Ebrœ̂ 9:3 - Kálar Nzyɛ̌m : Ejwán é Sáá

³ Yé á be ó e gúú kán wé á be lɨ́ ela ébê wɨ́. Wɨ́haá kán ébê, wé ó waá mbá pára dí ebɔma e wé ɨ́ jɔʼ nyé ní ɨ́ mpáh Nzyɛ̌m yɨ́ wɨ́. Nko píhe kán ébê waá, yé á bě e ntɔ́ɔ mbá, nyaá bé á jébe ó «ntɔ́ɔ dí ɨ́ buú buǒ tí nyɨ́.»

Kálara Zyɛ̌m Edwán é mpʉ̌n

³ Yé ó e guu kan ndɨ ela ebe e. Wiha kan ebe, wé ó waa mba para a be lé ebɔma e we é jɔʼ nye a ni é Saʼ Nɨnɨ mo Zyɛm ɨ. É kan ebe waa pihe, yé a be ó e tiʼe yé a be die ó, Tiʼe ndɨ e l'ekɛn é buobuo e.

Ebrœ̂ 9:3 ပူးပေါင်းရင်းမြစ်များ

Mataos 27:51

Jɔʼ yaá, kǎ saʼ nɛ́ɛ: kán ébê, wé á bɨbe tyelá ɨ́ mpáh Nzyɛ̌m wɨ́, ntɔ̂ʼ nyɛɛ ɨ́ kwiií bipéh bíbá, táare kʉ́, kumo sí. Sí nzě kubla, mekóʼ bʉ̂l.

Ebrœ̂ 9:8

Sísǐm mé Nzyɛ̌m lɛ́ʼlé mɨ́ná gá ɨ́ lɔ̌b waá ó, jɔ̌ʼ mbɛ̌r kán mé Nzyɛ̌m dína tîtyěl yɨ́, mʉr, nyé abe e nkul edi e nzɨ̌ mběʼ dí ó, nye kúmaa ɨ́ ntɔ́ɔ á be ɨ́ buú buǒ tí nyɨ́.

Ebrœ̂ 6:19

Mpûʼla nyaá, nye lɨ́ esúʼo míléme gá míná e nkul. Nyé abá tyɛ̂b. Nyě súʼó mílémé gá míná ó, ɨ́ kpɨ́ɨ́ɨ́ mpʉ̌ kǒl dí emɛ̂r byɛ̂l ɨ́ sʉ̌m díbé wɨ́. Mpûʼla nyaá, nye ó mpʉ̌ kǒl dí entaǎ kán ébê dí tyelá ɨ́ mpáh Nzyɛ̌m wɨ́. Wɨ̂ʼ ódumo ó kǒl waá, wê tyeelá ó, ɨ́ mɨná gâ. Gúú ódumo wɨ́ɛ, wé ó ɨ́ gúmó dí tí yɨ́, ɨ́ mpáh Nzyɛ̌m tʉ́ŋlʉ̌.

Ebrœ̂ 9:7

Sâ gwár, njwɨ́ɨ opara nye omér ó b'á ninî ɨ́ ntɔ́ɔ mbá. Nye á jaa ninî tɨ̂ʼ ó, njɨ jɔʼ gwár ɨ́ mbû. Nye á tʉ̂to gʉ̂ʼ ó e sʉ́á métié mé ótír, ó Nzyɛ̌m pɛ́ʼɛɛ bibaa bí ébébe nyé á pa niʼe bí, byaá ɨ́ lɔ̌b ébébe lé nye mʉr tɨ̂, ti e laá e bʉ̂r oswîh, bé á sâ, bɨ́ɛ l'agʉ́a lɨ́.