Ebrœ̂ 7:19 - Kálar Nzyɛ̌m : Ejwán é Sáá

¹⁹ Ebě, metié mé ésôʼ maá, mé á bé abe e nkul epubo syɛ̂l misyóm ɨ́ mipáʼ mímyɛ̂h. Nó ó, mpǎŋ sá dí elaa métié maá yɨ́, yɨ́ pyâl: mpûʼla mɨ́ná mû e nye ɨ́ léme nyɨ́. Nye ó dí esâ ó, mɨná sîhlaa gá bǎʼ e Nzyɛ̌m.

Kálara Zyɛ̌m Edwán é mpʉ̌n

¹⁹ (Ebe, motie mo efoʼ maa, mé a baabe e nkul esa ó, mʉr kuma é l'ombɨmbɨa é mɨpaʼ mimyɛh.) No ó, sa lé elaa motie maa ɛ, yi pyal! Yé ó mbɛla ndɨ bɨna ga é mɨleme e. Wé ó ndɨ esa ó, bɨna dihla ga kunokuno e Zyɛm.

Ebrœ̂ 7:19 ပူးပေါင်းရင်းမြစ်များ

Mɨlʉmlʉ 13:39

Bʉr bɨ́bɛ̂h ngá dyêʼ koo e né bá, bé óbi nkâm ɨ́ nzɨ̌ nyé. Bé ódweŋɔɔ nkâm ɨ́ mimbi mílɔ̌b mímyɛ̂h. Bé á bé agwá bi nkâm ɨ́ nzɨ̌ metié mé Moyɨ̂z.

Ebrœ̂ 4:16

Nó, mɨná sîhlaa gá bǎʼ e né, tó pyâl pyáláa ɨ́ mecwɨ́ɨ́ mé jwɨ́ɨ́ yé. Mɨná pyálaa gá ɨ́ mpǒm nyé, abáawǒ sɔ̂ʼ, le ebúʼla ó, nyě dǐ ɨ́ mecwɨ́ɨ́ maá ó, lɨ́ esú ó, nye sâʼ bʉr mpam, le ejɨ̂ʼ bé nkoó. Mɨná bi gá mpam nyé ó, ɨ́ jɔʼ mɨ́ná dí ebuú jɨ gá nkɔ̌m nyé yɨ́.

Ebrœ̂ 9:9

Yɨ̂ʼ, yé ó mveʼle dí elɛ̂ʼle mɨ́ná gá ɨ́ jɔʼ yɨ̂ʼ ó, bʉ̌r damá tíʼe ótír, táǎ Nzyɛ̌m mebyaʼ mɔ́ɔ́ ɨ́ nzɨ̌ mindwéá myaá, myé abe e nkul epubo míléme mi bʉ̂r o dí edîʼ nyé myǎ bá. Myé abe lɨ́ esâ ntémé ó, mipahlá mílémé myɔ́ɔ́, myé díʼee ɨ́ pyɛɛɛ.

Rôm 8:3

Yé á bé abána ó, mɨná bíʼee gá twiʼ ɨ́ mbaʼlá métié, ebě njwɨr myâ wɨ́ná, wé á be ɨ́ tyɛʼ. Metyɛʼ mé njwɨr myâ waá, mé ntɔ̂ʼ teʼle métié maá. Sá métié mé Moyɨ̂z, mé á be akoʼo lɨ́ esâ yɨ́, Nzyɛ̌m nyɨɛ á si bana sâ yê. Nye á dwe mɨná gá twiʼ ó ɨ́ nzɨ̌ Mwân wé nyé á ntɨh ɨ́ sí yɨ̂ʼ nyá. Mwân waá nzě byɛ̂l mʉ̂r. Nyʉ̂l bipúno nyé, nye á kʉ nwɨɨla ó e nyaá gá nyɨ́ná, osyɛ̂l o mísyóm. Nye á nze ó ɨ́ lɔ̌b syóm gá wɨ́ná. Nye á nze pɛʼ ó wê. Nzyɛ̌m nzě dwě Yésʉs mebě, le entɨ̂ʼ nyʉ̂l bipúno nyé ɨ́ jɔʼ nyé á búra e misyóm myaá yɨ́.

