Éfɛsɔs 3:2 - Kálar Nzyɛ̌m : Ejwán é Sáá

² Nzê bɨ̌n bé á bé así jóʼǒ mpʉ̌ Nzyɛ̌m á sâ ó, me díʼee syɛ̂l mesâ wé lɨ́ esú lɨ́n yɨ́ ɛ́? Nye á si kʉ sâ me mpam nyé, me nkʉ̂ di bɨ́n e nyɔm.

Kálara Zyɛ̌m Edwán é mpʉ̌n

² Zê bɨn bé a baasi joʼo mpʉ Zyɛm a sa ó, me diʼe syɛl mosa we e? Nye a si kʉ lɛʼle me ncwɨncwɨa we, me nkʉʼ be bɨn e nyɔm lé eloŋlo jwɨʼ ye.

Éfɛsɔs 3:2 ပူးပေါင်းရင်းမြစ်များ

1 Timotɛ 1:11

Lɛ́ʼlá mpâ waá, wé ó waá dí eduho ɨ́ Mbɨambɨa Lɔ́ɔ dí e kûm wɨ́. Nzyɛ̌m mɨ́ná dí esêʼle nyá, mʉr tɨ̂ʼ ó b'á tímle me lɔ́ɔ waá ó, me túnaa wê.

2 Timotɛ 1:11

Mbɨambɨa Lɔ́ɔ waá ó mé dí etúno wɨ̂, ebě, Nzyɛ̌m á si tyêl me ɨ́ dǐ lɛ́a lɔ́ɔ wé, le yaá mʉ̂r milʉ́mlʉ́ wé, le yaá lɛ̂ʼla.

Rôm 1:5

Nzyɛ̌m á si cwɨ́a e bɨ̌h ɨ́ nzɨ̌ mé Yésʉs-Krîst, le etyêl bɨ́h bʉr o mílʉ́mlʉ́ bé, lɨ́ esú é bíkúl bíbyɛ̂h, ó byé dyéʼee koo e né, le esâ nyé mejóʼo. Nye á sâ bɨ̌h syɛ́ɛla yaá ó, lɨ́ esú lé édwe díé é Mwân wé kûm.

Éfɛsɔs 4:7

Mɨná gá óbɛ̂h, bé á be ó sí bi míndwéá mimbi mimbi lɨ́ edû mpʉ̌ Krîst nyɨɛ á ntɨh mɨná gá myǎ yɨ́.

1 Korɛnt 4:1

Bɨ̌n bé ɨ́ jala le eláa bɨ́h bɨɛ mpʉ ósyɛ̂l o mésâ mé Krîst, bʉr o dí egʉ́a ébaʼlě lwǐb ódîm mé Nzyɛ̌m bá.

Éfɛsɔs 1:10

Bijwɨʼ byé byaá, byé á nze ka gwíhɔɔ ó, píe bijɔʼ byé á jala le elaa bí, byé á sil elaa yɨ́. Nzyɛ̌m á boo tíʼe ɨ́ léme ó, bisâ bi dí ɨ́ jʉ́o, le ejwoo, le ɨ́ sí yɨ̂ʼ bí, bíbyɛ̂h, byé ɨ́ jala le eswâl ó, ɨ́ jwɨ́ɨ́ mʉ̂r ngwár, Krîst.

Galásia 1:13

Bɨ̌n bé á be ó sí jóʼǒ lɔ́ɔ dí edumo e me wɨ́. Bɨ̌n bé lɨ́ egʉ́ǎ mpʉ mé á titiʼe mélú mé épíhe yɨ́, jɔʼ mé á be, me dína lɨ́ edû métum mé óYúden yɨ́. Bɨ̌n bé lɨ́ egʉ́ǎ mpʉ mé á titíble Mbɛ̌r-Nzyɛ̌m yɨ́. Me á bɨbe e gwɨ́má ó, mě gbǎh ó wê.

