Ebrœ̂ 8:8 - Kálar Nzyɛ̌m : Ejwán é Sáá

⁸ Sâ gwár, Nzyɛ̌m á be ɨ́ kœb ó, bʉr, bé e bidyɛʼ. Sá tɨ̂ʼ ó nyé á lɛ́ɛ ó: «Dâ Nzyɛ̌m lɛ́ɛ́ ó: “Jɔʼ, yé ópyâl. Jɔʼ yaá ó mé ótyêl sáá swîh páʼ nyɨ́h e bʉr o b'Ɨ́zraɛ̂l yɨ́. Me ótyêl nyé ntémé ó, páʼ nyɨ́h e bʉr ó Yʉ́da.

Kálara Zyɛ̌m Edwán é mpʉ̌n

⁸ Sa gwar, Zyɛm a be ó si tɛɛ bʉr o mpʉn efoʼ waa, lé elɛɛ ó: «Da, nye elɛɛ ó: “É molu mé ndɨ eze e, me óde edwan e mpʉn e bwa b'Ɨzraɛl bé e bʉr o Yʉda.

Ebrœ̂ 8:8 ပူးပေါင်းရင်းမြစ်များ

Ebrœ̂ 12:24

Bɨ̌n bé á si nze kwá mé Yésʉs, mesaádɔm á sâ edwán é sáá páʼ gá nyɨ́ná e Nzyɛ̌m nyá. Bɨ̌n bé á si pyâl, cɨɨ ɨ́ nzɨ̌ metié mé nyé á pubo bɨ̌n e mé má. Metié mé maá jaá lwilwib ó, njɨ mekǎn me dí ɨ́ mbɨa má, laa maá Ábɛl nyɨɛ á cɨ má.

Ebrœ̂ 9:15

Mpʉ̌ Krîst á sâ nó yɨ́, nye mû ó mesaádɔm dí etyɛ̂b páʼ gá nyɨ́ná e Nzyɛ̌m nyá. Nye á tyɛ̂b nó ó, lɨ́ esâ édwán é sáá páʼ gá nyɨ́ná e Nzyɛ̌m. Saá nyaá, nye tɨ̂ʼ ó, lɨ́ esú é bʉ̂r ó Nzyɛ̌m á jébe bá, ó bé bíʼee twǐʼ njʉ̌m dǐ, jala e nkɔb líʼe nyɔ́ɔ́. Yé ó sá Nzyɛ̌m á kɛʼ bé yɨ́, ebě, Krîst á si dwe, lɨ́ enzě táǎ góo, le edwih mɨ́ná gá ɨ́ mpila ébébe, pɛʼ mɨ́ná gá ɨ́ fá. Mɨná bé á be gá ɨ́ mpila yaá ó, tɨ̂ e bisyɛ́ɛla bí ébébe mɨ́ná bé á sâ gá ɨ́ jɔʼ mɨ́ná bé á be gá ɨ́ saá esôʼ yɨ́.

2 Korɛnt 3:6

Nye ó b'á dwe bɨ̌h nkul ó, bɨ̌h díʼee bʉr o jálá le eséa nyé syɛ́ɛ́ bá. Bɨ̌h mû ó osyɛ̂l o mésá bé, lɨ́ eníŋle bʉ̂r lɨ́ edwán é sáá. Nye á sâ saá nyaá ó e nzɨ̌ Sísǐm wé, abe e metié me dí micɛmá má. Ebě, metié mɨ́ɛ, mé jaá jʉ̂jʉ ó jʉ́ʼóo; Sísǐm mé Nzyɛ̌m wɨ́ɛ dwe bʉ̂r twǐʼ njʉ̌m dǐ e njʉ̌m dǐ.

1 Korɛnt 11:25

Jwɨʼ gwár yaá, ɨ́ jɔʼ bé á sil ede yɨ́, nye ntɔ̂ʼ nʉǎ bélé ményoʼ. Nye ó: «Menyoʼ mâ, mê nze tyél ó, edwán é sáá, ɨ́ nzɨ̌ metié mâm dí lɨ́ esú lɨ́n má. Jɔʼ yɨ́yɛ̂h bɨ́n ódɨde ményoʼ mâʼ yɨ́, bɨ̌n e sísímsá mé tɨ̂.»

Lʉkas 22:20

Jwɨʼ gwár yaá, ɨ́ jɔʼ bé á sil ede yɨ́, nye ntɔ̂ʼ báʼǎ dwe bé bélé ményoʼ. Nye ó: «Menyoʼ mâ, mé ó edwán é sáá Nzyɛ̌m mû lɨ́ etyêl páʼ nyɔ́ɔ́ e bʉr lɨ́. Nyě tyél nyé ó, ɨ́ nzɨ̌ metié mâm mû lɨ́ eswɨɨ lɨ́ esú lɨ́n má.

Markus 14:24

Nye e bé ó: «Metié mâm ó mâ: metié lɨ́ eswɨɨ lɨ́ esú ó, Nzyɛ̌m tyélɨɨ saá páʼ nyɔ́ɔ́ e bʉr ɨ́ buo buo má.

Lʉkas 17:22

Nó nyé á lɛ́ɛ le ompʉ́n bé ó: «Yé ópyâl jɔʼ bɨ́n ngá jóʼǒ dwéh édi e Mwân mé Mʉr sɔ́má yɨ́, damá bě móhó ngwár. Sâ gwár, yé ákǎ bána.

Mataos 26:28

Ebě, metié mâm ó mâ, metié mû lɨ́ eswɨɨ lɨ́ esú ó, Nzyɛ̌m tyélɨɨ saá páʼ nyɔ́ɔ́ le bʉr ɨ́ buo buo má. Nyě tyél nyé ó, nye nkʉ̂ pɛʼ bé bibaa bí ébébe byɔ́ɔ́.

Ebrœ̂ 7:22

Mpʉ̌ Nzyɛ̌m á ntaa minkâl nó yɨ́, yé á nze sâ ó, Yésʉs díʼee e mbeʼ ébaʼle sáá nyé á tyêl nyɨ́. Sá tɨ̂ʼ ó sáá nyaá dí ɨ́ mbɨa, laa nyaá esôʼ yɨ́.

Ebrœ̂ 8:6

Syɛ́ɛ́ pára Yésʉs dí eséa lɨ́ esú gá lɨ́ná ɨ́ báánâʼ yɨ́, yé e nyɔm ɨ́ buo buo, laǎ syɛ́ɛ́ pára yé á duho myâ yɨ́. Nye ó dí mesaádɔm dí etyɛ̂b páʼ gá nyɨ́ná e Nzyɛ̌m nyá. Saá dwân Nzyɛ̌m á tyêl páʼ nyɔ́ɔ́ e bʉr nyɨ́, nye ɨ́ buo nkûl ɨ́ lɔ̌b ménkɛ̌ʼ Nzyɛ̌m á sâ má. Menkɛ̌ʼ maá, mé ɨ́ mbɨa, laa maá me sáá esôʼ.

Ebrœ̂ 8:13

Ɨ́ mpʉ̌ Nzyɛ̌m á jébe saá mbá «edwán é sáá» yɨ́, nye á si liŋ nyaá esôʼ mbǒr. Nó ó, sá mû mbǒr, nkʉ̂ yaá mû sí jwɨm yɨ́, yé mû ntémé ó kúno edîm yɨ́yɛ̂h!

Lʉkas 5:38

Bé lulwan ményoʼ medwân ó ɨ́ bintaʼ bidwân.