Ebrœ̂ 11:40

Mpʉ nyé á cwɨ́a e mɨná gá, laa bé yɨ́, nó nyé á lɛ́ɛ ó, nye ójaá komlo bícwiʼ byɔ́ɔ́ ɨ́ mipáʼ mímyɛ̂h ó, njɨ ɨ́ jɔʼ nyé ókomlo byaá gá bíná le onɔ́ɔ́ bíbyɛ̂h yɨ́.

Ebrœ̂ 10:1

Metié, mé ó sisîm dí elɛ̂ʼlě mpʉ bísá bí émbɨa, byé ójala le ebe ɨ́ jɔʼ byé ngá pyâl yɨ́ wɨ́. Metié maá, mé adila míkuó bísâ byaá. Opara, bé dwídwé míndwéá mimpwár ó, ɨ́ mbú wɨ́wɛ̂h lɨ́ esú é bʉ̂r o dí egwɨ̂m ó, bé díʼee mbɨ̂mbɨá bá. Sâ gwár, mindwéá myɔ́ɔ́, myé ákóʼó sâ ó, bʉr baá díʼee mbɨ̂mbɨá ɨ́ mipáʼ mímyɛ̂h.

Ebrœ̂ 6:18

Yé e bisá bíbá bi dí abe e nkul ecénɔɔ bí: bisâ byaá, byé ó nkɛ̌ʼ ti e minkál mé Nzyɛ̌m. Mɨná nʉa gá pîm ɨ́ búʼó ó, duho tɨ̂. Nzyɛ̌m, nyé abe e nkul elɛ́ɛ bíbɛr ɨ́ sí, tɔʼ e bá tîtííǎ. Mɨná gá bé ó bʉr o mû sí bîr sá yɨ́yɛ̂h, lɨ́ esú lé édi e mpûʼla ɨ́ milémé gá míná bá. Mpûʼla nyaá, nye ó kwahaá ɨ́ ponó ɨ́ míh gá mɨ́ná.

Rôm 5:2

Yésʉs-Krîst ó b'á kar nzɨ̌ lɨ́ esú ó, mɨná kúmaa gá ɨ́ mpam mé Nzyɛ̌m, le etyɛ̂b mékʉ̌ sí ɨ́ sɨ́ŋ ɨ́ lɔ̌b mpûʼla mɨ́ná dí gá e né nyɨ́. Nyɨ́ lɛ̂ʼle mɨ́ná gá mpam mɨ́ná ngá titiʼe gá e tɨ̂ʼ nyɨ́. Mɨná mû ó lɨ́ enkʉ́na gá ɨ́ lɔ̌b mpûʼla dí mɨná gá ɨ́ miléme, nyaá dí elɛ́ɛ ó, mɨná bé óbee gá Nzyɛ̌m ɨ́ diá kûm yé nyɨ́.

Ebrœ̂ 8:6

Syɛ́ɛ́ pára Yésʉs dí eséa lɨ́ esú gá lɨ́ná ɨ́ báánâʼ yɨ́, yé e nyɔm ɨ́ buo buo, laǎ syɛ́ɛ́ pára yé á duho myâ yɨ́. Nye ó dí mesaádɔm dí etyɛ̂b páʼ gá nyɨ́ná e Nzyɛ̌m nyá. Saá dwân Nzyɛ̌m á tyêl páʼ nyɔ́ɔ́ e bʉr nyɨ́, nye ɨ́ buo nkûl ɨ́ lɔ̌b ménkɛ̌ʼ Nzyɛ̌m á sâ má. Menkɛ̌ʼ maá, mé ɨ́ mbɨa, laa maá me sáá esôʼ.

