Ebrœ̂ 9:26 - Kálar Nzyɛ̌m : Ejwán é Sáá

²⁶ Yé bé nye á dwidwe ndwéá wé ó, nzɔʼ nzɔʼ nó, mpa nye á sia ntémé e mitúú ó, nzɔʼ nzɔʼ, táare ɨ́ jɔ̌ʼ Nzyɛ̌m á kuho kʉ́ e sí yɨ́. Nye á jaa nyɨ̂n ɨ́ sí yɨ̂ʼ ó, njɨ jɔʼ gwár ɨ́ kpɔ́ŋ. Yé á be ó, ɨ́ jɔʼ éswéhlɨ́ é sí yɨ̂, lé á pyâl ɨ́ mɨná gá yɨ́. Nye nzě dwě Nzyɛ̌m nyʉ̂l nyé, lɨ́ epɛʼ bʉ̂r misyóm myɔ́ɔ́ lɨ́ esú é bíjɔʼ bíbyɛ̂h.

Kálara Zyɛ̌m Edwán é mpʉ̌n

²⁶ Nkʉ Krɨst a be ó be, be lé edwe Zyɛm nyʉl we zɔʼ e zɔʼ tɔɔ motwina nɛʼɛ, mpa nye a be ó si bee tuu zɔʼ e zɔʼ, duho é l'etɛɛrɨ e si nwaʼ ɛ. To kœb ó, nye a kʉ ka nyin é si nwaʼ ó njɨ é jɔʼ gwar e gwar é kpɔŋ. Yé a be ó é jɔʼ esie e mbi jɔʼ yi, lé a pyal bɨna ga ɛ. Nye ze kɛha nyʉl we, lé epɛʼ bʉr bɨbaa Zyɛm a niʼe be é lɔb mɨsyem myɔɔ é jɔʼ gwar é bɨjɔʼ bibyɛh.

Ebrœ̂ 9:26 ပူးပေါင်းရင်းမြစ်များ

1 Pyɛr 1:20

Nzyɛ̌m Sɔ́ŋ á si boo gʉ́a, kʉ́ e sí, byé l'apǎ bě kuhá ó, Krîst ólóŋlǒ syɛ́ɛ́ yaá. Nye nzě kǎ lɛ̂ʼle mɨ́ná gá nyǎ ɨ́ melú mé épíhe mâʼ lɨ́ esú lɨ́n.

Ebrœ̂ 9:12

Jɔ̌ʼ Yésʉs á nî mpáh Nzyɛ̌m nyaá yɨ́, nye á bé anʉa sʉ́á métié mé óntamakǎ, nkʉ̂ maá bíntœœ. Metié nyé á nʉa, nî e mé má, mé á be ó maá mé nye mʉr tɨ̂. Nye nzě tó nî ɨ́ ntɔ́ɔ á be ɨ́ buú buǒ tí nyɨ́. Nye á nî ó, jɔʼ gwár lɨ́ esú é bíjɔʼ bíbyɛ̂h, ó nye nkʉ̂ táa góo, le edwih mɨ́ná gá ɨ́ mpila ébébe, ó mɨná díʼee gá onzyɛh o bʉ̂r, njʉ̌m dǐ e njʉ̌m dǐ.

Mataos 25:34

Jɔʼ yaá, njwɨ́ɨ ólɛ́ɛ e baá o dí nye ɨ́ mbó éjʉ́m bá ó: “Ntáʼ gâ, bʉr o Sɔ́ŋ wǎm á sʉ metyɛʼ me mpóm bá. Ntaá nzě nî gá ɨ́ sí nyé á boo komlo bɨ̌n, táare ɨ́ jɔʼ kʉ́ e sí, byé á be apǎ bě kuhá yɨ́.

