Ebrœ̂ 9:10 - Kálar Nzyɛ̌m : Ejwán é Sáá

¹⁰ Nzyɛ̌m á tíʼe ɨ́ lémé wé ó, bʉr, bé ósɨsâ nyé mbǐ yébé nɨ̌ ó, tó pyâl ɨ́ jɔʼ nyé ókǎ tyêl bʉ̂r metié me dí tîtyěl má yɨ́. Metié le mempéné mé ésôʼ, mé á jaa dwɛ̂ʼ ó, njɨ ɨ́ páʼ nyʉ̂l mʉr. Metié maá, mé á jaa tɨ́e mʉr ó, njɨ mimbi méde le menyoʼ myé á jala ó, nye dêʼ mí, le mimbi míndubó myé á jala ó, nye dúŋɔɔ mí.

Kálara Zyɛ̌m Edwán é mpʉ̌n

¹⁰ Zyɛm a nʉa tiʼa ó, bʉr, bé ódu mbi motie myaa ó, to pyal é jɔʼ nye óka komlo mozi bʉr, bé ójala le edu ɨ. Motie mo efoʼ monɨ, mé a kʉ dwɛʼ ó, njɨ bɨsa bɨ tiʼ mʉr kaʼ si. Mé a lɛʼle nye ó, mɨmbi monyɔmlʉ le monyʉla myé a jala le edeŋɔ ɛ, ndwe mpʉ bʉr lé ejala le edubo bɨsɔʼɔ é modibe lé epub bye e.

Ebrœ̂ 9:10 ပူးပေါင်းရင်းမြစ်များ

Kolosi 2:16

Abîr gá ó, mʉr dwêʼ bɨ̌n mebě ɨ́ sá bɨ́n dí ede yɨ́: nkʉ̂ menyoʼ, nkʉ̂ mede. Bé ayɨ́ pahle bɨ́n ɨ́ lɔ̌b mbwalá ménzɔɔ wɔ́ɔ́, nkʉ̂ ɨ́ lɔ̌b ébʉ́ʼ lé ébám lé álomó. Bé ayɨ́ pahle bɨ́n ntémé ɨ́ lɔ̌b mbaʼlá móhó sábat.

Éfɛsɔs 2:15

Nye á gbâ mepyɛbla páʼ gá nyɨ́ná ó, ɨ́ jɔʼ nyé á pɛʼ metié mé Moyɨ̂z, le mempéné ti e mityeelá mímyɛ̂h yɨ́. Nye á pɛʼ byé ó, nye nkʉ̂ nʉa bíkúl bíbá gá bíná, ntɔ̂ʼ syɛŋ byé ɨ́ nye mʉr tɨ̂, byé nkʉ̂ sûʼla édwán é kûl, nwɨɨla e mʉr ngwár.

Ebrœ̂ 7:16

Nye á bé anʉǎ dǐ pára ɨ́ lɔ̌b mbyɛ́lá wé, nkʉ̂ ebe métié le mempéné. Nye á tyélɔɔ ɨ́ dǐ njwɨ́ɨ opara ó e nkul nyé nye mʉr tɨ̂, le twiʼ yé dí abe e nkul epɛʼɔɔ yɨ́.

Ebrœ̂ 10:22

nó mɨ́ná jálá le esîhle gá bǎʼ e Nzyɛ̌m, abe e mesónó ɨ́ miléme, e milémé lwɨ́ŋlá e búʼó yɨ́. Milémé gá míná, myé mû ó mipubá. Menyʉ́l gá mɨ́ná mɨ́ɛ, mé mé ó minjwɨá e medíbé me dí ɨ́ ntyɛ́h ntyɛ́h má.

Ebrœ̂ 9:1

Saá Nzyɛ̌m á nyɛɛ tyêl páʼ nyɔ́ɔ́ e Moyɨ̂z nyɨ́, á be ó e metié e mempéné mé, mɨ́ɛ lɨ́ ejwɨ́ɨ̌ mbi mʉ̂r jálá le edwě Nzyɛ̌m kûm wɨ́. Nye á be ntémé ó e yʉ́ʉ́ gúmo ɨ́ sí yɨ̂ʼ lɨ́ esú é syɛ́ɛ́ yaá.

