Éfɛsɔs 1:20 - Kálar Nzyɛ̌m : Ejwán é Sáá

²⁰ Nkul nyé, nye lɨ́ eséa ɨ́ mɨná gâ mpʉ nyé á séa ntémé ɨ́ Krîst ɨ́ jɔʼ Sɔ́ŋ á pɛh nye lɨ́ odwe, dil nyé ɨ́ jʉ́o kʉ́ ɨ́ mbó éjʉ́m wé yɨ́.

Kálara Zyɛ̌m Edwán é mpʉ̌n

²⁰ Mpwaʼ nkul we, nye esea é bɨna ga tʉŋlʉ, mpʉ nye a taare sea nteme é Krɨst é jɔʼ Sɔŋ a pɛ̀h nye é foo, dil nye é jobo kʉ é mbo ejʉm we e.

Éfɛsɔs 1:20 ပူးပေါင်းရင်းမြစ်များ

Ebrœ̂ 10:12

Tó kœb ó, Krîst nyɨɛ á si dwe wé ndwéá ngwár ɨ́ kpɔ́ŋ lɨ́ edwih mísyóm lɨ́ esú é bíjɔʼ bíbyɛ̂h. Nye nzě tó di sí ɨ́ mbó éjʉ́m mé Nzyɛ̌m.

Markus 16:19

[Jɔ̌ʼ Tî Yésʉs á sil elwib e bé nó yɨ́, Nzyɛ̌m nzě nʉa nyé, tô e né ɨ́ jʉ́o kʉ́, tó dil nyé ɨ́ mbó éjʉ́m wé.

Ebrœ̂ 1:3

Nye ó dí e mentyɛnwa ndu e kûm mé Nzyɛ̌m. Nye ó dí gulo dí elɛ̂ʼlě mpʉ̌ Nzyɛ̌m mʉr tɨ̂ʼ dí yɨ́ nyá. Nyě baʼlé sá yɨ́yɛ̂h ó, ɨ́ nzɨ̌ lwǐb yé, dí e nkul yɨ́. Nye á si sîl ekomlo nzɨ̌ epubo bʉ̂r misyóm myɔ́ɔ́. Nye nzě bɨ́nɔɔ ɨ́ jʉ́o kʉ́, tó di sí ɨ́ mbó éjʉ́m mé Nzyɛ̌m kûm nɨ́nɨ́ɨ́.

Mataos 28:18

Yésʉs ntɔ̂ʼ sîhlě nko bé á be yɨ́. Nye ó: «Sɔ́ŋ wǎm, nyɨ́ dwe mé nkul jwɨ́ɨ nyɨnyɛ̂h ɨ́ kʉ́ ti e sí.

Kolosi 3:1

Yé bé yê tyeetye ó, bɨ̌n e Krîst, bé á be ó sí duho lɨ́ eswie, báʼǎ bǐ twiʼ nó, sáŋáá gá bé ebi bísâ bi dí ɨ́ jʉ́o kʉ́ bí. Byé ó, ɨ́ gúmó Krîst dí ɨ́ mbó éjʉ́m mé Nzyɛ̌m yɨ́.

Filipi 3:10

Sá mé dí egwɨ̂m yɨ́, yé ó, me gwâ gʉ́ǎ Krîst. Mě gwɨ́m ntémé ó, Nzyɛ̌m séaa ɨ́ me mpʉ nyé á séa e nkul lɨ́ epɛ̌h Yésʉs-Krîst yɨ́. Me síaa e mitúú mímpwár Krîst á bi mí. Eswie lâm nkʉ̂ nwɨɨla ntémé e laá lé.

Rôm 8:34

Nzé óláa mɨ́ná gá bibaa bí ébébe, le edwe mɨ́ná gá bintɨ́ʼá? Abe e mʉr! Yésʉs-Krîst á si dwe, búra e mɨná gâ. Yé abě njɨ nó. Nye á si pah, duho lɨ́ odwe, tó di ɨ́ mecwɨ́ɨ́, ɨ́ mbó éjʉ́m mé Nzyɛ̌m Sɔ́ŋ. Nye ó mʉr nkɔ̌m, waá dí ekamle e mɨná gá nyá.