Mɨlʉmlʉ 22:21

Nó ó Tî Yésʉs á ka lɛ́ɛ e me ó: “Tóʼ, ebě, me múo nzě tyen gó lɨ́ ejaa, ɨ́ nko bʉ̂r o dí abe óYúden bá di yɨ́.”»

Mɨlʉmlʉ 13:46

Nó ó Pɔ̂l bé e Banabâs, bé á lwib e bé ɨ́ kpɛŋlɛm, abáawo mʉ̂r ó: «Yé á jɨ ó, lɔ́ɔ́ mé Nzyɛ̌m, wé nyɛ́ɛ túnɔɔ kwá nyɨ́n, oYúden. Sâ gwár, bɨ̌n bɨɛ, bɨ́ beně lɔ́ɔ waá, bɨ̌n bɨɛ lɨ́ ebee ó, bɨ̌n bé ajala le ebǐ twǐʼ njʉ̌m dǐ. Yé bé nó wá, beyɨɨ gá, bɨ̌h bɨ́ laa, lɨ́ etó túnǒ lɔ́ɔ́ mé Nzyɛ̌m waá ɨ́ mesí mé bʉ̂r oswîh.

Mɨlʉmlʉ 13:2

Ádwií ɨ́ gúú móhó, ɨ́ jɔʼ bé á be lɨ́ edwe Tî Yésʉs kûm le eti méde yɨ́ nɛ́ɛ: Sísǐm mé Nzyɛ̌m nzě lɛ́ɛ e bé ó: «Tyélɨ́ɨ́ gá me Banabâs, bé e Saʉ̂l, lɨ́ empah. Bé séaa syɛ́ɛ́ mé á jébe bé ó, bé tô séa yɨ́.»

Mɨlʉmlʉ 9:15

Nó ó Tî Yésʉs á lɛ́ɛ e né ó: «Tóʼ, ebě, me á si twâr mʉ̌r nɨ̌. Lɔ́ɔ́ wâm, wé ótó lɛ́ɔɔ kwá byúú bíkûl bi bʉ̂r ó, ɨ́ nzɨ̌ nyé. Nye ólɛ́ɛ ntémé ojwɨ́ɨ́ bɔ́ɔ́ wǎ, bé e bʉr o b'Ɨ́zraɛ̂l.

1 Timotɛ 2:7

Nzyɛ̌m nzě tyêl mé ɨ́ bidǐ bibá: yaá lɛ́a lɔ́ɔ wé, ti e yaá mʉ̂r milʉ́mlʉ́ wé. (Mě lɛ́ɛ́ ó, otyeetye; mé alɛ́ɛ bíbɛr.) Me ó lɛ̂ʼla lɨ́ esú é bʉ̂r o dí abe óYúden bá, lɨ́ edwe bé metwɨ́ɨ́ ɨ́ nzɨ̌ búʼó yɨ́ná, le otyeetye mé Nzyɛ̌m.

1 Timotɛ 1:4

Go e lɛ́ɛ́ bé ó, bé ayɨ́ dû nzɨ́ bikɨkɛna. Bé sá ajóʼo ólɔ́ɔ o bíntán ó mímbɛ̌r mi bʉ̂r, sá dí abe le odumo yɨ́. Bisâ byaá, byé dulo ó nzyɛ́ɛ́lá mecwíí. Ɨ́ páʼ mé Nzyɛ̌m, byé abe e nyɔm. Mɨná nyɨɛ́ lóŋló syɛ́ɛ́ yé ó, ɨ́ nzɨ̌ búʼó yɨ́ná.

Kolosi 1:6

Mbɨambɨa Lɔ́ɔ, wé lɨ́ emyɛma le etɨ́e bʉ̂r metum medwân ó, ɨ́ sí yɨ́yɛ̂h mpʉ wé dí esâ ɨ́ sɔ́má yɨ́n, táare ɨ́ jɔʼ ésôʼ bɨ́n á nyɛɛ jóʼo wé yɨ́. Bɨ̌n bé á be ó sí jóʼo bʉ̂r lɨ́ elwǐb lɔ̌b mpâm mé Nzyɛ̌m. Bɨ̌n bé á si gwa kʉ jɨ̂ʼ le egʉ́a lɨ́ otyeetye sá nyé dí yɨ́.

