Éfɛsɔs 3:16 - Kálar Nzyɛ̌m : Ejwán é Sáá

¹⁶ Mě jɨʼlá e né ó, nye gbâʼ bɨ̌n nkul ɨ́ milémé mín tʉ́ŋlʉ̌ e nzɨ̌ Sísǐm wé lɨ́ esú ó, bɨ̌n díʼee e nkul nyaá ɨ́ miléme lwɨ́ŋlá, lɨ́ edû mpwâʼ kûm nyé.

Kálara Zyɛ̌m Edwán é mpʉ̌n

¹⁶ Me ejwɨʼla e nye ó, nye gbaʼ bɨn nkul é monyʉl é zi Sisim we é l'efu ó, bɨn diʼe e tɨʼ lwɨŋla, lé edu mpwaʼ kum we.

Éfɛsɔs 3:16 ပူးပေါင်းရင်းမြစ်များ

Kolosi 1:11

Bɨ̌h jɨjɨʼlá e né ntémé ó, nye tyɛ́bɨɨ bɨ̌n ɨ́ miléme, ó bɨ̌n séaa bisyɛ́ɛ́ bí nkûl mimbi mímyɛ̂h e nkul ɨ́ buo buo nyé dí e né nyɨ́. Bɨ̌n sɨ̂sea nó ó e bíhwó, le esia e mitúú, ti e bisʉhʉʉ.

Filipi 4:13

Mě e nkul esâ bísá bíbyɛ̂h nó ɨ́ nzɨ̌ mé Krîst, mʉr dí edwe mé nkul nyaá nyá.

2 Timotɛ 4:17

Tî Yésʉs ó b'á kɛm me, le egbâ mé pîm ɨ́ búʼó. Nye á sâ nó ó, nye nkʉ̂ swâhlě túnó waá ɨ́ nzɨ̌ nyǎm, le esâ ó, bʉr o bíkúl bíbyɛ̂h nkʉ̂ jóʼo wê. Nó ntémé ó mé á pɛʼɔɔ ɨ́ nǔm ngbampɨɨ yɨ́.

2 Korɛnt 4:16

Sá tɨ̂ʼ ó nyʉ̂l dí atyɛʼ bɨ́h yɨ́. Damá jóʼǒ mpʉ bɨ́h mû lɨ́ ekʉ́ bo ɨ́ nkǒ páʼ nyʉ̂l dí enyɨ̂n kʉ̌l nyɨ́ yɨ́, sâ gwár, nyaá tʉ́ŋlʉ̌, nye lɨ́ etô le edwánwǒ móhó wɨ́wɛ̂h.

Éfɛsɔs 6:10

Ekǎn lé épíhé mé mû o nzě lɛ́ɛ bɨ́n lɨ̂, lé ó, bɨ̌n gbâʼ nkul ɨ́ mpúhlá nyɨ́n e Tî Yésʉs. Biʼee gá pîm nɨ́nɨ́ɨ́, duho e né.

2 Korɛnt 12:9

Nó nyé á ka yala e me ó: «Ncwɨ́ncwɨ́a mé dí elɛ̂ʼle gó nyɨ́, nyɨ́ jala e go, ebě, nkul nyǎm kʉ́ nyɨnyɨ̂n ntinɨ̂ e ntinɨ̂ ó, ɨ́ jɔʼ nyé gbáŋɔ́ɔ́ ɨ́ mʉr dí ɨ́ tyɛʼ nyá yɨ́.» Nó mé ókpɛl énkʉ́na ɨ́ lɔ̌b étyɛʼ lâm ɨ́ mbi ngá sahle wɨ́ yɨ́. Nó ntémé ó nkûl mé Krîst ódi ɨ́ me yɨ́.

Filipi 4:19

Nó ó, Nzyɛ̌m wǎm, nye ólóŋlo bɨ́n bisá bɨ́n dí esáa bí, dwe bɨ́n byǎ ɨ́ buo buo, lɨ́ edû mpwâʼ okúm wé. Nye ósâ nó lɨ́ esú lɨ́n, bʉr o dí ɨ́ mpúhlá e Yésʉs-Krîst bá.

Rôm 7:22

Lémé wâm wɨ́wɛ̂h, me lɨ́ ekʉ́ jóʼo bísʉhʉ lɨ́ epɨpahle métié mé Nzyɛ̌m.

1 Korɛnt 16:13

Diʼee gá ɨ́ mpʉ̂n. Mʉ̌r sá apɨ́ŋla ɨ́ búʼó. Diʼee gá e lémé nkɔ́ɔ́. Diʼee gá e nkul.

Rôm 9:23

Nzyɛ̌m á kpɛl ntémé ó, bʉr gʉ́ŋaa ó, nyě e kûm nɨ́nɨ́ɨ́. Nye ókab mɨ́ná gá kûm nyaá, mɨná gá, bʉr o nyé á kpɛl ecwɨ́a e bé bá, ebě, mɨná gá bé ó baá nyé á boo komlo ó, nye ókab bé kûm nyaá bá.

Kolosi 1:27

Ebě, Nzyɛ̌m á be lɨ́ ekpɛl élɛ̂ʼle bé jwɨʼ nyé á be e yé mesǒ yɨ́, jwɨʼ dí ɨ́ buú mbɨa, yaá dí e nyɔm lɨ́ esú é bíkúl bíbyɛ̂h yɨ́. Solá jwɨʼ yaá, yé ó: Krîst, nye mû ó sí pûhla e bɨ̌n. Bɨ̌n mû e mpûʼla ɨ́ miléme ó, bɨ̌n óbi kûm tɨ̂.

