Ebrœ̂ 9:5 - Kálar Nzyɛ̌m : Ejwán é Sáá

⁵ Yé á be ntémé ó e mbúrá mpɔ́ra sáá, súm bé á mi-myɛʼ metié mé á lɨleʼe kpaa mé Nzyɛ̌m yɨ́. Ɨ́ mbúrá waá kʉ́, yé á be ó, le okerʉ̂b obá. Mempabaá mɔ́ɔ́, mé á be ó mɨsyɛ́má, lé esâ dúʼwó ɨ́ nkǒ páʼ mbúrá. Bé ó w'á be lé elɛ̂ʼle ó, Nzyɛ̌m, nye ó tɨ̂ʼ sûm yaá. Mé abe le epʉ́la ɨ́ báánâʼ ó, me lɛ́yɨɨ bisâ byaá bíbyɛ̂h.

Kálara Zyɛ̌m Edwán é mpʉ̌n

⁵ Yé a be nteme ó e mbuura Wolo sàa, gumo bé a myɛʼ-myɛʼ motié mé a leʼe-leʼe empime mo Zyɛm ɨ. É mbuura waa kʉ, yé a be ó e bɨdweʼle bɨ okerʉbim oba. Mompaba mɔɔ, mé a be ó mɨsyɛma, lé esa duʼbo é nko paʼ mbuura. Bé ó b'a be lé elɛʼle ó, Zyɛm, nye ó tɨʼ é gumo yaa. Bɨna bé abe e nkul epu bɨsa byaa si wâʼ é banana.

Ebrœ̂ 9:5 ပူးပေါင်းရင်းမြစ်များ

1 Pyɛr 1:12

Nzyɛ̌m á lɛ́ɛ le ogwíha o mílɔ̌b baá ó, túnó bé á to le etúno wɨ́, wé á bé abe lɨ́ esú lɔ́ɔ́ bé bʉr o tɨ̂, ó bé gʉ́ŋaa wé ɨ́ pébébé. Bé á tyɛ̂b le túnó ɨ́ jɔʼ yaá ó, lɨ́ esú lɨ́n. Bɨ̌n ó dí edirǎ nyɔm e túnó waá ɨ́ báánâ. Bʉr o b'á to le etúno Mbɨambɨa Lɔ́ɔ waá bá, bé á tutúno wé ó e nkul Sísǐm á duho ɨ́ jʉ́o kʉ́ nyɨ́. Lɔ́ɔ́ bé á lɨlɛ́ɛ bɨ̌n wɨ́, wé ó waá bééngeles dí ɨ́ buú gwɨ̂m ésʉ médwôʼlʉ tɨ̂ʼ wɨ́.

Ebrœ̂ 4:16

Nó, mɨná sîhlaa gá bǎʼ e né, tó pyâl pyáláa ɨ́ mecwɨ́ɨ́ mé jwɨ́ɨ́ yé. Mɨná pyálaa gá ɨ́ mpǒm nyé, abáawǒ sɔ̂ʼ, le ebúʼla ó, nyě dǐ ɨ́ mecwɨ́ɨ́ maá ó, lɨ́ esú ó, nye sâʼ bʉr mpam, le ejɨ̂ʼ bé nkoó. Mɨná bi gá mpam nyé ó, ɨ́ jɔʼ mɨ́ná dí ebuú jɨ gá nkɔ̌m nyé yɨ́.

Éfɛsɔs 3:10

Yé ka lîʼ ɨ́ báánâʼ ó, njɨ epâʼlǎ jwɨʼ yé yaá, pyêl yé ɨ́ myɛ́n lɨ́ esú lé écɨ̂l mísísǐm mí édúrʉ́ʉ́ mi dí e jwɨ́ɨ mí le myaá mi nkûl, myaá mi dí páʼ jʉ́o le ejwoo mí. Myé mû ó lɨ́ ekǎ jɨ̂ʼ yé kwá gá nyɨ́ná, bʉr ó Mbɛ̌r-Nzyɛ̌m, le egʉ́ǎ mpʉ ócwóó mé Nzyɛ̌m dí ɨ́ buo mímbi wɨ́.

Rôm 9:4

Bɨ́ɔɔ́ bâm baá, bé ó nyɛ̂r bwá ó b'Ɨ́zraɛ̂l. Bé ó Nzyɛ̌m á twâr lɨ́ esú lé édi nyé tâŋ bwân. Bé ó b'á nyɛɛ bee kûm nyé. Nye á nyɛɛ tyêl saá ó, páʼ bé e boo nɔ́ɔ́. Bé ó b'á jóʼo metié nyé á tyêl má. Bé ó b'á nyɛɛ lɛ̂ʼlɔɔ mpʉ bʉ̂r jálá le edwě Nzyɛ̌m kûm yɨ́. Bé ó b'á nyɛɛ bi menkɛ̌ʼ mé Nzyɛ̌m.