Éfɛsɔs 2:20 - Kálar Nzyɛ̌m : Ejwán é Sáá

²⁰ Bɨ̌n bé ó mpʉ̌ poro bé á lúmo ɨ́ mbɛ̌r yɨ́. Nkan mbɛ̌r nyɨɛ, nye ó bʉr o mílʉ́mlʉ́ mé Yésʉs, bé le ogwíha o mílɔ̌b mé Nzyɛ̌m. Yésʉs-Krîst mʉr tɨ̂ʼ ó dí medwii me sɔ́ŋ.

Kálara Zyɛ̌m Edwán é mpʉ̌n

²⁰ Bɨn bé ó mpʉ obrik bé a bɨr pab mbɛr e be e. Nkan mbɛr nyɛɛ ó ndɨ mɨlʉmlʉ, bé e l'ogwiha o mɨlɔb. Yesʉs-Krɨst nye mʉr tɨʼ ó ndɨ ekoʼ lé esa ó bɨpab bɨ mbɛr, byé diʼe ocɨcyel ɨ.

Éfɛsɔs 2:20 ပူးပေါင်းရင်းမြစ်များ

Mataos 16:18

Mě lɛ́ɛ́ gó ó, díé lô, lé ó: “ekóʼ: Pétrus”. Nó lɨ́ ekóʼ énɨ̌ kʉ́ ó mé ngá bonǒ Mbɛ̌r-Nzyɛ̌m wâm yɨ́. Wé lwímlá le Sátan lɨ́ ebɨ̌m e dɔ̂m lé nɛ́ɛ: bisá bí dɔ̂m byé, byé ántaa wé ɨ́ nkul.

Mɨngwiha 21:14

Bé á si gbâ mekóʼ kám e mebá tʉ́ŋlʉ̌ kôʼ waá. Bé á be ó sí cɛma míé mé bʉ̂r o mílʉ́mlʉ́ kám le obá Mâ Nteme á títye e bé bá, ɨ́ mekóʼ maá.

1 Korɛnt 12:28

Nó ó, Nzyɛ̌m á tyêl bʉr ɨ́ Mbɛ̌r-Nzyɛ̌m ó, mbi wɨ̂: ɨ́ tyé ésôʼ, bʉr o mílʉ́mlʉ́ mé Yésʉs; ɨ́ tyé mbá, ogwíha o mílɔ̌b; ɨ́ tyé lɛ̂l, olɛ̂ʼla. Píe tɨ̂, nye á tyêl ó: osyɛ̂l o mésimá, ojomo o bʉ̂r, osúʼa, ojwɨ́ɨ ó Mbɛ̌r-Nzyɛ̌m, le baá o dí elwib báayogoyogo bá.

Mataos 21:42

Yésʉs ntɔ̂ʼ lɛ́ɛ e bé ó: «Yê cɛmá ɨ́ Mekaná mé Nzyɛ̌m ó: “Ekóʼ óswim ó mbɛ̌r bé á bene lɨ́, lé ó b'á ka sûʼla ekóʼ e dí esúʼo médwii me sɔ́ŋ lɨ́. Yé á syɛ́ɛ nó ó ɨ́ nkul mé Nzyɛ̌m. Yé ó sá mɨ́ná dí ekâm gá yɨ́!” Bɨ̌n bé á bé así láa pêh yaá?» Yésʉs nzě kɛl mékǎn mâʼ ó:

Galásia 2:9

Jacques, bé e Kefâs, ndu e Yʉánɛs, bé ó b'á bu nyɨ̂n ɨ́ mîh ó, bé ó dí «medwii me sɔ́ŋ» ɨ́ Mbɛ̌r-Nzyɛ̌m. Bé á si gʉ́a lɨ́ otyeetye ó, Nzyɛ̌m á si lɛ̂ʼle me mpam nyé. Bé ntɔ̂ʼ bára e bɨ̌h e Banabâs, lɨ́ elɛ̂ʼle ó, bɨ̌h á kʉ be ó, ɨ́ mpúhlá miléme, bɨ̌h le onɔ́ɔ́. Bɨ̌h ntɔ̂ʼ di twíí ó, bɨ̌h bé ótô kwá bʉr o dí abe óYúden bá. Bɨ́ɛ, bé ótô kwá oYúden.

Éfɛsɔs 3:5

Ɨ́ mimbú mí píhe, mimyǎ mi bʉ̂r ɨ́ buo buo, bé á bé agʉ́a épâʼlǎ solá lɔ̌b waá. Ɨ́ báánâ, Nzyɛ̌m mû kǎ gwîh wé ó e nzɨ̌ Sísǐm wé. Sísǐm mé Nzyɛ̌m nyɨɛ, nyě gwíh wé ó, kwá bʉr o mílʉ́mlʉ́ mé Yésʉs-Krîst, bé le ogwíha o mílɔ̌b mé Nzyɛ̌m. Bé gúmó ó e Nzyɛ̌m.

Kolosi 2:7

Búʼó bɨ́n dí e yé yɨ́, yé páhaa mikaalé. Yé tôʼ le egwɨ́e, le ebwaʼ. Dyɛ́ʼwáá gá e búʼó gá yɨ́ná ɨ́ dyɛʼwó mpʉ bé á lɛ̂ʼle bɨ̌n yɨ́. Tóʼ le edwe gá Nzyɛ̌m nzyǒo dóló ɨ́ bisá nyé dí esâ bɨ́n bí.

1 Pyɛr 2:6

Ebě, yê cɛmá ɨ́ Mekaná mé Nzyɛ̌m ó: «Me á si pɛ̂h ekóʼ e dí ɨ́ buo ódimé lɨ́. Lé ó mê komó báánâ mpʉ ékóʼ e dí esúʼo nkân mbɛ̌r lɨ́. Waá nyɨnyɛ̂h ódyɛ̂ʼwo e lé nyá, ákóʼó kǎ soŋɔɔ.»