Ebrœ̂ 9:8 - Kálar Nzyɛ̌m : Ejwán é Sáá

⁸ Sísǐm mé Nzyɛ̌m lɛ́ʼlé mɨ́ná gá ɨ́ lɔ̌b waá ó, jɔ̌ʼ mbɛ̌r kán mé Nzyɛ̌m dína tîtyěl yɨ́, mʉr, nyé abe e nkul edi e nzɨ̌ mběʼ dí ó, nye kúmaa ɨ́ ntɔ́ɔ á be ɨ́ buú buǒ tí nyɨ́.

Kálara Zyɛ̌m Edwán é mpʉ̌n

⁸ Mbɨambɨa Sisim, nye elɛʼle bɨna ga é lɔb waa ó, jyɛm Saʼ Nɨnɨ mo Zyɛm, yé a be, yé dina lé ecyɛb cɨcyel ɨ, zɨze mʉr, wé a baabe e nkul ekœb zi mbeʼ ndɨ ó, wé kuma é Tiʼe yé a be e l'ekɛn é buobuo e.

Ebrœ̂ 9:8 ပူးပေါင်းရင်းမြစ်များ

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

Ebrœ̂ 3:7

Sɨ́ǎ yaá ó, Sísǐm mé Nzyɛ̌m dí elɛ́ɛ ɨ́ Mekaná mé Nzyɛ̌m ó: «Bɨ́n sí jóʼo twíí mé Nzyɛ̌m mûh nɛ́ɛ:

Éfɛsɔs 2:18

Krîst ó b'á kar nzɨ̌ ó, bikúl bíbá gá bíná sîhlaa bǎʼ e Nzyɛ̌m Sɔ́ŋ, lɨ́ ecɨɨ e nzɨ̌ mʉr ngwár e ngwár: Sísǐm mé Nzyɛ̌m.

Ebrœ̂ 9:3

Yé á be ó e gúú kán wé á be lɨ́ ela ébê wɨ́. Wɨ́haá kán ébê, wé ó waá mbá pára dí ebɔma e wé ɨ́ jɔʼ nyé ní ɨ́ mpáh Nzyɛ̌m yɨ́ wɨ́. Nko píhe kán ébê waá, yé á bě e ntɔ́ɔ mbá, nyaá bé á jébe ó «ntɔ́ɔ dí ɨ́ buú buǒ tí nyɨ́.»

Galásia 3:8

Bé á si boo cɛma ɨ́ Mekaná mé Nzyɛ̌m ó, bʉr o bíkûl biswîh, bé óbi nkâm ɨ́ míh mé Nzyɛ̌m ó, ɨ́ lɔ̌b búʼó yɔ́ɔ́. Mbɨambɨa Lɔ́ɔ́ wɨ̂, wé á nyɛɛ túnɔɔ ó, Abraham! Nzyɛ̌m á lɛ́ɛ e né ó: Me ósʉ bíkúl bíbyɛ̂h metyɛʼ mé mpóm ó, ɨ́ koo gô.

Yʉanes 10:9

Me ó ebê. Mʉr nyɨnyɛ̂h dí enî ɨ́ me nyá, ótiʼe. Nye óninî, báʼǎ tô kʉ̌l. Nye ókœb méde mé.

Mɨlʉmlʉ 28:25

Bê nzě bɔ́ʼa métwíí, ntɔ̂ʼ pyálɔɔ̌ kʉ̌l, ebě, Pɔ̂l á be ɨ́ lɛ́ɛ e bé ó: «Sísǐm mé Nzyɛ̌m, wé á kʉ be ó e nkam ɨ́ jɔʼ nyé á lwib e bimpám bín, cɨɨ e nzɨ̌ ngwíha milɔ̌b Ésayie yɨ́.

Yʉanes 10:7

Jɔʼ yaá ó Yésʉs á nze baʼa lɛ́ɛ e bé ó: «Mě lɛ́ɛ́ bɨ́n lɨ́ otyeetye ó, me ó ebé é nkál binteme.

Ebrœ̂ 10:15

Ɨ́ lɔ̌b ngwár waá, Sísǐm mé Nzyɛ̌m boʼlo ntémé ɨ́ mɨná gá ó:

Lʉkas 1:80

Nó ó mwân waá á nze gwɨ́e le ebi mélele ɨ́ sísǐm. Nye á didi ó ɨ́ lʉá, tó pyâl ɨ́ dʉ́ó nyé á tyɛ̂b ɨ́ míh mé bʉ̂r o b'Ɨ́zraɛ̂l lɨ́ elɛ̂ʼle nyé mʉr tɨ̂ʼ yɨ́.