Éfɛsɔs 1:7 - Kálar Nzyɛ̌m : Ejwán é Sáá

⁷ Mwân waá ó b'á pyêl metié mé, ntɔ̂ʼ búra e mɨná gâ. Nye á sâ nó ó, nye táŋaa góo, ó nye dwíhɨɨ mɨná gá ɨ́ mpila ébébe. Nye ó b'á sâ ntémé ó, Nzyɛ̌m pɛ́ʼɛɛ bibaa bí ébébe nyé á niʼe mɨná gá bí. Nzyɛ̌m á sâ mɨná gá bisyɛ́ɛla byaá ó, lɨ́ elɛ̂ʼle mɨ́ná gá mpwaʼ mpam nyé.

Kálara Zyɛ̌m Edwán é mpʉ̌n

⁷ Mwan waa ó b'a pyɛl motié me, ntɔʼ jɛna mobyaʼ, le edwih bɨna ga é mpila ebebe é pololo. Nye a sa no ó, Zyɛm pɛʼɛ bɨbaa nye a bɛa niʼe bɨna ga é lɔb motie bɨna bé a ntaa ɛ. Zyɛm a sa bɨna ga bɨsyɛɛla byaa bibyɛh ó, lé elɛʼle bɨna ga mpwaʼ ncwɨncwɨa we.

Éfɛsɔs 1:7 ပူးပေါင်းရင်းမြစ်များ

1 Pyɛr 2:24

Krîst á si bɛb misyóm gá míná, ntɔ̂ʼ dwe e myé ɨ́ kolôs. Nye á sâ nó ó, mɨná nkʉ̂ dwe gá ɨ́ nkǒ páʼ mísyóm, ntɔ̂ʼ tíʼe lɨ́ otîtyěl. Mɨná bé á be gá ó, mimbêl. Mɨná ntɔ̂ʼ kǎ tíʼe gá ɨ́ nkul mepɨ́ɨ́ mé.

Rôm 3:24

Nzyɛ̌m dwé bé nkam ɨ́ míh mé ó, ɨ́ mpam nyé, mʉr ajánǎ sɔ̂ʼ. Nyě dwé bé nkam nyaá ó, ebě, Yésʉs-Krîst á si táa góo, le edwih bé ɨ́ mpila ébébe, pɛʼ bé ɨ́ fá.

Kolosi 1:14

Nzyɛ̌m á táa góo, le edwih mɨ́ná gá ɨ́ mpila ébébe ó, ɨ́ nzɨ̌ Mwân wé. Mwân waá ó b'á sâ ó, Nzyɛ̌m pɛ́ʼɛɛ bibaa bí ébébe nyé á niʼe bɨná gá bí.

Ebrœ̂ 9:22

Metié mé Nzyɛ̌m, mé lɛ́ɛ́ ó, bé púbaa bɛ̌m bě sá yɨ́yɛ̂h e metié mé ótír. Jɔʼ métié me tɨ̂ʼ dína apǎ swɨɨ sí yɨ́, Nzyɛ̌m, nyé abe lɨ́ epɛʼ mʉ̂r bibaa bí ébébe nyé á niʼe nye bí.

Mataos 26:28

Ebě, metié mâm ó mâ, metié mû lɨ́ eswɨɨ lɨ́ esú ó, Nzyɛ̌m tyélɨɨ saá páʼ nyɔ́ɔ́ le bʉr ɨ́ buo buo má. Nyě tyél nyé ó, nye nkʉ̂ pɛʼ bé bibaa bí ébébe byɔ́ɔ́.

Mɨngwiha 5:9

Bé á didyɛɛ ó, edwán é jɨ̂m. Bé ó: «Go ó jálá le enʉa mékaná mâ, gbɛ́ɛ bísitâm, ebě, go á si jʉ́ŋɔɔ. Go á si dwih bʉr ɨ́ mpila ébébe, tô e bé kwá mé Nzyɛ̌m. Go á si syɛ́ɛla metié mô lɨ́ esú é bʉ̂r baá. Bé ó bʉr o bíkúl bíbyɛ̂h, ndu e bilwǐb bíbyɛ̂h, bʉr o mémpóʼo mɨ́mɛ̂h, ndu e mesí mɨ́mɛ̂h.

