Éfɛsɔs 2:10 - Kálar Nzyɛ̌m : Ejwán é Sáá

¹⁰ Mɨná gá bé ó bʉr ó Nzyɛ̌m á sâ e mebó mé nye mʉr tɨ̂ʼ bá. Nye á komlo mɨná gá ɨ́ nzɨ̌ mé Yésʉs-Krîst ó, mɨná díʼee gá bʉr o dí esâ nyé bisyɛ́ɛla bimpâ bá. Nzyɛ̌m mʉr tɨ̂ʼ ó b'á boo tíʼe ɨ́ lémé wé ó, mɨná sâʼ gá nye byǎ.

Kálara Zyɛ̌m Edwán é mpʉ̌n

¹⁰ Bɨna ga bé ó baa Zyɛm a kpaʼ e mobo me nye mʉr tɨʼ ɨ. Nye ntɔʼ ze dil bɨna ga é Yesʉs-Krɨst dil dilɨ é l'efu ó, bɨna diʼe ga bʉr bé ósa bɨsyɛɛla bɨ ncwɨncwɨa ɛ. Zyɛm nye mʉr tɨʼ ó b'a bɛa tiʼe é leme we ó, bɨna saʼ ga nye bya.

Éfɛsɔs 2:10 ပူးပေါင်းရင်းမြစ်များ

Filipi 2:13

Ebě, Nzyɛ̌m ó dí edwe bɨ́n gwɨ́má édû nzɨ́ mpâ nyaá. Nye ntémé ó dí edwe bɨ́n nkul ó, bɨ̌n jánaa tɨ̂ʼ mbɨ̂mbɨá.

Kolosi 1:10

Nó ó, bɨ̌n bé óbɛ̌m tyě mpʉ Tî Yésʉs dí ekpɛl yɨ́, le esâ ɨ́ jɔʼ yɨ́yɛ̂h sá nyé dí ekpɛl yɨ́. Bɨ̌n bé ótô dóló le egúmo mímpaŋ mi mpúmó ɨ́ bisyɛ́ɛla bimpâ bín bíbyɛ̂h. Tóʼ gá dóló le egwɨ́e ɨ́ pɨʼ le ngwɨ́á mé Nzyɛ̌m.

Ebrœ̂ 13:21

Mě jɨʼlá e né ó, nye tyɛ́bɨɨ bɨ̌n ɨ́ miléme, ó bɨ̌n sâʼ syɛ́ɛla nyé dí ebeě mbɨ̂mbɨá yɨ́, mɨná nkʉ̂ lóŋlo gá gwɨ́má yé ɨ́ nzɨ̌ mé Yésʉs-Krîst, dí e kûm njʉ̌m dǐ e njʉ̌m dǐ nyá. Amɛn!

2 Korɛnt 5:17

Mbeá wɨ́h, wé mû ó wɨ̂: yé bé nyʉ́ʉ́ mʉ̂r, nyɨ́ pûhla e Krîst nó, nye mû ó edwán é mʉ̂r ó tɨ̂ʼ yɨ́. Minjʉ̌m bísɔ̂ʼ mímyɛ̂h, mí laa. Yê jaa ka líʼ ó, njɨ medwán e medwán.

2 Korɛnt 9:8

Nzyɛ̌m, nyě e nkul esʉ bɨ́n metyɛʼ me mpóm mimbi mímyɛ̂h ó, bɨ̌n bíʼee ɨ́ jɔʼ yɨ́yɛ̂h sá yɨ́yɛ̂h dí bɨ̌n ɨ́ sɔ́ɔlʉ yɨ́. Nó ó bɨ́n ngá be ɨ́ tɨʼlɨ lɨ́ esú ó, bɨ̌n nʉ́aa nkɔb ɨ́ bisyɛ́ɛ́ bí émbɨa mimbi mímyɛ̂h yɨ́.

Éfɛsɔs 4:24

Bé á lɛ̂ʼle bɨ̌n ntémé ó, eswam nyʉ̂l dwân Nzyɛ̌m á komlo bɨ̌n nyɨ́. Bɨ̌n bé osûʼla bʉ̂r odwân ɨ́ twǐʼ Nzyɛ̌m mʉr tɨ̂ʼ á komlo lɨ́ esú lɨ́n yɨ́. Bɨ̌n bé otyɛ̂b le otîtyěl ompâ ɨ́ míh mé Nzyɛ̌m le edi bʉ̂r bé lɨ́ otyeetye.

