Éfɛsɔs 2:15 - Kálar Nzyɛ̌m : Ejwán é Sáá

¹⁵ Nye á gbâ mepyɛbla páʼ gá nyɨ́ná ó, ɨ́ jɔʼ nyé á pɛʼ metié mé Moyɨ̂z, le mempéné ti e mityeelá mímyɛ̂h yɨ́. Nye á pɛʼ byé ó, nye nkʉ̂ nʉa bíkúl bíbá gá bíná, ntɔ̂ʼ syɛŋ byé ɨ́ nye mʉr tɨ̂, byé nkʉ̂ sûʼla édwán é kûl, nwɨɨla e mʉr ngwár.

Kálara Zyɛ̌m Edwán é mpʉ̌n

¹⁵ Nye a gba motala paʼra ga wina ó, é jɔʼ nye a pɛʼ motie mo Moyiz le mompene ndwe e mɨtiʼa mimyɛh ɛ. Nye a pɛʼ bye ó, nye nkʉʼ nʉa bɨkul bɨba ga bina, ntɔʼ syɛŋ bye é nye mʉr tɨ, byé nkʉʼ fuʼla edwan e kul, nwɨɨla e mʉr ngwar.

Éfɛsɔs 2:15 ပူးပေါင်းရင်းမြစ်များ

Kolosi 2:14

Micɛmá myé á lɨlɛ̂ʼle mebě gá mɨ́ná mí, nyɨ́ pɛʼ myé ɨ́ mɨná gá, bomlo myé e binzâŋ ɨ́ kolôs. Micɛmá myaá, myé ó b'á lɨlɛ̂ʼle mempéné mé á lwîlwimla e mɨná gá má.

Galásia 3:10

Ebě, mʉ̂r sí bûʼla ó, Nzyɛ̌m ódwe nyé nkam ɨ́ lɔ̌b mbaʼlá nyé dí ebaʼle métié wɨ́ nó, lɛ́ɛ́, nyě e meswomlʉ, ebě, yê cɛmá ó: Mʉr nyɨnyɛ̂h dí abaʼle métié Mékaná mé Nzyɛ̌m mɨ́mɛ̂h nyá, nyě e meswomlʉ.

Ebrœ̂ 8:13

Ɨ́ mpʉ̌ Nzyɛ̌m á jébe saá mbá «edwán é sáá» yɨ́, nye á si liŋ nyaá esôʼ mbǒr. Nó ó, sá mû mbǒr, nkʉ̂ yaá mû sí jwɨm yɨ́, yé mû ntémé ó kúno edîm yɨ́yɛ̂h!

Kolosi 3:10

Bɨ̌n bɨ́ bwâr métum medwân. Bɨ̌n mû ó medwán mé bʉ̂r ó Nzyɛ̌m Kwihbʉr. Nye lɨ́ etô le eliŋ bɨ́n medwán, abe e léné mpʉ nyé mʉr tɨ̂. Nyě sá nó ó, bɨ̌n gwâ gʉ́a nyé mbɨ̂mbɨá.

Kolosi 2:20

Bɨ̌n e Krîst, bé á si dwe eswie empwár. Sá tɨ̂ʼ ó mílɛ́ʼlá bʉ̂r ó sí yɨ̂ʼ dí ekûhlo mí, dí abe lɨ́ ekǎ jwɨ́ɨ bɨ́n yɨ́. Ɨ́ tɨ̂ʼ, mʉ̌r sá akǎ dû mémpéné mé dí eduho ɨ́ milɛ́ʼlá myaá má, nkʉ̂ báʼǎ tiʼě mpʉ̌ sá lɛ́ɛ́, bɨ̌n gúmó ó e sí yɨ̂.

Galásia 6:15

Yé asyɛ́ɛlǎ sɔ̂ʼ nkʉ̂ mʉr, nyɨ́ tíʼɔɔ mpʉ́n, nkʉ̂ nyé atíʼɔɔ nyê. Bwaʼbwǎʼ sɔ̂ʼ, yé ó njɨ twiʼ édwán Nzyɛ̌m dí edwe mɨ́ná gá yɨ́.

Galásia 3:28

Sá tɨ̂ʼ ó dí akǎ buú syɛ́ɛlǎ sɔ̂ʼ páʼ óYúden le bwá ó bíkûl yɨ́. Gǒ damá bě túʼǎ, nkʉ̂ ntémé nzyɛh; damá be mʉ́má, nkʉ̂ mʉrʉ̂m, nzyɛ́ɛ́lá ntʉ́ʼ bá tɨ̂, ebě, bɨ̌n bɨ́ pûhla e Yésʉs-Krîst. Bɨ̌n bɨ́bɛ̂h mû kǎ di ó, tâŋ mʉr ngwár.