1 Yʉanes 2:12

Bwán bâm, mě cɛmá bɨ́n ó, ebě, Nzyɛ̌m, nyɨ́ pɛʼ bíbaa bí ébébe nyé á niʼe bín ɨ́ lɔ̌b mísyóm mín bí. Nye á sâ nó ó, ɨ́ nzɨ̌ mé Yésʉs-Krîst.

Filipi 4:19

Nó ó, Nzyɛ̌m wǎm, nye ólóŋlo bɨ́n bisá bɨ́n dí esáa bí, dwe bɨ́n byǎ ɨ́ buo buo, lɨ́ edû mpwâʼ okúm wé. Nye ósâ nó lɨ́ esú lɨ́n, bʉr o dí ɨ́ mpúhlá e Yésʉs-Krîst bá.

Éfɛsɔs 2:7

Nye á cwɨ́a e mɨná gá nó ó, lɨ́ esú lé élɛ̂ʼle mímyǎ mímyɛ̂h mi dí ebyɛ̂l mí, kpɛ̌l yé dí ápurapúra, dí elaa byúú bíkpɛ̌l bíbyɛ̂h yɨ́. Nye á sâ mɨná gá embɨa laá ó, ɨ́ mpúhlá gá nyɨ́ná e Yésʉs-Krîst.

1 Korɛnt 1:30

Nzyɛ̌m ó b'á pûhla bɨ̌n e Yésʉs-Krîst. Nye ó b'á sâ ntémé ó, bɨ̌n bíʼee ocwóó mé Yésʉs. Mɨná gá mû ó otîtyěl o bʉ̂r ɨ́ míh mé ɨ́ nzɨ̌ mé Krîst. Krîst ntémé ó b'á pubo mɨná gâ. Nye ó b'á táa góo, le edwih mɨ́ná gá ɨ́ mpila ébébe, pɛʼ mɨ́ná ɨ́ fá.

Éfɛsɔs 3:16

Mě jɨʼlá e né ó, nye gbâʼ bɨ̌n nkul ɨ́ milémé mín tʉ́ŋlʉ̌ e nzɨ̌ Sísǐm wé lɨ́ esú ó, bɨ̌n díʼee e nkul nyaá ɨ́ miléme lwɨ́ŋlá, lɨ́ edû mpwâʼ kûm nyé.

2 Korɛnt 8:9

Ebě, bɨ̌n bé lɨ́ egʉ́ǎ mpʉ Tî gá wɨ́ná, Yésʉs-Krîst á cwɨ́a e mɨná gá yɨ́. Nye á boo be ó kúmá. Nye nzě líʼe ókúm le ogbaa wé, nzě dwir nyé mʉr tɨ̂ʼ ántéʼenteʼe mʉr, ó bɨ̌n káa lîʼ le okúm le ogbaa waá e nzɨ̌ entéʼe lé.

Rôm 2:4

Nzyɛ̌m nyɨɛ yɨ́ɛ sí lɛ̂ʼle gó mpam nyé ɨ́ ntʉʉʉ́. Nye ntémé á si bee misyóm myô, alwib. Nye á si bu dûhwo myê. Nzê go mû ó lɨ́ epyêh bísyɛ́ɛla byé byaá ɛ́? Nzê gó agʉ́ǎ bím émbɨa nyé á sâ go lɨ́ ɛ́? Embɨa lé, lé ɨ́ jala le edǐb lémé gô nzɨ̌ etúmǒ koo le mebébe mô, le edwirǎ léme.

1 Yʉanes 2:2

Ebě, Yésʉs-Krîst, nye ó mʉr á búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé nyá. Abě njɨ myaá gá míná, myé omér. Nye á dwe twiʼ ó, lɨ́ esú é bʉ̂r ó sí yɨ́yɛ̂h.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

Mɨlʉmlʉ 2:38

Nó ó Pétrus á yala e bé ó: «Túmáá gá mikoo e misyóm mín. Bɨ̌n a dwírá míléme. Mʉr nyɨnyɛ̂h ɨ́ sɔ́má yɨ́n, nye dúŋɔɔ ɨ́ díé mé Yésʉs-Krîst, Nzyɛ̌m pɛ́ʼɛɛ nye bibaa bí ébébe nyé á niʼe nye bí. Nó ó bɨ́n ngá kǎ nʉǎ sá Nzyɛ̌m á boo kɛʼ bɨ̌n yɨ́: Sísǐm wé.