1 Pyɛr 3:18

Ebě, Krîst mʉr tɨ̂ʼ á si dwe jɔʼ gwár lɨ́ esú é bíjɔʼ bíbyɛ̂h ɨ́ lɔ̌b bísyɛ́ɛla bí ébébe bín. Nyɨɛ tîtyěl mʉr á búra ó, le onzyɛ́h ó bʉ̂r, lɨ́ esâ ó, nye tôʼ e bɨ̌n nkǒ Nzyɛ̌m dí yɨ́. Bʉr bé á si jʉ̂ nye ɨ́ nkǒ páʼ bípúno. Nzyɛ̌m nyɨɛ nzě sâ ó, nye bíʼee nkul ɨ́ nkǒ páʼ Sísǐm wé.

Ebrœ̂ 1:2

Ɨ́ yɨ̂ʼ jɔʼ mpʉ mélú mé mpóʼo sí yɨ̂ʼ mû lɨ́ ekɔ́a yɨ́, nye mû kǎ lwib e mɨná gá ó, cɨɨ ɨ́ nzɨ̌ Mwân wé. Nye ó waá Nzyɛ̌m á kɛʼ ó, nye ónʉa bílíʼé bí sí yɨ̂ʼ bíbyɛ̂h nyá. Nzyɛ̌m á kuho kʉ́ e sí ndu e l'ekomlǒ sá yɨ́yɛ̂h dí tɨ̂ʼ yɨ́ ó, ɨ́ nzɨ̌ nyé.

Ebrœ̂ 10:4

ebě, metié bíntœœ ndu e maá mé óntamakǎ, mé ákóʼó sâ ó, Nzyɛ̌m tɨ́ʼee baa ébébe nyé á pa niʼe mʉr yɨ́.

Ebrœ̂ 7:27

Nyé abě mpʉ bʉ́ʉ́ ójwɨ́ɨ bé ópara, bé á bɨbe yɨ́. Yé abe nyé bi ó, nye díʼɨɨ mindwéá melú mɨ́mɛ̂h lɨ́ etáǎ góo, táare e mebyaʼ mé, kumo e maá me bʉ́ʉ́ bʉ̂r, ebě, nye á jaa dwe Nzyɛ̌m ndwéá ó, njɨ jɔʼ gwár, lɨ́ misyóm gá míná mímyɛ̂h, ɨ́ jɔʼ nyé á dwe twiʼ yé nye mʉr tɨ̂ʼ yɨ́.

1 Yʉanes 3:5

Bɨ̌n bé lɨ́ egʉ́a ó: Tî Yésʉs á nze nyɨ̂n ɨ́ sí yɨ̂ʼ ó, nye nkʉ̂ nzě pɛʼ mísyóm gá mɨ́ná. Bɨ̌n bé lɨ́ egʉ́a ntémé ó, abe le syóm dí ɨ́ nye tʉ́ŋlʉ̌.

Ebrœ̂ 10:12

Tó kœb ó, Krîst nyɨɛ á si dwe wé ndwéá ngwár ɨ́ kpɔ́ŋ lɨ́ edwih mísyóm lɨ́ esú é bíjɔʼ bíbyɛ̂h. Nye nzě tó di sí ɨ́ mbó éjʉ́m mé Nzyɛ̌m.

Ebrœ̂ 10:10

Ɨ́ gwɨ́má yé yaá ó mɨ́ná bé á pubɔɔ gá jɔʼ gwár lɨ́ esú é bíjɔʼ bíbyɛ̂h yɨ́. Mɨná mû pubɔɔ gá ó, ɨ́ lɔ̌b ndwéá Yésʉs-Krîst á dwe Nzyɛ̌m nyʉ̂l nyé tâŋ ndwéá wɨ́.

Ebrœ̂ 9:14

á dwɛʼra e metié mé Krîst! Nye ókʉ́ pubo mípahlá mílémé gá míná, e nzɨ̌ Sísǐm mé Nzyɛ̌m dí edǐ njʉ̌m dǐ e njʉ̌m dǐ wɨ́. Mɨná damá sâ gá Nzyɛ̌m bisyɛ́ɛla bi dí mpʉ mímúu bí, mɨná bé ógwá pubɔɔ gá tɨ̂ʼ ó e metié mé, ánta nye, maá nyé mʉr tɨ̂ʼ á nkɛ́ɛ, tó dwě Nzyɛ̌m Sɔ́ŋ má. Nye á be ntémé ó, abe e sâ gwár bʉ̂r, bé á gwa dwe nye mebě tɨ̂. Ɨ́ tɨ̂ʼ ó mɨ́ná bé ókǎ sâ gá Nzyɛ̌m dí kublakúbla nyá gwɨ́hlá óbûʼla mpâ yɨ́.

