Ebrœ̂ 9:23 - Kálar Nzyɛ̌m : Ejwán é Sáá

²³ Yé á kʉ jala ó, bʉr púbaa bisá bí sí yɨ̂ʼ e metié mé ótír, ebě, byaá bí sí yɨ̂ʼ, byé ó bimveʼle, lɨ́ emveʼle byaá bimpâ bi dí ɨ́ jʉ́o kʉ́ bí. Nó ó, bisâ bimpâ byaá bíɛ, byé ɨ́ jala le epubɔɔ ó, ɨ́ nzɨ̌ mpǎŋ ndwéá métié. Wɨ́haá ndwéá, wé lɨ́ esyɛ́ɛla e waá ésôʼ. Wé ntémé ó dí ɨ́ buú buo ódimé.

Kálara Zyɛ̌m Edwán é mpʉ̌n

²³ Ebe no, yé a kʉ jala ó, bʉr puba bɨsa bɨ si nwaʼ e motié mo otir, ebe, byaa bɨ si nwaʼ, byé ó njɨ bɨdweʼle, bɨsa lé elɛʼle byaa bɨmpa ndɨ é jobo kʉ ɨ. No ó, yé a kʉ jala ó, bɨsa bɨ jobo kʉ, byé pubɔ é zi mpaŋ motwina. Mɨha motwina, mé ó ndɨ é bul buo dime, laa maa mo efoʼ.

Ebrœ̂ 9:23 ပူးပေါင်းရင်းမြစ်များ

Ebrœ̂ 10:4

ebě, metié bíntœœ ndu e maá mé óntamakǎ, mé ákóʼó sâ ó, Nzyɛ̌m tɨ́ʼee baa ébébe nyé á pa niʼe mʉr yɨ́.

Ebrœ̂ 9:14

á dwɛʼra e metié mé Krîst! Nye ókʉ́ pubo mípahlá mílémé gá míná, e nzɨ̌ Sísǐm mé Nzyɛ̌m dí edǐ njʉ̌m dǐ e njʉ̌m dǐ wɨ́. Mɨná damá sâ gá Nzyɛ̌m bisyɛ́ɛla bi dí mpʉ mímúu bí, mɨná bé ógwá pubɔɔ gá tɨ̂ʼ ó e metié mé, ánta nye, maá nyé mʉr tɨ̂ʼ á nkɛ́ɛ, tó dwě Nzyɛ̌m Sɔ́ŋ má. Nye á be ntémé ó, abe e sâ gwár bʉ̂r, bé á gwa dwe nye mebě tɨ̂. Ɨ́ tɨ̂ʼ ó mɨ́ná bé ókǎ sâ gá Nzyɛ̌m dí kublakúbla nyá gwɨ́hlá óbûʼla mpâ yɨ́.

Ebrœ̂ 9:24

Ebě, Krîst á bé anî mbɛ̌r kán bʉ̂r, bé á sumo Nzyɛ̌m wɨ́, waá dí enwɨɨla e mpǎŋ mpáh Nzyɛ̌m wɨ́. Mbɛ̌r waá, wé ó njɨ mveʼle, lɨ́ enwɨɨla e mpáh mpâ. Nye á nî ó, ɨ́ jʉ́o kʉ́. Nye mû ó lɨ́ etyɛ̂b ɨ́ jʉ́o kʉ́ ɨ́ míh mé Nzyɛ̌m lɨ́ elwib ɨ́ nkɔ̌m gá nyɨ́ná.

Ebrœ̂ 8:5

Opara bɨ́ɛ, bé sɨ́séá ó, ɨ́ mpáh Nzyɛ̌m, nyaá sí yɨ̂. Nye ó njɨ lɨ́ ebaŋa mpáh Nzyɛ̌m mpâ dí ɨ́ jʉ́o kʉ́ nyɨ́. Nó ɨ́ jɔ̌ʼ Moyɨ̂z á be ó, nyě sumó ó mbɛ̌r kán mé Nzyɛ̌m yɨ́, Nzyɛ̌m á lɛ́ɛ e né ó: «Gwá sumǒ sá yɨ́yɛ̂h lɨ́ edû mveʼlě mbɛ̌r gó á lɛ̂ʼlɔɔ lɨ́ ecwɨ̂ʼ kʉ́ yɨ́.»

