Ebrœ̂ 9:28 - Kálar Nzyɛ̌m : Ejwán é Sáá

²⁸ Jwɨʼ gwár e gwár e Krîst. Nye á si dwe jɔʼ gwár, ó nye búraa le misyóm lɨ́ esú é bʉ̂r ɨ́ buo buo. Ɨ́ jɔʼ mbá nyé ókǎ nze yɨ́, nye ákǎ báʼǎ nze ɨ́ lɔ̌b ébúra e misyóm. Nye ónze ó, lɨ́ enzě tíʼ bʉ̂r o dí ebóno nyé bá.

Kálara Zyɛ̌m Edwán é mpʉ̌n

²⁸ Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.

Ebrœ̂ 9:28 ပူးပေါင်းရင်းမြစ်များ

Títos 2:13

Mɨná bé ótíʼe nó ó, lɨ́ ebóno mʉ̂r dí egbâ mɨ́ná mpûʼla ɨ́ miléme, waá dí esʉ mɨ́ná metyɛʼ me mpóm nyá. Nye ó Nzyɛ̌m nɨ́nɨ́ɨ́: Tiʼbʉr gá wɨ́ná Yésʉs-Krîst, waá ngá báʼǎ lɛ̂ʼle nyé mʉr tɨ̂ʼ e kûm ɨ́ buo buo nyá.

1 Pyɛr 2:24

Krîst á si bɛb misyóm gá míná, ntɔ̂ʼ dwe e myé ɨ́ kolôs. Nye á sâ nó ó, mɨná nkʉ̂ dwe gá ɨ́ nkǒ páʼ mísyóm, ntɔ̂ʼ tíʼe lɨ́ otîtyěl. Mɨná bé á be gá ó, mimbêl. Mɨná ntɔ̂ʼ kǎ tíʼe gá ɨ́ nkul mepɨ́ɨ́ mé.

Rôm 6:10

Jɔʼ nyé á dwe yɨ́, nye á dwe ó, esaŋ egwár lɨ́ esú lé ébúra e misyóm mí bʉ̂r. Ɨ́ báánâ, nye mû kǎ tiʼe ó, njɨ lɨ́ esú mé Nzyɛ̌m.

2 Timotɛ 4:8

Yé jaá kǎ lîʼ mé ó, njɨ ebǐ káráá dí komá lɨ́ esú lâm yɨ́. Káráá yaá ó dí elɛ̂ʼle ó, mɨ́ bi nkâm ɨ́ míh mé Nzyɛ̌m. Tî Yésʉs, mʉr dí etíʼe mílɔ̌b lɨ́ otîtyěl nyá, ódwe mé yǎ lɨ́ elú lé épíhe. Nye ádwe yɨ́ɛ njɨ me e me. Káráá yaá, yé ódweŋɔɔ ntémé ó, bʉr bɨ́bɛ̂h o dí ekpɛl ébee nyé lɨ́ ebáʼǎ nze bá.

Rôm 8:23

Yé abě njɨ nó. Nzyɛ̌m mû ó sí ntɨh mɨ́ná gá Sísǐm wé. Mɨná bé á nyɛɛ bi gá ó, etʉ́m laá. Damá jóʼo nó, milémé gá míná dína ó lɨ́ etíme. Yé ó nó, tó kumo ó, dʉ́ó Nzyɛ̌m ósîl étyêl mɨ́ná gá ɨ́ tyé bwán bé yɨ́. Dʉ́o laá ó nyé ngá dwih ményʉ́l gá mɨ́ná ɨ́ mpila ébébe yɨ́.

1 Yʉanes 3:2

Bʉr ó kpɛ̌l bâm, ɨ́ báánâ, mɨná gá mû ó bwán mé Nzyɛ̌m. Yé damá be nó, mbi bʉ̂r mɨ́ná ódi gá wɨ́, wé dína ó, apǎ gʉ́ŋɔɔ. Sá mɨ́ná dí egʉ́a gá yɨ́, yê njɨ ó, jɔ̌ʼ Krîst óbáʼǎ nyɨ̂n yɨ́, mɨná bé ónwɨɨla gá e né, ebě, mɨná bé óbee gá nye ó, kwahaá mpʉ nyé dí yɨ́.

Mɨlʉmlʉ 1:11

Bʉr baá ntɔ̂ʼ lɛ́ɛ e bé ó: «Bʉr ó Galilê, bɨ̌n di náǎ lɨ́ edwɛ̂ʼ jʉ́o kʉ́ ɨ́ di di di ɨ́ yé? Yésʉs, mʉr pɛʼɔɔ ɨ́ sɔ́má yɨ́n nyá, óbáʼǎ nze ó, mbi ngwár e ngwár bɨ̂n bee nyé lɨ́ ebɨ́nɔɔ ɨ́ jʉ́o kʉ́ nɨ̌.»

