Éfɛsɔs 3:15 - Kálar Nzyɛ̌m : Ejwán é Sáá

¹⁵ Mbɛ̌r bʉ̂r wɨ́wɛ̂h dí ɨ́ jʉ́o kʉ́ le kâʼ ɨ́ sí yɨ̂ʼ wɨ́, wé ó mbɛ̌r bʉ̂r Nzyɛ̌m Sɔ́ŋ á dwe njwɨr wé wɨ́.

Kálara Zyɛ̌m Edwán é mpʉ̌n

¹⁵ Nyɛɛ Zyɛm Sɔŋ ó ndɨ edwe bʉr o ndɨ é jobo kʉ ɨ, e bɨbɛn ndɨ é si nwaʼ ɛ, bɨbɛh mɨnjwɨr myɔɔ.

Éfɛsɔs 3:15 ပူးပေါင်းရင်းမြစ်များ

Éfɛsɔs 1:10

Bijwɨʼ byé byaá, byé á nze ka gwíhɔɔ ó, píe bijɔʼ byé á jala le elaa bí, byé á sil elaa yɨ́. Nzyɛ̌m á boo tíʼe ɨ́ léme ó, bisâ bi dí ɨ́ jʉ́o, le ejwoo, le ɨ́ sí yɨ̂ʼ bí, bíbyɛ̂h, byé ɨ́ jala le eswâl ó, ɨ́ jwɨ́ɨ́ mʉ̂r ngwár, Krîst.

Éfɛsɔs 1:21

Nzyɛ̌m á dil nye ɨ́ mecwɨ́ɨ́ mé jwɨ́ɨ yaá ó, kʉ́ misísǐm mí édúrʉ́ʉ́ mi dí milʉ̂ mí, le myaá mi dí e nkul jwɨ́ɨ mí, le myaá mi dí e pîm mí, le myaá mi dí e menkul ménɨ́nɨ́ɨ́ mí. Krîst ó dí e díe e dí ɨ́ buú gúmlɔɔ lɨ́. Díe laá ó dí elaa míé mɨ́mɛ̂h bʉ̂r dí ekɛn ɨ́ mpóʼo sí yɨ̂ʼ má, le maá bé ókɛn ɨ́ mpóʼo ngá tyélɔɔ nyɨ́ má.

Mɨngwiha 3:12

Baá bé óntaa, búla le onkɔ́ɔ́ bá, me ótyêl bé mpʉ médwii ɨ́ mbɛ̌r me Sɔ́ŋ wǎm. Bé ótyɛ̂b ɨ́ lyahwó. Yé ákǎ be e sá yé ópyêl bé tɨ̂. Me ócɛma díé mé Nzyɛ̌m ɨ́ menyʉ́l mɔ́ɔ́. Me ócɛma ntémé díé é nkana mé Nzyɛ̌m, yaá dí edwán é Yerʉ́zalɛm yɨ́. Nzyɛ̌m óntɨ̌h nkana yaá kâʼ sí, duho ɨ́ jʉ́o kʉ́. Me ócɛma ntémé edwán é díé lâm ɨ́ menyʉ́l mé bʉ̂r baá.

Mɨngwiha 2:17

Mekǎn Sísǐm dí elɛ́ɛ bʉ̂r ó Mbɛ̌r-Nzyɛ̌m má, mé ó ménɨ̌. Mʉr nyɨnyɛ̂h dí e megwǎl mé éjóʼo nyá, nye jóʼaa náǎ. Mʉr nyɨnyɛ̂h óntaa, búla le onkɔ́ɔ́ nyá, me ódwe nyé mede dí eduho ɨ́ jʉ́o kʉ́ má. Mede maá, mé ó lɨ́ esǒ. Me ntémé ódwe nyé ekóʼ épúmó. Díé lé, lé óbe ó tɨ̂ʼ cɛmá. Díe laá, lé ó edwán é díé lé. Nyʉ́ʉ́ mʉ̂r swîh, nyé abe e nkul egʉ́a lê, njɨ waá dí ebi lé nyá.

Kolosi 1:20

Nye á tíʼe ntémé ɨ́ lémé wé ó, milɔ̌b mi dí páʼ bé e bʉr bɨ́bɛ̂h mí, nyě komló myé ó, ɨ́ nzɨ̌ Mwân wé. Nzyɛ̌m á sâ saá e bʉr ó, ɨ́ nzɨ̌ metié me Mwân wé á dwe ɨ́ kolôs kʉ́ nyá. Damá jóʼo bísâ bi dí kâʼ sí bí, damá be byaá bi dí ɨ́ jʉ́o kʉ́ bí: Nzyɛ̌m á gbâ bʉr bɨ́bɛ̂h mepyɛbla ɨ́ miléme ó, duho lɨ́ eswɨɨ e métié mé Krîst mé á swɨɨ sí lɨ́.

Mɨlʉmlʉ 11:26

Jɔʼ nyé á bee nye yɨ́, nye ntɔ̂ʼ búla e né, bé e nɔ́ɔ́ nzě tô Antiôs. Bê nzě séa nzyɛ́ŋá ɨ́ Mbɛ̌r-Nzyɛ̌m tɨ̂ mbû ntinɨ̂. Ɨ́ jɔʼ yaá yɨ́yɛ̂h, bé á bɨbe lɨ́ edwe bʉ̂r ɨ́ buo buo milɛ́ʼlá. Tɨ̂ʼ Antiôs ó bé á nyɛɛ jébe ompʉ́n mé Yésʉs “okrǐsten” yɨ́.

Éfɛsɔs 3:14

Sɨ́ǎ yaá ó mé dí ebɨʼ mébóó ɨ́ míh mé Nzyɛ̌m Sɔ́ŋ, jɨʼla e né ɨ́ lɔ̌b wɨ́n yɨ́.

Éfɛsɔs 3:16

Mě jɨʼlá e né ó, nye gbâʼ bɨ̌n nkul ɨ́ milémé mín tʉ́ŋlʉ̌ e nzɨ̌ Sísǐm wé lɨ́ esú ó, bɨ̌n díʼee e nkul nyaá ɨ́ miléme lwɨ́ŋlá, lɨ́ edû mpwâʼ kûm nyé.