Éfɛsɔs 2:19 - Kálar Nzyɛ̌m : Ejwán é Sáá

¹⁹ Nó yé lɛ́ʼlé ó, bɨ̌n bé akǎ be bʉ̂r o bíkûl e biloo, nkʉ̂ ojwóo. Bɨ̌n mû ó bʉr o mpóʼo mé Nzyɛ̌m jwɨʼ gwár e gwár e bʉr o b'á nyɛɛ gúmo e né, duho myâ bá. Bɨ̌n mû ó bʉr ó mbɛ̌r bʉ̂r mé Nzyɛ̌m ntémé.

Kálara Zyɛ̌m Edwán é mpʉ̌n

¹⁹ Ebe no, bɨn bé aka be mɨndìndìl nkʉ mɨngbaalaŋa. Bɨn mu ó bʉr mo Zyɛm jwɨʼ gwar e gwar e mɨsaŋ mɨ bʉr be. Bɨn e boo nɔɔ, bé mu ó bʉr o mbɛr bʉr mo Zyɛm.

Éfɛsɔs 2:19 ပူးပေါင်းရင်းမြစ်များ

Filipi 3:20

Ɨ́ páʼ gá wɨ́ná, mɨná gá bɨ́ɛ bé ó bʉr o dí egúmo e jʉ́o kʉ́ bá. Mɨná mû ó lɨ́ ebóno gá Tiʼbʉr gá wɨ́ná. Nye ó dí Tî Yésʉs-Krîst, ngá duho ɨ́ jʉ́o kʉ́, nze kâʼ ɨ́ sí yɨ̂ʼ nyá.

1 Yʉanes 3:1

Beyɨɨ gá bím Nzyɛ̌m Sɔ́ŋ á kpɛl mɨná gá, ntaa sʉ́ŋa yɨ́! Nyɨ́ gbân mɨ́ná gâ, le elɛ́ɛ ó, mɨná gá bé ó «bwán mé Nzyɛ̌m». Mɨná gá kʉ́ bě tyeetye ó bwán bé. Bʉr ó sí yɨ̂, bɨ́ɛ, bé agʉ́a Sɔ́ŋ gá wɨ́ná Nzyɛ̌m. Sá tɨ̂ʼ ó bé dí agʉ́a mɨ́ná gá yɨ́.

Galásia 6:10

Ɨ́ mpʉ yé dí nó yɨ́, mɨ́ná bí gá epʉ́la e tɨ̂ʼ nó, mɨná gbâʼ gá nkul ó, mɨná cwɨ́aa gá e bʉr bɨ́bɛ̂h. Sâ gwár, kʉ́ buú cwɨ́a gá e bʉr ó Mbɛ̌r-Nzyɛ̌m gá wɨ́ná, dí bʉr ó búʼó gwár bá.

Éfɛsɔs 2:12

Símsáá gá ntémé mpʉ bɨ́n á nyɛɛ bɨbě dǐ gwár yɨ́. Bɨ̌n e Krîst, bé á bé apǎ pûhla. Bɨ̌n bé á si pɨ́mɔɔ ɨ́ kúl bʉ̂r o b'Ɨ́zraɛ̂l. Ɨ́ nkǒ páʼ sáá Nzyɛ̌m á sâ nyɨ́, ti e menkɛ̌ʼ mé, bɨ̌n bé á be ó, bʉr o bíkúl bíswîh, abe e bá nkɔ̂b tɨ̂. Ɨ́ jɔʼ yaá yɨ́yɛ̂h, bɨ̌n bé á bé abe e mpûʼla ɨ́ miléme. Ɨ́ sí yɨ́yɛ̂h, bʉr o bíkúl bín, bé á bé agʉ́ǎ Nzyɛ̌m.

Éfɛsɔs 3:6

Misolá mílɔ̌b myaá míɛ, myé ó mî: Mbɨambɨa Lɔ́ɔ mɨ́ná dí etúno gá wɨ́, wé sá ó, bɨ̌n, bʉr o bíkûl, bíʼee ntémé mepwaʼ mé Nzyɛ̌m, jala e nkɔb líʼe nyɨ́n, jwɨʼ gwár e gwár le oYúden. Bɨ̌n le onɔ́ɔ́ ó dí bitíl bí nyʉ̂l mpwár. Bɨ̌n le onɔ́ɔ́ ntémé bé óbeě mpʉ̌ Nzyɛ̌m ngá dira ménkɛ̌ʼ mé yɨ́.

Ebrœ̂ 11:13

Bʉr baá bɨ́bɛ̂h, bé á dwe ó, bɨ́ɛ lɨ́ edyɛ̂ʼwo e Nzyɛ̌m. Jɔʼ bé á dwidwe nó yɨ́, bé á bé apǎ bǐ sá nyé á kɛʼ bé yɨ́. Sâ gwár, bé á bee nkɛ̌ʼ nyaá ó, nye dína ká ká lɨ́ ejaa. Bê nzě soho nyê. Bé bʉr o tɨ̂, bé á si gʉ́a lɨ́ otyeetye ó, bé ó ojwóo ti e milaa-nkpǎʼ ɨ́ sí yɨ̂.

Éfɛsɔs 3:15

Mbɛ̌r bʉ̂r wɨ́wɛ̂h dí ɨ́ jʉ́o kʉ́ le kâʼ ɨ́ sí yɨ̂ʼ wɨ́, wé ó mbɛ̌r bʉ̂r Nzyɛ̌m Sɔ́ŋ á dwe njwɨr wé wɨ́.

Mataos 10:25

Mpʉ́n sâʼ mpʉ mʉ̂r á lɛ̂ʼle nye nyá á sâ yɨ́; syɛ̂l mesâ sâʼ mpʉ njwɨ́ɨ wé. Nó ó dí ejala yɨ́. Lʉ́ mbɛ̌r bʉ̂r sí jwɨrɔɔ díe ó, “Béelzébul” nó, yé lɛ́ʼlé ó, bʉr ó mbɛ̌r bʉ̂r waá bɨ́ɛ, bé ókǎ jwɨrɔɔ míe me dí ɨ́ buú bébe má!»

Ebrœ̂ 13:14

Ebě, ɨ́ sí yɨ̂, mɨná bé abe gá e nkana dí edǐ njʉ̌m dǐ e njʉ̌m dǐ yɨ́. Mɨná bé lɨ́ esáa gá nkana swîh, yaá dí enze yɨ́.

1 Pyɛr 2:11

Mě jɨʼlá e bɨ̌n, osó bâm ó, bɨ̌n díʼee mpʉ̌ sá lɛ́ɛ́, bɨ̌n bé ó milaa-nkpǎʼ, nkʉ̂ mpʉ ójwóo dí ɨ́ mesí mé sí yɨ̂ʼ bá. Ɨ́ nzɨ̌ nyaá ó bɨ́n ngá tí bísá bʉ̂r ó sí yɨ̂ʼ dí egwɨ̂m bí yɨ́. Bisâ byaá ó dí elwímla e misísǐm mín.