Filipi 1:6

Me lɨ́ ekʉ́ gʉ́ǎ sá yɨ̂: ó Nzyɛ̌m, nyɨ́ táare édwir mílémé mín mbɨ̂mbɨá. Me lɨ́ egʉ́a ntémé ó, nye ótô le esâ nó, tó pyâl ɨ́ jɔʼ nyé ósîl ékomlo bɨ́n ɨ́ dʉ́ó Yésʉs-Krîst óbáʼǎ nze yɨ́.

2 Timotɛ 3:17

Mɨ́ɛ ó dí ekomlo mʉ̂r mé Nzyɛ̌m nyɨnyɛ̂h ó, nye díʼee ɨ́ cǎr ó, nye sâʼ mbǐ syɛ́ɛla mpâ wɨ́wɛ̂h.

Éfɛsɔs 4:1

Nó, mɛm mʉr dí mbʉʼ mé Tî Yésʉs nyá, mě jɨʼlá e bɨ̌n ó, bɨ̌n dúʼoo mbɨambɨa kʉ̌ tyěn Nzyɛ̌m á jébe bɨ̌n ó, bɨ̌n dúʼoo wɨ́.

2 Timotɛ 2:21

Mʉ̂r syɛ́hlé bísyɛ́ɛla bʉ̂r jálá le ebene bí nó, Nzyɛ̌m ópɛ̂h nyé lɨ́ esú é bísyɛ́ɛ́ bí dúu, le etyêl nyé ɨ́ tyé mʉ̂r wé dí tí nyá. Mʉr waá ókʉ́ tíʼě ntinɨ̂ e ntinɨ̂ lɨ́ esú lé émbɨa mé Nzyɛ̌m, lɨ́ edi ɨ́ cǎr ó, nyě séá ó nye syɛ́ɛ́ yɨ́yɛ̂h nyé ótɨ́e nyé yɨ́.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

Éfɛsɔs 1:4

mɨná gúmlaa gá nye, ebě, nye á si boo twâr mɨná gâ, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Nye á twâr mɨná gá ó, mɨná gúmaa gá e né, ɨ́ nzɨ̌ mé Krîst, abe e sá ébébe nyé ónwâhle mɨ́ná gá e tɨ̂.

1 Timotɛ 6:18

Lɛ́yɨ́ɨ́ óbil o bísâ baá ó, bé sâʼ embɨa. Bisyɛ́ɛla bí émbɨa byɔ́ɔ́ bíɛ, byé díʼee ɨ́ buo buo. Bé díʼee ɨ́ cǎr ó, bé súʼaa bʉr, le etô bé e mingúlá myɔ́ɔ́.

Títos 3:14

Yé jɨ ó, bʉr o dí ɨ́ páʼ gá wɨ́ná bá, bé jɨ́ʼɨɨ elóŋlo bísyɛ́ɛla bimpâ. Nó yaá ó bɨ́n ngá gwá súʼo báántéʼenteʼe ompâ yɨ́. Mʉ̌r sá abîr ó, nye tíʼaa ɨ́ sí yɨ̂ʼ, agúmo mpúmó.

Ebrœ̂ 10:24

Mʉr nyɨnyɛ̂h, nye kpɛ́lɨɨ mɨ́ɔɔ́, lɨ́ esâ nyé mpam. Yé ó ngá sâ ó, mɨ́ɔɔ́ waá tôʼ le ekpɛl bʉ̂r oswîh, le ekɛm bê.

Títos 3:8

Lwǐb nɨ̌, yé ó yaá jálá le ebúʼlɔɔ yɨ́. Mě kpɛl ó, go nkʉ̂ gʉ́a dwe bʉ̂r milɛ́ʼlá mínɨ̌. Ɨ́ gúmo yaá ó bʉ̂r o b'á dyɛ̂ʼwo e Nzyɛ̌m bá, bé ósɨsâ bísyɛ́ɛla bimpâ yɨ́. Bisyɛ́ɛla byaá, byé e nyɔm ɨ́ nkǒ páʼ bʉ̂r bɨ́bɛ̂h.

Kolosi 3:10

Bɨ̌n bɨ́ bwâr métum medwân. Bɨ̌n mû ó medwán mé bʉ̂r ó Nzyɛ̌m Kwihbʉr. Nye lɨ́ etô le eliŋ bɨ́n medwán, abe e léné mpʉ nyé mʉr tɨ̂. Nyě sá nó ó, bɨ̌n gwâ gʉ́a nyé mbɨ̂mbɨá.

Títos 2:7

Kʉ̌ tyen gô, wé díʼee mbɨ̂mbɨá ɨ́ mipáʼ mímyɛ̂h, lwɨ́ŋlá e bisyɛ́ɛla bimpâ. Dwéʼ bʉ̂r milɛ́ʼlá e léme dí abě mbáʼrá e mikóo wɨ́. Bé béyɨɨ go ntémé e medile.

