Éfɛsɔs 1:6 - Kálar Nzyɛ̌m : Ejwán é Sáá

⁶ Mɨná dwêʼ gá nye dúu ndu e kûm ɨ́ lɔ̌b mpâm nyé! Nyɨ́ buú cwɨ́a e mɨná gá e nzɨ̌ Mwâ kpɛ̌l wé.

Kálara Zyɛ̌m Edwán é mpʉ̌n

⁶ Bɨna dwiibɨ ga nye ebe mocyɛʼ mo mpom we nye sʉ bɨna ga é zi Mwan kpɛl we e.

Éfɛsɔs 1:6 ပူးပေါင်းရင်းမြစ်များ

Kolosi 1:13

Nzyɛ̌m, nyɨ́ dwih mɨ́ná gá le onɔ́ɔ́ ɨ́ mpél édúrʉ́ʉ́, ntɛŋ mɨ́ná gá ɨ́ mpóʼo Mwâ kpɛ̌l wé dí ejwɨ́ɨ nyɨ́.

Éfɛsɔs 1:12

Nye á kpɛl ó, bʉr dwêʼ nye dúu e kûm ɨ́ lɔ̌b syɛ́ɛla nyé á sâ ɨ́ sɔ́má gá yɨ́ná, mɨná gá bɨɛ, bʉr o nyé á nyɛɛ gbâ mpûʼla ɨ́ miléme ɨ́ nzɨ̌ mé Krîst bá yɨ́.

Filipi 4:19

Nó ó, Nzyɛ̌m wǎm, nye ólóŋlo bɨ́n bisá bɨ́n dí esáa bí, dwe bɨ́n byǎ ɨ́ buo buo, lɨ́ edû mpwâʼ okúm wé. Nye ósâ nó lɨ́ esú lɨ́n, bʉr o dí ɨ́ mpúhlá e Yésʉs-Krîst bá.

Mataos 3:17

Píe tɨ̂, nyě kǎ jóʼo ó, etyêl nzě duho ɨ́ jʉ́o kʉ́, lɨ́ elɛ́ɛ ó: «Nyâ, nye ó mwân wǎm mé dí ɨ́ buú kpɛl nyá. Sʉhʉʉ yâm yɨ́yɛ̂h, yé e né.»

1 Pyɛr 2:9

Sâ gwár, bɨ̌n bɨɛ bé ó mpóʼǒ Nzyɛ̌m á boo twâr nyɨ́. Nye á twâr bɨ̌n ó, bɨ̌n séaa nye syɛ́ɛ ópara, le edǐ kúl bʉ̂r dí tí ɨ́ míh mé yɨ́. Bɨ̌n bé ó sá mé Nzyɛ̌m, ánta nye, lɨ́ esú ó, bɨ̌n gúmlaa mʉr á jébe bɨ̌n nyá. Njɨ́blɨ́ wé waá, wé ó b'á pɛʼ bɨ̌n lɨ́ edúrʉ́ʉ́, tyen bɨ́n ɨ́ myɛ́n dí ɨ́ ntyɛ̌n ntɨ̂ ntyɛ̌n yɨ́.

Filipi 1:11

Nó ó bɨ́n ngá di ótîtyěl o bʉ̂r lɨ́ edû kʉ̌ tyen mpâ ɨ́ mpúhlá nyɨ́n e Yésʉs-Krîst yɨ́. Bʉr, bé óbuú dwě Nzyɛ̌m kûm le esêʼle nyé ɨ́ lɔ̌b wɨ́n.

Éfɛsɔs 1:14

Nyě ntɨ̌h mɨ́ná gá Sísǐm waá ó, mpʉ̌ jwɨʼ dí elɛ̂ʼle mɨ́ná gá mepwǎʼ Nzyɛ̌m ngá dwe mɨ́ná gá, jala e nkɔb líʼe gá nyɨ́ná má yɨ́. Mɨná bé óbi gá mé ó, ɨ́ jɔʼ nyé óbe, nye mû sí dwih bʉ̂r o dí egúmo e né bá ɨ́ mpila ébébe yɨ́. Mɨná dwêʼ gá nye dúu e kûm ɨ́ syɛ́ɛla yé yaá.

1 Pyɛr 4:11

Yé bé mʉr ólwib mílɔ̌b mé Nzyɛ̌m nó, nye lɛ́yɨɨ sá yɨ́yɛ̂h mpʉ mʉ̂r dí ekala mílɔ̌b mé Nzyɛ̌m nyá jálá le esâ yɨ́. Yé bé nyě súʼó ó bʉ́ʉ́ bʉ̂r nó, nye súʼaa bé e nkǔl Nzyɛ̌m mʉr tɨ̂ʼ á ntɨh nye nyɨ́. Nó ó Nzyɛ̌m ngá dweŋɔɔ kûm ɨ́ sá yɨ́yɛ̂h ɨ́ nzɨ̌ mé Yésʉs-Krîst yɨ́. Kûm le nkul, byé dwéŋɔɔ nye njʉ̌m dǐ e njʉ̌m dǐ. Amɛn.

