Éfɛsɔs 2:7 - Kálar Nzyɛ̌m : Ejwán é Sáá

⁷ Nye á cwɨ́a e mɨná gá nó ó, lɨ́ esú lé élɛ̂ʼle mímyǎ mímyɛ̂h mi dí ebyɛ̂l mí, kpɛ̌l yé dí ápurapúra, dí elaa byúú bíkpɛ̌l bíbyɛ̂h yɨ́. Nye á sâ mɨná gá embɨa laá ó, ɨ́ mpúhlá gá nyɨ́ná e Yésʉs-Krîst.

Kálara Zyɛ̌m Edwán é mpʉ̌n

⁷ Nye a cwɨa e bɨna ga no ó, nye nkʉʼ lɛʼle kpɛl ye ndɨ apurapura sɔʼɔ ɛ, sa lé elaa yʉʉ sɔʼɔ é mpwaʼ ɛ. Kpɛl ye yaa, yé ónyin pie e l'esie e mbi jɔʼ yi. Bɨna bé ebi ga ncwɨncwɨa we ó, é zyɛŋa ga wina boo Yesʉs-Krɨst.

Éfɛsɔs 2:7 ပူးပေါင်းရင်းမြစ်များ

Títos 3:4

Jɔʼ yaá ó Nzyɛ̌m, Tiʼbʉr gá wɨ́ná á ka lɛ̂ʼle mɨná mpam nyé yɨ́.

2 Tesalonika 1:12

Nó ó bɨ́n ódwe Tî gá wɨ́ná Yésʉs kûm, nyɨɛ ntémé dwe bɨ́n kûm yɨ́. Mɨná bé ógúmlo gá nye, le egúmlɔɔ ntémé ó, ɨ́ lɔ̌b mpâm mé Nzyɛ̌m gá wɨ́ná le Tî Yésʉs-Krîst.

Éfɛsɔs 2:4

Tó kœb ó, Nzyɛ̌m, nye ɨ́ buú jɨ̂ʼ mɨ́ná gá nkoó. Nó nyé á nze lɛ̂ʼle mɨná gá mpʉ nyé á bu kpɛl mɨná gá kpɛ̌l ápurapúra yɨ́.

Éfɛsɔs 3:5

Ɨ́ mimbú mí píhe, mimyǎ mi bʉ̂r ɨ́ buo buo, bé á bé agʉ́a épâʼlǎ solá lɔ̌b waá. Ɨ́ báánâ, Nzyɛ̌m mû kǎ gwîh wé ó e nzɨ̌ Sísǐm wé. Sísǐm mé Nzyɛ̌m nyɨɛ, nyě gwíh wé ó, kwá bʉr o mílʉ́mlʉ́ mé Yésʉs-Krîst, bé le ogwíha o mílɔ̌b mé Nzyɛ̌m. Bé gúmó ó e Nzyɛ̌m.

Éfɛsɔs 3:21

Kûm díʼee e né e nzɨ̌ Mbɛ̌r-Nzyɛ̌m ti e Yésʉs-Krîst ntémé, tó pyâl ɨ́ mimyǎ mi bʉ̂r mímyɛ̂h njʉ̌m dǐ e njʉ̌m dǐ. Amɛn.

1 Pyɛr 1:12

Nzyɛ̌m á lɛ́ɛ le ogwíha o mílɔ̌b baá ó, túnó bé á to le etúno wɨ́, wé á bé abe lɨ́ esú lɔ́ɔ́ bé bʉr o tɨ̂, ó bé gʉ́ŋaa wé ɨ́ pébébé. Bé á tyɛ̂b le túnó ɨ́ jɔʼ yaá ó, lɨ́ esú lɨ́n. Bɨ̌n ó dí edirǎ nyɔm e túnó waá ɨ́ báánâ. Bʉr o b'á to le etúno Mbɨambɨa Lɔ́ɔ waá bá, bé á tutúno wé ó e nkul Sísǐm á duho ɨ́ jʉ́o kʉ́ nyɨ́. Lɔ́ɔ́ bé á lɨlɛ́ɛ bɨ̌n wɨ́, wé ó waá bééngeles dí ɨ́ buú gwɨ̂m ésʉ médwôʼlʉ tɨ̂ʼ wɨ́.

Rôm 2:4

Nzyɛ̌m nyɨɛ yɨ́ɛ sí lɛ̂ʼle gó mpam nyé ɨ́ ntʉʉʉ́. Nye ntémé á si bee misyóm myô, alwib. Nye á si bu dûhwo myê. Nzê go mû ó lɨ́ epyêh bísyɛ́ɛla byé byaá ɛ́? Nzê gó agʉ́ǎ bím émbɨa nyé á sâ go lɨ́ ɛ́? Embɨa lé, lé ɨ́ jala le edǐb lémé gô nzɨ̌ etúmǒ koo le mebébe mô, le edwirǎ léme.

Éfɛsɔs 1:7

Mwân waá ó b'á pyêl metié mé, ntɔ̂ʼ búra e mɨná gâ. Nye á sâ nó ó, nye táŋaa góo, ó nye dwíhɨɨ mɨná gá ɨ́ mpila ébébe. Nye ó b'á sâ ntémé ó, Nzyɛ̌m pɛ́ʼɛɛ bibaa bí ébébe nyé á niʼe mɨná gá bí. Nzyɛ̌m á sâ mɨná gá bisyɛ́ɛla byaá ó, lɨ́ elɛ̂ʼle mɨ́ná gá mpwaʼ mpam nyé.