1 Korɛnt 3:9

Ebě, bɨ̌h séá ó, ɨ́ mpúhlá nyɨ́h, ɨ́ syɛ́ɛ́ mé Nzyɛ̌m. Nó ó, bɨ̌n bɨɛ ó dí pemé mé Nzyɛ̌m. Bɨ̌n ntémé bé ó mpáh Nzyɛ̌m.

1 Pyɛr 2:12

Diʼee gá e kʉ̌ tyen mpâ témé ohááden. Bé damá swêʼ bɨ́n, nkʉ̂ lɛ́ɛ ó, bɨ̌n bé ɨ́ bébe, bé óbánǎ bee bísyɛ́ɛla bimpâ bɨ́n dí esâ bí, ntɔ̂ʼ dwě Nzyɛ̌m kûm tɨ̂ʼ ɨ́ móhó nyé ónze mɨ́ná gá ɨ́ menɔɔlʉ wɨ́.

Títos 3:1

Jɨ́mɨ́ɨ́ bʉ̂r bitɔŋlá ɨ́ milɔ̌b mî: bé díʼee ɨ́ jwɨ́ɨ́ bʉ̂r o dí e nkul jwɨ́ɨ bá. Bé sâʼ bé mejóʼo. Bé díʼee ntémé ɨ́ cǎr lɨ́ esú lé ésâ bísyɛ́ɛla bimpâ mimbi mímyɛ̂h.

1 Yʉanes 2:6

Mʉr dí elɛ́ɛ ó, nye ɨ́ mpúhlá e Nzyɛ̌m nyá, jala ó, le edû kʉ̌ tyen mé Yésʉs.

Mataos 5:16

Nó njʉl wɨ́n, wé ɨ́ jala le epǎn myɛ́n ɨ́ bʉr, ó bé nkʉ̂ gwa bee bísyɛ́ɛla bimpâ bín, le edwe Sɔ́ŋ wɨ́n dí ɨ́ jʉ́o kʉ́ nyá kûm tɨ̂.»

Yʉanes 3:21

Bʉr bɨ́bɛ̂h o dí esâ bísyɛ́ɛla bimpâ bá, bé kpɛl étʉtô ó, nkǒ njʉl dí yɨ́, bʉr nkʉ̂ bee ó, bisyɛ́ɛla byɔ́ɔ́, byê duho ó ɨ́ gwɨ́má mé Nzyɛ̌m.»

Rôm 8:29

Ebě, baá Nzyɛ̌m á boo gʉ́a bá, nye á twâr bé ó, bé díʼee mpʉ Mwân wé. Bé ódǐ mpʉ Mwân mé Nzyɛ̌m nó, Mwân waá, nye ósûʼla ó, medwéʼé mé Mwân, le ontwóm ɨ́ buo buo.

Mɨlʉmlʉ 9:31

Mbɛ̌r-Nzyɛ̌m nzě bi mépyɛbla, táare ɨ́ sí Yʉ́da, kala ɨ́ yaá Samarî, kumǒ kumáa ɨ́ yaá Galilê yɨ́yɛ̂h. Wé á si bu nʉa pîm le megwɨ́e. Mbɛ̌r-Nzyɛ̌m ntɔ̂ʼ bwaʼ ɨ́ nzɨ̌ Sísǐm mé Nzyɛ̌m. Wé á titiʼe ntémé ó, lɨ́ ekʉ́ dwáawo Tî Yésʉs.

2 Korɛnt 5:5

Nó ó, mʉr á sâ ó, mɨná díʼee gá nó nyá, nye ó Nzyɛ̌m. Nye ó b'á ntɨh mɨná gá Sísǐm mpʉ̌ jwɨʼ.

1 Timotɛ 5:25

Jwɨʼ gwár e gwár yaá ntémé ó bísyɛ́ɛla bimpâ dí enyɨ̂n ɨ́ sʉ́lʉ́lʉ́ yɨ́. Byé damá di anyɨ̂n ɨ́ sʉ́lʉ́lʉ́, byé abe e nkul eswab.

1 Timotɛ 2:10

Bé ɨ́ jala le elɛ̂ʼle bʉ̂r kʉ̌l ó, bisyɛ́ɛla bimpâ bi dí ejala e bʉbá dí ekam ó, bé lɨ́ edwě Nzyɛ̌m kûm bá bí.

1 Timotɛ 5:10

Go ócɛmǎ kúho díe ó, waá wé óbe, wé mû sí gúmo ɨ́ páʼ bísyɛ́ɛla bimpâ wɨ́. Wé díʼee mbi mʉ́má wɨ̂: waá á gwɨ̂l bwân, nʉa ójwóo mbɨ̂mbɨá, waá á jwɨɨ bʉr o mé Nzyɛ̌m mekʉ̌, kɛm bʉ̂r o dí esia e mitúú bá, gbâ nkûl lɨ́ esâ bísyɛ́ɛla bimpâ mimbi mímyɛ̂h wɨ́.

