Ebrœ̂ 9:11 - Kálar Nzyɛ̌m : Ejwán é Sáá

¹¹ Krîst, nye mû ó sí nʉǎ dǐ njwɨ́ɨ opara. Nye á nze ó, lɨ́ enzě kab mɨ́ná gá bisá bí émbɨa mɨ́ná mû kúno enʉa gá bí. Nyě séá ó ɨ́ mpǎŋ mpáh Nzyɛ̌m, nyaá dí ɨ́ buo kûm nyɨ́. Yé abe e sá dí esâ sɔ́ɔlʉ tɨ̂. Nye á bé asumɔɔ e mebô. Nye ntémé, nyé abe lɨ́ egúmo e sí yɨ̂. Nye lɨ́ elaa mpáh nyé á nyɛɛ be nyɨ́ ɨ́ mpwaʼ.

Kálara Zyɛ̌m Edwán é mpʉ̌n

¹¹ Krɨst, nye mu ó si nʉa dia njwɨɨ opara, ntɔʼ ze kab bɨna ga bɨsa bɨ embɨa bɨna lé ebono ga ɛ. Nye esea syɛɛ ye yaa ó, é Saʼ Nɨnɨ mo Zyɛm yé a be, afumɔ e mobo mo bʉr ɨ. No yé ó, yé abe lé egumo e si nwa. Yé elaa Saʼ Nɨnɨ mo Zyɛm yé a taare be e, é l'ompwaʼ ndwe e l'ombɨmbɨa é mɨpaʼ mimyɛh.

Ebrœ̂ 9:11 ပူးပေါင်းရင်းမြစ်များ

2 Korɛnt 5:1

Mɨná bé lɨ́ egʉ́a gá ó, mbɛ̌r kán mɨ́ná dí gá tɨ̂ʼ ɨ́ sí yɨ̂ʼ wɨ́, wé sí gbɔ́a nó, yé e gúú ódiá ɨ́ jʉ́o kʉ́, waá Nzyɛ̌m á komo gá mɨná wɨ́. Wɨ́haá mbɛ̌r, wé á bé asumɔɔ e mebó mé bʉ̂r. Nzyɛ̌m mʉr tɨ̂ʼ ó b'á sumo wê. Wé ó ngá dǐ njʉ̌m dǐ e njʉ̌m dǐ.

Ebrœ̂ 10:1

Metié, mé ó sisîm dí elɛ̂ʼlě mpʉ bísá bí émbɨa, byé ójala le ebe ɨ́ jɔʼ byé ngá pyâl yɨ́ wɨ́. Metié maá, mé adila míkuó bísâ byaá. Opara, bé dwídwé míndwéá mimpwár ó, ɨ́ mbú wɨ́wɛ̂h lɨ́ esú é bʉ̂r o dí egwɨ̂m ó, bé díʼee mbɨ̂mbɨá bá. Sâ gwár, mindwéá myɔ́ɔ́, myé ákóʼó sâ ó, bʉr baá díʼee mbɨ̂mbɨá ɨ́ mipáʼ mímyɛ̂h.

Markus 14:58

«Bɨ̌h bé á si jóʼo nye lɨ́ elɛ́ɛ ó, nye ógbɛ́ɛ mpáh Nzyɛ̌m, nyaá bʉ̂r, bé á sumo e mebô nyɨ̂, ntɔ̂ʼ sumo nyaá swîh njɨ ɨ́ melú mélɛ̂l. Nyɨ́haá, abě sumá e mebó mé bʉ̂r.»

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

Ebrœ̂ 2:17

Sá tɨ̂ʼ ó yé á jala ó, nye díʼee kwahaá mpʉ bɨ́ɔɔ́ bé, ɨ́ mipáʼ mímyɛ̂h yɨ́. Nye á nwɨɨla e mɨná gá ó, lɨ́ esú ó, nye nkʉ̂ cwɨ́a e mɨná gá, le edi njwɨ́ɨ opara mɨ́ná ókʉ́ bûʼla gá nyá. Nye ó jálá le eséa ɨ́ páʼ bísâ bi dí edwɛ̂ʼ Nzyɛ̌m bí. Nye ó mʉr á dwe, búra le misyóm mí bʉ̂r bé, le eleʼě Nzyɛ̌m ɨ́ nkpaa nyé nyá.

Mɨlʉmlʉ 7:48

Nzyɛ̌m dí Lʉ́ bísá bíbyɛ̂h nyá, nyé abe lɨ́ edi ɨ́ sá dí esumɔɔ e mebó mé bʉ̂r yɨ́. Yé ó kwahaá mpʉ ngwíha milɔ̌b á boo lɛ́ɛ yɨ́:

2 Yʉanes 1:7

Ebě, bibɨ́bla bí ólɛ̂ʼla, byé mû ó sí buo ɨ́ sí yɨ́yɛ̂h, lɨ́ etô le edímle bʉ̂r. Byé akpɛl ékam ó, Yésʉs-Krîst á nze ɨ́ sí yɨ̂ʼ ó e nyʉ̂l mʉr mpâ. Mʉr kɛ́lá búʼó gá yɨ́ná nyá, nye ó ndímla bʉr le ntɨ̂m e mbɨn mé Yésʉs-Krîst.

