Éfɛsɔs 2:16 - Kálar Nzyɛ̌m : Ejwán é Sáá

¹⁶ Ɨ́ jɔʼ nyé á bomlɔɔ ɨ́ kolôs kʉ́ yɨ́, nye á si sâ saá páʼ gá nyɨ́ná e Nzyɛ̌m, le esâ ó, bʉr o bíkúl bíbá gá bíná byaá, díʼee mpʉ mʉ̂r ngwár. Mɨná bé á ka gwâʼ enwimla páʼ gá nyɨ́ná ó, ɨ́ jɔʼ nyé á dwe yɨ́.

Kálara Zyɛ̌m Edwán é mpʉ̌n

¹⁶ É jɔʼ nye a cyèlɔ é klos ɨ, nye a si sa sàa paʼra ga wina boo Zyɛm, lé esa ó, bʉr o bɨkul bɨba ga bina byaa, diʼe mpʉ mʉr ngwar. Bɨna bé a ka gwaʼ lé esiila paʼra ga wina ó, é jɔʼ nye a dwè e.

Éfɛsɔs 2:16 ပူးပေါင်းရင်းမြစ်များ

Rôm 5:10

Jɔʼ mɨ́ná bé á be gá ontɨ̂m le obɨn mé Nzyɛ̌m yɨ́, Mwân mé Nzyɛ̌m á si dwe lɨ́ esú gá lɨ́ná, lɨ́ esâ sáá páʼ gá nyɨ́ná e Nzyɛ̌m Sɔ́ŋ. Krîst pǎ nyɛɛ́ cwɨ́a le ontɨ̂m le obɨn bé, á dwɛʼra e mɨná gâ, bʉr o sáá nyaá! Nzyɛ̌m ókʉ́ tiʼ mɨ́ná gá e nzɨ̌ twiʼ mé Yésʉs-Krîst, Mwân wé.

Kolosi 2:14

Micɛmá myé á lɨlɛ̂ʼle mebě gá mɨ́ná mí, nyɨ́ pɛʼ myé ɨ́ mɨná gá, bomlo myé e binzâŋ ɨ́ kolôs. Micɛmá myaá, myé ó b'á lɨlɛ̂ʼle mempéné mé á lwîlwimla e mɨná gá má.

Éfɛsɔs 2:15

Nye á gbâ mepyɛbla páʼ gá nyɨ́ná ó, ɨ́ jɔʼ nyé á pɛʼ metié mé Moyɨ̂z, le mempéné ti e mityeelá mímyɛ̂h yɨ́. Nye á pɛʼ byé ó, nye nkʉ̂ nʉa bíkúl bíbá gá bíná, ntɔ̂ʼ syɛŋ byé ɨ́ nye mʉr tɨ̂, byé nkʉ̂ sûʼla édwán é kûl, nwɨɨla e mʉr ngwár.

Galásia 2:20

Ntʉ mé dí etiʼe ɨ́ báánâ. Yésʉs-Krîst ó dí etiʼe tʉ́ŋlʉ̌ nyʉ̂l nyǎm. Twiʼ mé dí etiʼe ɨ́ sí yɨ̂ʼ yɨ́, mě tiʼé yé ó, njɨ ebe mé dí edyɛ̂ʼwo e Mwân mé Nzyɛ̌m. Nye á si kpɛl me, nzě syɛ́ɛlǎ twiʼ yé lɨ́ esú é twiʼ yâm.

Rôm 8:3

Yé á bé abána ó, mɨná bíʼee gá twiʼ ɨ́ mbaʼlá métié, ebě njwɨr myâ wɨ́ná, wé á be ɨ́ tyɛʼ. Metyɛʼ mé njwɨr myâ waá, mé ntɔ̂ʼ teʼle métié maá. Sá métié mé Moyɨ̂z, mé á be akoʼo lɨ́ esâ yɨ́, Nzyɛ̌m nyɨɛ á si bana sâ yê. Nye á dwe mɨná gá twiʼ ó ɨ́ nzɨ̌ Mwân wé nyé á ntɨh ɨ́ sí yɨ̂ʼ nyá. Mwân waá nzě byɛ̂l mʉ̂r. Nyʉ̂l bipúno nyé, nye á kʉ nwɨɨla ó e nyaá gá nyɨ́ná, osyɛ̂l o mísyóm. Nye á nze ó ɨ́ lɔ̌b syóm gá wɨ́ná. Nye á nze pɛʼ ó wê. Nzyɛ̌m nzě dwě Yésʉs mebě, le entɨ̂ʼ nyʉ̂l bipúno nyé ɨ́ jɔʼ nyé á búra e misyóm myaá yɨ́.

Rôm 8:7

Baá mílémé myɔ́ɔ́ dí edû njɨ njwɨr myâ bá, bé lɨ́ elwímla e Nzyɛ̌m, asâ métié mé mejóʼo. Milémé myɔ́ɔ́ abá be e nkul esâ métié maá mejóʼo.

Rôm 6:6

Mɨná bé lɨ́ egʉ́a gá ó, ɨ́ jɔʼ bé á jʉ̂ Yésʉs-Krîst, lɨ́ ebomlo nyé e binzâŋ, le ebɨ́nɔɔ nyé ɨ́ kolôs kʉ́ yɨ́, Nzyɛ̌m á si bomlo metum me myâ gá mɨ́ná tɨ̂ʼ ntémé ɨ́ kolôs gwár yaá. Nye á sâ nó ó lɨ́ esú lé éteʼle nyʉ̂l dí egwɨ̂m mísyóm nyɨ́, le ntémé ó, mɨná ayɨ́ kǎ báʼǎ di gá bitúʼǎ lɨ́ esâ mísyóm myaá.

1 Korɛnt 10:17

Blêr, yé ó njɨ gwár. Mɨná damá buo gâ, mɨná gá bé yɨ́ɛ ó nyʉ̂l mpwár, ebě, mɨná gá bé ó e nkɔb ɨ́ blêr gwár.

Éfɛsɔs 3:6

Misolá mílɔ̌b myaá míɛ, myé ó mî: Mbɨambɨa Lɔ́ɔ mɨ́ná dí etúno gá wɨ́, wé sá ó, bɨ̌n, bʉr o bíkûl, bíʼee ntémé mepwaʼ mé Nzyɛ̌m, jala e nkɔb líʼe nyɨ́n, jwɨʼ gwár e gwár le oYúden. Bɨ̌n le onɔ́ɔ́ ó dí bitíl bí nyʉ̂l mpwár. Bɨ̌n le onɔ́ɔ́ ntémé bé óbeě mpʉ̌ Nzyɛ̌m ngá dira ménkɛ̌ʼ mé yɨ́.

Éfɛsɔs 4:4

Nyʉ̂l mé Krîst, nye ó mpwár. Sísǐm mé Nzyɛ̌m, nye ó ngwár. Mpûʼla mpwár ó dí bɨ̌n ɨ́ miléme, táare ɨ́ jɔ̌ʼ Nzyɛ̌m á jébe bɨ̌n yɨ́.

Kolosi 3:15

Krîst tyɛ́bɨɨ bɨ̌n ɨ́ miléme, ó bɨ̌n díʼee e miléme mi dí milwɨ́ŋlá ɨ́ mepyɛbla mí. Sá tɨ̂ʼ ó Nzyɛ̌m á jébe bɨ̌n ó, bɨ̌n pûhlaa ɨ́ nyʉ̂l mpwár yɨ́. Jwǐdwéʼ gá nye nzyǒo ɨ́ jɔʼ yɨ́yɛ̂h ɨ́ bisá nyé dí esâ bɨ́n bí.