1 Tesalonika 1:10

Bé lɨ́lɛ́ɛ́ ntémé ó, bɨ̌n mû ó lɨ́ ebóno Mwân mé Nzyɛ̌m ngá duho ɨ́ jʉ́o kʉ́ nyá. Nye ó waá Nzyɛ̌m á pɛh, dwih lɨ́ odwe nyá. Yésʉs waá ó b'á tíʼ mɨná gâ, lɨ́ esâ ó Nzyɛ̌m sá alɛ̂ʼle mɨ́ná gá nkpaa nyé ɨ́ móhó nyé ótíʼe mílɔ̌b wɨ́. Móhó waá, wé mû ó kúno epyâl.

Mataos 26:28

Ebě, metié mâm ó mâ, metié mû lɨ́ eswɨɨ lɨ́ esú ó, Nzyɛ̌m tyélɨɨ saá páʼ nyɔ́ɔ́ le bʉr ɨ́ buo buo má. Nyě tyél nyé ó, nye nkʉ̂ pɛʼ bé bibaa bí ébébe byɔ́ɔ́.

2 Pyɛr 3:12

Jɔʼ yɨ́yɛ̂h mɨ́ná dú gá kʉ̌ tyen waá yɨ́, mɨná bónó gá ó, móhó Nzyɛ̌m ngá báʼǎ nze wɨ́. Mɨná séá gá ntémé ó, syɛ́ɛ́ ngá sâ ó, nye kpâhwa nze yɨ́. Ɨ́ móhó waá ó, jʉ́o le ejwoo le baántɛ́n ngá jɔǎ siʼe, ntɔ̂ʼ dinwa. Bisá Nzyɛ̌m á komlo byé e tɨ̂ʼ bí, byé ójǎ siʼe, buma mínjʉl.

1 Pyɛr 3:18

Ebě, Krîst mʉr tɨ̂ʼ á si dwe jɔʼ gwár lɨ́ esú é bíjɔʼ bíbyɛ̂h ɨ́ lɔ̌b bísyɛ́ɛla bí ébébe bín. Nyɨɛ tîtyěl mʉr á búra ó, le onzyɛ́h ó bʉ̂r, lɨ́ esâ ó, nye tôʼ e bɨ̌n nkǒ Nzyɛ̌m dí yɨ́. Bʉr bé á si jʉ̂ nye ɨ́ nkǒ páʼ bípúno. Nzyɛ̌m nyɨɛ nzě sâ ó, nye bíʼee nkul ɨ́ nkǒ páʼ Sísǐm wé.

1 Korɛnt 15:54

Nyʉ̂l dí ebo nyɨ́, nyé óbe, nye mû sí céne, liŋa nyaá dí abo nyɨ́ nó, nyaá dí e nkul edwe nyɨ́, nyé óbe, nye mû sí liŋa nyaá dí abe e nkul edwe nyɨ́ nó, ɨ́ jɔʼ yaá ó sá dí cɛmá yɨ́, yé ólwɨ́ŋlɨ yɨ́: Eswie, lɨ́ gbahɔɔ. Nzyɛ̌m, nyɨ́ búla le onkɔ́ɔ́!

Rôm 8:3

Yé á bé abána ó, mɨná bíʼee gá twiʼ ɨ́ mbaʼlá métié, ebě njwɨr myâ wɨ́ná, wé á be ɨ́ tyɛʼ. Metyɛʼ mé njwɨr myâ waá, mé ntɔ̂ʼ teʼle métié maá. Sá métié mé Moyɨ̂z, mé á be akoʼo lɨ́ esâ yɨ́, Nzyɛ̌m nyɨɛ á si bana sâ yê. Nye á dwe mɨná gá twiʼ ó ɨ́ nzɨ̌ Mwân wé nyé á ntɨh ɨ́ sí yɨ̂ʼ nyá. Mwân waá nzě byɛ̂l mʉ̂r. Nyʉ̂l bipúno nyé, nye á kʉ nwɨɨla ó e nyaá gá nyɨ́ná, osyɛ̂l o mísyóm. Nye á nze ó ɨ́ lɔ̌b syóm gá wɨ́ná. Nye á nze pɛʼ ó wê. Nzyɛ̌m nzě dwě Yésʉs mebě, le entɨ̂ʼ nyʉ̂l bipúno nyé ɨ́ jɔʼ nyé á búra e misyóm myaá yɨ́.