Éfɛsɔs 3:8

Ɨ́ sɔ́má bʉ̂r o bɨ́h le onɔ́ɔ́ dí egúmo e Nzyɛ̌m bá, bʉ́ʉ́ bɨ́bɛ̂h ó dí ejala le enyɛɛ́ gbáŋɔɔ ɨ́ nkɔb. Damá jóʼo nó, Nzyɛ̌m á si lɛ̂ʼle me mpam nyé, ó me túnaa Mbɨambɨa Lɔ́ɔ́ mé Yésʉs-Krîst kwá bʉr o dí abe óYúden bá, ó bé gʉ́ŋaa okúm le ogbaǎ Krîst dí enze mɨ́ná gá e wǎ wɨ́, nzamedwah e mpʉ wé dí agʉ́ŋɔɔ wɨ́wɛ̂h yɨ́.

Éfɛsɔs 1:18

Nye bɛ́yɨɨ bɨ̌n mîh me dí ɨ́ milémé mín tʉ́ŋlʉ̌ má, ó bɨ̌n gʉ́ŋaa metʉ́m bʉ̂r ó Nzyɛ̌m á jébe bá, dí ebóno e né má. Bɨ̌n gʉ́ŋaa ntémé kûm nɨ́nɨ́ɨ́ bɨ́n ngá nʉa, jala e nkɔb líʼe nyɨ́n nyɨ́. Nyě komó ékʉ̌m laá ɨ́ buo buo ó, lɨ́ esú lé édwe bʉ̂r bɨ́bɛ̂h o dí egúmo e né bá.

Mataos 6:13

Ayɨ́ bîr ó, bɨ̌h níʼee ɨ́ mebʉ́blá. Syɛbɨɨ bɨ́h ɨ́ mebó mé Sátan.”»

Éfɛsɔs 1:7

Mwân waá ó b'á pyêl metié mé, ntɔ̂ʼ búra e mɨná gâ. Nye á sâ nó ó, nye táŋaa góo, ó nye dwíhɨɨ mɨná gá ɨ́ mpila ébébe. Nye ó b'á sâ ntémé ó, Nzyɛ̌m pɛ́ʼɛɛ bibaa bí ébébe nyé á niʼe mɨná gá bí. Nzyɛ̌m á sâ mɨná gá bisyɛ́ɛla byaá ó, lɨ́ elɛ̂ʼle mɨ́ná gá mpwaʼ mpam nyé.

Ebrœ̂ 11:34

Bé á si díme medíʼe, le ekɨ̂ŋ ópasoŋ ebě búʼó yɔ́ɔ́. Bé á nyɛɛ be ɨ́ tyɛʼ, ntɔ̂ʼ bi pîm ɨ́ menyʉ̂l ebě búʼó yɔ́ɔ́. Bé á lwímla mɔm ntémé, le eso bísɔ́má bí mɔ̂m bíbyɛ̂h ó, ɨ́ nzɨ̌ búʼó yɔ́ɔ́.

1 Pyɛr 3:4

Ojaá wɨ́n, wé ɨ́ jala le ebe ó, waá o tʉ́ŋlʉ̌, mbi ójaa dí abe e nkul ekúrwo wɨ́. Lémé wɨ́n díʼee ɨ́ tala tala, ɨ́ pyɛɛɛ. Mbi ójaá waá ó dí ɨ́ buo ódimé ɨ́ míh mé Nzyɛ̌m.

Éfɛsɔs 2:7

Nye á cwɨ́a e mɨná gá nó ó, lɨ́ esú lé élɛ̂ʼle mímyǎ mímyɛ̂h mi dí ebyɛ̂l mí, kpɛ̌l yé dí ápurapúra, dí elaa byúú bíkpɛ̌l bíbyɛ̂h yɨ́. Nye á sâ mɨná gá embɨa laá ó, ɨ́ mpúhlá gá nyɨ́ná e Yésʉs-Krîst.

Rôm 2:29

Mpǎŋ Yúden, nye ó waá dí ɨ́ léme tʉ́ŋlʉ̌ nyá. Mpǎŋ tíʼá mpʉ́n, wé ó waá Sísǐm mé Nzyɛ̌m dí etíʼe ɨ́ lémé mʉ̂r wɨ́. Wé atíʼɔɔ ɨ́ lɔ̌b métié mé Moyɨ̂z. Mʉr dí e tíʼá mpʉ́n waá nyá, ntʉ bʉ̂r ngá gúmlo nyê. Kûm nyé, nye óduho ó kwá mé Nzyɛ̌m.

Éfɛsɔs 3:15

Mbɛ̌r bʉ̂r wɨ́wɛ̂h dí ɨ́ jʉ́o kʉ́ le kâʼ ɨ́ sí yɨ̂ʼ wɨ́, wé ó mbɛ̌r bʉ̂r Nzyɛ̌m Sɔ́ŋ á dwe njwɨr wé wɨ́.

Kolosi 2:2

Syɛ́ɛ́ mé dí eséa yɨ́, mě séá yé ó, me nkʉ̂ gbâ bɨ́n nkul ɨ́ miléme, le esâ ó, bɨ̌n kpɛ́laa, le egwá pûhla. Bɨ̌n nkʉ̂ gʉ́ǎ búʼó gá yɨ́ná ɨ́ pébébé, sá dí bɨ̌n e nyɔm ɨ́ buo buo yɨ́. Bɨ̌n gʉ́ŋaa ntémé Krîst, mʉ̌r Nzyɛ̌m á sol ɨ́ lwǐb ódîm nyá.