1 Pyɛr 2:24

Krîst á si bɛb misyóm gá míná, ntɔ̂ʼ dwe e myé ɨ́ kolôs. Nye á sâ nó ó, mɨná nkʉ̂ dwe gá ɨ́ nkǒ páʼ mísyóm, ntɔ̂ʼ tíʼe lɨ́ otîtyěl. Mɨná bé á be gá ó, mimbêl. Mɨná ntɔ̂ʼ kǎ tíʼe gá ɨ́ nkul mepɨ́ɨ́ mé.

Mɨngwiha 17:8

Tír gó á bee nyá, á boo be ó tɨ̂, jɔ̌ʼ myâ. Tó kœb ó, nyé akǎ be. Yɨ́ kǎ lîʼ tîtííǎ, nyé opah, duho ɨ́ bɨ́ dí sí ɨ́ kœ́ʼlɛ́ yɨ́. Nyé óduho tɨ̂ʼ nó, nyé odwe. Nzyɛ̌m á si cɛma míé mé bʉ̂r o nyé ngá tíʼ bá, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Sâ gwár, bʉr o míe dí anyɨ̂n ɨ́ mekaná mé twiʼ maá bá, bé óbuú kâm tír waá, ebě, bé óbee ó, nye á be ɨ́ nyɛɛ́ tíʼe, nye nzě dwe. Bé óbee nyé ntémé lɨ́ ebáʼǎ pah.

Ebrœ̂ 4:3

Mɨná gá bɨɛ obûʼla ó dí egbala gâ, ebě, Nzyɛ̌m á lɛ́ɛ, dumo e bé ó: Ɨ́ nkpaa nyǎm nyaá, me á si káale ó: «Bʉr ópǎ bee gá nkʉ̂ bé ókǎ báʼǎ nî lɨ́ egbalá lâm!» Nzyɛ̌m damá lwib nó, syɛ́ɛ́ yé, yé á síe tyeetye ó, jɔʼ nyé á sîl ebono sí yɨ̂ʼ yɨ́.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

Éfɛsɔs 5:2

Kpɛlaa gâ, mpʉ̌ Krîst á kpɛl mɨná gá yɨ́. Nye á si syɛ́ɛla twiʼ yé lɨ́ esú é bícwiʼ gá bíná. Nye á dwe twiʼ yé ó, nye díʼee mpʉ tír bé dí etíʼě Nzyɛ̌m tâŋ ndwéá nyá. Ndwéá waá, wé e menumó Nzyɛ̌m dí ɨ́ buú kpɛl má.

Éfɛsɔs 1:10

Bijwɨʼ byé byaá, byé á nze ka gwíhɔɔ ó, píe bijɔʼ byé á jala le elaa bí, byé á sil elaa yɨ́. Nzyɛ̌m á boo tíʼe ɨ́ léme ó, bisâ bi dí ɨ́ jʉ́o, le ejwoo, le ɨ́ sí yɨ̂ʼ bí, bíbyɛ̂h, byé ɨ́ jala le eswâl ó, ɨ́ jwɨ́ɨ́ mʉ̂r ngwár, Krîst.

1 Korɛnt 10:11

Bé á bɔma e bisyɛ́ɛla byaá ó, lɨ́ ecɨ̂l bʉ̂r. Bʉ́ʉ́ bʉ̂r nzě cɛma byé ɨ́ Mekaná mé Nzyɛ̌m ó, mɨná líʼɨɨ gá le epahle byê. Yé ó lɨ́ esú ó, mɨná gʉ́ŋaa gá sá mɨ́ná jálá le esyɛ̂hle gá yɨ́, mɨná gá bɨɛ, bʉr o dí ebeě mpʉ sí yɨ̂ʼ mû lɨ́ ekumo lɨ́ eswéhlɨ́ yɨ́ bá.

