Ebrœ̂ 7:18 - Kálar Nzyɛ̌m : Ejwán é Sáá

¹⁸ Nzyɛ̌m á si dyɛ̂ʼ metié mé ésôʼ lɨ́ empah, ebě, mé á bé abe e nkul. Mé ntémé, mé á bé abe bʉ̂r e bá mâ nyɔm.

Kálara Zyɛ̌m Edwán é mpʉ̌n

¹⁸ Zyɛm a si gbɛɛ motie mo efoʼ, ebe, mé a baabe e nkul. Mé nteme, mé a baabe bʉr e ma nyɔm.

Ebrœ̂ 7:18 ပူးပေါင်းရင်းမြစ်များ

Rôm 8:3

Yé á bé abána ó, mɨná bíʼee gá twiʼ ɨ́ mbaʼlá métié, ebě njwɨr myâ wɨ́ná, wé á be ɨ́ tyɛʼ. Metyɛʼ mé njwɨr myâ waá, mé ntɔ̂ʼ teʼle métié maá. Sá métié mé Moyɨ̂z, mé á be akoʼo lɨ́ esâ yɨ́, Nzyɛ̌m nyɨɛ á si bana sâ yê. Nye á dwe mɨná gá twiʼ ó ɨ́ nzɨ̌ Mwân wé nyé á ntɨh ɨ́ sí yɨ̂ʼ nyá. Mwân waá nzě byɛ̂l mʉ̂r. Nyʉ̂l bipúno nyé, nye á kʉ nwɨɨla ó e nyaá gá nyɨ́ná, osyɛ̂l o mísyóm. Nye á nze ó ɨ́ lɔ̌b syóm gá wɨ́ná. Nye á nze pɛʼ ó wê. Nzyɛ̌m nzě dwě Yésʉs mebě, le entɨ̂ʼ nyʉ̂l bipúno nyé ɨ́ jɔʼ nyé á búra e misyóm myaá yɨ́.

Mɨlʉmlʉ 13:39

Bʉr bɨ́bɛ̂h ngá dyêʼ koo e né bá, bé óbi nkâm ɨ́ nzɨ̌ nyé. Bé ódweŋɔɔ nkâm ɨ́ mimbi mílɔ̌b mímyɛ̂h. Bé á bé agwá bi nkâm ɨ́ nzɨ̌ metié mé Moyɨ̂z.

Ebrœ̂ 7:19

Ebě, metié mé ésôʼ maá, mé á bé abe e nkul epubo syɛ̂l misyóm ɨ́ mipáʼ mímyɛ̂h. Nó ó, mpǎŋ sá dí elaa métié maá yɨ́, yɨ́ pyâl: mpûʼla mɨ́ná mû e nye ɨ́ léme nyɨ́. Nye ó dí esâ ó, mɨná sîhlaa gá bǎʼ e Nzyɛ̌m.

Galásia 4:9

Damá jóʼo nó, ɨ́ báánâ, bɨ̌n bɨ́ gʉ́ǎ Nzyɛ̌m mpâ. (Me bé lɨ́ edǐ lɛ́ɛ ó, Nzyɛ̌m, nyɨ́ gʉ́a bɨ́n mpʉ bwán bé.) Bɨ̌n bé lɨ́ ebáʼǎ dû mílɛ́ʼlá bʉ̂r ó sí yɨ̂ʼ dí ekûhlo, myaá dí abe e nkul mí ɨ́ yé? Bɨ̌n bé lɨ́ ebáʼǎ kpɛl édi bítúʼǎ byɔ́ɔ́ ɨ́ yé?

1 Timotɛ 4:8

Ebě, pɨ́ʼá nyʉ̂l wɨ́ɛ, wê mʉr tɨ̂, wé ó e mâ nyɔm. Edwáawǒ Nzyɛ̌m lɨ́ɛ, lé e nyɔm ɨ́ páʼ bísá bíbyɛ̂h, ebě, mʉr dí edwáawǒ Nzyɛ̌m nyá, nyɨ́ bi ménkɛ̌ʼ ɨ́ páʼ twiʼ, yaá báánâ, ti e yaá ngá tô dóló njʉ̌m dǐ e njʉ̌m dǐ yɨ́.

Ebrœ̂ 13:9

Gwá di gá le ocwóó. Sá abîr gá ó, nyʉ́ʉ́ mʉ̂r mɛ́rɨɨ bɨ̌n lɨ́ okómó ɨ́ nzɨ̌ metwɨ́ɨ́ méswîh nyé dí edwe bɨ́n má. Ncwɨ́ncwɨ́a mé Nzyɛ̌m ó dí egbâ bʉ̂r pîm ɨ́ búʼó. Yé mbɨa ó, bɨ̌n bíʼee nkul tɨ̂. Mede bé dí elɛ́ɛ ó, mʉr, nye ɨ́ jala le ede lɨ́ esú lé édwě Nzyɛ̌m dúu tɨ̂ʼ má, mé abe e nyɔm ɨ́ páʼ bʉ̂r o dí ede mé bá.

Galásia 3:17

Sá mé mû lɨ́ ejɨ̌ lɛ́ɛ yɨ́ ó yɨ̂: Nzyɛ̌m á si boo tyêl saá le Abraham. Píe mimbû minter minâ e mekám mélɛ̂l, nye nzě tyêl óYúden metié. Metié maá, mé á bé agwá gbɛ́ɛ sáá nyaá, nkʉ̂ dímle ménkɛ̌ʼ nyé á dwe Abraham tɨ̂ʼ má.

Galásia 4:21

Jóʼláá gâ, bɨ̌n bʉr o dí elɛ́ɛ ó, bɨ̌n kpɛl édi ɨ́ mpila métié tʉ́ŋlʉ̌ bá. Lɛ́yɨ́ɨ́ gá me sá yɨ̂: nzê bɨ̌n bé ajóʼǒ sá métié maá dí elɛ́ɛ yɨ́ ɛ́?

Galásia 3:15

Bɨ́ɔɔ́ bâm! Okɛ́l bâm! Sá yɨ̂, yé ó kwahaá syɛ́ɛla bʉ̂r dí esɨsâ yɨ́. Mʉ̂r sí cɛma mékaná bílíʼe mpʉ bʉ̂r dí boó sɨ̂sa yɨ́ nó, abe e mʉr ókǎ gbɛ́ɛ mícɛmá myaá. Mʉr swîh, nyé abe e nkul ekǎ kɛl lʉ́ʉ́ ékǎn tɨ̂.

Rôm 3:31

Ɨ́ jɔʼ bɨ́h túnó búʼó gá yɨ́ná yɨ́, nzê bɨ̌h bé lɨ́ egbɛ́ɛ métié ɛ̌? Heʼé, yé abá be nó! Bɨ̌h lɨl métié maá ó, lɨlɨ́ɨ.

Galásia 3:21

Nzê yé lɨ́ elɛ́ɛ ó, metié le nkɛ̌ʼ mé Nzyɛ̌m nyaá, byé e mbɔ́ʼ ɛ̌? Heʼé, yé abá be nó. Mbɔ́ʼ ntʉ́ʼ tɨ̂. Yé bé yé á be ó e lʉ́ʉ́ étié, lé á gwa sâ ó, bʉr bíʼee twiʼ nó, lɛ́ɛ́, mʉr á gwa bi nkam ɨ́ míh mé Nzyɛ̌m e nzɨ̌ metié. Sâ gwár, yé abe e lʉ́ʉ́ étié e dí esâ mɨ́ná gá syɛ́ɛla mpâ yaá.