Ebrœ̂ 7:28 - Kálar Nzyɛ̌m : Ejwán é Sáá

²⁸ Metié, mé á jaa tyêl ɨ́ dǐ njwɨ́ɨ opara ó, bʉr o b'á be ɨ́ tyɛʼ bá. Nó ó, píe metié maá, Nzyɛ̌m á si káale, nye mʉr tɨ̂ʼ ntɔ̂ʼ tyêl Mwân wé ɨ́ dǐ njwɨ́ɨ opara lɨ́ esú é bíjɔʼ bíbyɛ̂h. Mwân wé waá ó dí e nkul elóŋlǒ syɛ́ɛ́ yaá yɨ́yɛ̂h.

Kálara Zyɛ̌m Edwán é mpʉ̌n

²⁸ Motie mo Zyɛm, mé a kʉ cyel é dia njwɨɨ opara ó, bʉr o b'a be é cyɛʼ ɛ. No ó, pie motie maa, Zyɛm ze de mɨnkɛla, nye mʉr tɨʼ ze cyel Mwan we é dia njwɨɨ opara. Mwan we ó b'a kumo é l'ombɨmbɨa é mɨpaʼ mimyɛh, ó nye sea nye syɛɛ opara yaa njʉmdia e njʉmdia.

Ebrœ̂ 7:28 ပူးပေါင်းရင်းမြစ်များ

Ebrœ̂ 2:10

Sá yɨ́yɛ̂h, yé duho ó kwá mé Nzyɛ̌m. Nzyɛ̌m á kuho sá yɨ́yɛ̂h ó, ɨ́ kpɛ̌l yé nye mʉr tɨ̂. Nzyɛ̌m á si gwɨ̂m etô e buobuo bwán bé, tô tóʼ, tó pyâl pyáláa ɨ́ diá kûm. Sá tɨ̂ʼ ó yé á jala ó, Yésʉs táaraa ekomlo bé nzɨ̌ ebǐ twiʼ, le ntémé ó, nye díʼee lwɨ́ŋlá e nkul etíʼ bé, duho ɨ́ mitúú nyé á sia e myé mí yɨ́.

Ebrœ̂ 7:21

Nzyɛ̌m á si ntaa minkâl ɨ́ lɔ̌b wé. Nye á lwib ó mbi wɨ̂: Dâ á si ntaa minkâl. Nye ácéně jwɨʼ yé. Nye á lɛ́ɛ ó: Go ódidi pára ó, ɨ́ melú mé mpóʼo mɨ́mɛ̂h.

Ebrœ̂ 1:2

Ɨ́ yɨ̂ʼ jɔʼ mpʉ mélú mé mpóʼo sí yɨ̂ʼ mû lɨ́ ekɔ́a yɨ́, nye mû kǎ lwib e mɨná gá ó, cɨɨ ɨ́ nzɨ̌ Mwân wé. Nye ó waá Nzyɛ̌m á kɛʼ ó, nye ónʉa bílíʼé bí sí yɨ̂ʼ bíbyɛ̂h nyá. Nzyɛ̌m á kuho kʉ́ e sí ndu e l'ekomlǒ sá yɨ́yɛ̂h dí tɨ̂ʼ yɨ́ ó, ɨ́ nzɨ̌ nyé.

Lʉkas 13:32

Yésʉs ntɔ̂ʼ yala e bé ó: «Tó lɛ́ɛ gá pɨpɨ́ʼ tír waá ó: “Me náǎ ó lɨ́ eso méleme le etiʼ mímbêl mûh le ómɛ́n. Ɨ́ móhó lɛ̂l, me ósîl syɛ́ɛ́ yâm.”

Ebrœ̂ 7:24

Sâ gwár, mpʉ̌ Yésʉs dǐ njʉ̌m dǐ e njʉ̌m dǐ yɨ́, nyě baʼlé yé dǐ pára yaá ó, njɨ nye omér.

