Éfɛsɔs 1:10 - Kálar Nzyɛ̌m : Ejwán é Sáá

¹⁰ Bijwɨʼ byé byaá, byé á nze ka gwíhɔɔ ó, píe bijɔʼ byé á jala le elaa bí, byé á sil elaa yɨ́. Nzyɛ̌m á boo tíʼe ɨ́ léme ó, bisâ bi dí ɨ́ jʉ́o, le ejwoo, le ɨ́ sí yɨ̂ʼ bí, bíbyɛ̂h, byé ɨ́ jala le eswâl ó, ɨ́ jwɨ́ɨ́ mʉ̂r ngwár, Krîst.

Kálara Zyɛ̌m Edwán é mpʉ̌n

¹⁰ Jwɨʼ ye yaa, yé a ka ze gwihɔ ó, pie bɨjɔʼ byé a jala le etaare laa ɛ, byé a si sil lé elaa. Zyɛm a bɛa tiʼe é leme we ó, bɨsa ndɨ é jobo e l'ejyoo le ebantɛn ɨ, bé e byaa bɨ si nwa, bibyɛh, byé ejala le efwal ó, é jwɨ̀ʼa mo mʉr ngwar, Krɨst.

Éfɛsɔs 1:10 ပူးပေါင်းရင်းမြစ်များ

Kolosi 1:20

Nye á tíʼe ntémé ɨ́ lémé wé ó, milɔ̌b mi dí páʼ bé e bʉr bɨ́bɛ̂h mí, nyě komló myé ó, ɨ́ nzɨ̌ Mwân wé. Nzyɛ̌m á sâ saá e bʉr ó, ɨ́ nzɨ̌ metié me Mwân wé á dwe ɨ́ kolôs kʉ́ nyá. Damá jóʼo bísâ bi dí kâʼ sí bí, damá be byaá bi dí ɨ́ jʉ́o kʉ́ bí: Nzyɛ̌m á gbâ bʉr bɨ́bɛ̂h mepyɛbla ɨ́ miléme ó, duho lɨ́ eswɨɨ e métié mé Krîst mé á swɨɨ sí lɨ́.

Galásia 4:4

Yé ntɔ̂ʼ kǎ pyâl mbɨambɨa jɔ̌ʼ Nzyɛ̌m á boo tyêl yɨ́. Jɔʼ yaá ó Nzyɛ̌m á nze ntɨh Mwân wé, ó nye ntáa nzě byɛ̂l ɨ́ mo nyʉ́ʉ́ mʉ́má. Mwân waá á be ó, ɨ́ mpila métié tʉ́ŋlʉ̌.

Markus 1:15

Nye á lɨlɛ́ɛ ó: «Jɔʼ, yɨ́ pyâl! Nzyɛ̌m, nye mû ó kúno etyêl Mpóʼo nyé ɨ́ sɔ́má yɨ́n! Túmáá gá mikoo e mebébe mɨ́n. Bɨ̌n a dwírá míléme. Búʼláá gá Mbɨambɨa Lɔ́ɔ.»

Ebrœ̂ 1:2

Ɨ́ yɨ̂ʼ jɔʼ mpʉ mélú mé mpóʼo sí yɨ̂ʼ mû lɨ́ ekɔ́a yɨ́, nye mû kǎ lwib e mɨná gá ó, cɨɨ ɨ́ nzɨ̌ Mwân wé. Nye ó waá Nzyɛ̌m á kɛʼ ó, nye ónʉa bílíʼé bí sí yɨ̂ʼ bíbyɛ̂h nyá. Nzyɛ̌m á kuho kʉ́ e sí ndu e l'ekomlǒ sá yɨ́yɛ̂h dí tɨ̂ʼ yɨ́ ó, ɨ́ nzɨ̌ nyé.

Kolosi 1:16

Ebě, Nzyɛ̌m á komlo sá yɨ́yɛ̂h ó, ɨ́ nzɨ̌ nyé. Damá jóʼo bísâ bi dí ɨ́ jʉ́o le ejwoo bí, damá be byaá bi dí ɨ́ sí yɨ̂ʼ bí, bisá bi dí enyɨ̂n, ndu e byaá bi dí anyɨ̂n bí, misísǐm mí édúrʉ́ʉ́ mi dí ɨ́ mɔ́ɔ́ mécwɨ́ɨ́ mí, le myaá mi dí e menkul ménɨ́nɨ́ɨ́ mí, le myaá mi dí milʉ̂ mí, le myaá mi dí e nkul jwɨ́ɨ mí. Sâ yɨ́yɛ̂h, yé á komlɔɔ ó, ɨ́ nzɨ̌ nyé. Bíbyɛ̂h, byé á jaa komlɔɔ ó, njɨ lɨ́ ebeʼ kûm nyé.

1 Pyɛr 1:20

Nzyɛ̌m Sɔ́ŋ á si boo gʉ́a, kʉ́ e sí, byé l'apǎ bě kuhá ó, Krîst ólóŋlǒ syɛ́ɛ́ yaá. Nye nzě kǎ lɛ̂ʼle mɨ́ná gá nyǎ ɨ́ melú mé épíhe mâʼ lɨ́ esú lɨ́n.

Éfɛsɔs 3:15

Mbɛ̌r bʉ̂r wɨ́wɛ̂h dí ɨ́ jʉ́o kʉ́ le kâʼ ɨ́ sí yɨ̂ʼ wɨ́, wé ó mbɛ̌r bʉ̂r Nzyɛ̌m Sɔ́ŋ á dwe njwɨr wé wɨ́.

