Ebrœ̂ 9:1 - Kálar Nzyɛ̌m : Ejwán é Sáá

¹ Saá Nzyɛ̌m á nyɛɛ tyêl páʼ nyɔ́ɔ́ e Moyɨ̂z nyɨ́, á be ó e metié e mempéné mé, mɨ́ɛ lɨ́ ejwɨ́ɨ̌ mbi mʉ̂r jálá le edwě Nzyɛ̌m kûm wɨ́. Nye á be ntémé ó e yʉ́ʉ́ gúmo ɨ́ sí yɨ̂ʼ lɨ́ esú é syɛ́ɛ́ yaá.

Kálara Zyɛ̌m Edwán é mpʉ̌n

¹ Sàa Zyɛm a cyel dumo e Moyiz ɨ, a be ó e we mbi motum e mɨtiʼa lé edwɛʼ mpʉ mʉr lé ejala le edwiibɨ Zyɛm ɨ. Nye a lɛɛ nteme ó, yé ó e yʉʉ gumo é si nwaʼ é l'efu le Odia mo Zyɛm ndɨ e l'ekɛn ɨ.

Ebrœ̂ 9:1 ပူးပေါင်းရင်းမြစ်များ

Ebrœ̂ 8:2

Nyě séá syɛ́ɛ́ njwɨ́ɨ opara yé ó, ɨ́ gúmó dí ɨ́ buú buǒ tí yɨ́. Nó ó, nyě séá ó, ɨ́ mbɛ̌r kán mpâ, waá Dâ Nzyɛ̌m mʉr tɨ̂ʼ á sumo wɨ́. Wé abě sumá mébó mé bʉ̂r.

Ebrœ̂ 8:7

Saá esôʼ, nye á bé agwá jala. Yé bé nye á si jala nó, mpa Nzyɛ̌m á bé akǎ dila nyé e nyaá mbá.

Kolosi 2:8

Akam gá mekǎn mé dí dwêh, maá me dí edímle bʉ́ʉ́ bʉ̂r ɨ́ nzɨ̌ mikóo myɔ́ɔ́ má. Ajóʼǒ sá bé dí ejébe ó, «ocwóó ó sí yɨ̂ʼ» yɨ́. Abîr gá ó, mʉr gbâʼ bɨ̌n lɨ́ okómó wé ɨ́ nzɨ̌ nyaá. Mekǎn ménɨ̌, mé duduho ó, ɨ́ metum me bʉ̂r ó sí yɨ̂, ndu e milɛ́ʼlá bʉ̂r ó sí yɨ̂ʼ dí ekûhlo mí. Milɛ́ʼlá myaá, myé aduho kwá mé Krîst.

Ebrœ̂ 8:13

Ɨ́ mpʉ̌ Nzyɛ̌m á jébe saá mbá «edwán é sáá» yɨ́, nye á si liŋ nyaá esôʼ mbǒr. Nó ó, sá mû mbǒr, nkʉ̂ yaá mû sí jwɨm yɨ́, yé mû ntémé ó kúno edîm yɨ́yɛ̂h!

Lʉkas 1:6

Bɨ́bɛ̂h obá, bé á be ó otîtyěl o bʉ̂r ɨ́ míh mé Nzyɛ̌m, lɨ́ ebaʼle métié ndu e mempéné mé Nzyɛ̌m. Kʉ̌ tyen wɔ́ɔ́, abɨm ébɔ̌ʼ.

Rôm 9:4

Bɨ́ɔɔ́ bâm baá, bé ó nyɛ̂r bwá ó b'Ɨ́zraɛ̂l. Bé ó Nzyɛ̌m á twâr lɨ́ esú lé édi nyé tâŋ bwân. Bé ó b'á nyɛɛ bee kûm nyé. Nye á nyɛɛ tyêl saá ó, páʼ bé e boo nɔ́ɔ́. Bé ó b'á jóʼo metié nyé á tyêl má. Bé ó b'á nyɛɛ lɛ̂ʼlɔɔ mpʉ bʉ̂r jálá le edwě Nzyɛ̌m kûm yɨ́. Bé ó b'á nyɛɛ bi menkɛ̌ʼ mé Nzyɛ̌m.

Ebrœ̂ 9:24

Ebě, Krîst á bé anî mbɛ̌r kán bʉ̂r, bé á sumo Nzyɛ̌m wɨ́, waá dí enwɨɨla e mpǎŋ mpáh Nzyɛ̌m wɨ́. Mbɛ̌r waá, wé ó njɨ mveʼle, lɨ́ enwɨɨla e mpáh mpâ. Nye á nî ó, ɨ́ jʉ́o kʉ́. Nye mû ó lɨ́ etyɛ̂b ɨ́ jʉ́o kʉ́ ɨ́ míh mé Nzyɛ̌m lɨ́ elwib ɨ́ nkɔ̌m gá nyɨ́ná.