Ebrœ̂ 8:10 - Kálar Nzyɛ̌m : Ejwán é Sáá

¹⁰ Ebě, Dâ Nzyɛ̌m lɛ́ɛ́ ó: «Píe melû maá, saá mé ngá tyêl páʼ nyɨ́h e kúl bʉ̂r o b'Ɨ́zraɛ̂l nyɨ́, nye óbe ó, mbi wɨ̂: Me ólíʼe métié mâm ɨ́ lʉ́ wɔ́ɔ́. Me ócɛma bé mǎ ɨ́ miléme. Me óbe ó Nzyɛ̌m wɔ́ɔ́. Bɨ́ɛ, bé óbe ó bʉr bâm.

Kálara Zyɛ̌m Edwán é mpʉ̌n

¹⁰ Ebe no ó Da lé elɛɛ ó: “Pie molu maa, mpʉn me óde e bwa b'Ɨzraɛl ɨ, nye óbe ó, é mbi wi: Me ógba motie mam é mɨpɛhla myɔɔ. Motie maa, mé óbe nteme ó mɨtila é mɨleme myɔɔ. Me óbe ó Zyɛm wɔɔ; bɛɛ, bé óbe ó baa bam.

Ebrœ̂ 8:10 ပူးပေါင်းရင်းမြစ်များ

2 Korɛnt 3:3

Bɨ̌n lɛ́ʼlé ɨ́ kpɛŋlɛm ó, bɨ̌n bé ó mekaná Krîst á cɛma má. Mekaná maá, mé lɛ́ʼlé ntémé ó, syɛ́ɛ́ bɨ́h á sâ ɨ́ sɔ́má yɨ́n yɨ́. Bɨ̌n bé abe mékaná mé á cɛmɔɔ e medíbé mé lwâb má. Mbi mékaná bɨ́n dí wɨ́nɨ̌, wé ó mekaná mé á cɛmɔɔ e Sísǐm mé Nzyɛ̌m dí kublakúbla wɨ́ má. Mé á bé acɛmɔɔ lɨ́ otéble o mékóʼ tʉ́ŋlʉ̌. Mé á cɛmɔɔ ó, ɨ́ milémé mí bʉ̂r tʉ́ŋlʉ̌.

1 Pyɛr 2:9

Sâ gwár, bɨ̌n bɨɛ bé ó mpóʼǒ Nzyɛ̌m á boo twâr nyɨ́. Nye á twâr bɨ̌n ó, bɨ̌n séaa nye syɛ́ɛ ópara, le edǐ kúl bʉ̂r dí tí ɨ́ míh mé yɨ́. Bɨ̌n bé ó sá mé Nzyɛ̌m, ánta nye, lɨ́ esú ó, bɨ̌n gúmlaa mʉr á jébe bɨ̌n nyá. Njɨ́blɨ́ wé waá, wé ó b'á pɛʼ bɨ̌n lɨ́ edúrʉ́ʉ́, tyen bɨ́n ɨ́ myɛ́n dí ɨ́ ntyɛ̌n ntɨ̂ ntyɛ̌n yɨ́.

Rôm 11:27

Saá mé ngá tyêl páʼ nyɨ́h e nɔ́ɔ́ nyɨ́, óbe ó, mbi wɨ̂: Me ópɛʼ bíbaa bí ébébe lɔ́ɔ́ mé á niʼe ɨ́ lɔ̌b mísyóm myɔ́ɔ́ bí, bíbyɛ̂h.

Jacques 1:21

Pɛʼɛɛ gá mebomo dí ɨ́ sɔ́má yɨ́n má. Bɨ̌n e gwâʼ le esâ ébébe é léme, ntaa sʉ́ŋa. Bɨ̌n e nʉ́á lwǐb mé Nzyɛ̌m e miléme mi dí ɨ́ pyɛɛɛ mí. Lwǐb yé yaá, yé mû ó mbeá tʉ́ŋlʉ̌ milémé mín. Lwǐb yaá ó dí e nkul etíʼ bɨ́n.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

1 Pyɛr 1:23

Nó, bɨ̌n mû ó sí báʼǎ byɛ̂l. Mpeʼ yé á beŋɔɔ ɨ́ milémé mín yɨ́, yé abě sá dí e nkul ebo yɨ́; yé ó lwǐb mé Nzyɛ̌m dí edǐ njʉ̌m dǐ e njʉ̌m dǐ yɨ́. Mpeʼ yé á beŋɔɔ ɨ́ bɨ̌n yɨ́, yé jaá di ó diʼée, acénecene.

Jacques 1:18

Nye mʉr tɨ̂ʼ á byâ mɨná gá ó, ɨ́ lɔ̌b gwɨ́má yé, ɨ́ nzɨ̌ lwǐb yé dí tyeetye yɨ́. Nó ɨ́ bisá bíbyɛ̂h nyé á komlo bí, mɨná ó dí gá ɨ́ tyé ésôʼ.

Mataos 22:32

Yê cɛmá tɨ̂ʼ ó: “Me ó Nzyɛ̌m, waá Abraham, Isaac, ndu e Yákɔb dí edwe kûm nyɔ́ɔ́ nyá.” Nzyɛ̌m, nyé abe waá odwe. Nye ó Nzyɛ̌m mikublakúbla mi bʉ̂r.»

Ebrœ̂ 11:16

Sâ gwár, bé á be ó e dwéh édi ɨ́ mpǎŋ mpóʼo, nyaá dí ɨ́ jʉ́o kʉ́ nyɨ́. Sá tɨ̂ʼ ó Nzyɛ̌m dí ajóʼo sôn ɨ́ jɔʼ bé dí egbân nyé yɨ́. Nyɨ́ komlo bé mpǎŋ nkana yaá.

1 Korɛnt 6:16

Nzê bɨ̌n bé agʉ́a ó, mʉr dí epûhla e sadága mʉ́má nyá, bé e nɔ́ɔ́ bɨ́bɛ̂h, bé mû ó nyʉ̂l mpwár ɛ́? Ebě, yê cɛmá ó: Bé e nɔ́ɔ́, bé ódi ó, ebɔ̂b e nzyeŋle, pʉ́m le ebo, púno gwár.