Ebrœ̂ 8:11 - Kálar Nzyɛ̌m : Ejwán é Sáá

¹¹ Yé ákóʼó kǎ be e mʉr ókǎ tó lɛ́ɛ só wé, nkʉ̂ mɨ́ɔɔ́ wé ó: “Wɛɛ, paá cɨ́! Me páa lɛ̂ʼle gó mpʉ mɨ́ná jálá le egʉ́ǎ Dâ Nzyɛ̌m yɨ́! Ebě, bɨ́bɛ̂h, bé óbánǎ gʉ́a mê, táare e bwá ó ntwǒm, kala le otɔ́má bʉ̂r.

Kálara Zyɛ̌m Edwán é mpʉ̌n

¹¹ Yé ákwoʼ ka be e mʉr ógum ka yeʼle fo we, nkʉ mɨɔ we, lé elɛɛ ó: ‘Pa tɨ! Me paʼ lɛʼle go mpʉ bɨna lé ejala le egʉa ga Da é kpɛhla ɛ,’ ebe, bɨbɛh, bé ógʉa me é mbi waa, taare é bwɔɔncyom, to pyal é l'otamabʉr.

Ebrœ̂ 8:11 ပူးပေါင်းရင်းမြစ်များ

Yʉanes 6:45

Ogwíha o mílɔ̌b, bé á cɛma ɨ́ Mekaná mé Nzyɛ̌m ó: “Nzyɛ̌m ó ngá lɛ̂ʼle bɨ́bɛ̂h.” Me lɨ́ elɛ́ɛ ó, mʉr nyɨnyɛ̂h ójóʼǒ Nzyɛ̌m Sɔ́ŋ, le enʉa mílɛ́ʼlá nyé ódwe mí nyá, ónze kwá nyǎm.

1 Yʉanes 2:27

Ɨ́ wɨ́n pâʼ, bɨ̌n bé á si bi Sísǐm, waá Nzyɛ̌m á lœm bɨ̌n wǎ wɨ́. Bɨ̌n e Sísǐm mé Nzyɛ̌m waá ó mû. Sɨ́ǎ yaá ó bɨ́n dí, abe lɨ́ ekǎ jɨ lɛ̂ʼla yɨ́. Nzyɛ̌m á ntɨh bɨ̌n Sísǐm wé ó, nye díʼee lɛ̂ʼla wɨ́n ɨ́ milɔ̌b mímyɛ̂h. Sísǐm mé Nzyɛ̌m, nye ntémé, nye ó sísǐm mé Nzyɛ̌m mpâ. Nyě lɛ́ɛ́ ó, otyeetye; nyé alɛ́ɛ bíbɛr. Mpʉ nyé dí elɛ̂ʼle bɨ́n yɨ́, diʼee gá ɨ́ mpúhlá e nye.

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

Mɨlʉmlʉ 8:10

Bʉr bɨ́bɛ̂h, otɔ́má le ontwǒm, bé á bɨbe ó, lɨ́ egwá jôʼlo nyê. Bé á lɨlɛ́ɛ ó: «Mʉr nyâ, nye ó le nkǔl nɨ́nɨ́ɨ́ mé Nzyɛ̌m, nyaá bé jɨ́jébé “ánɨ̂nɨ̂n” nyɨ́.»