1 Yʉanes 1:7

Mɨ́ná tyé gá ɨ́ myɛ́n tʉ́ŋlʉ̌, mpʉ̌ Nzyɛ̌m mʉr tɨ̂ʼ dí ɨ́ myɛ́n yɨ́ nó, ɨ́ jɔʼ yaá ó mɨ́ná óbe gá e mpǎŋ mpúhlá páʼ gá nyɨ́ná yɨ́. Metié me Mwân wé, Yésʉs, mé ópubo gá mɨná misyóm mímyɛ̂h ɨ́ jɔʼ yaá.

Mɨlʉmlʉ 9:36

Yé á bě Yópe ó e nyʉ́ʉ́ mpʉ́n mʉmá, díé lé Tabitâ. Díe laá, lé lɨ́ epâʼlɔɔ ɨ́ lwǐb grɛ̂k ó “Dɔ́rkas”: “Mpwaŋ-ebeɔɔ”. Nye á be ɨ́ jɔʼ yɨ́yɛ̂h ó, lɨ́ ebuú cwɨ́a e bʉr, le esusúʼo báántéʼenteʼe o bʉ̂r.

Galásia 6:15

Yé asyɛ́ɛlǎ sɔ̂ʼ nkʉ̂ mʉr, nyɨ́ tíʼɔɔ mpʉ́n, nkʉ̂ nyé atíʼɔɔ nyê. Bwaʼbwǎʼ sɔ̂ʼ, yé ó njɨ twiʼ édwán Nzyɛ̌m dí edwe mɨ́ná gá yɨ́.

Rôm 8:1

Nó ɨ́ báánâ, bʉr o mû sí pûhla e Yésʉs-Krîst bá, Nzyɛ̌m, nyé akǎ láa bé bibaa bí ébébe, nkʉ̂ dwe bé bintɨ́ʼá bí tɨ̂.

Éfɛsɔs 2:2

Bɨ̌n bé á be lɨ́ edudû kʉ̌ tyen ébébe bʉ̂r ó sí yɨ̂ʼ bɨ́bɛ̂h. Bɨ̌n bé á dudû ɨ́ bíi yaá ó, sísǐm édúrʉ́ʉ́ dí tyélá ɨ́ diá jwɨ́ɨ́ yé páʼ jʉ́o le ejwoo wɨ́. Sísǐm waá ó dí etyɛ̂b bʉ̂r ɨ́ miléme ɨ́ báánâʼ ó, bé bénaa edyɛ̂ʼwo e Nzyɛ̌m.

Éfɛsɔs 1:1

Yé ó mɛm Pɔ̂l, mʉr milʉ́mlʉ́ mé Yésʉs-Krîst ɨ́ lɔ̌b gwɨ́má mé Nzyɛ̌m ó dí ecɛma bɨ́n mekaná mâ. Mě cɛmá ó, bɨ̌n, bʉr o dí egúmo e Yésʉs-Krîst, baá o dí bʉr o bé ébûʼlɔɔ, o dí [Éfɛsɔs] bá.

Éfɛsɔs 2:6

Nzyɛ̌m á si pɛh mɨná gá e Yésʉs-Krîst, ntɔ̂ʼ dil mɨ́ná gá le onɔ́ɔ́ ɨ́ mecwɨ́ɨ́ ɨ́ jʉ́o kʉ́, e nzɨ̌ mpúhlá gá nyɨ́ná e Krîst.

Éfɛsɔs 2:13

Tó kœb ó, ɨ́ báánâ, bɨ̌n mû ó sí pûhla e Yésʉs-Krîst. Bɨ̌n bʉr o b'á nyɛɛ be e ncɛrá e Nzyɛ̌m bá, bɨ̌n mû ó bǎʼ e né, cɨɨ ɨ́ nzɨ̌ metié mé Krîst.

Éfɛsɔs 2:15

Nye á gbâ mepyɛbla páʼ gá nyɨ́ná ó, ɨ́ jɔʼ nyé á pɛʼ metié mé Moyɨ̂z, le mempéné ti e mityeelá mímyɛ̂h yɨ́. Nye á pɛʼ byé ó, nye nkʉ̂ nʉa bíkúl bíbá gá bíná, ntɔ̂ʼ syɛŋ byé ɨ́ nye mʉr tɨ̂, byé nkʉ̂ sûʼla édwán é kûl, nwɨɨla e mʉr ngwár.