Ebrœ̂ 7:3

Yé abe e mʉr ngwár dí egʉ́a sɔ́ŋ, nkʉ̂ nyɔ̌ŋ mé Mɛlkisédɛk, nkʉ̂ ntán yé. Mʉr, nyé agʉ́ǎ mpʉ̌ Mɛlkisédɛk á byɛ̂l yɨ́, agʉ́a ntémé nkʉ̂ nye á si dwe. Nyě nwɨɨlá ó e Mwân mé Nzyɛ̌m. Nyě dǐ ɨ́ dǐ pára yé ó, njʉ̌m dǐ e njʉ̌m dǐ.

Ebrœ̂ 5:5

Jwɨʼ gwár e gwár yaá ntémé e Krîst. Nye á bé agbân dǐ njwɨ́ɨ opara, nkʉ̂ sáa kûm dí tɨ̂ʼ nyɨ́. Nye á si tyélɔɔ ɨ́ dǐ yaá. Mʉr á tyêl nye nyá, á lɛ́ɛ ó: «Go ó mwân wǎm. Mɨ́ byâ gó mûh.»

Ebrœ̂ 3:6

Tó kœb ó, Krîst nyɨɛ á si tyélɔɔ ɨ́ dǐ Mwân á jala le edǐ lʉ́ mbɛ̌r bʉ̂r waá nyá. Mbɛ̌r bʉ̂r waá, wé gúmó ntémé ó e né. Mɨ́ná bé ódi gá e mpûʼla ɨ́ miléme, le ekʉ́ gʉ́ǎ sá mɨ́ná dí ebúʼla gá yɨ́, abáawǒ sɔ̂ʼ nó, lɛ́ɛ́, mɨná gá ó dí bʉ̂r ó mbɛ̌r bʉ̂r wé waá.

Yʉanes 19:30

Jɔ̌ʼ Yésʉs á sil edû bikɛ̌ʼla ményoʼ byaá yɨ́, nye ó: «Sá yɨ́yɛ̂h, yɨ́ lwɨ́ŋlɨ!» Nye nzě gœ̌r lʉ̂ sí, nzě dwě Nzyɛ̌m sísǐm wé.

Ebrœ̂ 4:14

Mɨná gá bé e ánɨ̂nɨ̂n njwɨ́ɨ opara: Yésʉs, Mwân mé Nzyɛ̌m. Nye á si ntaa jʉ́o, le ejwoo le baántɛ́n, tó di ɨ́ jʉ́o kʉ́. Nó, mɨná tôʼ gá dóló le ekǎm búʼó gá yɨ́ná.

Ebrœ̂ 2:17

Sá tɨ̂ʼ ó yé á jala ó, nye díʼee kwahaá mpʉ bɨ́ɔɔ́ bé, ɨ́ mipáʼ mímyɛ̂h yɨ́. Nye á nwɨɨla e mɨná gá ó, lɨ́ esú ó, nye nkʉ̂ cwɨ́a e mɨná gá, le edi njwɨ́ɨ opara mɨ́ná ókʉ́ bûʼla gá nyá. Nye ó jálá le eséa ɨ́ páʼ bísâ bi dí edwɛ̂ʼ Nzyɛ̌m bí. Nye ó mʉr á dwe, búra le misyóm mí bʉ̂r bé, le eleʼě Nzyɛ̌m ɨ́ nkpaa nyé nyá.

Ebrœ̂ 3:1

Bɨ́ɔɔ́ bɨ́h le okɛ́l bɨ́h dí egúmo e Nzyɛ̌m bá, mɨná gá ó bé á bi gá nkɔb mpwár: njɨ́blɨ́ Nzyɛ̌m á ntɨh mɨná gá, duho ɨ́ jʉ́o kʉ́ wɨ́. Jwɛ́ʼɛ́ɛ́ gá sɔ̂ʼ njɨ Yésʉs mpʉ nyé dí yɨ́: nye ó mʉr milʉ́mlʉ́ mé Nzyɛ̌m, báʼǎ be ntémé njwɨ́ɨ opara gá wɨ́ná mpʉ mɨ́ná dí ekam gá yɨ́.