Ebrœ̂ 7:14 - Kálar Nzyɛ̌m : Ejwán é Sáá

¹⁴ Bʉr bɨ́bɛ̂h, bé lɨ́ egʉ́a ó, Tî gá wɨ́ná á byɛ̂l ó, lɨ́ onzweh mé Yʉ́da. Nó ó, Moyɨ̂z á bé alɛ́ɛ̌ sɔ̂ʼ, dumo le onzweh waá, ó nyʉ́ʉ́ mʉ̂r tɨ̂ʼ óbɛ̌m nʉǎ dǐ pára.

Kálara Zyɛ̌m Edwán é mpʉ̌n

¹⁴ Bʉr bɨbɛh, bé egʉa ó, Tî ga wina a byɛl ó, é l'eveh mo Yʉda. No ó, Moyiz a baalɛɛ ó, mʉr eveh laa óbɛm nʉa dia para.

Ebrœ̂ 7:14 ပူးပေါင်းရင်းမြစ်များ

Mɨngwiha 5:5

Nó ó, nyʉ́ʉ́ tɔ́má mʉr lɨ́ otɔ́má bʉ̂r baá á lɛ́ɛ e me ó: «Sá akǎ jɨ. Jwɛ́ʼɛ́ɛ, ngbampɨɨ, wɨ́ pyâl, duho lɨ́ onzweh mé Yʉ́da! Wé ó mâ nta mé David, waá á byɛ̂l mpʉ̌ ntoʼdu á pâh ɨ́ kǔm lɨ́ yé á twɛlɔɔ twɛlɨ́ɨ yɨ́ nyá. Wɨ́ɛ, wé á si ntaa sá yɨ́yɛ̂h. Wé ó b'á dweŋɔɔ nkul dí ó, wé pɛ́ʼɛɛ bisitâm nzaangbá byaá, bɛ́ɛ mékaná dí pílá má.»

Lʉkas 3:33

Naasɔ̂n, mwân mé Aminadâb; Aminadâb, mwân mé Ádmîn; Ádmîn, mwân mé Arnî; Arnî, mwân mé Ézrɔm; Ézrɔm, mwân mé Parɛ̂s; Parɛ̂s, mwân mé Yʉ́da;

Mɨngwiha 22:16

«Mɛm Yésʉs, me á si lómlo bɨ̌n éngeles wǎm ó, nye ntáa nzě boʼlo gó milɔ̌b mi dí edwɛ̂ʼ Mbɛ̌r-Nzyɛ̌m mí. Mɛm, me ó mâ nta mé David, waá á byɛ̂l mpʉ̌ ntoʼdu á pâh ɨ́ kǔm lɨ́ yé á twɛlɔɔ twɛlɨ́ɨ yɨ́ ny. Me ntémé ó dí twítwén dí ɨ́ buú pan ɨ́ melɔ́ma mé mɛ́n nyá.»

Rôm 1:3

Mbɨambɨa Lɔ́ɔ waá dumo ó e Mwân wé. Ɨ́ nkǒ páʼ ébyɛ̂l e bípúno, nye á be ó mʉr mbɛ̌r bʉ̂r mé David.

Éfɛsɔs 1:3

Mɨná gúmlaa gá waá dí Nzyɛ̌m mé Tî gá wɨ́ná, Yésʉs-Krîst, waá dí Sɔ́ŋ wé nyá. Nzyɛ̌m, nyɨ́ sʉ mɨ́ná gá metyɛʼ me mpóm ɨ́ mpúhlá gá nyɨ́ná e Krîst. Nyɨ́ kam ntémé ó, mɨná bíʼee gá mimbi métyɛʼ me mpóm mé Sísǐm mé Nzyɛ̌m mɨ́mɛ̂h me dí eduho ɨ́ jʉ́o kʉ́ má. Nyě sá mɨ́ná gá nó ó,

Rôm 2:3

Gua mʉr dí edwe bʉ́ʉ́ bʉ̂r mebě ɨ́ bisyɛ́ɛla bé dí esâ bí nyá, go ntémé jaá sâ ó njɨ bisyɛ́ɛla bimpwár byaá. Gǒ bee nyá? Nzê go ókɨ̂ŋ tíʼá mílɔ̌b mé Nzyɛ̌m?

Yʉanes 20:28

Thomas nzě lɛ́ɛ e né ó: «Tî wǎm! Nzyɛ̌m wǎm!»

Yʉanes 20:13

Jɔʼ yaá ó bééngeles bé á dî e né ó: «Mʉmá, gǒ jɨ̌ yé?» Nye ó: «Bɨ́ nzě pɛʼ tî wǎm wâ; me l'agʉ́ǎ nko bê tó e né yɨ́!»

Lʉkas 1:43

Nyɔ̌ŋ mé Tî wǎm bana nze bee mé ɨ́ yé ɛ́?

Filipi 3:8

Yé ó nó! Me mû lɨ́ ebee bísâ byaá bíbyɛ̂h ó, byé ó dwêh, ebě, sá dí ɨ́ buú mbɨa yɨ́, yé ó, me dúʼoo Yésʉs. Me á si gwa sû mpǎŋ bisɔ̂ʼ, ebě, sá dí ɨ́ buú mbɨa yɨ́, yé ó, me gʉ́ŋaa Tî wǎm Yésʉs-Krîst. Ebe mé dí edyɛ̂ʼwo e né, me á si bîr bisá bíbyɛ̂h byé á nyɛɛ be e nyɔm ɨ́ páʼ wâm bí. Nó ó, me mû bee byé ó, mpʉ̌ sá jálá le emyahɔɔ̌ dwǐʼ yɨ́. Mě bír byé nó ó, jáŋá me nkʉ̂ bi mâm myɛ́na. Mé óbe ó Krîst.

Mataos 2:6

“Gua, Bétɛlɛhɛm, nkanǎ Yʉ́da, gó abuú twâʼwo ɨ́ bím bínkana bí dí ejwɨ́ɨ ɨ́ Yʉ́da bí, ebě, ɨ́ mbɛ̌r bʉ̂r gô ó ngá pyâl njwɨ́ɨbʉr ngá pála bínteme byâm, Ɨ́zraɛ̂l nyá.”»

Ebrœ̂ 7:13

Mɨná bé lɨ́ egʉ́a gá ó, mʉr dí elwibɔɔ ɨ́ lɔ̌b wé nyá, á bé abyɛ̂l lɨ́ onzweh mé Levî. Nye á byɛ̂l ó, ɨ́ waá oswîh. Tɔʼ e mʉr onzweh waá á tirwo e syɛ́ɛ́ édîʼ míndwéá lɨ́ alatâr.

Ebrœ̂ 7:15

Sá bɨ́h dí elɛ́ɛ yɨ́, yé nyɨ́n ó, yé ó tyeetye, ebě, para swîh mû sí pyâl lɨ́ esú lé éséǎ syɛ́ɛ́ yaá nyá, nye ɨ́ buú nwɨɨla e Mɛlkisédɛk!