Mɨngwiha 13:8

Nó ó, bʉr ó sí yɨ̂ʼ bɨ́bɛ̂h, bé ódwe nyé kûm, pɛ̌ʼ njɨ baá Nzyɛ̌m á boo cɛma míé mɔ́ɔ́ ɨ́ mekaná mé twiʼ bá. Mekaná maá, mé á boo be cɛmá ó, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Mé gúmó ó e Mâ Nteme bé á boo jʉ̂ nyá.

Ebrœ̂ 10:26

Yé bé mɨná bɨ́ gʉ́a gá otyeetye ɨ́ pébébé, mɨná ntɔ̂ʼ kʉ́ gbáa gá ó, mɨná tó gá ó dóló le esâ syóm nó, lɛ́ɛ́, yé abe e mindwéá myé óbɛ̌m pubo mɨ́ná gá e misyóm myaá.

Galásia 4:1

Me óbáʼǎ dwě mveʼle ɨ́ lɔ̌b waá ɨ́ mbi wɨ̂: mʉ̂r bé e mwân jálá le elîʼ e bisá byé nyá nó, ɨ́ jɔʼ mwân waá dína mâ ntwǒm yɨ́, yé abe e sá dí elɛ̂ʼle ɨ́ ponó ó, mwân waá ó dí e bisâ byaá bíbyɛ̂h. Yé jaá nyɨ̂n ó, njɨ nye ó túʼǎ.

Yʉanes 17:24

«Dâ ɛ̌, go á be ó sí dwe mé bǎ. Mě kpɛl ó, bé díʼeě gúmó mé ódidi yɨ́. Bé obee kûm nyǎm gó á dwe me nyɨ́, ebě, go á si boo kpɛl me, táare ɨ́ jɔ̌ʼ kʉ́ e sí, byé á be apǎ bě kuhá yɨ́.

Yʉanes 1:29

Ɨ́ mɛ́n tɨ̂, Yʉánɛs kǎ bee ó, Yésʉs lɨ́ enze kwá nyé. Yʉánɛs nzě lɛ́ɛ ó: «Beyɨɨ gá Mâ Nteme mé Nzyɛ̌m dí edwih mísyóm mí sí mímyɛ̂h nyá!

Mataos 13:39

Ntɨ̂m e mbɨn wé á nze be bébebébe ká nyá, nye ó sɔ́ŋ meleme. Swɨɨ ékpɛm, wé lɛ́ʼlé ó, esúʼlá é sí yɨ̂. Okpɛma, bé ó beéngeles mé Nzyɛ̌m.

Mataos 13:40

Mpʉ bé dí epɛ̌ʼ bébebébe ká, dîʼ yé lɨ́ ebéʼé yɨ́, nó ntémé ó bé ngá sâ bʉ̂r lɨ́ esúʼlá é sí yɨ̂ʼ yɨ́.

1 Pyɛr 4:7

Ɨ́ báánâ, bisá bíbyɛ̂h, byé mû ó kúno ekumo ɨ́ meswéhlɨ́. Dwéʼ gá menyʉ́l mɨ́n medile. Máráá gá miléme, lɨ́ esú ó, bɨ̌n sâʼ minjɨʼla.

1 Yʉanes 3:8

Mʉr dí etô dóló le esâ syóm nyá, nye ó mʉr mé sɔ́ŋ meleme, ebě, sɔ́ŋ meleme ó dí etín é mísyóm, boó duho ó duháa ɨ́ menyɛ̌l, kumo mûh ɨ́ dʉ́ó lɨ̂. Tó kœb ó, Mwân mé Nzyɛ̌m á nze nyɨ̂n ɨ́ sí yɨ̂ʼ ó, nye nkʉ̂ gbɛ́ɛ bísyɛ́ɛla mé sɔ́ŋ meleme.