Éfɛsɔs 2:12 - Kálar Nzyɛ̌m : Ejwán é Sáá

¹² Símsáá gá ntémé mpʉ bɨ́n á nyɛɛ bɨbě dǐ gwár yɨ́. Bɨ̌n e Krîst, bé á bé apǎ pûhla. Bɨ̌n bé á si pɨ́mɔɔ ɨ́ kúl bʉ̂r o b'Ɨ́zraɛ̂l. Ɨ́ nkǒ páʼ sáá Nzyɛ̌m á sâ nyɨ́, ti e menkɛ̌ʼ mé, bɨ̌n bé á be ó, bʉr o bíkúl bíswîh, abe e bá nkɔ̂b tɨ̂. Ɨ́ jɔʼ yaá yɨ́yɛ̂h, bɨ̌n bé á bé abe e mpûʼla ɨ́ miléme. Ɨ́ sí yɨ́yɛ̂h, bʉr o bíkúl bín, bé á bé agʉ́ǎ Nzyɛ̌m.

Kálara Zyɛ̌m Edwán é mpʉ̌n

¹² Toŋla ga nteme mpʉ bɨn bé a taare be-be e. É til molu yaa, Lœma mulo mo Zyɛm a baakunbo e bɨn. É nko paʼ kul bwa b'Ɨzraɛl, bɨn bé a si pɨmɔ é sama yɔɔ, duho mya. É nko paʼ mpʉn Zyɛm a de e bɨmpam byɔɔ ɛ, ndwe e monkɛʼ nye a liʼe bye e ma ɛ, bɨn bé a baabe ba e nkɔb tɨ. É til molu yaa yiyɛh, mɨleme min, myé a baabe ba e mbɛla. É si nwaʼ nyiwɛh, bʉr o bɨkul bin, bé a be ó, lé ejeʼe Zyɛm.

Éfɛsɔs 2:12 ပူးပေါင်းရင်းမြစ်များ

Galásia 4:8

Ɨ́ mimbú mí píhe, bɨ̌n bé á bé apǎ gʉ́ǎ Nzyɛ̌m. Bɨ̌n bé á bɨbe ó mpʉ bítúʼǎ, lɨ́ edû bíkpɛʼkpɛ̂ʼ bí ónzyɛ̌m bi dí abe ónzyɛ̌m ompâ bí.

Kolosi 1:21

Ɨ́ mimbú mí píhe, bɨ̌n bé á be ó e ncɛrá e Nzyɛ̌m. Táare e mbi écwólwo bɨ́n á be e lé lɨ́, kumǒ kumáa e bisyɛ́ɛla bí ébébe bɨ́n á sɨsâ bí, bɨ̌n bé á jaa bɨbe ó, njɨ ontɨ̂m le obɨn mé Nzyɛ̌m.

1 Pyɛr 1:3

Mɨná gúmlaa gá waá dí Nzyɛ̌m mé Tî gá wɨ́ná Yésʉs-Krîst, waá dí Sɔ́ŋ wé nyá. Nyɨ́ buú jɨ̂ʼ mɨ́ná gá nkoó, ntɔ̂ʼ dwe mɨ́ná gá nkul ebyɛ̂l jɔʼ mbá, lɨ́ esú ó, mɨná díʼee gá lwɨ́ŋlá e mpûʼla ɨ́ miléme. Mpûʼla nyaá, nyě duhó ó, ɨ́ nkul pɛhá nyé á pɛh Yésʉs-Krîst ɨ́ soo wɨ́.

1 Tesalonika 4:13

Nó ó, bɨ́ɔɔ́ bâm, mě kpɛ̌l ó, bɨ̌n gʉ́ŋaa esúʼlá é bʉ̂r o mû sí dwe bá ɨ́ pébébé. Bɨ́n ójéʼě lɔ̌b waá nó, nyʉ̂l ámû tyɛʼ bɨ́n ɨ́ mpʉ me bʉ̂r o dí abe e mpûʼla ɨ́ miléme ó, bé ópah bá.

Éfɛsɔs 4:18

Sá écwólwo lɔ́ɔ́, lé akǎ siŋa. Bé mû ó e ncɛrá e twiʼ mé Nzyɛ̌m, tɨ̂ lɨ́ egʉʼla bé dí e lé lɨ́, le elele e míléme lɔ́ɔ́.

1 Tesalonika 4:5

Njʉ̂m nyɨɛ díʼee e mʉmá wé waá, abe ɨ́ tíná bígwɨ́má mébomo mpʉ mínjéʼe-Nzyɛ̌m dí esɨsâ yɨ́.

