Éfɛsɔs 1:23 - Kálar Nzyɛ̌m : Ejwán é Sáá

²³ Mbɛ̌r-Nzyɛ̌m, wé ó nyʉ̂l mé Krîst. Krîst, nye ó lwɨ́ŋlá ɨ́ Mbɛ̌r-Nzyɛ̌m ɨ́ gúmó yɨ́yɛ̂h. Krîst ngwár e ngwár waá ntémé ó dí elóno ɨ́ mpóʼo nyɨnyɛ̂h nyá.

Kálara Zyɛ̌m Edwán é mpʉ̌n

²³ Mbɛr-Zyɛm, wé ó nyʉl mo Krɨst. Krɨst nyɛɛ, nye elɛʼle mpwaʼ we ó, njɨ ɨ Mbɛr-Zyɛm. Krɨst ó ndɨ ejwɨʼ mɨcyea bɨsɔʼɔ bibyɛh é mɨpaʼ mimyɛh.

Éfɛsɔs 1:23 ပူးပေါင်းရင်းမြစ်များ

Yʉanes 1:16

Mɨná gá óbɛ̂h, bé á be ó sí bi émbɨa lé ndu e mpam nyé ɨ́ buo buo.

Éfɛsɔs 4:12

Nyě sá nó ó, lɨ́ esú é bʉ̂r o mé Nzyɛ̌m, ó bé díʼee bʉr o dí e nkul elóŋlǒ syɛ́ɛ́ yé bá. Nyě lɛ́ʼlé bé esâ nó ó, lɨ́ esú lé édwě Mbɛ̌r-Nzyɛ̌m (dí nyʉ̂l mé Krîst wɨ́) megwɨ́e.

Éfɛsɔs 3:19

Mě jɨʼlá ntémé e Nzyɛ̌m ó, bɨ̌n gʉ́ŋaa mpwaʼ kpɛ̌l mé Krîst dí elaǎ sá yɨ́yɛ̂h mɨ́ná dí e nkul egʉ́a gá yɨ́, tó pyâl ɨ́ jɔ̌ʼ Nzyɛ̌m óbe, nye mû sí lóŋlo bɨ́n e sá nyé mʉr tɨ̂ʼ dí lwɨ́ŋlá e yé yɨ́.

Éfɛsɔs 4:10

Mʉr á sulo ɨ́ sí yɨ̂ʼ nyá, nye ntémé ó b'á bére, laǎ jʉ́o, le ejwoo le baántɛ́n. Táare ɨ́ tyé yaá, nzě kumo ɨ́ gúmó yɨ́yɛ̂h, nye ó ngá jwɨ́ɨ̌ sá yɨ́yɛ̂h.)

1 Korɛnt 15:28

Jɔʼ nyé óbe, nye mû sí gbâ sá yɨ́yɛ̂h ɨ́ jwɨ́ɨ́ mé Krîst yɨ́, ɨ́ jɔʼ yaá ó Krîst nyɨɛ ngá kǎ nî ɨ́ jwɨ́ɨ́ mé Nzyɛ̌m yɨ́, nyɨɛ mʉr á pa gbâ sá yɨ́yɛ̂h ɨ́ jwɨ́ɨ́ mé Krîst nyá. Nzyɛ̌m Sɔ́ŋ ókǎ be ó njwɨ́ɨ sá yɨ́yɛ̂h ɨ́ jɔʼ yaá.

Kolosi 1:24

Báánâ, me mû ó e bisʉhʉʉ ɨ́ léme ɨ́ lɔ̌b mítúú mé dí esia e myé lɨ́ esú lɨ́n mí. Mitúú Yésʉs-Krîst á be asia e myé mí, míɛ ó mɛ̂m dí ekǎ sia e myé ɨ́ bipúno byâm bî. Mě jóʼó mégunwa me tɨ̂ʼ ó, lɨ́ esú é nyʉ̂l mé Krîst, dí Mbɛ̌r-Nzyɛ̌m nyɨ́.

Kolosi 3:15

Krîst tyɛ́bɨɨ bɨ̌n ɨ́ miléme, ó bɨ̌n díʼee e miléme mi dí milwɨ́ŋlá ɨ́ mepyɛbla mí. Sá tɨ̂ʼ ó Nzyɛ̌m á jébe bɨ̌n ó, bɨ̌n pûhlaa ɨ́ nyʉ̂l mpwár yɨ́. Jwǐdwéʼ gá nye nzyǒo ɨ́ jɔʼ yɨ́yɛ̂h ɨ́ bisá nyé dí esâ bɨ́n bí.

