Éfɛsɔs 3:13 - Kálar Nzyɛ̌m : Ejwán é Sáá

¹³ Sá tɨ̂ʼ ó mé dí ebene ó, bɨ̌n jóʼaa mebúʼ ɨ́ mitúú mé dí esia e myé lɨ́ esú lɨ́n mí yɨ́. Lɨ́ otyeetye, myê bɨ̌n ó sá bɨ́n jálá le enkʉ́na tɨ̂ʼ yɨ́.

Kálara Zyɛ̌m Edwán é mpʉ̌n

¹³ Ebe no ó me lé ebene ó, monyʉl mɨn, mé cyɛʼɛ bɨn é lɔb mɨtuu me lé esia e mye é l'efu lɨn ɨ. É l'ocyecye, myé ó sa bɨn lé ejala le edoʼo e mye e.

Éfɛsɔs 3:13 ပူးပေါင်းရင်းမြစ်များ

2 Tesalonika 3:13

Ɨ́ páʼ wɨ́n, bɨ́ɔɔ́ bâm, menyʉ́l sá atyɛʼ bɨ́n píe bisyɛ́ɛla bimpâ bɨ́n dí esâ bí.

Kolosi 1:24

Báánâ, me mû ó e bisʉhʉʉ ɨ́ léme ɨ́ lɔ̌b mítúú mé dí esia e myé lɨ́ esú lɨ́n mí. Mitúú Yésʉs-Krîst á be asia e myé mí, míɛ ó mɛ̂m dí ekǎ sia e myé ɨ́ bipúno byâm bî. Mě jóʼó mégunwa me tɨ̂ʼ ó, lɨ́ esú é nyʉ̂l mé Krîst, dí Mbɛ̌r-Nzyɛ̌m nyɨ́.

2 Korɛnt 1:6

Bɨ́h síá e mitúú nó, syɛ́ɛla yaá, yé e nyɔm ɨ́ páʼ wɨ́n, ebě, yé ógbâ bɨ́n nkul ɨ́ miléme, le esâ ó, bɨ̌n tíʼaa. Bɨ́h bí nkûl ɨ́ miléme nó, yé óbe ó lɨ́ esú ó, bɨ̌n díraa nyɔm e bɨ̌h ɨ́ yʉ́ʉ́ jɔʼ. Milémé mín, myé ódirǎ nyɔm e menkɔ̌m mɨ́h ó, ɨ́ jɔʼ bɨ́n bɨɛ ngá sia e mbi mítúú mímpwár myaá yɨ́. Myé ó bɨ́n ntémé á nyɛɛ bee bɨ̌h lɨ́ esia e myé mí.

Éfɛsɔs 3:1

Nó, mɛm Pɔ̂l, mʉr dí mbʉʼ ɨ́ syɛ́ɛ́ mé Krîst ɨ́ lɔ̌b nyɔm wɨ́n, bʉr o dí abe óYúden bá nyá...

Galásia 6:9

Mɨná tôʼ dóló le esɨsâ gá bisyɛ́ɛla bimpâ, akâr. Mɨ́ná bé abîr gá bisyɛ́ɛla byaá nó, mɨná bé ódira gá nyɔm tɨ̂, píe mâ jɔʼ.

Mɨlʉmlʉ 14:22

Bê nzě gbâ ómpʉ́n nkul ɨ́ miléme, le etɨ́e bé ó, bé tôʼ le edû búʼó gá yɨ́ná. Bé e bé ó: «Mɨ́ná bé ókpɛl gá enî ɨ́ Mpóʼo mé Nzyɛ̌m nó, mɨná bé ɨ́ jala le enyɛɛ́ sia gá e mitúú e mindɛ̌l ɨ́ buo buo.»

2 Korɛnt 4:1

Bɨ̌h bé adímle nkûl ɨ́ miléme, ebě, Nzyɛ̌m á si jɨ̂ʼ bɨ̌h nkoó lɨ́ edwe bɨ́h syɛ́ɛ́ yɨ̂.

Filipi 2:18

Jwɨʼ gwár e gwár yaá ntémé e bɨ̌n, bɨ̌n bé lɨ́ esoho e me ɨ́ jɔʼ mé ndɨ́ ɨ́ bisʉhʉʉ yɨ́.