Mataos 20:28

Ebě, Mwân mé Mʉr nye mʉr tɨ̂ʼ á bé anze ó, bʉr séaa e né. Nye á nze ó, nyɨɛ séaa e bʉr, le edwě twiʼ yé, lɨ́ enzě lɨ́ etáǎ góo, le edwih bʉ̂r ɨ́ buo buo ɨ́ mpila mísyóm, pɛʼ bé ɨ́ fá.»

1 Yʉanes 4:10

Kpɛ̌l mpâ ó yɨ̂: yé abe yaá mɨ́ná dí elɛ̂ʼle gá Nzyɛ̌m yɨ́. Yé ó yaá nyɨ́ɛ á lɛ̂ʼle mɨná gá yɨ́, ebě, nye á si ntɨh mɨná gá Mwân wé. Nye ó mʉr á búra le syóm wɨ́ná nyá. Nye ntémé ó b'á leʼe nkpaa mé Nzyɛ̌m.

Mɨlʉmlʉ 20:28

Gwá dwɛ̂ʼ gá tyé yɨ́n, bɨ̌n bʉr o tɨ̂, le mpʉ̌ sɔ́má óbûʼla bɨ́bɛ̂h dí yɨ́. Sísǐm mé Nzyɛ̌m, wé á tyêl bɨ̌n ɨ́ Mbɛ̌r-Nzyɛ̌m ó, ɨ́ dǐ óbɔʼlʉ. Nó, gwá baʼle gá bé Mbɛ̌r-Nzyɛ̌m waá. Nzyɛ̌m á bwâm wé ó, ɨ́ nzɨ̌ metié mé Mwân wé nye mʉr tɨ̂.

1 Pyɛr 3:18

Ebě, Krîst mʉr tɨ̂ʼ á si dwe jɔʼ gwár lɨ́ esú é bíjɔʼ bíbyɛ̂h ɨ́ lɔ̌b bísyɛ́ɛla bí ébébe bín. Nyɨɛ tîtyěl mʉr á búra ó, le onzyɛ́h ó bʉ̂r, lɨ́ esâ ó, nye tôʼ e bɨ̌n nkǒ Nzyɛ̌m dí yɨ́. Bʉr bé á si jʉ̂ nye ɨ́ nkǒ páʼ bípúno. Nzyɛ̌m nyɨɛ nzě sâ ó, nye bíʼee nkul ɨ́ nkǒ páʼ Sísǐm wé.

Éfɛsɔs 3:8

Ɨ́ sɔ́má bʉ̂r o bɨ́h le onɔ́ɔ́ dí egúmo e Nzyɛ̌m bá, bʉ́ʉ́ bɨ́bɛ̂h ó dí ejala le enyɛɛ́ gbáŋɔɔ ɨ́ nkɔb. Damá jóʼo nó, Nzyɛ̌m á si lɛ̂ʼle me mpam nyé, ó me túnaa Mbɨambɨa Lɔ́ɔ́ mé Yésʉs-Krîst kwá bʉr o dí abe óYúden bá, ó bé gʉ́ŋaa okúm le ogbaǎ Krîst dí enze mɨ́ná gá e wǎ wɨ́, nzamedwah e mpʉ wé dí agʉ́ŋɔɔ wɨ́wɛ̂h yɨ́.

Mɨlʉmlʉ 10:43

Ogwíha o mílɔ̌b bɨ́bɛ̂h, bé á si lwib, dumo e né. Bé á lɛ́ɛ ó, mʉr nyɨnyɛ̂h ódyêʼ koo e né nyá, Nzyɛ̌m ópɛʼ bíbaa nyé dí eniʼe ɨ́ lɔ̌b mísyóm myé bí. Nye ósâ nó ó, ɨ́ lɔ̌b mé Yésʉs.»

