Ebrœ̂ 7:7 - Kálar Nzyɛ̌m : Ejwán é Sáá

⁷ Yé abe e mʉr dí e nkul esóŋlǒ sá yɨ̂: le mʉr dí e dǐ nɨ́nɨ́ɨ́, le waá dí abe e yé nyá, waá dí e dǐ yaá nyá ó dí esyɛɛ nyʉ́ʉ́ metyéelé.

Kálara Zyɛ̌m Edwán é mpʉ̌n

⁷ Abe e mosono, syɛɛ-cyeele, wé elaa waa ndɨ esyɛɔ mocyeele e, é nkʉŋ.

Ebrœ̂ 7:7 ပူးပေါင်းရင်းမြစ်များ

1 Timotɛ 3:16

Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»

2 Korɛnt 13:14

Ncwɨ́ncwɨ́a mé Tî Yésʉs-Krîst, le kpɛ̌l mé Nzyɛ̌m Sɔ́ŋ ti e mpúhlá mé Sísǐm mé Nzyɛ̌m, byé díʼee e bɨ̌n óbɛ̂h.

Ebrœ̂ 7:6

Tó kœb ó, Mɛlkisédɛk á bé abe mʉ̂r onzweh mé Levî. Damá jóʼo nó, Mɛlkisédɛk waá á be ó sí dî Abraham ó, Abraham dwêʼ nye nkɔb bisá bíbyɛ̂h nyé ngá bi bí, jala e nkɔb mpwár ɨ́ menkɔb kám. Mɛlkisédɛk ntɔ̂ʼ syɛɛ Abraham metyéelé, nyɨɛ mʉr á pa bi menkɛ̌ʼ mé Nzyɛ̌m nyá.

Ebrœ̂ 7:8

Ɨ́ wɨ̂ʼ pâʼ, mɨná bé á be ɨ́ bee gá mpʉ ónzweh mé Levî wé á nʉnʉa nkɔb mpwár ɨ́ menkɔb kám, bɨ́ɛ ntémé lɨ́ edwidwe nyé yɨ́. Ɨ́ gúú pâʼ, mɨná bé lɨ́ ebee gá ntémé mpʉ̌ Mɛlkisédɛk dí enʉa nkɔ̂b nyaá, nye yɨ́ɛ l'adwe nyʉ́ʉ́ mʉ̂r nyé nkɔ̂b yɨ́. Ebě, micɛmá, myé boʼlo ó nó.