Éfɛsɔs 4:16

Nye ó mʉr dí epûhla mɨ́ná gá óbɛ̂h, ó mɨná díʼee gá nyʉ̂l mpwár nyá. Bitíl bí nyʉ̂l byaá, nyě dirá byé ɨ́ mebɨ̌l ó e misihé. Misihé myaá ó dí entɛŋ bítíl bí nyʉ̂l bisâ bi dí byé e nyɔm bí. Sihé wɨ́wɛ̂h, wé ɨ́ jala le esúʼo nyʉ̂l ó, lɨ́ edû mpʉ̌ Nzyɛ̌m á komlo wɨ́haá yɨ́. Nkul nyé ó dí esâ ó, nyʉ̂l nyaá gwɨ́aa mbɨ̂mbɨá. Mpúhlá obûʼla, nye lɨ́ etô le egwɨ́e dóló ɨ́ jɔʼ bʉ̂r o dí tɨ̂ʼ bá dí ekpɛla yɨ́.

2 Korɛnt 5:17

Mbeá wɨ́h, wé mû ó wɨ̂: yé bé nyʉ́ʉ́ mʉ̂r, nyɨ́ pûhla e Krîst nó, nye mû ó edwán é mʉ̂r ó tɨ̂ʼ yɨ́. Minjʉ̌m bísɔ̂ʼ mímyɛ̂h, mí laa. Yê jaa ka líʼ ó, njɨ medwán e medwán.

Ebrœ̂ 7:16

Nye á bé anʉǎ dǐ pára ɨ́ lɔ̌b mbyɛ́lá wé, nkʉ̂ ebe métié le mempéné. Nye á tyélɔɔ ɨ́ dǐ njwɨ́ɨ opara ó e nkul nyé nye mʉr tɨ̂, le twiʼ yé dí abe e nkul epɛʼɔɔ yɨ́.

Ebrœ̂ 9:23

Yé á kʉ jala ó, bʉr púbaa bisá bí sí yɨ̂ʼ e metié mé ótír, ebě, byaá bí sí yɨ̂ʼ, byé ó bimveʼle, lɨ́ emveʼle byaá bimpâ bi dí ɨ́ jʉ́o kʉ́ bí. Nó ó, bisâ bimpâ byaá bíɛ, byé ɨ́ jala le epubɔɔ ó, ɨ́ nzɨ̌ mpǎŋ ndwéá métié. Wɨ́haá ndwéá, wé lɨ́ esyɛ́ɛla e waá ésôʼ. Wé ntémé ó dí ɨ́ buú buo ódimé.

Éfɛsɔs 2:10

Mɨná gá bé ó bʉr ó Nzyɛ̌m á sâ e mebó mé nye mʉr tɨ̂ʼ bá. Nye á komlo mɨná gá ɨ́ nzɨ̌ mé Yésʉs-Krîst ó, mɨná díʼee gá bʉr o dí esâ nyé bisyɛ́ɛla bimpâ bá. Nzyɛ̌m mʉr tɨ̂ʼ ó b'á boo tíʼe ɨ́ lémé wé ó, mɨná sâʼ gá nye byǎ.

Éfɛsɔs 2:14

Ebě, Krîst mʉr tɨ̂ʼ ó b'á nze gbâ mɨná gá mepyɛbla ɨ́ miléme. Nye ó b'á sâ ó, oYúden ti e baá o dí abe óYúden bá, bé díʼee kûl gwár. Mpʉ nyé á bîr nyʉ̂l nyé ó, nye dwêʼ yɨ́, tɨ̂ʼ ó nyé á búʼo kóʼ wé á bɨbɛ̂ʼ mɨná gá ó, mɨná nwímlaa gá páʼ gá nyɨ́ná wɨ́.

Éfɛsɔs 2:16

Ɨ́ jɔʼ nyé á bomlɔɔ ɨ́ kolôs kʉ́ yɨ́, nye á si sâ saá páʼ gá nyɨ́ná e Nzyɛ̌m, le esâ ó, bʉr o bíkúl bíbá gá bíná byaá, díʼee mpʉ mʉ̂r ngwár. Mɨná bé á ka gwâʼ enwimla páʼ gá nyɨ́ná ó, ɨ́ jɔʼ nyé á dwe yɨ́.

Kolosi 3:11

Ɨ́ twiʼ dwân yaá, adû gá bwá mímbɔ́ʼ bâ: Nyâʼ, nye ó Yúden; nyâʼ nyɨɛ, mʉr Grɛ̂s. Nyâʼ, nye ó tíʼá mpʉ́n; nyâʼ nyɨɛ, nyé abě tíʼá mpʉ́n. Nyâʼ, nye ó ayogoyogo. Nyâʼ, nye ó mʉr dí edweŋɔɔ nzóʼ nyá. Nyâʼ, nye ó túʼǎ; nyâʼ nyɨɛ, nye ó nzyɛh. Ebě, Krîst ó dí lʉ̂ sá yɨ́yɛ̂h. Sá yɨ́yɛ̂h, yé dyɛ́ʼwó ó e né.

Kolosi 3:15

Krîst tyɛ́bɨɨ bɨ̌n ɨ́ miléme, ó bɨ̌n díʼee e miléme mi dí milwɨ́ŋlá ɨ́ mepyɛbla mí. Sá tɨ̂ʼ ó Nzyɛ̌m á jébe bɨ̌n ó, bɨ̌n pûhlaa ɨ́ nyʉ̂l mpwár yɨ́. Jwǐdwéʼ gá nye nzyǒo ɨ́ jɔʼ yɨ́yɛ̂h ɨ́ bisá nyé dí esâ bɨ́n bí.