Yʉanes 15:5

«Me ó dí etín é raisin. Bɨ̌n bɨɛ bé ó milɔ́ɔ́ mí tɨ̂. Mʉr dí ɨ́ mpúhlá e me nyá ó dí egúmo mpúmó menkû menkû, ebě, mé bé abe tɨ̂ʼ nó, bɨ̌n bé abe e nkul esâ yʉ́ʉ́ mpǎŋ sɔ̂ʼ.

Ebrœ̂ 6:18

Yé e bisá bíbá bi dí abe e nkul ecénɔɔ bí: bisâ byaá, byé ó nkɛ̌ʼ ti e minkál mé Nzyɛ̌m. Mɨná nʉa gá pîm ɨ́ búʼó ó, duho tɨ̂. Nzyɛ̌m, nyé abe e nkul elɛ́ɛ bíbɛr ɨ́ sí, tɔʼ e bá tîtííǎ. Mɨná gá bé ó bʉr o mû sí bîr sá yɨ́yɛ̂h, lɨ́ esú lé édi e mpûʼla ɨ́ milémé gá míná bá. Mpûʼla nyaá, nye ó kwahaá ɨ́ ponó ɨ́ míh gá mɨ́ná.

Rôm 9:8

Tó kœb ó, ɨ́ bím bwân Abraham á byâ bá, bɨ́bɛ̂h, bé abe bwán mé Nzyɛ̌m. Nzyɛ̌m á lɛ́ɛ ó, bwán ómpâ bé, bé ó baá bé á byɛ̂l mpʉ̌ Nzyɛ̌m á kɛʼ Abraham yɨ́.

1 Pyɛr 3:15

Díʼéé gá e tiŋé ɨ́ miléme ó, bɨ̌n bé ódwě Krîst kûm, ebe nyé dí Tî wɨ́n yɨ́. Diʼee gá ntémé ɨ́ cǎr ó, bɨ̌n gwâ yala mʉ̂r nyɨnyɛ̂h ngá dî bɨ́n tíá, dumo e sá dí egbâ bɨ́n mpûʼla ɨ́ léme yɨ́.

Mɨlʉmlʉ 28:20

Lɔ̌b waá ó mé á be lɨ́ ekpɛl ébee bɨ́n, le elwib e bɨ̌n wɨ́. Mě káʼɔ́ɔ́ ménkara mâʼ ó, njɨ ɨ́ lɔ̌b mpûʼla dí bʉr o b'Ɨ́zraɛ̂l ɨ́ miléme nyɨ́.»

Mɨlʉmlʉ 3:25

Bɨ̌n le onɔ́ɔ́ ó dí e nkɔb ɨ́ saá Nzyɛ̌m á tyêl páʼ bé e bimpám bíná nyɨ́. Nye á lɛ́ɛ le Abraham ó: Bím mímbɛ̌r mi bʉ̂r mi dí ɨ́ sí yɨ̂ʼ mímyɛ̂h mí, me ósʉ myé metyɛʼ me mpóm ó, ɨ́ nzɨ̌ nta gǒ.

1 Yʉanes 3:3

Nyé ógbâ nyʉ́ʉ́ mʉ̂r mpûʼla nyaá ɨ́ léme nó, mʉr waá ópubo nyé mʉr tɨ̂, ó nye díʼee mʉr dí tí nyá. Sá tɨ̂ʼ ó nyé óbě mpʉ mé Yésʉs, mʉr dí tí nyá yɨ́.

1 Pyɛr 1:21

Krîst ó b'á sâ ó, bɨ̌n dyɛ̂ʼwaa e Nzyɛ̌m, mʉr á pɛh nye, dwih nyé lɨ́ odwe, dwe nyé kûm ntémé nyá. Sá tɨ̂ʼ ó búʼó yɨ́n le mpûʼla nyɨ́n dí njɨ ɨ́ Nzyɛ̌m yɨ́.

Ebrœ̂ 11:34

Bé á si díme medíʼe, le ekɨ̂ŋ ópasoŋ ebě búʼó yɔ́ɔ́. Bé á nyɛɛ be ɨ́ tyɛʼ, ntɔ̂ʼ bi pîm ɨ́ menyʉ̂l ebě búʼó yɔ́ɔ́. Bé á lwímla mɔm ntémé, le eso bísɔ́má bí mɔ̂m bíbyɛ̂h ó, ɨ́ nzɨ̌ búʼó yɔ́ɔ́.

1 Timotɛ 1:1

Pɔ̂l ó dí ecɛma gó mekaná mâ. Me ó mʉr milʉ́mlʉ́ mé Yésʉs-Krîst ɨ́ mitíʼá mé Nzyɛ̌m Sɔ́ŋ, Tiʼbʉr gá wɨ́ná, ti e Yésʉs-Krîst, waá dí egbâ mpûʼla ɨ́ miléme gá míná nyá.