Mɨlʉmlʉ 5:31

Nzyɛ̌m, nyɨ́ bɨ̂r nyé kʉ́, dil nyé ɨ́ mbó éjʉ́m wé ɨ́ ntuuu, tyêl nyé ɨ́ dǐ Tî, ti e dǐ Tiʼbʉr. Nye á sâ nó ó, lɨ́ esú lé édib bʉ̂r o b'Ɨ́zraɛ̂l nzɨ̌ etúmo míkoo e misyóm myɔ́ɔ́, le edwira míléme, ó nye pɛ́ʼɛɛ bibaa bí ébébe nyé á niʼe bé bí.

Markus 14:62

Yésʉs ntɔ̂ʼ yala e né ó: «Me ó nye. Bɨ̌n bé óbee Mwân mé Mʉr, ndîndǐl ɨ́ páʼ mbó éjʉ́m mé Nzyɛ̌m nkul nyɨnyɛ̂h. Bɨ̌n bé óbee nyé lɨ́ enze, témé dwiné.»

Mataos 26:64

Yésʉs ntɔ̂ʼ yala e né ó: «Yé ó go mʉr tɨ̂ʼ dí sí lɛ́ɛ̌ nɨ̌. Me lɨ́ elɛ́ɛ bɨ́n, táare ɨ́ báánâ, bɨ̌n bé óbee Mwân mé Mʉr, ndîndǐl ɨ́ páʼ mbó éjʉ́m mé Nzyɛ̌m nkul nyɨnyɛ̂h. Bɨ̌n bé óbee nyé lɨ́ enze, témé dwiné.»

Mɨngwiha 1:17

Jɔʼ mé á bee nye yɨ́, me kúrwo sí, píʼe mpóm ɨ́ bibwǎh ɨ́ mekʉ̌ mé, mpʉ̌ múu ɨ́ séhé. Nye ntɔ̂ʼ kɛ̌l mbó éjʉ́m wé ɨ́ nyʉ̂l nyǎm. Nye e me ó: «Akǎ jóʼo bʉ́á. Me ó dí mʉr esôʼ ndu e mʉr epíhe.

1 Pyɛr 1:3

Mɨná gúmlaa gá waá dí Nzyɛ̌m mé Tî gá wɨ́ná Yésʉs-Krîst, waá dí Sɔ́ŋ wé nyá. Nyɨ́ buú jɨ̂ʼ mɨ́ná gá nkoó, ntɔ̂ʼ dwe mɨ́ná gá nkul ebyɛ̂l jɔʼ mbá, lɨ́ esú ó, mɨná díʼee gá lwɨ́ŋlá e mpûʼla ɨ́ miléme. Mpûʼla nyaá, nyě duhó ó, ɨ́ nkul pɛhá nyé á pɛh Yésʉs-Krîst ɨ́ soo wɨ́.

Ebrœ̂ 13:20

Me lɨ́ ejɨʼla e Nzyɛ̌m, mʉr dí egbâ mɨ́ná gá mepyɛbla ɨ́ miléme, waá á pɛh «Mbɔʼlʉ bintemě nɨ́nɨ́ɨ́», Tî gá wɨ́ná Yésʉs nyá. Ɨ́ tɨ̂ʼ, Nzyɛ̌m á sâ ó, saá ngá dǐ njʉ̌m dǐ e njʉ̌m dǐ nyɨ́, ɨ́ nzɨ̌ metié mé.

Ebrœ̂ 2:9

Sá mɨ́ná dí ekʉ́ gwá bee gá yɨ́, yé ó: ɨ́ mâ péh jɔʼ, Nzyɛ̌m á si nyɛɛ sul Yésʉs sí, beéngeles bá laa nyé ɨ́ dúu. Píe tɨ̂, nyɨ́ kǎ dil nyé káráá jwɨ́ɨ ɨ́ lʉ̂, lɨ́ edwe nyé kûm ndu e dúu, ebě, Yésʉs á si sia e mitúú, ntɔ̂ʼ dwe. Ɨ́ mbi waá ó Nzyɛ̌m á cwɨ́a e bʉr bɨ́bɛ̂h yɨ́, lɨ́ esâ ó, Yésʉs dwêʼ lɨ́ esú lɔ́ɔ́.

