́a nyé ɨ́ pébébé. Nye omér ó dí ejala e kûm, táare ɨ́ jɔʼ yɨ̂, tó kumo ɨ́ twǐʼ njʉ̌m dǐ. Amɛn.

1 Pyɛr 5:11

Nkul ti e jwɨ́ɨ, byé dwéŋɔɔ nye njʉ̌m dǐ e njʉ̌m dǐ. Amɛn.

Filipi 4:20

Kûm díʼee e waá dí Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá, njʉ̌m dǐ e njʉ̌m dǐ. Amɛn.

Rôm 16:27

Ɨ́ Nzyɛ̌m nye omér, waá dí Twóó ocwóó nyá, kûm díʼee e né ɨ́ Mwân wé, Yésʉs-Krîst, njʉ̌m dǐ e njʉ̌m dǐ. Amɛn.

1 Pyɛr 2:5

Kamaa gá ó, Nzyɛ̌m súmaa mbɛ̌r Sísǐm wé ngá di tɨ̂ʼ wɨ́. Diʼee gá mekóʼ me dí kublakúbla má, maá ngá kɛlɔɔ tɨ̂ʼ ɨ́ nzumó nyaá má. Bɨ̌n bé ósûʼla bʉ̂r o dí tí, baá o dí ɨ́ sɔ́má ópara bé bá. Mindwéá bɨ́n ngá dwidwě Nzyɛ̌m e nzɨ̌ Sísǐm wé mí, Nzyɛ̌m óbee myé mbɨ̂mbɨá ó, lɨ́ esú mé Yésʉs-Krîst.

Ebrœ̂ 13:21

Mě jɨʼlá e né ó, nye tyɛ́bɨɨ bɨ̌n ɨ́ miléme, ó bɨ̌n sâʼ syɛ́ɛla nyé dí ebeě mbɨ̂mbɨá yɨ́, mɨná nkʉ̂ lóŋlo gá gwɨ́má yé ɨ́ nzɨ̌ mé Yésʉs-Krîst, dí e kûm njʉ̌m dǐ e njʉ̌m dǐ nyá. Amɛn!

Filipi 2:11

Nó ntémé ó mʉ̂r nyɨnyɛ̂h ókam ó, Yésʉs-Krîst ó dí Tî yɨ́. Nye ósâ nó ó, lɨ́ ebeʼ kûm mé Nzyɛ̌m Sɔ́ŋ.

Galásia 1:5

Kûm díʼee e Nzyɛ̌m njʉ̌m dǐ e njʉ̌m dǐ. Amɛn.

2 Timotɛ 4:18

Tî gá wɨ́ná ótô le etítíʼ mé nó, ɨ́ jɔʼ yɨ́yɛ̂h bé ólɛ́ɛ ó, bé sá ó me ebébe yɨ́. Nye ósâ ó, me pyálaa ɨ́ Mpóʼo nyé, nyaá dí ɨ́ jʉ́o kʉ́ nyɨ́. Nye dwéŋɔɔ kûm njʉ̌m dǐ e njʉ̌m dǐ. Amɛn.

Filipi 1:11

Nó ó bɨ́n ngá di ótîtyěl o bʉ̂r lɨ́ edû kʉ̌ tyen mpâ ɨ́ mpúhlá nyɨ́n e Yésʉs-Krîst yɨ́. Bʉr, bé óbuú dwě Nzyɛ̌m kûm le esêʼle nyé ɨ́ lɔ̌b wɨ́n.

Éfɛsɔs 1:6

Mɨná dwêʼ gá nye dúu ndu e kûm ɨ́ lɔ̌b mpâm nyé! Nyɨ́ buú cwɨ́a e mɨná gá e nzɨ̌ Mwâ kpɛ̌l wé.

Lʉkas 2:14

«Kûm mé Nzyɛ̌m, nye lɨ́ elóŋlǒ jʉ́ó dí elaǎ jʉ́o le ejwoo le baántɛ́n yɨ́. Bʉr ó sí, bé díʼee e mepyɛbla páʼ nyɔ́ɔ́, ebě, Nzyɛ̌m, nyɨ́ bee bé mbɨ̂mbɨá.»

Éfɛsɔs 2:7

Nye á cwɨ́a e mɨná gá nó ó, lɨ́ esú lé élɛ̂ʼle mímyǎ mímyɛ̂h mi dí ebyɛ̂l mí, kpɛ̌l yé dí ápurapúra, dí elaa byúú bíkpɛ̌l bíbyɛ̂h yɨ́. Nye á sâ mɨná gá embɨa laá ó, ɨ́ mpúhlá gá nyɨ́ná e Yésʉs-Krîst.

Mataos 6:13

Ayɨ́ bîr ó, bɨ̌h níʼee ɨ́ mebʉ́blá. Syɛbɨɨ bɨ́h ɨ́ mebó mé Sátan.”»

Éfɛsɔs 4:1

Nó, mɛm mʉr dí mbʉʼ mé Tî Yésʉs nyá, mě jɨʼlá e bɨ̌n ó, bɨ̌n dúʼoo mbɨambɨa kʉ̌ tyěn Nzyɛ̌m á jébe bɨ̌n ó, bɨ̌n dúʼoo wɨ́.