Mɨngwiha 5:9

Bé á didyɛɛ ó, edwán é jɨ̂m. Bé ó: «Go ó jálá le enʉa mékaná mâ, gbɛ́ɛ bísitâm, ebě, go á si jʉ́ŋɔɔ. Go á si dwih bʉr ɨ́ mpila ébébe, tô e bé kwá mé Nzyɛ̌m. Go á si syɛ́ɛla metié mô lɨ́ esú é bʉ̂r baá. Bé ó bʉr o bíkúl bíbyɛ̂h, ndu e bilwǐb bíbyɛ̂h, bʉr o mémpóʼo mɨ́mɛ̂h, ndu e mesí mɨ́mɛ̂h.

Kolosi 2:17

Milɔ̌b mínɨ̌ mímyɛ̂h, myé ó sisîm, dí elɛ̂ʼlě sâ mpâ dí enze yɨ́. Nó ó, otyeetye o tɨ̂ʼ wɨ́ɛ, wé ó Krîst.

Lʉkas 24:46

Nye ó: «Mekaná mé Nzyɛ̌m, mé lɨ́ elɛ́ɛ ó, Mʉ̌r Nzyɛ̌m á lœm múló mé jwɨ́ɨ nyá, nye ɨ́ jala le esia e mitúú, dwe, nzě pah ɨ́ soo lɨ́ elú élɛ̂l.

Lʉkas 24:26

Bé á si lwib, dumo e Mʉ̌r Nzyɛ̌m á lœm múló mé jwɨ́ɨ nyá. Bé á cɛma ó, yé jala ó, nye síaa e mitúú nó, mpʉ̌ Nzyɛ̌m á kpɛl yɨ́, ó nye tôʼ di ɨ́ diá kûm nɨ́nɨ́ɨ́ yé.»

Ebrœ̂ 10:1

Metié, mé ó sisîm dí elɛ̂ʼlě mpʉ bísá bí émbɨa, byé ójala le ebe ɨ́ jɔʼ byé ngá pyâl yɨ́ wɨ́. Metié maá, mé adila míkuó bísâ byaá. Opara, bé dwídwé míndwéá mimpwár ó, ɨ́ mbú wɨ́wɛ̂h lɨ́ esú é bʉ̂r o dí egwɨ̂m ó, bé díʼee mbɨ̂mbɨá bá. Sâ gwár, mindwéá myɔ́ɔ́, myé ákóʼó sâ ó, bʉr baá díʼee mbɨ̂mbɨá ɨ́ mipáʼ mímyɛ̂h.

Yʉanes 14:3

Jɔʼ mé óbe, me mû sí tó komlo bɨ́n bidiá byaá yɨ́, me óbáʼǎ nzě nʉa bɨ́n, bɨ̌n bé otó dǐ gúmó mé ódi yɨ́.

Mɨlʉmlʉ 23:15

Nó, bɨ̌n bʉr o tɨ̂, ndu e bʉr ó bʉ̌m nɨ́nɨ́ɨ́ bɨ́bɛ̂h, díʼéé gá njwɨ́ɨ bisója ɨ́ nzɨ̌ mikóo ó, nye dwêʼ bɨ̌n Pɔ̂l ɨ́ báánâ. Bɨ̌n a lɛ́ɛ́ njwɨ́ɨ waá ó, bɨ̌n bé ótó timlě lɔ̌b wé mbɨ̂mbɨá. Bɨ̌h bɨɛ, bé ó, ɨ́ cǎr ó, bɨ̌h jʉ́ʼoo nye, nye dína apǎ pyâl wâ.»