2 Tesalonika 2:16

Nó ó, Tî gá wɨ́ná Yésʉs-Krîst mʉr tɨ̂, ti e Nzyɛ̌m Sɔ́ŋ gá wɨ́ná, waá á lɛ̂ʼle mɨ́ná gá kpɛ̌l nyá, waá dí egbâ mɨ́ná gá nkul ɨ́ miléme, nyaá dí asíesie nyɨ́, waá dí elɛ̂ʼle mɨ́ná gá mpam, le egbâ mɨ́ná gá mpûʼla ɨ́ miléme nyá, nye gbâʼ bɨ̌n nkul ɨ́ miléme. Nye gbâʼ bɨ̌n pîm ɨ́ búʼó. Nye tyɛ́bɨɨ bɨ̌n ɨ́ miléme, ó bɨ̌n sâʼ bisyɛ́ɛla bimpâ, le elɛ́ɛ mílɔ́ɔ́ mímpâ, mimbi mímyɛ̂h.

Kolosi 1:27

Ebě, Nzyɛ̌m á be lɨ́ ekpɛl élɛ̂ʼle bé jwɨʼ nyé á be e yé mesǒ yɨ́, jwɨʼ dí ɨ́ buú mbɨa, yaá dí e nyɔm lɨ́ esú é bíkúl bíbyɛ̂h yɨ́. Solá jwɨʼ yaá, yé ó: Krîst, nye mû ó sí pûhla e bɨ̌n. Bɨ̌n mû e mpûʼla ɨ́ miléme ó, bɨ̌n óbi kûm tɨ̂.

Kolosi 1:5

Búʼó le kpɛ̌l yɨ́n yaá duho ó, ɨ́ mpûʼla dí bɨ̌n ɨ́ miléme, ó bɨ̌n bé óbǐ sá dí bɨ̌n komá ɨ́ jʉ́o kʉ́ yɨ́. Mbɨambɨa Lɔ́ɔ dí le otyeetye wɨ́, wé ó b'á nyɛɛ lɛ̂ʼle bɨ̌n syɛ́ɛla yaá.

Yʉanes 10:16

Me dína ó e byúú bínteme bi dí apǎ nî ɨ́ nkál bí. Me ɨ́ jala le etó nʉa byê, níŋle byé ɨ́ nkál nyaá. Byé ójóʼo twíí nyǎm. Bɨ̌n le onɔ́ɔ́, bé óbe ó sɔ́má gwár, mbɔʼlʉ ngwár.

Yʉanes 4:22

Bɨ̌n bʉr ó Samarî, bɨ̌n bé agʉ́ǎ sá bɨ́n dí edwe kûm nyɨ́n yɨ́. Bɨ̌h oYúden ó dí egʉ́ǎ sá bɨ́h dí edwe kûm yɨ́, ebě, lɔ́ɔ́ twiʼ, wé duho ó lɨ́ oYúden.

Lʉkas 1:72

Nyɨ́ jɨ̂ʼ bímpám gá bíná nkoó. Nyɨ́ símsa sáá nyé á tyêl páʼ nyɔ́ɔ́ le Abraham nyɨ́.

Mɨlʉmlʉ 2:39

Ebě, nkɛ̌ʼ mé Nzyɛ̌m, nye tɨ̂ʼ ó, lɨ́ esú lɨ́n, ndu e bwán bɨ́n, ndu e baá bɨ́bɛ̂h dí lɨ́ ejaa bá, le baá bɨ́bɛ̂h Dâ, dí Nzyɛ̌m gá wɨ́ná nyá, ngá jébe bá.»

Éfɛsɔs 2:19

Nó yé lɛ́ʼlé ó, bɨ̌n bé akǎ be bʉ̂r o bíkûl e biloo, nkʉ̂ ojwóo. Bɨ̌n mû ó bʉr o mpóʼo mé Nzyɛ̌m jwɨʼ gwár e gwár e bʉr o b'á nyɛɛ gúmo e né, duho myâ bá. Bɨ̌n mû ó bʉr ó mbɛ̌r bʉ̂r mé Nzyɛ̌m ntémé.

Ebrœ̂ 8:6

Syɛ́ɛ́ pára Yésʉs dí eséa lɨ́ esú gá lɨ́ná ɨ́ báánâʼ yɨ́, yé e nyɔm ɨ́ buo buo, laǎ syɛ́ɛ́ pára yé á duho myâ yɨ́. Nye ó dí mesaádɔm dí etyɛ̂b páʼ gá nyɨ́ná e Nzyɛ̌m nyá. Saá dwân Nzyɛ̌m á tyêl páʼ nyɔ́ɔ́ e bʉr nyɨ́, nye ɨ́ buo nkûl ɨ́ lɔ̌b ménkɛ̌ʼ Nzyɛ̌m á sâ má. Menkɛ̌ʼ maá, mé ɨ́ mbɨa, laa maá me sáá esôʼ.