Ebrœ̂ 7:25

Sá tɨ̂ʼ ntémé ó nyé dí e nkul etíʼ bʉ̂r o ngá sîhlě bǎʼ e Nzyɛ̌m, cɨɨ ɨ́ nzɨ̌ nyé bá. Nyě jaá pɛʼ mébébe mɔ́ɔ́ ó mɨ́mɛ̂h. Mpʉ nyé dí njʉ̌m dǐ e njʉ̌m dǐ yɨ́, nó ntémé ó nyé dí e nkul ejɨʼla e Nzyɛ̌m lɨ́ esú lɔ́ɔ́ ɨ́ jɔʼ yɨ́yɛ̂h yɨ́.

Galásia 2:16

Sâ gwár, mɨná bé lɨ́ egʉ́a gá ó, mʉr, nyé abi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mʉ̌r bi nkâm ó, ɨ́ lɔ̌b búʼó, lɨ́ edyêʼ koo e Yésʉs-Krîst. Mɨná bɨ́ dyɛ̂ʼwo ntémé e Yésʉs-Krîst. Búʼó gá yɨ́ná yaá, yé aduho ɨ́ mbaʼlá metié. Mʉr ákóʼó bi nkâm ɨ́ míh mé Nzyɛ̌m ɨ́ lɔ̌b mbaʼlá métié.

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

Ebrœ̂ 7:11

Dǐ pára bʉ̂r o bó ónzweh mé Levî, bé á didi yɨ́, yé ó b'á be etín é métié mé á tyélɔɔ bʉr o b'Ɨ́zraɛ̂l má. Yé bé oLevît, bé á si lóŋlo syɛ́ɛ́ yɔ́ɔ́ mbɨ̂mbɨá nó, lɛ́ɛ́, yé á bé akǎ be e nyɔm ó, nyʉ́ʉ́ pára swîh dílaa bê, nwɨɨla e Mɛlkisédɛk. Nye ntémé á bé abyɛ̂l ɨ́ mpóʼo mé Árɔn.

1 Timotɛ 1:1

Pɔ̂l ó dí ecɛma gó mekaná mâ. Me ó mʉr milʉ́mlʉ́ mé Yésʉs-Krîst ɨ́ mitíʼá mé Nzyɛ̌m Sɔ́ŋ, Tiʼbʉr gá wɨ́ná, ti e Yésʉs-Krîst, waá dí egbâ mpûʼla ɨ́ miléme gá míná nyá.

Kolosi 1:27

Ebě, Nzyɛ̌m á be lɨ́ ekpɛl élɛ̂ʼle bé jwɨʼ nyé á be e yé mesǒ yɨ́, jwɨʼ dí ɨ́ buú mbɨa, yaá dí e nyɔm lɨ́ esú é bíkúl bíbyɛ̂h yɨ́. Solá jwɨʼ yaá, yé ó: Krîst, nye mû ó sí pûhla e bɨ̌n. Bɨ̌n mû e mpûʼla ɨ́ miléme ó, bɨ̌n óbi kûm tɨ̂.

Éfɛsɔs 3:12

Ɨ́ mpúhlá gá nyɨ́ná e Krîst, ɨ́ jɔʼ mɨ́ná dyéʼ gá koo e né yɨ́, mɨná bé lɨ́ epyâl gá kwá mé Nzyɛ̌m, abáawǒ sɔ̂ʼ, abe ntémé e yʉ́ʉ́ sá ngá ntɨ̂ʼ yɨ́.

Galásia 3:24

Metié maá, mé á bɨbe ó mpʉ pála bwá ó ntwǒm, mʉr á lilîʼle mɨná gá kwá mé Krîst nyá. Nye á sâ nó ó, mɨná nkʉ̂ bi gá nkam ɨ́ míh mé Nzyɛ̌m ɨ́ lɔ̌b búʼó.

