Éfɛsɔs 1:5 - Kálar Nzyɛ̌m : Ejwán é Sáá

⁵ Nye á be ɨ́ kpɛl mɨ́ná gâ, nye nzě tíʼe ɨ́ lémé wé ó, nyě tyél ó mɨná gá ɨ́ tyé bwán bé ɨ́ nzɨ̌ mé Yésʉs-Krîst. Nye á sâ nó ó, ɨ́ kpɛ̌l yé ti e mitíʼá myé nye mʉr tɨ̂.

Kálara Zyɛ̌m Edwán é mpʉ̌n

⁵ nye a bɛa tiile é leme we ó, nye cyel bɨna ga é dia bwan o mobœʼa be ó, dumo e Yesʉs-Krɨst. Nye a sa no ó, njɨ ebe kpɛl ye ndwe e bɨgwɨma bɨ leme we.

Éfɛsɔs 1:5 ပူးပေါင်းရင်းမြစ်များ

Éfɛsɔs 1:11

Mɨná bɨ́ pûhla gá e Yésʉs-Krîst ɨ́ twárá Nzyɛ̌m á twâr mɨná gá yɨ́. Nye á boo twâr mɨná gâ ó, kʉ́ e sí dína apǎ bě kuhá. Yé á be ó mpʉ nyé á boo jwɨʼ yɨ́, nyɨɛ mʉr dí egbâ nkûl ɨ́ sá yɨ́yɛ̂h, le esâ ó, bijwɨʼ le mitíʼá mí lémé wé, byé lwɨ́ŋlɨɨ nyá.

1 Yʉanes 3:1

Beyɨɨ gá bím Nzyɛ̌m Sɔ́ŋ á kpɛl mɨná gá, ntaa sʉ́ŋa yɨ́! Nyɨ́ gbân mɨ́ná gâ, le elɛ́ɛ ó, mɨná gá bé ó «bwán mé Nzyɛ̌m». Mɨná gá kʉ́ bě tyeetye ó bwán bé. Bʉr ó sí yɨ̂, bɨ́ɛ, bé agʉ́a Sɔ́ŋ gá wɨ́ná Nzyɛ̌m. Sá tɨ̂ʼ ó bé dí agʉ́a mɨ́ná gá yɨ́.

Yʉanes 1:12

Damá jóʼo nó, bím bʉ̂r o b'á nʉa nye, dyɛ̂ʼwɔɔ ntémé e né bá, bé ó nyé á dwe nkul etyélɔɔ bwán mé Nzyɛ̌m.

Rôm 8:23

Yé abě njɨ nó. Nzyɛ̌m mû ó sí ntɨh mɨ́ná gá Sísǐm wé. Mɨná bé á nyɛɛ bi gá ó, etʉ́m laá. Damá jóʼo nó, milémé gá míná dína ó lɨ́ etíme. Yé ó nó, tó kumo ó, dʉ́ó Nzyɛ̌m ósîl étyêl mɨ́ná gá ɨ́ tyé bwán bé yɨ́. Dʉ́o laá ó nyé ngá dwih ményʉ́l gá mɨ́ná ɨ́ mpila ébébe yɨ́.

Galásia 3:26

Bɨ̌n bɨ́bɛ̂h mû ó bwán mé Nzyɛ̌m, ebě, bɨ̌n bé á si dyɛ̂ʼwo e Yésʉs-Krîst.

2 Korɛnt 6:18

Dâ, dí Nzyɛ̌m nkul nyɨnyɛ̂h nyá, nye lɨ́ ebáʼǎ lɛ́ɛ ó: Me óbe ó sɔ́ŋ wɨ́n; bɨ̌n bé óbe mé ó, bwân, bwá ó bʉbá le bwá ó bʉrʉ̂m.

Mɨngwiha 21:7

Waá óntaa, búla le onkɔ́ɔ́ nyá, ónʉa médíbé maá, jala e nkɔb líʼe nyé. Me óbe ó Nzyɛ̌m wé. Nye óbe mé ó mwân.

Éfɛsɔs 1:9

Nyě títyɛ́b mɨ́ná gá ɨ́ miléme ó, mɨná gʉ́ŋaa gá mitíʼá mí lémé wé, myaá myé á boo lɛ́ɔɔ ɨ́ lwǐb ódîm mí. Yé ó sá nyé á nyɛɛ jwɨʼ, kǎ sâ ɨ́ kpɛ̌l yé nye mʉr tɨ̂ʼ yɨ́.

Yʉanes 11:52

Abě njɨ ɨ́ lɔ̌b óYúden bé omér. Nye ntémé á dwe ó, lɨ́ esú é bwán mé Nzyɛ̌m bɨ́bɛ̂h. Nye ónʉa bé ɨ́ bigúmó byɔ́ɔ́, syɛŋ bé sûm gwár, ó bé díʼee njɨ kûl gwár.)

2 Tesalonika 1:11

Ɨ́ pâʼ waá ntémé ó bɨ́h dí ejɨʼla ɨ́ bijɔʼ bíbyɛ̂h ɨ́ lɔ̌b wɨ́n yɨ́. Bɨ̌h jɨʼlá e Nzyɛ̌m ó, nye béyɨɨ mbɨ̂mbɨá, ó bɨ̌n bé lɨ́ edû kʉ̌ tyen nyé á jébe bɨ̌n ó, bɨ̌n dúʼoo wɨ́. Bɨ̌h jɨʼlá ntémé ó, nye gbâʼ nkul nyé ó, bɨ̌n lóŋlaa bisyɛ́ɛla bɨ́n dí ebúʼla ó, bɨ̌n jálá le eséa nyé bí.

