Éfɛsɔs 1:22 - Kálar Nzyɛ̌m : Ejwán é Sáá

²² Nzyɛ̌m á si gbâ sá yɨ́yɛ̂h ɨ́ jwɨ́ɨ́ yé. Nye ntémé á si nʉa nye, dwě Mbɛ̌r-Nzyɛ̌m ó, nye díʼee lʉ̂.

Kálara Zyɛ̌m Edwán é mpʉ̌n

²² Zyɛm a si gba sa yiyɛh é jwɨɨ ye si. Nye ze nʉa Krɨst, dwe Mbɛr-Zyɛm nya ó, nye diʼe lʉ.

Éfɛsɔs 1:22 ပူးပေါင်းရင်းမြစ်များ

Kolosi 1:18

Mɨ́ná jwɨ́ʼ gá Mbɛ̌r-Nzyɛ̌m e nyʉ̂l mʉr nó, lɛ́ɛ́, Krîst ó dí lʉ̂. Twiʼ dwân, yé á táare ó e nye. Nye ó mʉr esôʼ á pah, duho lɨ́ odwe nyá. Mpʉ nyé dí nó yɨ́, nye ó dí elaǎ sá yɨ́yɛ̂h ɨ́ medile.

Kolosi 2:10

Bɨ̌n bé á be ó sí dira mínyɔm mímyɛ̂h ɨ́ mpúhlá nyɨ́n e Krîst. Nye ó dí lʉ̂ kʉ́ misísǐm mí édúrʉ́ʉ́ mímyɛ̂h: le myaá mi dí milʉ̂ mí, le myaá mi dí e nkul jwɨ́ɨ mí.

Ebrœ̂ 2:8

Go á si gbâ sá yɨ́yɛ̂h ɨ́ jwɨ́ɨ́ yé, sí mebo mé.» Mpʉ̌ Nzyɛ̌m mû sí syɛŋ bísá bíbyɛ̂h, gbâ byé ɨ́ jwɨ́ɨ́ yé yɨ́, yé abe e sâ gwár dí abě sulá sí ɨ́ jwɨ́ɨ́ yé yaá. Tó kœb ó, ɨ́ báánâ, mɨná dína apǎ bee gá ó, bíbyɛ̂h, bí sîl égbáŋɔɔ ɨ́ jwɨ́ɨ́ yé.

Kolosi 2:19

Bé akǎ mɛ̂r Yésʉs-Krîst ɨ́ kpɨ́ɨ́ɨ́, nyɨɛ mʉr dí yɨ́ɛ lʉ̂, tíl nyʉ̂l dí ekab nkûl nyé ɨ́ bitíl bí nyʉ̂l biswîh yɨ́. Nye ó dí esyɛŋ byé, le elɛ̂ʼle byé mpʉ byé jálá le edira ɨ́ mebɨ̌l ndu e misihé yɨ́. Nye ntémé ó dí esâ ó, nyʉ̂l nyaá tôʼ le egwɨ́ě mpʉ̌ Nzyɛ̌m dí ekpɛl yɨ́.

Éfɛsɔs 5:23

Ebě, mʉrʉ̂m, nye ó lʉ́ mʉ́má wé, mpʉ̌ Krîst dí lʉ́ Mbɛ̌r-Nzyɛ̌m yɨ́. Krîst mʉr tɨ̂ʼ ó dí Tiʼbʉr ɨ́ pâʼ Mbɛ̌r-Nzyɛ̌m, dí nyʉ̂l nyé wɨ́.

1 Korɛnt 11:3

Mě gwɨ́m ó, bɨ̌n gʉ́ŋaa ó, Krîst, nye ó njwɨ́ɨ mʉrʉ̂m nyɨnyɛ̂h. Njʉ̂m, nye ó njwɨ́ɨ me mʉ́má wé. Nzyɛ̌m Sɔ́ŋ, nye ó Njwɨ́ɨ mé Krîst.

Mɨlʉmlʉ 20:28

Gwá dwɛ̂ʼ gá tyé yɨ́n, bɨ̌n bʉr o tɨ̂, le mpʉ̌ sɔ́má óbûʼla bɨ́bɛ̂h dí yɨ́. Sísǐm mé Nzyɛ̌m, wé á tyêl bɨ̌n ɨ́ Mbɛ̌r-Nzyɛ̌m ó, ɨ́ dǐ óbɔʼlʉ. Nó, gwá baʼle gá bé Mbɛ̌r-Nzyɛ̌m waá. Nzyɛ̌m á bwâm wé ó, ɨ́ nzɨ̌ metié mé Mwân wé nye mʉr tɨ̂.

Éfɛsɔs 3:21

Kûm díʼee e né e nzɨ̌ Mbɛ̌r-Nzyɛ̌m ti e Yésʉs-Krîst ntémé, tó pyâl ɨ́ mimyǎ mi bʉ̂r mímyɛ̂h njʉ̌m dǐ e njʉ̌m dǐ. Amɛn.

1 Timotɛ 3:15

lɨ́ esú ó, mé bé alɨ̌ nzě kœb gó gʉ̂ʼ nó, go gʉ́ŋaa kʉ̌ tyen dí ejala e mʉr Mbɛ̌r-Nzyɛ̌m wɨ́. Go ógʉ́a wé ó, lɨ́ eláa mékaná mâ. Mbɛ̌r-Nzyɛ̌m waá, wé ó dí sɔ́má bʉ̂r o dí egúmo e Nzyɛ̌m dí kublakúbla nyá. Otyeetye mé Nzyɛ̌m, wé tyɛ́b ɨ́ lyahwó ó, ebě, Mbɛ̌r-Nzyɛ̌m dí mpʉ édwii e sɔ́ŋ ndu e nkan dí ɨ́ lele nyɨ́.

Mataos 16:18

Mě lɛ́ɛ́ gó ó, díé lô, lé ó: “ekóʼ: Pétrus”. Nó lɨ́ ekóʼ énɨ̌ kʉ́ ó mé ngá bonǒ Mbɛ̌r-Nzyɛ̌m wâm yɨ́. Wé lwímlá le Sátan lɨ́ ebɨ̌m e dɔ̂m lé nɛ́ɛ: bisá bí dɔ̂m byé, byé ántaa wé ɨ́ nkul.

Kolosi 1:8

Nye ó b'á lɛ́ɛ bɨ̌h kpɛ̌l Sísǐm mé Nzyɛ̌m wé á dwe bɨ̌n lɨ́ esú é bɨ́ɔɔ́ gá bɨ́ná yɨ́.