Yʉanes 1:17

Nzyɛ̌m á tyêl mɨná gá metié ndu e l'egbâ mémpéné ó, cɨɨ ɨ́ nzɨ̌ mé Moyɨ̂z. Nó ó, mpam nyé le otyeetye bíɛ, byé á nze ɨ́ mɨná gá ó, cɨɨ ɨ́ nzɨ̌ mé Yésʉs-Krîst.

Rôm 7:7

Yé bé nó wá, mɨná bé ókǎ lɛ́ɛ gá nyá? Nzê metié, mé ó mpúhlá e syóm ɛ́? Heʼé, yé abá be nó. Yé bé metié maá abe nó, lɛ́ɛ́, me á bé agʉ́ǎ sá dí syóm yɨ́. Yé bé mempéné maá alɛ́ɛ ó: Agwɨ̂m sá yé onkán nó, lɛ́ɛ́, me á bé agʉ́ǎ sá dí gwɨ́má sá yé onkán.

Galásia 3:21

Nzê yé lɨ́ elɛ́ɛ ó, metié le nkɛ̌ʼ mé Nzyɛ̌m nyaá, byé e mbɔ́ʼ ɛ̌? Heʼé, yé abá be nó. Mbɔ́ʼ ntʉ́ʼ tɨ̂. Yé bé yé á be ó e lʉ́ʉ́ étié, lé á gwa sâ ó, bʉr bíʼee twiʼ nó, lɛ́ɛ́, mʉr á gwa bi nkam ɨ́ míh mé Nzyɛ̌m e nzɨ̌ metié. Sâ gwár, yé abe e lʉ́ʉ́ étié e dí esâ mɨ́ná gá syɛ́ɛla mpâ yaá.

Ebrœ̂ 3:6

Tó kœb ó, Krîst nyɨɛ á si tyélɔɔ ɨ́ dǐ Mwân á jala le edǐ lʉ́ mbɛ̌r bʉ̂r waá nyá. Mbɛ̌r bʉ̂r waá, wé gúmó ntémé ó e né. Mɨ́ná bé ódi gá e mpûʼla ɨ́ miléme, le ekʉ́ gʉ́ǎ sá mɨ́ná dí ebúʼla gá yɨ́, abáawǒ sɔ̂ʼ nó, lɛ́ɛ́, mɨná gá ó dí bʉ̂r ó mbɛ̌r bʉ̂r wé waá.

Ebrœ̂ 7:20

Yʉ́ʉ́ sɔ̂ʼ ntémé ó yɨ̂: jɔ̌ʼ Nzyɛ̌m á tyêl Tî Yésʉs ɨ́ dǐ njwɨ́ɨ opara yɨ́, nye á ntaa ó minkâl. Sâ gwár, ɨ́ jɔʼ bʉ́ʉ́ bʉ̂r bɨ́ɛ, bé á nʉnʉa dǐ yaá yɨ́, nye á bé antaa myê.

Ebrœ̂ 11:6

Nzyɛ̌m ákóʼó kpɛl mʉ̂r dí abe e búʼó nyá. Búʼó ó dí esâ ó, mɨná gʉ́ŋaa gá ó, Nzyɛ̌m, nye ó tɨ̂ʼ tyeetye. Búʼó ntémé ó dí elɛ̂ʼle mɨ́ná gá ó, nyě dwé myɛ́na mé émbɨa ó, njɨ bʉr o dí edû nyé bá. Abe e búʼó yaá nɛ́ɛ: lɛ́ɛ́, yé abe e mʉr ngwár ngá sîhlě nkǒ Nzyɛ̌m dí yɨ́.

Jacques 4:8

Síhláá gá bǎʼ e Nzyɛ̌m. Nyé osîhlě nko bɨ́n dí yɨ́. Jwɨyɨɨ gá mebó mɨ́n, bɨ̌n osyɛ̂l o mísyóm. Sohlaa gá milémé mín, bɨ̌n bʉr o dí mekʉ̌ me kwɨ̂h bá.