Kolosi 1:4

Nó ó, bɨ̌h bé á si jóʼo lɔ́ɔ́ búʼó bɨ́n dí ebúʼlǎ Yésʉs-Krîst, le kpɛ̌l bɨ́n dí ekpɛl óbûʼla yɨ́.

Éfɛsɔs 4:21

Bɨ̌n bé á si gwa kʉ jóʼo sá yɨ́yɛ̂h dí edumo e né yɨ́. Bɨ̌n bé á si lɛ̂ʼlɔɔ ɨ́ díé lé tʉ́ŋlʉ̌. Bé á lɛ̂ʼle bɨ̌n ó, bɨ̌n dúʼoo otyeetye dí ɨ́ milɔ̌b mé Yésʉs wɨ́.

Éfɛsɔs 3:8

Ɨ́ sɔ́má bʉ̂r o bɨ́h le onɔ́ɔ́ dí egúmo e Nzyɛ̌m bá, bʉ́ʉ́ bɨ́bɛ̂h ó dí ejala le enyɛɛ́ gbáŋɔɔ ɨ́ nkɔb. Damá jóʼo nó, Nzyɛ̌m á si lɛ̂ʼle me mpam nyé, ó me túnaa Mbɨambɨa Lɔ́ɔ́ mé Yésʉs-Krîst kwá bʉr o dí abe óYúden bá, ó bé gʉ́ŋaa okúm le ogbaǎ Krîst dí enze mɨ́ná gá e wǎ wɨ́, nzamedwah e mpʉ wé dí agʉ́ŋɔɔ wɨ́wɛ̂h yɨ́.

Rôm 12:3

Nzyɛ̌m á si lɛ̂ʼle me mpam nyé. Ɨ́ mpam nyaá ó mé dí elɛ́ɛ e mʉr nyɨnyɛ̂h dí ɨ́ sɔ́má yɨ́n nyá ó: mʉ̌r sá abuú láa nyé mʉr tɨ̂. Nye sêʼlaa nye mʉr tɨ̂ʼ, antaa sʉ́ŋa. Mʉr nyɨnyɛ̂h, nye pâhlaa nye mʉr tɨ̂, nye nkʉ̂ gʉ́ǎ mbi mʉ̂r nyé dí wɨ́, lɨ́ edû mbǐ búʼó Nzyɛ̌m á gbâ nye ɨ́ léme wɨ́.

Rôm 11:13

Ɨ́ báánâ, me mû ó lɨ́ enzě lwib e bɨ̌n, bʉr o dí abe óYúden bá. Me ó mʉr milʉ́mlʉ́ Nzyɛ̌m á lómlo bʉr o dí abe óYúden bá nyá. Me lɨ́ ekʉ́ buú nkʉ́na ɨ́ lɔ̌b syɛ́ɛ́ mé dí eséa lɨ́ esú lɨ́n ó,

Éfɛsɔs 3:7

Nzyɛ̌m á si kʉ bu séa e nkul nyé kwá nyǎm ɨ́ buo buo, e nzɨ̌ mpam nyé. Nye á si dwe me sɔ̂ʼ, abe e myɛ́na. Sá tɨ̂ʼ, yé á be ó dǐ syɛ̂l mesâ wé.

Éfɛsɔs 3:9

Nye á dwe me syɛ́ɛ́ ntémé ó, me pâʼlaa jwɨʼ nyé á boo tíʼe ɨ́ lémé wé yɨ́, pyêl yé ɨ́ myɛ́n. Nzyɛ̌m, mʉr á kuho bisá bíbyɛ̂h nyá, á nyɛɛ sol jwɨʼ yé yaá ɨ́ mimbú mí píhe ó, bʉr jóʼaa sɔ̂ʼ njɨ lwǐb ódîm, yé omér.