Mɨngwiha 5:9

Bé á didyɛɛ ó, edwán é jɨ̂m. Bé ó: «Go ó jálá le enʉa mékaná mâ, gbɛ́ɛ bísitâm, ebě, go á si jʉ́ŋɔɔ. Go á si dwih bʉr ɨ́ mpila ébébe, tô e bé kwá mé Nzyɛ̌m. Go á si syɛ́ɛla metié mô lɨ́ esú é bʉ̂r baá. Bé ó bʉr o bíkúl bíbyɛ̂h, ndu e bilwǐb bíbyɛ̂h, bʉr o mémpóʼo mɨ́mɛ̂h, ndu e mesí mɨ́mɛ̂h.

Éfɛsɔs 1:22

Nzyɛ̌m á si gbâ sá yɨ́yɛ̂h ɨ́ jwɨ́ɨ́ yé. Nye ntémé á si nʉa nye, dwě Mbɛ̌r-Nzyɛ̌m ó, nye díʼee lʉ̂.

1 Korɛnt 11:3

Mě gwɨ́m ó, bɨ̌n gʉ́ŋaa ó, Krîst, nye ó njwɨ́ɨ mʉrʉ̂m nyɨnyɛ̂h. Njʉ̂m, nye ó njwɨ́ɨ me mʉ́má wé. Nzyɛ̌m Sɔ́ŋ, nye ó Njwɨ́ɨ mé Krîst.

Ebrœ̂ 11:40

Mpʉ nyé á cwɨ́a e mɨná gá, laa bé yɨ́, nó nyé á lɛ́ɛ ó, nye ójaá komlo bícwiʼ byɔ́ɔ́ ɨ́ mipáʼ mímyɛ̂h ó, njɨ ɨ́ jɔʼ nyé ókomlo byaá gá bíná le onɔ́ɔ́ bíbyɛ̂h yɨ́.

Kolosi 3:11

Ɨ́ twiʼ dwân yaá, adû gá bwá mímbɔ́ʼ bâ: Nyâʼ, nye ó Yúden; nyâʼ nyɨɛ, mʉr Grɛ̂s. Nyâʼ, nye ó tíʼá mpʉ́n; nyâʼ nyɨɛ, nyé abě tíʼá mpʉ́n. Nyâʼ, nye ó ayogoyogo. Nyâʼ, nye ó mʉr dí edweŋɔɔ nzóʼ nyá. Nyâʼ, nye ó túʼǎ; nyâʼ nyɨɛ, nye ó nzyɛh. Ebě, Krîst ó dí lʉ̂ sá yɨ́yɛ̂h. Sá yɨ́yɛ̂h, yé dyɛ́ʼwó ó e né.

Éfɛsɔs 2:15

Nye á gbâ mepyɛbla páʼ gá nyɨ́ná ó, ɨ́ jɔʼ nyé á pɛʼ metié mé Moyɨ̂z, le mempéné ti e mityeelá mímyɛ̂h yɨ́. Nye á pɛʼ byé ó, nye nkʉ̂ nʉa bíkúl bíbá gá bíná, ntɔ̂ʼ syɛŋ byé ɨ́ nye mʉr tɨ̂, byé nkʉ̂ sûʼla édwán é kûl, nwɨɨla e mʉr ngwár.

1 Korɛnt 10:11

Bé á bɔma e bisyɛ́ɛla byaá ó, lɨ́ ecɨ̂l bʉ̂r. Bʉ́ʉ́ bʉ̂r nzě cɛma byé ɨ́ Mekaná mé Nzyɛ̌m ó, mɨná líʼɨɨ gá le epahle byê. Yé ó lɨ́ esú ó, mɨná gʉ́ŋaa gá sá mɨ́ná jálá le esyɛ̂hle gá yɨ́, mɨná gá bɨɛ, bʉr o dí ebeě mpʉ sí yɨ̂ʼ mû lɨ́ ekumo lɨ́ eswéhlɨ́ yɨ́ bá.

Mataos 25:32

Nó ó, bikúl bíbyɛ̂h, byé óswâl ɨ́ míh mé. Nye óbɛ̂ʼ bʉ̂r ɨ́ mpʉ pála bitab dí egbâ mbɔ́ʼ páʼ binteme le ontamakǎ yɨ́.

Ebrœ̂ 9:10

Nzyɛ̌m á tíʼe ɨ́ lémé wé ó, bʉr, bé ósɨsâ nyé mbǐ yébé nɨ̌ ó, tó pyâl ɨ́ jɔʼ nyé ókǎ tyêl bʉ̂r metié me dí tîtyěl má yɨ́. Metié le mempéné mé ésôʼ, mé á jaa dwɛ̂ʼ ó, njɨ ɨ́ páʼ nyʉ̂l mʉr. Metié maá, mé á jaa tɨ́e mʉr ó, njɨ mimbi méde le menyoʼ myé á jala ó, nye dêʼ mí, le mimbi míndubó myé á jala ó, nye dúŋɔɔ mí.

Éfɛsɔs 3:2

Nzê bɨ̌n bé á bé así jóʼǒ mpʉ̌ Nzyɛ̌m á sâ ó, me díʼee syɛ̂l mesâ wé lɨ́ esú lɨ́n yɨ́ ɛ́? Nye á si kʉ sâ me mpam nyé, me nkʉ̂ di bɨ́n e nyɔm.