Ebrœ̂ 6:5

Bé á be lɨ́ ebibi ntémé lɔ́ɔ́ mé Nzyɛ̌m dí ɨ́ buú mbɨa wɨ́, jóʼo ménwǎn me tɨ̂. Bɨ́ɛ, bé á si nyɛɛ dweŋɔɔ mbi nkûl ngá dweŋɔɔ ɨ́ mpóʼǒ Nzyɛ̌m ngá tyêl nyɨ́ wɨ́.

Ebrœ̂ 2:5

Mpóʼǒ Nzyɛ̌m ngá sûʼlǎ tyêl, nyaá bɨ́h dí elwib, dumo e nye nyɨ́, óbe ó ɨ́ jwɨ́ɨ́ nyʉ́ʉ́ mʉ̂r. Ntʉ bééngeles nyé á tyêl lɨ́ esú lé éjwɨ́ɨ mpóʼo nyaá.

Ebrœ̂ 13:9

Gwá di gá le ocwóó. Sá abîr gá ó, nyʉ́ʉ́ mʉ̂r mɛ́rɨɨ bɨ̌n lɨ́ okómó ɨ́ nzɨ̌ metwɨ́ɨ́ méswîh nyé dí edwe bɨ́n má. Ncwɨ́ncwɨ́a mé Nzyɛ̌m ó dí egbâ bʉ̂r pîm ɨ́ búʼó. Yé mbɨa ó, bɨ̌n bíʼee nkul tɨ̂. Mede bé dí elɛ́ɛ ó, mʉr, nye ɨ́ jala le ede lɨ́ esú lé édwě Nzyɛ̌m dúu tɨ̂ʼ má, mé abe e nyɔm ɨ́ páʼ bʉ̂r o dí ede mé bá.

Ebrœ̂ 6:2

milɛ́ʼlá mi dí edwɛ̂ʼ míndubó mí, myaá mi dí edwɛ̂ʼ kɛlá mébô mí, nkʉ̂ ɨ́ lɔ̌b pahá ódwe, nkʉ̂ ɨ́ tíʼá mílɔ̌b, waá mésíé.

Éfɛsɔs 1:10

Bijwɨʼ byé byaá, byé á nze ka gwíhɔɔ ó, píe bijɔʼ byé á jala le elaa bí, byé á sil elaa yɨ́. Nzyɛ̌m á boo tíʼe ɨ́ léme ó, bisâ bi dí ɨ́ jʉ́o, le ejwoo, le ɨ́ sí yɨ̂ʼ bí, bíbyɛ̂h, byé ɨ́ jala le eswâl ó, ɨ́ jwɨ́ɨ́ mʉ̂r ngwár, Krîst.

Galásia 4:9

Damá jóʼo nó, ɨ́ báánâ, bɨ̌n bɨ́ gʉ́ǎ Nzyɛ̌m mpâ. (Me bé lɨ́ edǐ lɛ́ɛ ó, Nzyɛ̌m, nyɨ́ gʉ́a bɨ́n mpʉ bwán bé.) Bɨ̌n bé lɨ́ ebáʼǎ dû mílɛ́ʼlá bʉ̂r ó sí yɨ̂ʼ dí ekûhlo, myaá dí abe e nkul mí ɨ́ yé? Bɨ̌n bé lɨ́ ebáʼǎ kpɛl édi bítúʼǎ byɔ́ɔ́ ɨ́ yé?

Markus 7:4

Jɔʼ bé búlá lɨ́ ebɨ̌m é pátele lɨ́ etó bwâm bísɔ̂ʼ yɨ́, bé abe e nkul ede, apǎ jwɨɨ mébô. OFarizyɛ̂n bɨɛ, bé lɨ́ ebaʼle mʉ́ʉ́ métum meswîh mpʉ maá me dí elɛ̂ʼlě mpʉ mʉ̂r jálá le esohlo mémpéle, mikâʼ, le mempɨ̌ bínkóho mbɨ̂mbɨá yɨ́.

Ebrœ̂ 7:12

Yé bé syɛ́ɛ́ pára, yé mû ó sí céne nó, yé jɨ ntémé ó, metié mé ésôʼ, mé cénɔɔ, ó maá meswîh, mé tyélɔɔ.