Ebrœ̂ 3:1

Bɨ́ɔɔ́ bɨ́h le okɛ́l bɨ́h dí egúmo e Nzyɛ̌m bá, mɨná gá ó bé á bi gá nkɔb mpwár: njɨ́blɨ́ Nzyɛ̌m á ntɨh mɨná gá, duho ɨ́ jʉ́o kʉ́ wɨ́. Jwɛ́ʼɛ́ɛ́ gá sɔ̂ʼ njɨ Yésʉs mpʉ nyé dí yɨ́: nye ó mʉr milʉ́mlʉ́ mé Nzyɛ̌m, báʼǎ be ntémé njwɨ́ɨ opara gá wɨ́ná mpʉ mɨ́ná dí ekam gá yɨ́.

Yʉanes 4:25

Mʉmá, nye e né ó: «Me lɨ́ egʉ́a ó, Mesî ónze.» (Díe laá, lé páʼlɔ́ɔ́ ó, “Krîst: Mʉ̌r Nzyɛ̌m á lœm múló mé jwɨ́ɨ nyá.”) «Jɔʼ nyé ónze yɨ́, nye ógwá kʉ́ lɛ̂ʼle gá mɨná sá yɨ́yɛ̂h.»

Yʉanes 1:14

Lwǐb á be ó sí byɛ̂l mʉ̂r. Nye á si tiʼe páʼ gá nyɨ́ná. Mɨná bé á be ó sí bee gá mentyɛnwa mé, mentyɛnwa mé étíʼé é Mwân mé Nzyɛ̌m. Nye á si duho kwá Sɔ́ŋ wé lwɨ́ŋlá e mpam mé Nzyɛ̌m, le otyeetye.

Ebrœ̂ 7:1

Mɛlkisédɛk waá á be ó njwɨ́ɨ nkanǎ Salɛ̂m. Nye ntémé á be ó njwɨ́ɨ opara lɨ́ esú é Nzyɛ̌m dí Lʉ́ bísá bíbyɛ̂h nyá. Ɨ́ jɔ̌ʼ Abraham á tô ɨ́ dɔm lɨ́ etó lwímla e bʉ́ʉ́ ójwɨ́ɨ yɨ́, mpúla nyé á búla, nyé osí ntaa bé ɨ́ dɔm yɨ́, Mɛlkisédɛk ntɔ̂ʼ tô, tó bɔma e né, nzě syɛɛ nyé metyéelé.

Ebrœ̂ 4:15

Ebě, njwɨ́ɨ opara gá wɨ́ná, nye ó waá dí e nkul ejɨ̂ʼ nkóó e mɨná gá ɨ́ jɔʼ nyé dí ebee étyɛʼ gá lɨ́ná yɨ́ nyá. Nye á si bóblɔɔ mimbi mímyɛ̂h, jwɨʼ gwár e gwár e mɨná gâ; sâ gwár, nyɨɛ l'aduma, nkʉ̂ sâ syóm.

Kolosi 2:11

Ɨ́ mpúhlá nyɨ́n e Krîst, bɨ̌n bé á si tíʼɔɔ mpʉ́n dí eduho kwá mé Krîst nyɨ́. Mpʉ́n nyaá ó dí elɛ̂ʼle ó, bɨ̌n bɨ́ dwǐh njwɨr myâ gá wɨ́ná. Bɨ̌n bé á bé atíʼɔɔ mpʉ́n mpʉ bʉ́ʉ́ bʉ̂r dí etîtiʼɔɔ yɨ́.

Mataos 11:3

«Nzê go ó mʉr bɨ́h dí ebóno ó, nye ónze nyá ɛ́? Nzê bɨ̌h bónaa mʉr swîh ɛ̌?»

Mataos 2:6

“Gua, Bétɛlɛhɛm, nkanǎ Yʉ́da, gó abuú twâʼwo ɨ́ bím bínkana bí dí ejwɨ́ɨ ɨ́ Yʉ́da bí, ebě, ɨ́ mbɛ̌r bʉ̂r gô ó ngá pyâl njwɨ́ɨbʉr ngá pála bínteme byâm, Ɨ́zraɛ̂l nyá.”»

2 Korɛnt 4:18

Ebě, bɨ̌h bé agbâ míléme ɨ́ bisá bi dí enyɨ̂n bí. Bɨ̌h gbá myé ó, ɨ́ bisá bi dí anyɨ̂n bí, ebě, byaá bi dí enyɨ̂n bí, byé lɨ́ elaǎ mpʉ̌ ngúl mpáá. Tó kœb ó, byaá bi dí anyɨ̂n bí bíɛ ó dí edǐ njʉ̌m dǐ e njʉ̌m dǐ.

Ebrœ̂ 12:27

Mpʉ nyé á lɛ́ɛ ó, nye ópɨ̂ʼ byé ɨ́ sʉʼ gwár yɨ́, nó yé lɛ́ʼlé ó, bisá nyé á komlo bí, byé ópɨ̂ʼla; byé odîm. Sá dí ɨ́ píʼi, ɨ́ sɨ́ŋ, apɨ̂ʼla yɨ́, yɨ́haá ó ngá lîʼ.

Ebrœ̂ 13:14

Ebě, ɨ́ sí yɨ̂, mɨná bé abe gá e nkana dí edǐ njʉ̌m dǐ e njʉ̌m dǐ yɨ́. Mɨná bé lɨ́ esáa gá nkana swîh, yaá dí enze yɨ́.