Éfɛsɔs 1:12 - Kálar Nzyɛ̌m : Ejwán é Sáá

¹² Nye á kpɛl ó, bʉr dwêʼ nye dúu e kûm ɨ́ lɔ̌b syɛ́ɛla nyé á sâ ɨ́ sɔ́má gá yɨ́ná, mɨná gá bɨɛ, bʉr o nyé á nyɛɛ gbâ mpûʼla ɨ́ miléme ɨ́ nzɨ̌ mé Krîst bá yɨ́.

Kálara Zyɛ̌m Edwán é mpʉ̌n

¹² Nye a kpɛl ó, bɨna dwiibɨ ga nye ebe mpwaʼ kum we, ebe, bɨna ga ó ndɨ bʉr o b'efoʼ nye a loŋlo mɨleme e mbɛla dumo e Krɨst ɨ.

Éfɛsɔs 1:12 ပူးပေါင်းရင်းမြစ်များ

Éfɛsɔs 1:6

Mɨná dwêʼ gá nye dúu ndu e kûm ɨ́ lɔ̌b mpâm nyé! Nyɨ́ buú cwɨ́a e mɨná gá e nzɨ̌ Mwâ kpɛ̌l wé.

2 Tesalonika 2:13

Bɨ́ɔɔ́ bɨ́h! Okɛ́l bɨ́h! Tî Yésʉs, nye lɨ́ ebuú kpɛl bɨ́n. Yé jala ó, bɨ̌h dwêʼ Nzyɛ̌m nzyǒo ɨ́ bijɔʼ bíbyɛ̂h ɨ́ lɔ̌b wɨ́n, ebě, nyɨ́ twâr bɨ́n, duho ɨ́ menyɛ̌l, ó bɨ̌n tíʼaa njʉ̌m dǐ e njʉ̌m dǐ. Nye mû ó lɨ́ etíʼ bɨ́n e nzɨ̌ Sísǐm mé Nzyɛ̌m wé á pubo bɨ̌n nyá. Bɨ̌n mû ó lɨ́ ebǐ twiʼ mpâ ɨ́ nzɨ̌ búʼó bɨ́n dí ebúʼla ótyeetye yɨ́.

Éfɛsɔs 3:21

Kûm díʼee e né e nzɨ̌ Mbɛ̌r-Nzyɛ̌m ti e Yésʉs-Krîst ntémé, tó pyâl ɨ́ mimyǎ mi bʉ̂r mímyɛ̂h njʉ̌m dǐ e njʉ̌m dǐ. Amɛn.

Jacques 1:18

Nye mʉr tɨ̂ʼ á byâ mɨná gá ó, ɨ́ lɔ̌b gwɨ́má yé, ɨ́ nzɨ̌ lwǐb yé dí tyeetye yɨ́. Nó ɨ́ bisá bíbyɛ̂h nyé á komlo bí, mɨná ó dí gá ɨ́ tyé ésôʼ.

Éfɛsɔs 2:7

Nye á cwɨ́a e mɨná gá nó ó, lɨ́ esú lé élɛ̂ʼle mímyǎ mímyɛ̂h mi dí ebyɛ̂l mí, kpɛ̌l yé dí ápurapúra, dí elaa byúú bíkpɛ̌l bíbyɛ̂h yɨ́. Nye á sâ mɨná gá embɨa laá ó, ɨ́ mpúhlá gá nyɨ́ná e Yésʉs-Krîst.

Yʉanes 14:1

Yésʉs, nye e bé ó: «Bisɨ́ǎ bî, byé ayɨ́ tɨ̂l bɨ́n mekʉ̌ sí. Dyɛ́ʼwáá gá e Nzyɛ̌m. Dyɛ́ʼwáá gá ntémé e me.

1 Pyɛr 1:21

Krîst ó b'á sâ ó, bɨ̌n dyɛ̂ʼwaa e Nzyɛ̌m, mʉr á pɛh nye, dwih nyé lɨ́ odwe, dwe nyé kûm ntémé nyá. Sá tɨ̂ʼ ó búʼó yɨ́n le mpûʼla nyɨ́n dí njɨ ɨ́ Nzyɛ̌m yɨ́.

2 Timotɛ 1:12

Sɨ́ǎ yaá ó mé dí esia e mitúú yɨ́. Damá jóʼǒ mpʉ mé dí ebi mítúú mí tɨ̂ʼ yɨ́, mé ajóʼo bá sôn, ebe mé dí egʉ́a mʉ̂r mé á dyɛ̂ʼwo e né nyá. Mɨ́ bûʼla ntémé ó, nyě e nkul esâ ó, me bâʼlaa lɛ́ʼlá nyé á dwe me wɨ́. Nye óbaʼlě lɛ́ʼlá waá ó, tó pyâl ɨ́ móhó Yésʉs ngá báʼǎ nze wɨ́.