Lʉkas 10:21

Ɨ́ jɔʼ yaá, Sísǐm mé Nzyɛ̌m nzě lóŋlǒ lémé mé Yésʉs e bisʉhʉʉ. Nó nyé á lɛ́ɛ ó: «Dâ, me lɨ́ edwe gó kûm, gua, Njwɨ́ɨ kʉ́ e sí, ebě, go á si lɛ̂ʼle bʉr o dí mpʉ bwá ó ntwǒm bá, bisá gó á sol ocwóó ndu e l'ogwɨ́a ó sí yɨ̂ʼ bí. Dâ ɛ̌, yé ó nó! Ebě, go á boo bi bísʉhʉʉ ɨ́ lémé gô ó, yé sáŋɔɔ nó.

1 Korɛnt 1:21

Nzyɛ̌m á tíʼe ɨ́ páʼ wé ó, bʉr ó sí yɨ̂ʼ gʉ́ŋaa nye ɨ́ nzɨ̌ ocwóó wé nye mʉr tɨ̂. Tó kœb ó, bé á si kâr egʉ́ǎ Nzyɛ̌m e nzɨ̌ nyaá. Bé á ka sáa egʉ́a nyé ó, ɨ́ nzɨ̌ wɔ́ɔ́ ócwóó, bé bʉr o tɨ̂. Sá tɨ̂ʼ ó Nzyɛ̌m á ka bee embɨa ɨ́ páʼ wé ó, nyě tǐʼ ó baá o dí ebúʼlǎ lɔ́ɔ́ wé bá yɨ́. Lɔ́ɔ waá, wé ó sá bʉ́ʉ́ bʉ̂r dí ebeě mpʉ ógʉ̌ yɨ́.

Yʉanes 20:17

Yésʉs, nye e né ó: «Sá akǎ mɛ̂r mê, ebě, me dína apǎ bɨ́nɔɔ ɨ́ jʉ́o kʉ́, tô kwá mé Dâ. Tóʼ, tó lɛ́ɛ bɨ́ɔɔ́ bâm ó, me mû ó lɨ́ ebére, búlǎ nko Sɔ́ŋ wǎm dí yɨ́. Nye ntémé, nye ó sɔ́ŋ wɨ́n. Nye ó Nzyɛ̌m wǎm. Nye ó Nzyɛ̌m wɨ́n ntémé.»

Mataos 11:26

Dâ, yé ó nó. Me lɨ́ egúmlo gô, ebě, go á komlo ó, yé syɛ́yɨɨ nó.

Lʉkas 11:32

Ɨ́ dʉ́ó lé étíʼ é mílɔ̌b, bʉrʉ̂m ó Ninevâ, bé ógbɔlwa, nwâhle bʉ̂r ó myǎ wɨ̂, ebě, bé á be ó sí túmo míkoo le edwira míléme lɨ́ ejóʼo mpáŋla mé Yʉ́nas. Nó, paá bee gâ: sá láá Yʉ́nas yɨ́, yé ó wâ.»

Filipi 2:13

Ebě, Nzyɛ̌m ó dí edwe bɨ́n gwɨ́má édû nzɨ́ mpâ nyaá. Nye ntémé ó dí edwe bɨ́n nkul ó, bɨ̌n jánaa tɨ̂ʼ mbɨ̂mbɨá.

1 Korɛnt 1:1

Yé ó mɛm Pɔ̂l, mʉ̌r Nzyɛ̌m á twâr ɨ́ lɔ̌b gwɨ́má yé ó, me díʼee mʉr milʉ́mlʉ́ mé Yésʉs-Krîst, bɨ̌h e mɨ́ɔɔ́ gá wɨ́ná Sostɛ̂n ó dí ecɛma bɨ́n mekaná mâ. Bɨ̌h cɛmá ó, bʉr ó Mbɛ̌r-Nzyɛ̌m dí Kórɨnt bá.

Mataos 1:25

Nye á bé asyɛŋa e né, tó pyâl ɨ́ jɔʼ nyé á byâ mwân waá yɨ́. Nye ntɔ̂ʼ jwɨr nyé díe ó, Yésʉs.

Lʉkas 12:32

«Bɨ̌n bʉr o dí mâ daa e bínteme byâm bá, ayɨ́ kpɛ́ɛ gá sɔ̂ʼ. Sɔ́ŋ wɨ́n, nye lɨ́ ebee émbɨa lɨ́ eníŋle bɨ́n ɨ́ Mpóʼo nyé.

Mɨlʉmlʉ 13:48

Ɨ́ jɔʼ bʉ̂r o dí abe óYúden bá, bé á jóʼo milɔ̌b myaá yɨ́, bê nzě soho le esêʼlě lɔ́ɔ́ dí edumo e Tî Yésʉs wɨ́. Baá bɨ́bɛ̂h Nzyɛ̌m á boo twâr ó, bé óbǐ twǐʼ njʉ̌m dǐ bá, bé ntɔ̂ʼ bûʼla.

Kolosi 1:19

Nyě tyɛ́b bísá bíbyɛ̂h esôʼ ó, ebě, Nzyɛ̌m á bee embɨa ɨ́ páʼ wé ó, nyě dǐ ntinɨ̂ e ntinɨ̂ ó, ɨ́ nye.

Ebrœ̂ 2:4

Nzyɛ̌m, nyɨ́ nzě boʼlo ntémé ó, lɔ́ɔ waá, wé ó tyeetye, ebě, nye á si ntɨh bisyɛ́ɛla bi nkûl, le byaá bí ékâm, le mesimá mimbi mimbi, kumǒ kumáa e mindwéá Sísǐm wé dí entɨntɨh mɨ́ná gá mí, dû mpʉ wé dí ekpɛl yɨ́.