Yʉanes 14:3

Jɔʼ mé óbe, me mû sí tó komlo bɨ́n bidiá byaá yɨ́, me óbáʼǎ nzě nʉa bɨ́n, bɨ̌n bé otó dǐ gúmó mé ódi yɨ́.

Mɨngwiha 1:7

Paá bee gâ: nye lɨ́ enze ɨ́ dwiné. Bʉr bɨ́bɛ̂h, bé óbee nyê, damá be ó baá bé á lúmo nye ekʉá bá. Bʉr o bíkúl bí sí yɨ̂ʼ bíbyɛ̂h, bé ójɨ médwê le ekâm ékúhó lé. Eee! Amɛn!

Ebrœ̂ 4:15

Ebě, njwɨ́ɨ opara gá wɨ́ná, nye ó waá dí e nkul ejɨ̂ʼ nkóó e mɨná gá ɨ́ jɔʼ nyé dí ebee étyɛʼ gá lɨ́ná yɨ́ nyá. Nye á si bóblɔɔ mimbi mímyɛ̂h, jwɨʼ gwár e gwár e mɨná gâ; sâ gwár, nyɨɛ l'aduma, nkʉ̂ sâ syóm.

1 Yʉanes 3:5

Bɨ̌n bé lɨ́ egʉ́a ó: Tî Yésʉs á nze nyɨ̂n ɨ́ sí yɨ̂ʼ ó, nye nkʉ̂ nzě pɛʼ mísyóm gá mɨ́ná. Bɨ̌n bé lɨ́ egʉ́a ntémé ó, abe le syóm dí ɨ́ nye tʉ́ŋlʉ̌.

2 Tesalonika 2:1

Bɨ́ɔɔ́ bɨ́h le okɛ́l bɨ́h, bɨ̌h bé lɨ́ edǐ tɨ́e bɨ́n yʉ́ʉ́ sɔ̂ʼ. Yé dumó ó e Tî gá wɨ́ná Yésʉs-Krîst, ɨ́ mpʉ nyé ópyâl, ntɔ̂ʼ syɛŋ mɨ́ná gá ɨ́ míh mé yɨ́.

1 Korɛnt 1:7

Tó pyâl ó, sá yɨ́yɛ̂h Nzyɛ̌m dí edwe bʉ̂r bé yɨ́, nyɨ́ dwe bɨ́n ntémé yǎ. Jɔʼ yɨ́yɛ̂h bɨ́n dína lɨ́ ebónǒ nzéá Tî gá wɨ́ná, Yésʉs-Krîst ngá nze wɨ́ yɨ́, bɨ̌n mû ó le mindwéá mé Nzyɛ̌m myaá.

Rôm 5:15

Sâ gwár, syɛ́ɛla ébébe mé Ádam yaá, yé abě mpʉ̌ ndwéá Nzyɛ̌m dí edwe bʉ̂r edwɛ́na wɨ́. Bébebébe syɛ́ɛla mʉ̂r ngwár á sâ yɨ́, yé á si sâ ó, bʉr dwêʼ ɨ́ buo buo. Syɛ́ɛla mé Ádam pǎ nyɛɛ́ céne bʉ̂r ɨ́ buo buo, á dwɛʼra e yaá nyʉ́ʉ́ mʉ̂r ngwár, Yésʉs-Krîst, á sâ yɨ́! Nye á si cwɨ́a e bʉr ɨ́ buo buo. Nye mû ó waá dí elɛ̂ʼle mɨ́ná gá mpam mé Nzyɛ̌m, waá dí entɨh mɨ́ná gá ndwéá wé nyá.

Ebrœ̂ 9:25

Njwɨ́ɨ oparǎ nʉnʉa métié, ninî e tɨ̂ʼ ɨ́ ntɔ́ɔ dí ɨ́ buú buǒ tí nyɨ́ ó, mbú wɨ́wɛ̂h. Nye átô e metié mé, ánta nye. Krîst nyɨɛ á bé anî ɨ́ jʉ́o nzɔʼ nzɔʼ, lɨ́ etó dwě Nzyɛ̌m nyʉ̂l nyé.

Mataos 20:28

Ebě, Mwân mé Mʉr nye mʉr tɨ̂ʼ á bé anze ó, bʉr séaa e né. Nye á nze ó, nyɨɛ séaa e bʉr, le edwě twiʼ yé, lɨ́ enzě lɨ́ etáǎ góo, le edwih bʉ̂r ɨ́ buo buo ɨ́ mpila mísyóm, pɛʼ bé ɨ́ fá.»

