Ebrœ̂ 8:2 - Kálar Nzyɛ̌m : Ejwán é Sáá

² Nyě séá syɛ́ɛ́ njwɨ́ɨ opara yé ó, ɨ́ gúmó dí ɨ́ buú buǒ tí yɨ́. Nó ó, nyě séá ó, ɨ́ mbɛ̌r kán mpâ, waá Dâ Nzyɛ̌m mʉr tɨ̂ʼ á sumo wɨ́. Wé abě sumá mébó mé bʉ̂r.

Kálara Zyɛ̌m Edwán é mpʉ̌n

² Nye esea syɛɛ njwɨɨ opara ye ó, é l'Odia mo Zyɛm ndɨ e l'ekɛn ɨ. Tina, yé ó, nye esea ó, é mpaŋ Saʼ Nɨnɨ, yaa Da nye mʉr tɨʼ a fumo e. Yé abe fuma mobo mo bʉr.

Ebrœ̂ 8:2 ပူးပေါင်းရင်းမြစ်များ

2 Korɛnt 5:1

Mɨná bé lɨ́ egʉ́a gá ó, mbɛ̌r kán mɨ́ná dí gá tɨ̂ʼ ɨ́ sí yɨ̂ʼ wɨ́, wé sí gbɔ́a nó, yé e gúú ódiá ɨ́ jʉ́o kʉ́, waá Nzyɛ̌m á komo gá mɨná wɨ́. Wɨ́haá mbɛ̌r, wé á bé asumɔɔ e mebó mé bʉ̂r. Nzyɛ̌m mʉr tɨ̂ʼ ó b'á sumo wê. Wé ó ngá dǐ njʉ̌m dǐ e njʉ̌m dǐ.

Rôm 15:8

Me lɨ́ eboʼlo bɨ́n lɔ́ɔ́ wɨ̂: Krîst á si dwir nye mʉr tɨ̂ʼ syɛ̂l mesâ lɨ́ esú lɨ́h, Yúden. Nye á sâ nó ó, lɨ́ esú lé élɛ̂ʼle bɨ́h mpʉ̌ Nzyɛ̌m dí mʉr otyeetye yɨ́. Nó ó nyé á lɨl menkɛ̌ʼ Nzyɛ̌m á dwe bimpám bíh má yɨ́.

Ebrœ̂ 11:10

Abraham ntémé á sâ nó ó, nyɨɛ lɨ́ ebóno ó, nye ódi ɨ́ mpǎŋ nkanǎ Nzyɛ̌m á bono le esumo, dí e melele yɨ́.

Ebrœ̂ 10:21

Mpʉ mɨ́ná gá mû e njwɨ́ɨ oparǎ nɨ́nɨ́ɨ́ dí lʉ̂ sá yɨ́yɛ̂h ɨ́ mpáh Nzyɛ̌m nyá yɨ́,

Kolosi 2:11

Ɨ́ mpúhlá nyɨ́n e Krîst, bɨ̌n bé á si tíʼɔɔ mpʉ́n dí eduho kwá mé Krîst nyɨ́. Mpʉ́n nyaá ó dí elɛ̂ʼle ó, bɨ̌n bɨ́ dwǐh njwɨr myâ gá wɨ́ná. Bɨ̌n bé á bé atíʼɔɔ mpʉ́n mpʉ bʉ́ʉ́ bʉ̂r dí etîtiʼɔɔ yɨ́.

Lʉkas 24:44

Nye nzě lɛ́ɛ e bé ó: «Bisyɛ́ɛla bî, byé ó byaá mé á boo lɛ́ɛ bɨ̌n ó, byé ósyɛ́ɛ bí. Mɨná dína lɨ́ etye gá sɔ́má, me á boo lɛ́ɛ bɨ̌n ó, sá yɨ́yɛ̂h dí cɛmá ɨ́ Mekaná mé Nzyɛ̌m, lɨ́ mekaná métié mé Moyɨ̂z, le maá mé ógwíha o mílɔ̌b, le lɨ́ oSâm mé David, dumo e me yɨ́, yé ódira nó.»

Ebrœ̂ 9:1

Saá Nzyɛ̌m á nyɛɛ tyêl páʼ nyɔ́ɔ́ e Moyɨ̂z nyɨ́, á be ó e metié e mempéné mé, mɨ́ɛ lɨ́ ejwɨ́ɨ̌ mbi mʉ̂r jálá le edwě Nzyɛ̌m kûm wɨ́. Nye á be ntémé ó e yʉ́ʉ́ gúmo ɨ́ sí yɨ̂ʼ lɨ́ esú é syɛ́ɛ́ yaá.

Ebrœ̂ 10:11

Opara, bé sɨ́séá ó, mimóhó mímyɛ̂h. Bé lɨ́ etyɛ̂b mítîtyěl lɨ́ edîʼ míndwéá ɨ́ ti ti ti, lɨ́ esáa étáa mébyaʼ, damá bě mpʉ míndwéá myɔ́ɔ́ dí abe e nkul esâ ó, Nzyɛ̌m tɨ́ʼee baa ébébe gwár yɨ́.

Mɨngwiha 21:3

Me nzě jóʼo twíí á duho ɨ́ mecwɨ́ɨ́ mé jwɨ́ɨ nyɨ́. Nye á lwib kʉ́kʉ́ ó: «Bɛɛngɛ́ɛ! Nzyɛ̌m, nyɨ́ komlo ódiá wé páʼ bʉ̂r e bʉr. Nye ódi ó ɨ́ bê. Bé óbe ó bʉr o Mpóʼo nyé. Nzyɛ̌m mʉr tɨ̂ʼ ódi páʼ nyɔ́ɔ́.