Éfɛsɔs 3:19 - Kálar Nzyɛ̌m : Ejwán é Sáá

¹⁹ Mě jɨʼlá ntémé e Nzyɛ̌m ó, bɨ̌n gʉ́ŋaa mpwaʼ kpɛ̌l mé Krîst dí elaǎ sá yɨ́yɛ̂h mɨ́ná dí e nkul egʉ́a gá yɨ́, tó pyâl ɨ́ jɔ̌ʼ Nzyɛ̌m óbe, nye mû sí lóŋlo bɨ́n e sá nyé mʉr tɨ̂ʼ dí lwɨ́ŋlá e yé yɨ́.

Kálara Zyɛ̌m Edwán é mpʉ̌n

¹⁹ Me ejwɨʼla nteme e Zyɛm ó, bɨn gʉŋa mpwaʼ kpɛl mo Krɨst lé elaa sa yiyɛh bɨna ndɨ e nkul egʉa ga ɛ, to pyal é jɔʼ Zyɛm óbe si loŋlo bɨn mpʉ mo nye, mʉr ndɨ lwɨŋla ɛ.

Éfɛsɔs 3:19 ပူးပေါင်းရင်းမြစ်များ

Éfɛsɔs 1:23

Mbɛ̌r-Nzyɛ̌m, wé ó nyʉ̂l mé Krîst. Krîst, nye ó lwɨ́ŋlá ɨ́ Mbɛ̌r-Nzyɛ̌m ɨ́ gúmó yɨ́yɛ̂h. Krîst ngwár e ngwár waá ntémé ó dí elóno ɨ́ mpóʼo nyɨnyɛ̂h nyá.

Kolosi 1:10

Nó ó, bɨ̌n bé óbɛ̌m tyě mpʉ Tî Yésʉs dí ekpɛl yɨ́, le esâ ɨ́ jɔʼ yɨ́yɛ̂h sá nyé dí ekpɛl yɨ́. Bɨ̌n bé ótô dóló le egúmo mímpaŋ mi mpúmó ɨ́ bisyɛ́ɛla bimpâ bín bíbyɛ̂h. Tóʼ gá dóló le egwɨ́e ɨ́ pɨʼ le ngwɨ́á mé Nzyɛ̌m.

2 Korɛnt 5:14

Sá dí etíne bɨ́h, ó bɨ̌h túnaa Mbɨambɨa Lɔ́ɔ́ mé Nzyɛ̌m yɨ́, yé ó kpɛ̌l Krîst á gbâ bɨ̌h ɨ́ miléme yɨ́. Mbeá wɨ́h, wé ó, mpʉ mʉ̂r ngwár á dwe lɨ́ ebúra e bʉr bɨ́bɛ̂h yɨ́, yé lɛ́ʼlé mɨ́ná gá ó, bʉr bɨ́bɛ̂h, bé á si dwe.

Yʉanes 1:16

Mɨná gá óbɛ̂h, bé á be ó sí bi émbɨa lé ndu e mpam nyé ɨ́ buo buo.

Filipi 4:7

Nzyɛ̌m óbaʼle mílémé mín ti e misísǐm mín ó e nzɨ̌ mepyɛbla mé. Milémé mín lónaa ɨ́ mepyɛbla ɨ́ mpúhlá nyɨ́n e Yésʉs-Krîst, ebě, mepyɛbla mé Nzyɛ̌m dí entaa ócwóó wɨ́wɛ̂h má, mé óbaʼle mílémé mín ti e misísǐm mín ɨ́ Yésʉs-Krîst.

Galásia 2:20

Ntʉ mé dí etiʼe ɨ́ báánâ. Yésʉs-Krîst ó dí etiʼe tʉ́ŋlʉ̌ nyʉ̂l nyǎm. Twiʼ mé dí etiʼe ɨ́ sí yɨ̂ʼ yɨ́, mě tiʼé yé ó, njɨ ebe mé dí edyɛ̂ʼwo e Mwân mé Nzyɛ̌m. Nye á si kpɛl me, nzě syɛ́ɛlǎ twiʼ yé lɨ́ esú é twiʼ yâm.

Éfɛsɔs 5:2

Kpɛlaa gâ, mpʉ̌ Krîst á kpɛl mɨná gá yɨ́. Nye á si syɛ́ɛla twiʼ yé lɨ́ esú é bícwiʼ gá bíná. Nye á dwe twiʼ yé ó, nye díʼee mpʉ tír bé dí etíʼě Nzyɛ̌m tâŋ ndwéá nyá. Ndwéá waá, wé e menumó Nzyɛ̌m dí ɨ́ buú kpɛl má.