Yʉanes 20:23

Bɨ́n ópɛʼ bíbaa bɨ́n á niʼe ɨ́ lɔ̌b syóm mé nyʉ́ʉ́ mʉ̂r bí nó, Nzyɛ̌m ntémé ópɛʼ bíbaa nyé mʉr tɨ̂ʼ á niʼe ɨ́ lɔ̌b mísyóm myaá bí. Mʉr nyɨnyɛ̂h bɨ́n óbe, apɛʼ bíbaa bí ébébe nyá, Nzyɛ̌m ntémé, nye ákóʼó pɛʼ nyé byaá byé.»

Markus 14:24

Nye e bé ó: «Metié mâm ó mâ: metié lɨ́ eswɨɨ lɨ́ esú ó, Nzyɛ̌m tyélɨɨ saá páʼ nyɔ́ɔ́ e bʉr ɨ́ buo buo má.

1 Timotɛ 2:6

mʉr á pa dwe twiʼ yé lɨ́ etáǎ góo, le edwih bʉ̂r bɨ́bɛ̂h ɨ́ mpila ébébe nyá. Nó ó, lɔ́ɔ waá, wé á ka lɛ́ɔɔ ó, ɨ́ jɔʼ wé á jala le elɛ́ɔɔ yɨ́.

Kolosi 2:13

Ɨ́ mimbú mí píhe, bɨ̌n bé á be ó odwe nkǒ páʼ sísǐm, tɨ̂ ɨ́ misyóm mín, le mpʉ bɨ́n á be apǎ teʼle nkûl njwɨr myâ gá wɨ́ná yɨ́. Nó ó, ɨ́ báánâ, Nzyɛ̌m, nyɨ́ sâ ó, bɨ̌n e boo Krîst, bé níʼee ɨ́ twiʼ mpâ sɔ́má gwár. Nzyɛ̌m, nyɨ́ pɛʼ bíbaa bí ébébe bíbyɛ̂h nyé á niʼe mɨná ɨ́ lɔ̌b mísyóm gá míná mímyɛ̂h.

Kolosi 2:2

Syɛ́ɛ́ mé dí eséa yɨ́, mě séá yé ó, me nkʉ̂ gbâ bɨ́n nkul ɨ́ miléme, le esâ ó, bɨ̌n kpɛ́laa, le egwá pûhla. Bɨ̌n nkʉ̂ gʉ́ǎ búʼó gá yɨ́ná ɨ́ pébébé, sá dí bɨ̌n e nyɔm ɨ́ buo buo yɨ́. Bɨ̌n gʉ́ŋaa ntémé Krîst, mʉ̌r Nzyɛ̌m á sol ɨ́ lwǐb ódîm nyá.

Kolosi 1:27

Ebě, Nzyɛ̌m á be lɨ́ ekpɛl élɛ̂ʼle bé jwɨʼ nyé á be e yé mesǒ yɨ́, jwɨʼ dí ɨ́ buú mbɨa, yaá dí e nyɔm lɨ́ esú é bíkúl bíbyɛ̂h yɨ́. Solá jwɨʼ yaá, yé ó: Krîst, nye mû ó sí pûhla e bɨ̌n. Bɨ̌n mû e mpûʼla ɨ́ miléme ó, bɨ̌n óbi kûm tɨ̂.

Éfɛsɔs 2:4

Tó kœb ó, Nzyɛ̌m, nye ɨ́ buú jɨ̂ʼ mɨ́ná gá nkoó. Nó nyé á nze lɛ̂ʼle mɨná gá mpʉ nyé á bu kpɛl mɨná gá kpɛ̌l ápurapúra yɨ́.

Rôm 9:23

Nzyɛ̌m á kpɛl ntémé ó, bʉr gʉ́ŋaa ó, nyě e kûm nɨ́nɨ́ɨ́. Nye ókab mɨ́ná gá kûm nyaá, mɨná gá, bʉr o nyé á kpɛl ecwɨ́a e bé bá, ebě, mɨná gá bé ó baá nyé á boo komlo ó, nye ókab bé kûm nyaá bá.

Mɨlʉmlʉ 3:19

Nó túmáá gá mikoo e misyóm mín. Bɨ̌n a dwírá míléme, Nzyɛ̌m nkʉ̂ pɛʼ bíbaa bí ébébe nyé á niʼe bɨ̌n bí!