2 Korɛnt 5:21

Mʉr á be abe e mpɨŋ nyá, nye ó waá Nzyɛ̌m á dwir syɛ̂l misyóm lɨ́ esú gá lɨ́ná nyá. Nye á sâ nye nó ó, mɨná nkʉ̂ di gá otîtyěl o bʉ̂r ɨ́ míh mé Nzyɛ̌m e nzɨ̌ mʉr waá.

2 Korɛnt 4:15

Ebě, mitúú e mindɛ̌l myaá mímyɛ̂h, myé pípyál bɨ́h ó, lɨ́ esú lɨ́n. Nó ó Nzyɛ̌m ngá cwɨ́a e buobuo bʉr lɨ́ esú lé ébul tâŋ minjɨʼla mi nzyóo yɨ́. Nzyɛ̌m óbuú bi kûm tɨ̂.

1 Pyɛr 2:5

Kamaa gá ó, Nzyɛ̌m súmaa mbɛ̌r Sísǐm wé ngá di tɨ̂ʼ wɨ́. Diʼee gá mekóʼ me dí kublakúbla má, maá ngá kɛlɔɔ tɨ̂ʼ ɨ́ nzumó nyaá má. Bɨ̌n bé ósûʼla bʉ̂r o dí tí, baá o dí ɨ́ sɔ́má ópara bé bá. Mindwéá bɨ́n ngá dwidwě Nzyɛ̌m e nzɨ̌ Sísǐm wé mí, Nzyɛ̌m óbee myé mbɨ̂mbɨá ó, lɨ́ esú mé Yésʉs-Krîst.

Éfɛsɔs 1:18

Nye bɛ́yɨɨ bɨ̌n mîh me dí ɨ́ milémé mín tʉ́ŋlʉ̌ má, ó bɨ̌n gʉ́ŋaa metʉ́m bʉ̂r ó Nzyɛ̌m á jébe bá, dí ebóno e né má. Bɨ̌n gʉ́ŋaa ntémé kûm nɨ́nɨ́ɨ́ bɨ́n ngá nʉa, jala e nkɔb líʼe nyɨ́n nyɨ́. Nyě komó ékʉ̌m laá ɨ́ buo buo ó, lɨ́ esú lé édwe bʉ̂r bɨ́bɛ̂h o dí egúmo e né bá.

Rôm 8:1

Nó ɨ́ báánâ, bʉr o mû sí pûhla e Yésʉs-Krîst bá, Nzyɛ̌m, nyé akǎ láa bé bibaa bí ébébe, nkʉ̂ dwe bé bintɨ́ʼá bí tɨ̂.

Yʉanes 10:17

«Sɔ́ŋ wǎm kpɛl mé ó, ebe mé mû lɨ́ edwě twiʼ yâm. Me ódwe yê, ntɔ̂ʼ báʼǎ nʉa yé, yé mû edwán.

Yʉanes 3:35

Nzyɛ̌m Sɔ́ŋ, nye lɨ́ ekpɛl Mwân wé. Nyɨ́ boó gbâ sá yɨ́yɛ̂h sí jwɨ́ɨ́ yé.

Lʉkas 2:14

«Kûm mé Nzyɛ̌m, nye lɨ́ elóŋlǒ jʉ́ó dí elaǎ jʉ́o le ejwoo le baántɛ́n yɨ́. Bʉr ó sí, bé díʼee e mepyɛbla páʼ nyɔ́ɔ́, ebě, Nzyɛ̌m, nyɨ́ bee bé mbɨ̂mbɨá.»

Mataos 17:5

Mpʉ nyé á be, nye dína lɨ́ elwib yɨ́, dwiné ɨ́ ngé ngɨ ngé nzě búblo bê. Ompʉ́n, bé kǎ jóʼo ó, lʉ́ʉ́ étyêl lɨ́ eduho ɨ́ dwiné tʉ́ŋlʉ̌, lɨ́ elɛ́ɛ ó: «Nyâ, nye ó mwân wǎm mé dí ɨ́ buú kpɛl nyá. Me lɨ́ ekʉ́ mɛɛla e né. Jʉ́jóʼáá gá nye!»

Filipi 3:9

Mě gwɨ́m ó, yé nyɨ́nɨɨ mpʉ bɨ́h e Krîst mû ɨ́ mpúhlá yɨ́. Mé agwɨ̂m ébi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mě gwɨ́m ó, Nzyɛ̌m dwêʼ me nkam ɨ́ lɔ̌b búʼó mé dí ebúʼlǎ Krîst yɨ́.

Éfɛsɔs 2:7

Nye á cwɨ́a e mɨná gá nó ó, lɨ́ esú lé élɛ̂ʼle mímyǎ mímyɛ̂h mi dí ebyɛ̂l mí, kpɛ̌l yé dí ápurapúra, dí elaa byúú bíkpɛ̌l bíbyɛ̂h yɨ́. Nye á sâ mɨná gá embɨa laá ó, ɨ́ mpúhlá gá nyɨ́ná e Yésʉs-Krîst.

Mataos 20:9

Baá bé á nʉŋɔɔ ɨ́ mewala metɛ̂n bá, bê nzě pyâl ésôʼ. Bé á jána e bé ó, mʉr ngwár, nzǎŋ mɔnɨ́ ngwár.