Éfɛsɔs 3:18

Nó ntémé ó, bɨ́n e bʉr o mé Nzyɛ̌m bɨ́bɛ̂h ngá bi nkûl egʉ́ǎ kpɛ̌l ápurapúrǎ Krîst dí e yé ɨ́ páʼ gá nyɨ́ná yɨ́. Bɨ̌n gʉ́ŋaa mpʉ̌ kpɛ̌l yé dí esúʼo mɨ́ná gá ɨ́ menzɨ̌ mɨ́mɛ̂h yɨ́: le ebére kʉ́, le esulo sí, le ebwǎʼ bwaʼáa, le ejaá jaŋáa yɨ́.

2 Pyɛr 3:18

Tóʼ gá dóló le egwɨ́e ɨ́ mpam mé Tî gá wɨ́ná Yésʉs-Krîst, dí ntémé Tiʼbʉr gá wɨ́ná nyá. Bɨ̌n e gwɨ́é ntémé, ebě, bɨ̌n bɨ́ gʉ́a nyé ɨ́ pébébé. Nye omér ó dí ejala e kûm, táare ɨ́ jɔʼ yɨ̂, tó kumo ɨ́ twǐʼ njʉ̌m dǐ. Amɛn.

Yʉanes 17:3

Twǐʼ njʉ̌m dǐ, yé ó, bé gʉ́ŋaa go, gua mpǎŋ Nzyɛ̌m dí ngwár e ngwár nyá. Bé gʉ́ŋaa ntémé Yésʉs-Krîst, mʉr gó á lómo nyá.

Mataos 5:6

Metyɛʼ me mpóm, mé díʼee e bʉr o dí ejóʼǒ dwéh le ebuú gwɨ̂m ésâ bísyɛ́ɛla bi dí tîtyěl bí bá, ebě, Nzyɛ̌m ólóŋlo bé yǎ.

Éfɛsɔs 5:25

Bɨ̌n bʉrʉ̂m, mʉr nyɨnyɛ̂h, nye kpɛ́lɨɨ mʉmá wé mpʉ̌ Krîst á kpɛl Mbɛ̌r-Nzyɛ̌m yɨ́. Nye á si dwe twiʼ yé, lɨ́ ebúra e Mbɛ̌r-Nzyɛ̌m.

Filipi 1:7

Yé jala ó, me pâhlaa lɔ̌b wɨ́n ɨ́ mbi waá, ebě, me lɨ́ ecwɨ́a e bɨ̌n ɨ́ buo buo. Nzyɛ̌m á si cwɨ́a e mɨná gá óbɛ̂h jwɨʼ gwár. Damá jóʼǒ mpʉ mé dí mbʉʼ yɨ́, damá jóʼǒ mpʉ mé dí eboʼlǒ Mbɨambɨa Lɔ́ɔ́ mé Nzyɛ̌m yɨ́, metyɛʼ me mpóm mé Nzyɛ̌m, mé lɨ́ eswɨɨ ɨ́ mɨná gá ó tɨ̂.

Rôm 8:35

Nzé ókoʼo lɨ́ ebɛ̂ʼ páʼ gá nyɨ́ná e Yésʉs-Krîst, mʉr á bu kpɛl mɨná gá nyá? Nzê mitúú e mindɛ̌l? Nzê tíblá, nkʉ̂ nza? Nzê sɔ́ɔlʉ mímbôr, nkʉ̂ dɔm, nkʉ̂ pasoŋ? Kʉ́ kâr káráa!

Rôm 8:39

damá be bísâ bi dí ɨ́ jʉ́o kʉ́, nkʉ̂ byaá bi dí ɨ́ sí tʉ́ŋlʉ̌ bí, damá be wáǎ mbǐ sɔ̂ʼ Nzyɛ̌m á komlo yɨ́, tó tôʼ. Sâ gwár dí ɨ́ sɔ́má yaá yɨ́, yé ákóʼó bɛ̂ʼ páʼ gá nyɨ́ná e Nzyɛ̌m, mʉr dí elɛ̂ʼlě kpɛ̌l yé ɨ́ nzɨ̌ mé Yésʉs-Krîst, Tî gá wɨ́ná nyá.

1 Pyɛr 1:8

Bɨ̌n bé lɨ́ ekpɛl nyé, bɨ̌n l'apǎ bee yɨ́ɛ nye. Bɨ̌n bé lɨ́ edyɛ̂ʼwo e né, damá be ó bɨ̌n dína ó, apǎ bee nyê, nzě pyâl ɨ́ báánâ. Ɨ́ tɨ̂, diʼee gá lwɨ́ŋlá e bisʉhʉʉ. Sohaa gá ɨ́ mbi mʉ̂r dí abe e nkul ejwɨʼ, nkʉ̂ lɛ́ɛ byé wɨ́. Kûm, nyě e bɨ̌n tɨ̂.