Mataos 25:31

«Jɔʼ Mwân mé Mʉr ónze ɨ́ mentyɛnwa mé, bé e beéngeles bɨ́bɛ̂h yɨ́, nye ónʉǎ diá ɨ́ mecwɨ́ɨ́ mé jwɨ́ɨ́ yé, maá me dí ɨ́ ntyɛ̌n ntî ntyɛ̌n má.

Rôm 3:25

Nzyɛ̌m á ntɨh nye ó, nye ntáa dwe, búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé. Nye á dwe ó, nye nkʉ̂ kɛm bʉ̂r o dí ebúʼlǎ ndwéá métié waá bá. Ɨ́ nzéá Yésʉs-Krîst á nze wɨ́, Nzyɛ̌m á si lɛ̂ʼle mpʉ nyé dí tîtyěl yɨ́. Misyóm bʉ̂r bé á boo sɨ̂sa mí, Nzyɛ̌m á si bu dûhwo myê, kʉ́ lɛŋ myé ɨ́ buo buo, alwib.

Ebrœ̂ 1:14

Beéngeles bɨ́ɛ, bê onzé? Bɨ́bɛ̂h, bé ó misísǐm mi dí eséǎ Nzyɛ̌m syɛ́ɛ́ mí. Nyě lómló mɨ́ná gá bǎ ntémé ó, bé ntáa súʼo bʉ̂r o ngá bǐ twǐʼ njʉ̌m dǐ, jala e nkɔb líʼe nyɔ́ɔ́ bá.

Ebrœ̂ 2:3

Mɨná gá bɨɛ bé á be ó sí ntɨhɔɔ̌ lɔ́ɔ́ twiʼ dí elaa mpáŋla bééngeles bé á túno nyɨ́. Mʉr á nyɛɛ lɛ́ɛ lɔ́ɔ waá nyá, á be ó Tî Yésʉs mʉr tɨ̂. Ntémé, bʉr o b'á jóʼo nye bá ó b'á lɛ́ɛ mɨná gá ó, wé ó lɔ́ɔ dí e nkul wɨ́. Á nó, mɨ́ná ópyêh wé nó, mɨná bé okǎ swab gá nkoó?

Ebrœ̂ 5:9

Píe mitúú myé myaá ó nyé á ka be, nye mû lwɨ́ŋlá ɨ́ nkʉ́ŋ wé yɨ́. Nye á be ó, nye mû sá ngá kǎ dwe bʉ̂r twǐʼ njʉ̌m dǐ yɨ́. Bʉr bɨ́bɛ̂h ngá sâ nyé mejóʼo bá, bé óbǐ twiʼ yaá.

Ebrœ̂ 7:27

Nyé abě mpʉ bʉ́ʉ́ ójwɨ́ɨ bé ópara, bé á bɨbe yɨ́. Yé abe nyé bi ó, nye díʼɨɨ mindwéá melú mɨ́mɛ̂h lɨ́ etáǎ góo, táare e mebyaʼ mé, kumo e maá me bʉ́ʉ́ bʉ̂r, ebě, nye á jaa dwe Nzyɛ̌m ndwéá ó, njɨ jɔʼ gwár, lɨ́ misyóm gá míná mímyɛ̂h, ɨ́ jɔʼ nyé á dwe twiʼ yé nye mʉr tɨ̂ʼ yɨ́.

Ebrœ̂ 10:10

Ɨ́ gwɨ́má yé yaá ó mɨ́ná bé á pubɔɔ gá jɔʼ gwár lɨ́ esú é bíjɔʼ bíbyɛ̂h yɨ́. Mɨná mû pubɔɔ gá ó, ɨ́ lɔ̌b ndwéá Yésʉs-Krîst á dwe Nzyɛ̌m nyʉ̂l nyé tâŋ ndwéá wɨ́.

Ebrœ̂ 12:14

Sáʼ gá sɨ́n lɨ́ etíʼe ɨ́ mepyɛbla, páʼ nyɨ́n e bʉr bɨ́bɛ̂h. Sáʼ gá sɨ́n ntémé lɨ́ edi bʉ̂r o dí egúmo e Nzyɛ̌m, baá o dí tí bá. Mʉ̂r óbe, abě tí nó, nye ákóʼó beě Tî Yésʉs.

Yʉ̂d 1:21

Baʼlaa gá bicwiʼ bín, lɨ́ edi baá Nzyɛ̌m dí ekpɛl bá. Bɨ̌n e bónó móhó Tî gá wɨ́ná Yésʉs-Krîst ngá báʼǎ nze wɨ́. Nye ónze ó, nzě jɨ̂ʼ mɨ́ná gá nkoó. Bónáá gá nye. Nye ódi e bɨ̌n ó, tô tóʼ, tó pyâl pyáláa ɨ́ twǐʼ njʉ̌m dǐ.