Lʉkas 24:47

Yé á boo be cɛmá ntémé ó, bʉr, bé ótô ɨ́ lʉ́mlʉ́ wé, le etúnǒ Mbɨambɨa Lɔ́ɔ. Bé ótô le elɛ́ɛ bʉ̂r ó, bé túmaa mikoo e misyóm myɔ́ɔ́, le edwira míléme, Nzyɛ̌m pɛ́ʼɛɛ bé bibaa bí ébébe byɔ́ɔ́. Lɔ́ɔ waá, wé ónyɛɛ́ túnɔɔ ó, ɨ́ Yerʉ́zalɛm, tó túnɔɔ ntémé kwá bikúl bíbyɛ̂h.

Lʉkas 1:77

Go ólɨlɛ̂ʼlě kúl bʉ̂r gá yɨ́ná ó, nye ó ngá tiʼ mɨ́ná gâ. Nye ópɛʼ mɨ́ná gá bibaa bí ébébe nyé á niʼe mɨná gá bí.

Mɨngwiha 14:4

Bɨ́haá, bé á bé akúna e bʉbá, nkʉ̂ lœʼ ményʉ́l mɔ́ɔ́. Bé dína ó bibíŋ. Bé á be lɨ́ edû Mâ Nteme gúmó yɨ́yɛ̂h nyé á tʉtô yɨ́. Bé ó baá Nzyɛ̌m á dwih ɨ́ mpila ébébe bá. Bɨ́ɛ ó dí tôm á twámɔɔ Nzyɛ̌m, bé e Mâ Nteme wɨ́.

Éfɛsɔs 1:6

Mɨná dwêʼ gá nye dúu ndu e kûm ɨ́ lɔ̌b mpâm nyé! Nyɨ́ buú cwɨ́a e mɨná gá e nzɨ̌ Mwâ kpɛ̌l wé.

Mataos 6:12

Pɛʼɛɛ bíbaa bí ébébe gó dí eniʼe lɨ́ misyóm míh bí, ɨ́ mpʉ bɨ́h ntémé mû sí pɛʼ bíbaa bí ébébe bɨ́h á niʼe bʉr o b'á sâ bɨ̌h ebébe bá yɨ́.

Rôm 3:25

Nzyɛ̌m á ntɨh nye ó, nye ntáa dwe, búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé. Nye á dwe ó, nye nkʉ̂ kɛm bʉ̂r o dí ebúʼlǎ ndwéá métié waá bá. Ɨ́ nzéá Yésʉs-Krîst á nze wɨ́, Nzyɛ̌m á si lɛ̂ʼle mpʉ nyé dí tîtyěl yɨ́. Misyóm bʉ̂r bé á boo sɨ̂sa mí, Nzyɛ̌m á si bu dûhwo myê, kʉ́ lɛŋ myé ɨ́ buo buo, alwib.

Éfɛsɔs 1:8

Nye á lɛ̂ʼle mɨná gá mpam nyé nyaá ó e nzɨ̌ ocwóó wé wɨ́wɛ̂h le pɨʼ nyé.

Éfɛsɔs 1:14

Nyě ntɨ̌h mɨ́ná gá Sísǐm waá ó, mpʉ̌ jwɨʼ dí elɛ̂ʼle mɨ́ná gá mepwǎʼ Nzyɛ̌m ngá dwe mɨ́ná gá, jala e nkɔb líʼe gá nyɨ́ná má yɨ́. Mɨná bé óbi gá mé ó, ɨ́ jɔʼ nyé óbe, nye mû sí dwih bʉ̂r o dí egúmo e né bá ɨ́ mpila ébébe yɨ́. Mɨná dwêʼ gá nye dúu e kûm ɨ́ syɛ́ɛla yé yaá.

Éfɛsɔs 1:18

Nye bɛ́yɨɨ bɨ̌n mîh me dí ɨ́ milémé mín tʉ́ŋlʉ̌ má, ó bɨ̌n gʉ́ŋaa metʉ́m bʉ̂r ó Nzyɛ̌m á jébe bá, dí ebóno e né má. Bɨ̌n gʉ́ŋaa ntémé kûm nɨ́nɨ́ɨ́ bɨ́n ngá nʉa, jala e nkɔb líʼe nyɨ́n nyɨ́. Nyě komó ékʉ̌m laá ɨ́ buo buo ó, lɨ́ esú lé édwe bʉ̂r bɨ́bɛ̂h o dí egúmo e né bá.