Éfɛsɔs 1:8 - Kálar Nzyɛ̌m : Ejwán é Sáá

⁸ Nye á lɛ̂ʼle mɨná gá mpam nyé nyaá ó e nzɨ̌ ocwóó wé wɨ́wɛ̂h le pɨʼ nyé.

Kálara Zyɛ̌m Edwán é mpʉ̌n

⁸ Nye a bul lɛʼle bɨna ga ncwɨncwɨa we waa ó, é zi ocyoo we wiwɛh ndwe e pɨʼ we.

Éfɛsɔs 1:8 ပူးပေါင်းရင်းမြစ်များ

Mɨngwiha 5:12

Bé á dyɛɛ kʉ́kʉ́ ó e nkul, lɨ́ elɛ́ɔɔ ó: «Mâ Nteme bé á jʉ̂ nyá, nye ɨ́ jala le enʉa nkûl nyɨnyɛ̂h, le okúm, le ocwóó, le onjɨ̂h, le dúu, e kûm ndu e meswɨ̂ʼlʉ.»

Kolosi 2:3

Ocwóó le ngwɨ́á wɨ́wɛ̂h, bɨ̌n bé ɨ́ jala le esáa byé ó ɨ́ Krîst tʉ́ŋlʉ̌. Byé ó Nzyɛ̌m á sol ɨ́ nye bí.

Éfɛsɔs 3:10

Yé ka lîʼ ɨ́ báánâʼ ó, njɨ epâʼlǎ jwɨʼ yé yaá, pyêl yé ɨ́ myɛ́n lɨ́ esú lé écɨ̂l mísísǐm mí édúrʉ́ʉ́ mi dí e jwɨ́ɨ mí le myaá mi nkûl, myaá mi dí páʼ jʉ́o le ejwoo mí. Myé mû ó lɨ́ ekǎ jɨ̂ʼ yé kwá gá nyɨ́ná, bʉr ó Mbɛ̌r-Nzyɛ̌m, le egʉ́ǎ mpʉ ócwóó mé Nzyɛ̌m dí ɨ́ buo mímbi wɨ́.

Rôm 5:15

Sâ gwár, syɛ́ɛla ébébe mé Ádam yaá, yé abě mpʉ̌ ndwéá Nzyɛ̌m dí edwe bʉ̂r edwɛ́na wɨ́. Bébebébe syɛ́ɛla mʉ̂r ngwár á sâ yɨ́, yé á si sâ ó, bʉr dwêʼ ɨ́ buo buo. Syɛ́ɛla mé Ádam pǎ nyɛɛ́ céne bʉ̂r ɨ́ buo buo, á dwɛʼra e yaá nyʉ́ʉ́ mʉ̂r ngwár, Yésʉs-Krîst, á sâ yɨ́! Nye á si cwɨ́a e bʉr ɨ́ buo buo. Nye mû ó waá dí elɛ̂ʼle mɨ́ná gá mpam mé Nzyɛ̌m, waá dí entɨh mɨ́ná gá ndwéá wé nyá.

Yʉ̂d 1:25

Nye omér ó dí Nzyɛ̌m. Kûm dwéŋɔɔ Nzyɛ̌m, dí Tiʼbʉr gá wɨ́ná nyá, ɨ́ nzɨ̌ mé Yésʉs-Krîst, Tî gá wɨ́ná, táare ɨ́ mimbú mí píhe, le ɨ́ báánâ, tó kumǒ kumáa ɨ́ twǐʼ njʉ̌m dǐ e njʉ̌m dǐ. Amɛn.

Éfɛsɔs 1:11

Mɨná bɨ́ pûhla gá e Yésʉs-Krîst ɨ́ twárá Nzyɛ̌m á twâr mɨná gá yɨ́. Nye á boo twâr mɨná gâ ó, kʉ́ e sí dína apǎ bě kuhá. Yé á be ó mpʉ nyé á boo jwɨʼ yɨ́, nyɨɛ mʉr dí egbâ nkûl ɨ́ sá yɨ́yɛ̂h, le esâ ó, bijwɨʼ le mitíʼá mí lémé wé, byé lwɨ́ŋlɨɨ nyá.

1 Korɛnt 2:7

Bɨ̌h lɛ́ʼlé ó, ocwóó mé Nzyɛ̌m dí solá wɨ́. Wé ó sá Nzyɛ̌m á sol bʉr yɨ́. Nye dína apǎ kuho kʉ́ e sí, nye á boo tíʼe ɨ́ lémé wé ó, nyě dwé mɨ́ná gá ó ocwóó waá, ti e kûm tɨ̂.

Rôm 11:33

Sâ buo ókúm mé Nzyɛ̌m! Ocwóó wé le ngwɨ́á wé, byé abe le odumo. Nzé dí e nkul egʉ́a mítíʼá mí lémé wé? Nzé dí e nkul egʉ́a bísyɛ́ɛla nyé dí esâ bí?

Mataos 11:19

Jɔʼ yɨ̂, Mwân mé Mʉr nyɨɛ, nyɨ́ kǎ pyâl: nye lɨ́ ede méde le menyoʼ. Bʉr baá nzě lɛ́ɛ ó: “Paá bee gá sâ ángʉ̂ngʉ̌l nɨ̌, nyʉnyóʼ, só bʉr o dí enʉǎ mɔnɨ́ tœ́a bá, só osyɛ̂l o mísyóm!” Sâ gwár, ocwóó mé Nzyɛ̌m wɨ́ɛ, wɨ́ kebe ɨ́ bisyɛ́ɛla bi dí eduho tɨ̂ʼ bí.»

Éfɛsɔs 1:7

Mwân waá ó b'á pyêl metié mé, ntɔ̂ʼ búra e mɨná gâ. Nye á sâ nó ó, nye táŋaa góo, ó nye dwíhɨɨ mɨná gá ɨ́ mpila ébébe. Nye ó b'á sâ ntémé ó, Nzyɛ̌m pɛ́ʼɛɛ bibaa bí ébébe nyé á niʼe mɨná gá bí. Nzyɛ̌m á sâ mɨná gá bisyɛ́ɛla byaá ó, lɨ́ elɛ̂ʼle mɨ́ná gá mpwaʼ mpam nyé.

Éfɛsɔs 1:9

Nyě títyɛ́b mɨ́ná gá ɨ́ miléme ó, mɨná gʉ́ŋaa gá mitíʼá mí lémé wé, myaá myé á boo lɛ́ɔɔ ɨ́ lwǐb ódîm mí. Yé ó sá nyé á nyɛɛ jwɨʼ, kǎ sâ ɨ́ kpɛ̌l yé nye mʉr tɨ̂ʼ yɨ́.