Ebrœ̂ 8:6 - Kálar Nzyɛ̌m : Ejwán é Sáá

⁶ Syɛ́ɛ́ pára Yésʉs dí eséa lɨ́ esú gá lɨ́ná ɨ́ báánâʼ yɨ́, yé e nyɔm ɨ́ buo buo, laǎ syɛ́ɛ́ pára yé á duho myâ yɨ́. Nye ó dí mesaádɔm dí etyɛ̂b páʼ gá nyɨ́ná e Nzyɛ̌m nyá. Saá dwân Nzyɛ̌m á tyêl páʼ nyɔ́ɔ́ e bʉr nyɨ́, nye ɨ́ buo nkûl ɨ́ lɔ̌b ménkɛ̌ʼ Nzyɛ̌m á sâ má. Menkɛ̌ʼ maá, mé ɨ́ mbɨa, laa maá me sáá esôʼ.

Kálara Zyɛ̌m Edwán é mpʉ̌n

⁶ Syɛɛ para Yesʉs lé esea é l'efu ga lɨna é bananaʼ ɛ, yé e nyɔm é buobuo, laa syɛɛ para yé a duho mya ɛ. Nye ó ndɨ mosàa-mɔm lé esa ó, Zyɛm deʼ Edwan e mpʉn e bwa b'Ɨzraɛl ɨ. Edwan e mpʉn nye a de e, lé é bul mbɨa, laa mpʉn Zyɛm a de e be e. Lé nteme, lé ó e molele ebe monkɛʼ bɨna bé a bi ga ɛ. Monkɛʼ maa, mɨ laa maa mo mpʉn efoʼ é l'embɨa.

Ebrœ̂ 8:6 ပူးပေါင်းရင်းမြစ်များ

Ebrœ̂ 7:22

Mpʉ̌ Nzyɛ̌m á ntaa minkâl nó yɨ́, yé á nze sâ ó, Yésʉs díʼee e mbeʼ ébaʼle sáá nyé á tyêl nyɨ́. Sá tɨ̂ʼ ó sáá nyaá dí ɨ́ mbɨa, laa nyaá esôʼ yɨ́.

Ebrœ̂ 12:24

Bɨ̌n bé á si nze kwá mé Yésʉs, mesaádɔm á sâ edwán é sáá páʼ gá nyɨ́ná e Nzyɛ̌m nyá. Bɨ̌n bé á si pyâl, cɨɨ ɨ́ nzɨ̌ metié mé nyé á pubo bɨ̌n e mé má. Metié mé maá jaá lwilwib ó, njɨ mekǎn me dí ɨ́ mbɨa má, laa maá Ábɛl nyɨɛ á cɨ má.

2 Pyɛr 1:4

Mɨná mû bi gá ó, menkɛ̌ʼ nyé á boo kɛʼ mɨná gá, maá me dí ɨ́ buo ódimé má. Ɨ́ jɔʼ mɨ́ná bûʼlá gá menkɛ̌ʼ maá yɨ́, mɨná bé lɨ́ ebi gá ntémé njwɨr mé Nzyɛ̌m tɨ̂. Bʉr ó sí yɨ̂, bé mû ó lɨ́ ebo, duho ɨ́ mpwaʼ bigwɨ́má bísâ. Nó mɨná bɨɛ bé ókpɛ́ɛ gá bigwɨ́má byaá.

Títos 1:2

Bé lɨ́ etyɛ̂b mekʉ̌ sí ɨ́ sɨ́ŋ ɨ́ lɔ̌b mpûʼla gá nyɨ́ná nyɨ̂: ó, Nzyɛ̌m ódwe mɨ́ná gá twǐʼ njʉ̌m dǐ. Nzyɛ̌m, mʉr dí alɛ́ɛ bíbɛr nyá, á kɛʼ mɨná gá twiʼ yaá ó, jɔʼ kʉ́ e sí, byé á be apǎ bě kuhá yɨ́.

Lʉkas 22:20

Jwɨʼ gwár yaá, ɨ́ jɔʼ bé á sil ede yɨ́, nye ntɔ̂ʼ báʼǎ dwe bé bélé ményoʼ. Nye ó: «Menyoʼ mâ, mé ó edwán é sáá Nzyɛ̌m mû lɨ́ etyêl páʼ nyɔ́ɔ́ e bʉr lɨ́. Nyě tyél nyé ó, ɨ́ nzɨ̌ metié mâm mû lɨ́ eswɨɨ lɨ́ esú lɨ́n má.

Rôm 9:4

Bɨ́ɔɔ́ bâm baá, bé ó nyɛ̂r bwá ó b'Ɨ́zraɛ̂l. Bé ó Nzyɛ̌m á twâr lɨ́ esú lé édi nyé tâŋ bwân. Bé ó b'á nyɛɛ bee kûm nyé. Nye á nyɛɛ tyêl saá ó, páʼ bé e boo nɔ́ɔ́. Bé ó b'á jóʼo metié nyé á tyêl má. Bé ó b'á nyɛɛ lɛ̂ʼlɔɔ mpʉ bʉ̂r jálá le edwě Nzyɛ̌m kûm yɨ́. Bé ó b'á nyɛɛ bi menkɛ̌ʼ mé Nzyɛ̌m.

Éfɛsɔs 2:12

Símsáá gá ntémé mpʉ bɨ́n á nyɛɛ bɨbě dǐ gwár yɨ́. Bɨ̌n e Krîst, bé á bé apǎ pûhla. Bɨ̌n bé á si pɨ́mɔɔ ɨ́ kúl bʉ̂r o b'Ɨ́zraɛ̂l. Ɨ́ nkǒ páʼ sáá Nzyɛ̌m á sâ nyɨ́, ti e menkɛ̌ʼ mé, bɨ̌n bé á be ó, bʉr o bíkúl bíswîh, abe e bá nkɔ̂b tɨ̂. Ɨ́ jɔʼ yaá yɨ́yɛ̂h, bɨ̌n bé á bé abe e mpûʼla ɨ́ miléme. Ɨ́ sí yɨ́yɛ̂h, bʉr o bíkúl bín, bé á bé agʉ́ǎ Nzyɛ̌m.

1 Timotɛ 2:5

Ebě, Nzyɛ̌m, nye ó njɨ ngwár. Nó ntémé, bʉr, bé ó njɨ e mesaádɔm ngwár dí páʼ bé e boo Nzyɛ̌m nyá. Nye mʉr tɨ̂, nye ó mʉr: Yésʉs-Krîst,