Éfɛsɔs 2:1 - Kálar Nzyɛ̌m : Ejwán é Sáá

¹ Ɨ́ mimbú mí píhe, bɨ̌n bé á be ó odwe nkǒ páʼ sísǐm, tɨ̂ ɨ́ bidyɛʼ bín, le misyóm bɨ́n á sâ mí.

Kálara Zyɛ̌m Edwán é mpʉ̌n

¹ Molu pihe, bɨn bé a be ó odwè é nko paʼ sisim, duho é motie bɨn bé a ntaa ɛ, le mɨsyem min.

Éfɛsɔs 2:1 ပူးပေါင်းရင်းမြစ်များ

Kolosi 2:13

Ɨ́ mimbú mí píhe, bɨ̌n bé á be ó odwe nkǒ páʼ sísǐm, tɨ̂ ɨ́ misyóm mín, le mpʉ bɨ́n á be apǎ teʼle nkûl njwɨr myâ gá wɨ́ná yɨ́. Nó ó, ɨ́ báánâ, Nzyɛ̌m, nyɨ́ sâ ó, bɨ̌n e boo Krîst, bé níʼee ɨ́ twiʼ mpâ sɔ́má gwár. Nzyɛ̌m, nyɨ́ pɛʼ bíbaa bí ébébe bíbyɛ̂h nyé á niʼe mɨná ɨ́ lɔ̌b mísyóm gá míná mímyɛ̂h.

Rôm 8:2

Me á nyɛɛ be ó túʼǎ ɨ́ lɔ̌b tíná mé Syóm, bé le eswie. Me á be ó, ɨ́ mpila yɔ́ɔ́. Sísǐm mé Nzyɛ̌m nzě tíne mé ó, me bíʼee twiʼ ɨ́ mpúhlá nyɨ́h e Yésʉs-Krîst. Nye ó b'á dwih me ɨ́ mpila yaá, pɛʼ mé tɨ̂ʼ ɨ́ fá.

Éfɛsɔs 4:18

Sá écwólwo lɔ́ɔ́, lé akǎ siŋa. Bé mû ó e ncɛrá e twiʼ mé Nzyɛ̌m, tɨ̂ lɨ́ egʉʼla bé dí e lé lɨ́, le elele e míléme lɔ́ɔ́.

Yʉanes 5:21

Ebě, jwɨʼ gwár mpʉ Sɔ́ŋ dí epɛh ódwe, báʼǎ dwe bé twiʼ yɨ́, nó ntémé ó Mwân ódwe baá nyé kpɛ̂l bá twiʼ.

1 Yʉanes 3:14

Mɨná bé lɨ́ egʉ́a gá ó, mɨná bé á pah, duho lɨ́ eswie, ntaa ɨ́ twǐʼ njʉ̌m dǐ ó, ebě, mɨná bé lɨ́ ekpɛl gá bɨ́ɔɔ́ gá bɨ́ná. Mʉr dí akpɛl bʉ̂r nyá, nye dína ó ndwe.

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

Éfɛsɔs 5:14

Ebě, sá yɨ́yɛ̂h njʉl dí ekʉn yɨ́, yé mû ó lɨ́ epan mímbah. Sá tɨ̂ʼ ó bé dí elɛ́ɛ ó: «Gua mʉr dí ɨ́ jô nyá, jɨmáa. Duhaa ɨ́ sɔ́má ódwe. Krîst pánaa go mimbah, tyen gó ɨ́ myɛ́n» yɨ́.

1 Timotɛ 5:6

Kúho dí etíʼe ɨ́ gwɨ́má bísâ wɨ́, wɨ́haá, wɨ́ boó dwe yé kɔ́m, damá be ó, wé dína ó lɨ́ ekubla.

Yʉanes 5:25

Mě lɛ́ɛ́ bɨ́n lɨ́ otyeetye ó, jɔʼ, yé lɨ́ enze. Yé ntémé, yɨ́ pyâl: jɔʼ ódwe, bé ójóʼo twíí Mwân mé Nzyɛ̌m yɨ́. Baá bé ójóʼo nyé bá, bé ótiʼe.

1 Korɛnt 15:45

Ebě, yê cɛmá: Mʉr esôʼ, Ádam, á be lɨ́ etiʼe. Ádam á suʼla ka nze nyá nyɨɛ, nye ó Sísǐm dí etiʼ bʉ̂r wɨ́.

Yʉanes 10:10

Ndíblʉ̌ nzé ó, lɨ́ enzě díbe, le ejʉ̂, le egbah. Mɛm á nze ó, bʉr bíʼee twiʼ. Bé bíʼee yé ɨ́ buo buo.

Mɨngwiha 3:1

«Cɛmaa mékaná. Go e tyén éngeles dí edwéelě Mbɛ̌r-Nzyɛ̌m, waá dí ɨ́ Sárdɛs wɨ́ nyá. Lɛ́yɨ́ɨ́ nyé ó: Waá dí emɛ̂r mísísǐm mé Nzyɛ̌m nzaangbá ndu e l'ocwícwén nzaangbá nyá, nyě lɛ́ɛ́ ó: me lɨ́ egʉ́ǎ sá yɨ́yɛ̂h gó dí esâ yɨ́. Bʉr bɨ́ɛ bee ó, go ó kublakúbla. Nkúná gua, go ó mpʉ̌ múu.

Lʉkas 15:32

Sâ gwár, yê kʉ jalá ó, mɨná tyélɨɨ gá nzɔɔ bisʉhʉʉ, ebě, ntwómô á pa be ndwe nyá, nyɨ́ pah. Nye á si boo dîm. Nyɨ́ kǎ beɔɔ.”»

Lʉkas 15:24

ebě, mwân wǎm nyâʼ á be ó mpʉ ndwê. Nó nyɨ́ báʼǎ tiʼe. Nye á si boo dîm kɔ́m. Nó mɨ́ báʼǎ bee nyê!” Bé ntɔ̂ʼ nyɛl nzɔ́ɔ e bisʉhʉʉ ɨ́ buo buo.

Mataos 8:22

Yésʉs nzě yala e né ó: «Dúʼóó mê. Bírɨ́ɨ́ ódwe, bé dɨ́lɨɨ mimúú myɔ́ɔ́.»

2 Korɛnt 5:14

Sá dí etíne bɨ́h, ó bɨ̌h túnaa Mbɨambɨa Lɔ́ɔ́ mé Nzyɛ̌m yɨ́, yé ó kpɛ̌l Krîst á gbâ bɨ̌h ɨ́ miléme yɨ́. Mbeá wɨ́h, wé ó, mpʉ mʉ̂r ngwár á dwe lɨ́ ebúra e bʉr bɨ́bɛ̂h yɨ́, yé lɛ́ʼlé mɨ́ná gá ó, bʉr bɨ́bɛ̂h, bé á si dwe.