Éfɛsɔs 3:20 - Kálar Nzyɛ̌m : Ejwán é Sáá

²⁰ Kûm díʼee e Nzyɛ̌m, waá dí e nkul esâ sá yɨ́yɛ̂h, laǎ bím mɨ́ná dí edî gá, nkʉ̂ jwɨʼ yɨ́ nyá. Nyě sá sá yɨ́yɛ̂h ó, dû nkûl nɨ́nɨ́ɨ́ dí eséa ɨ́ mɨná gá nyɨ́.

Kálara Zyɛ̌m Edwán é mpʉ̌n

²⁰ Kum diʼe e Zyɛm, waa ndɨ e nkul esa sa yiyɛh, laa bim bɨna lé edî ga, nkʉ jwɨʼ ɨ. Kum diʼe e nye, waa ndɨ e nkul nɨnɨ lé esea e bɨna ga ɛ!

Éfɛsɔs 3:20 ပူးပေါင်းရင်းမြစ်များ

2 Korɛnt 9:8

Nzyɛ̌m, nyě e nkul esʉ bɨ́n metyɛʼ me mpóm mimbi mímyɛ̂h ó, bɨ̌n bíʼee ɨ́ jɔʼ yɨ́yɛ̂h sá yɨ́yɛ̂h dí bɨ̌n ɨ́ sɔ́ɔlʉ yɨ́. Nó ó bɨ́n ngá be ɨ́ tɨʼlɨ lɨ́ esú ó, bɨ̌n nʉ́aa nkɔb ɨ́ bisyɛ́ɛ́ bí émbɨa mimbi mímyɛ̂h yɨ́.

Rôm 4:21

Nye á kʉ gʉ́a ó, Nzyɛ̌m á be ó e nkul edwe nyé sá nyé á pa kɛʼ nye yɨ́.

Yʉ̂d 1:24

Kûm, mpwaʼ, nkul le jwɨ́ɨ, byé díʼee e mʉr dí e nkul ekamle e bɨ̌n ó, bɨ̌n sá atwe, waá ntémé dí e nkul etyêl bɨ́n ɨ́ míh mé, abe e sá ébébe nyé óboʼlo bɨ́n e tɨ̂, le bisʉhʉʉ ɨ́ buo buo nyá.

1 Korɛnt 2:9

Tó kœb ó, yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Sá mʉ̂r ngwár dína apǎ jóʼo, nkʉ̂ bee yɨ́, sá mʉ̂r dí apǎ jwɨʼ ɨ́ lémé wé lʉ́ʉ́ dʉ́o yɨ́, Nzyɛ̌m á komlo yé ó, lɨ́ esú é bʉ̂r o dí ekpɛl nyé bá.

Éfɛsɔs 1:19

Mě jɨʼlá ntémé ó, bɨ̌n gʉ́ŋaa nkǔl nɨ́nɨ́ɨ́ nyé, nyaá dí entaǎ sá yɨ́yɛ̂h nyɨ́. Bɨ̌n gʉ́ŋaa ntémé mpʉ nyé dí enze mɨ́ná gá ɨ́ nkɔ̌m e nkǔl nɨ́nɨ́ɨ́ nyaá yɨ́. Nyě gbɨ́gbá nkûl nyé nyɨnyɛ̂h ó, lɨ́ esúʼo mɨ́ná gâ, bʉr o b'á dyêʼ koo e né bá.

Ebrœ̂ 7:25

Sá tɨ̂ʼ ntémé ó nyé dí e nkul etíʼ bʉ̂r o ngá sîhlě bǎʼ e Nzyɛ̌m, cɨɨ ɨ́ nzɨ̌ nyé bá. Nyě jaá pɛʼ mébébe mɔ́ɔ́ ó mɨ́mɛ̂h. Mpʉ nyé dí njʉ̌m dǐ e njʉ̌m dǐ yɨ́, nó ntémé ó nyé dí e nkul ejɨʼla e Nzyɛ̌m lɨ́ esú lɔ́ɔ́ ɨ́ jɔʼ yɨ́yɛ̂h yɨ́.

Éfɛsɔs 3:7

Nzyɛ̌m á si kʉ bu séa e nkul nyé kwá nyǎm ɨ́ buo buo, e nzɨ̌ mpam nyé. Nye á si dwe me sɔ̂ʼ, abe e myɛ́na. Sá tɨ̂ʼ, yé á be ó dǐ syɛ̂l mesâ wé.

Rôm 16:25

Sâ bwaʼ nkûl Nzyɛ̌m dí e né nyɨ́ e! Nkul nyaá ó mû lɨ́ elɨl bɨ́n mpʉ̌ Mbɨambɨa Lɔ́ɔ́ mé dí elɛ́ɛ le etúno wɨ́ dí yɨ́. Mbɨambɨa Lɔ́ɔ waá, wé dumo ó e Yésʉs-Krîst. Wé lɨ́ edû ntémé lwǐb ódîm, yé á boo be solá,

Kolosi 1:29

Sá tɨ̂ʼ ó mé dí eséǎ syɛ́ɛ́ yɨ̂ʼ yɨ́. Mě séá yé ó e nkul. Tó kœb ó, nkul mé dí eséa e né nyɨ́, nyě duhó ó, kwá mé Krîst. Nkul nyé nyaá ó dí eséa ɨ́ me tʉ́ŋlʉ̌ nyɨ́.

Yʉanes 10:10

Ndíblʉ̌ nzé ó, lɨ́ enzě díbe, le ejʉ̂, le egbah. Mɛm á nze ó, bʉr bíʼee twiʼ. Bé bíʼee yé ɨ́ buo buo.

Jacques 4:12

Nó ó, Nzyɛ̌m, nye omér ó dí etyêl métié. Nye ntémé ó dí etíʼe mílɔ̌b. Nye óbɛ̌m tíʼ mʉ̂r, nkʉ̂ jʉ̂ nyê. Gua, go nzé, gó dí edwe mɨ́ɔɔ́ gǒ mʉr mebě nɨ̌?

1 Timotɛ 1:14

Sá tɨ̂ʼ ó Dâ á sʉ me metyɛʼ me mpóm ɨ́ nkalá nkalá yɨ́. Nye á si gbâ me ntémé búʼó ti e kpɛ̌l ɨ́ léme, ɨ́ nzɨ̌ mé Yésʉs-Krîst.

Ebrœ̂ 11:19

Nye á jwɨʼ ó, Nzyɛ̌m óbɛ̌m pɛ̌ʼ Isaac lɨ́ odwe. Mɨná bé óbɛ̌m lɛ́ɛ gá ó, nye á si baʼa nʉa Isaac píe nyé á dwe yɨ́.

2 Pyɛr 1:11

Nó ntémé ó Nzyɛ̌m ósúʼo bɨ́n e menzɨ̌ mɨ́mɛ̂h lɨ́ esú ó, bɨ̌n níʼee ɨ́ Mpóʼo mé Tî gá wɨ́ná le Tiʼbʉr gá wɨ́ná Yésʉs-Krîst yɨ́. Mpóʼo nyaá, nye ódi ó njʉ̌m dǐ e njʉ̌m dǐ.

Mataos 3:9

Ayɨ́ jwɨʼ gá ɨ́ milémé mín ó: “Ɨ́ páʼ gá wɨ́ná, mɨná gá bɨɛ, bé e sɔ́ŋ ó, Abraham,” ebě, mě lɛ́ɛ́ bɨ́n ó, Nzyɛ̌m óbɛ̌m liŋ mékóʼ mâʼ bwá mé Abraham!