Kolosi 3:11

Ɨ́ twiʼ dwân yaá, adû gá bwá mímbɔ́ʼ bâ: Nyâʼ, nye ó Yúden; nyâʼ nyɨɛ, mʉr Grɛ̂s. Nyâʼ, nye ó tíʼá mpʉ́n; nyâʼ nyɨɛ, nyé abě tíʼá mpʉ́n. Nyâʼ, nye ó ayogoyogo. Nyâʼ, nye ó mʉr dí edweŋɔɔ nzóʼ nyá. Nyâʼ, nye ó túʼǎ; nyâʼ nyɨɛ, nye ó nzyɛh. Ebě, Krîst ó dí lʉ̂ sá yɨ́yɛ̂h. Sá yɨ́yɛ̂h, yé dyɛ́ʼwó ó e né.

Éfɛsɔs 2:16

Ɨ́ jɔʼ nyé á bomlɔɔ ɨ́ kolôs kʉ́ yɨ́, nye á si sâ saá páʼ gá nyɨ́ná e Nzyɛ̌m, le esâ ó, bʉr o bíkúl bíbá gá bíná byaá, díʼee mpʉ mʉ̂r ngwár. Mɨná bé á ka gwâʼ enwimla páʼ gá nyɨ́ná ó, ɨ́ jɔʼ nyé á dwe yɨ́.

1 Korɛnt 12:6

Yé ɨ́ buo mímbi bísyɛ́ɛlǎ Nzyɛ̌m dí e nkul esâ ɨ́ bʉr bí. Tó kœb ó, Nzyɛ̌m ngwár e ngwár waá ó dí esâ bíbyɛ̂h ɨ́ bʉr bé bɨ́bɛ̂h.

Rôm 13:5

Sɨ́ǎ yaá ó bɨ́n jálá le esâ ójwɨ́ɨ mejóʼo yɨ́. Abuú bě njɨ lɨ́ ekpɛ́ɛ nkpáa le bintɨ́ʼá mé Nzyɛ̌m. Bɨ̌n sá ntémé nye mejóʼo maá ó, ebe bɨ́n dí egwɨ̂m ó, mipahlá mí lémé mín díʼee myaá mi dí ɨ́ pyɛɛɛ mí.

Éfɛsɔs 4:4

Nyʉ̂l mé Krîst, nye ó mpwár. Sísǐm mé Nzyɛ̌m, nye ó ngwár. Mpûʼla mpwár ó dí bɨ̌n ɨ́ miléme, táare ɨ́ jɔ̌ʼ Nzyɛ̌m á jébe bɨ̌n yɨ́.

Éfɛsɔs 3:10

Yé ka lîʼ ɨ́ báánâʼ ó, njɨ epâʼlǎ jwɨʼ yé yaá, pyêl yé ɨ́ myɛ́n lɨ́ esú lé écɨ̂l mísísǐm mí édúrʉ́ʉ́ mi dí e jwɨ́ɨ mí le myaá mi nkûl, myaá mi dí páʼ jʉ́o le ejwoo mí. Myé mû ó lɨ́ ekǎ jɨ̂ʼ yé kwá gá nyɨ́ná, bʉr ó Mbɛ̌r-Nzyɛ̌m, le egʉ́ǎ mpʉ ócwóó mé Nzyɛ̌m dí ɨ́ buo mímbi wɨ́.

Éfɛsɔs 4:13

Ɨ́ mbi waá ó, mɨ́ná gá óbɛ̂h ngá be gá ɨ́ mpúhlá, cɨɨ ɨ́ nzɨ̌ búʼó gwár yɨ́. Mɨná bé ógʉ́a gá Mwân mé Nzyɛ̌m ɨ́ pébébé. Mɨná bé ópʉʼa gá lɨ́ ontwǒm, tô gá lɨ́ obwam. Mɨná bé ócéne gá ɨ́ mipáʼ mímyɛ̂h, lɨ́ esûʼlǎ nʉǎ tyé mé Krîst mʉr tɨ̂.

Kolosi 2:19

Bé akǎ mɛ̂r Yésʉs-Krîst ɨ́ kpɨ́ɨ́ɨ́, nyɨɛ mʉr dí yɨ́ɛ lʉ̂, tíl nyʉ̂l dí ekab nkûl nyé ɨ́ bitíl bí nyʉ̂l biswîh yɨ́. Nye ó dí esyɛŋ byé, le elɛ̂ʼle byé mpʉ byé jálá le edira ɨ́ mebɨ̌l ndu e misihé yɨ́. Nye ntémé ó dí esâ ó, nyʉ̂l nyaá tôʼ le egwɨ́ě mpʉ̌ Nzyɛ̌m dí ekpɛl yɨ́.