Éfɛsɔs 1:3

Mɨná gúmlaa gá waá dí Nzyɛ̌m mé Tî gá wɨ́ná, Yésʉs-Krîst, waá dí Sɔ́ŋ wé nyá. Nzyɛ̌m, nyɨ́ sʉ mɨ́ná gá metyɛʼ me mpóm ɨ́ mpúhlá gá nyɨ́ná e Krîst. Nyɨ́ kam ntémé ó, mɨná bíʼee gá mimbi métyɛʼ me mpóm mé Sísǐm mé Nzyɛ̌m mɨ́mɛ̂h me dí eduho ɨ́ jʉ́o kʉ́ má. Nyě sá mɨ́ná gá nó ó,

Rôm 1:4

Ɨ́ nkǒ páʼ sísǐm wé dí ti wɨ́, nye njwɨrá ó, «Mwân mé Nzyɛ̌m», Yésʉs-Krîst, Tî gá wɨ́ná. Nzyɛ̌m á lɛ̂ʼle mɨná gá ó, nyě e njwɨrá waá ó e nkul ɨ́ buo buo ɨ́ lɔ̌b pahá sóo wé.

Mɨlʉmlʉ 26:8

Bɨ̌n pʉgʉ́ di, abûʼla ó, Nzyɛ̌m óbánǎ pɛh ódwe ɨ́ yé ɛ́?

Mɨlʉmlʉ 10:40

Sâ gwár, Nzyɛ̌m á si pɛh nye ɨ́ móhó lɛ̂l, nyé osí dwe. Nye nzě sâ ó, bʉr báʼa bee nyê.

Mɨlʉmlʉ 4:10

bɨ̌n óbɛ̂h le bʉr o b'Ɨ́zraɛ̂l bɨ́bɛ̂h, gʉ́ŋáá gá bé ó, mʉr bɨ́n mû lɨ́ ebee lɨ́ etyɛ̂b tîtyěl nyâ, nye mû mbɨ̂mbɨá ó ɨ́ lɔ̌b nkûl díé mé Yésʉs-Krîst, mʉr Nazarɛ̂t. Yésʉs waá ó bɨ́n á jʉ̂ lɨ́ ebomlo nyé e binzâŋ, bɨ́nɔɔ nyé ɨ́ kolôs kʉ́ nyá. Tó kœb ó, Nzyɛ̌m á si pɛh nye lɨ́ odwe.

Yʉanes 10:30

Bɨ̌h e nɔ́ɔ́, bé ó sâ gwár.»

Yʉanes 10:18

Mʉr ákóʼó nʉa mé twiʼ. Mɛm mʉr tɨ̂ʼ ó dí edwě twiʼ yâm lɨ́ edû gwɨ́má yâm. Mě e nkul edwe yê. Me ntémé, mě e nkul ebáʼǎ nʉa yé edwán. Yé ó sá Sɔ́ŋ wǎm á dwe me nkul jwɨ́ɨ ó, me sâʼ yɨ́.»

Kolosi 1:16

Ebě, Nzyɛ̌m á komlo sá yɨ́yɛ̂h ó, ɨ́ nzɨ̌ nyé. Damá jóʼo bísâ bi dí ɨ́ jʉ́o le ejwoo bí, damá be byaá bi dí ɨ́ sí yɨ̂ʼ bí, bisá bi dí enyɨ̂n, ndu e byaá bi dí anyɨ̂n bí, misísǐm mí édúrʉ́ʉ́ mi dí ɨ́ mɔ́ɔ́ mécwɨ́ɨ́ mí, le myaá mi dí e menkul ménɨ́nɨ́ɨ́ mí, le myaá mi dí milʉ̂ mí, le myaá mi dí e nkul jwɨ́ɨ mí. Sâ yɨ́yɛ̂h, yé á komlɔɔ ó, ɨ́ nzɨ̌ nyé. Bíbyɛ̂h, byé á jaa komlɔɔ ó, njɨ lɨ́ ebeʼ kûm nyé.