Ebrœ̂ 7:11 - Kálar Nzyɛ̌m : Ejwán é Sáá

¹¹ Dǐ pára bʉ̂r o bó ónzweh mé Levî, bé á didi yɨ́, yé ó b'á be etín é métié mé á tyélɔɔ bʉr o b'Ɨ́zraɛ̂l má. Yé bé oLevît, bé á si lóŋlo syɛ́ɛ́ yɔ́ɔ́ mbɨ̂mbɨá nó, lɛ́ɛ́, yé á bé akǎ be e nyɔm ó, nyʉ́ʉ́ pára swîh dílaa bê, nwɨɨla e Mɛlkisédɛk. Nye ntémé á bé abyɛ̂l ɨ́ mpóʼo mé Árɔn.

Kálara Zyɛ̌m Edwán é mpʉ̌n

¹¹ Dia para bʉr o b'eveh mo Levi, bé a di-di ɨ, yé ó b'a be etin e motie mé a cyelɔ bwa b'Ɨzraɛl ɨ. Nkʉ oLevit baa, bé a be ó be, be e nkul epubo bʉr é mɨpaʼ mimyɛh nɛʼɛ, mpa yé a baaka be e nyɔm ó, nuu para fih dila be, nyɛɛ nteme lé ecyelɔ para é l'esama le opara mo Mɛlkisedɛk. Nye a ngbaa be ó é l'esama le opara mo Arɔn.

Ebrœ̂ 7:11 ပူးပေါင်းရင်းမြစ်များ

Ebrœ̂ 8:7

Saá esôʼ, nye á bé agwá jala. Yé bé nye á si jala nó, mpa Nzyɛ̌m á bé akǎ dila nyé e nyaá mbá.

Galásia 2:21

Mé apyêh mpâm mé Nzyɛ̌m. Mʉ̂r bé mbɨ̂mbɨá ɨ́ míh mé Nzyɛ̌m ɨ́ lɔ̌b mbaʼlá nyé dí ebaʼle métié wɨ́ nó, lɛ́ɛ́, Yésʉs-Krîst á kʉ dwe ó, kwahaá dwêh.»

Ebrœ̂ 7:21

Nzyɛ̌m á si ntaa minkâl ɨ́ lɔ̌b wé. Nye á lwib ó mbi wɨ̂: Dâ á si ntaa minkâl. Nye ácéně jwɨʼ yé. Nye á lɛ́ɛ ó: Go ódidi pára ó, ɨ́ melú mé mpóʼo mɨ́mɛ̂h.

Ebrœ̂ 7:15

Sá bɨ́h dí elɛ́ɛ yɨ́, yé nyɨ́n ó, yé ó tyeetye, ebě, para swîh mû sí pyâl lɨ́ esú lé éséǎ syɛ́ɛ́ yaá nyá, nye ɨ́ buú nwɨɨla e Mɛlkisédɛk!

Ebrœ̂ 5:6

Ɨ́ yʉ́ʉ́ péh Mékaná mé Nzyɛ̌m swîh, Nzyɛ̌m á lɛ́ɛ ntémé ó: «Go ódidi para wǎm ó, ɨ́ melú mé mpóʼo mɨ́mɛ̂h. Go ó mbi párǎ Mɛlkisédɛk á be wɨ́.»

Galásia 4:9

Damá jóʼo nó, ɨ́ báánâ, bɨ̌n bɨ́ gʉ́ǎ Nzyɛ̌m mpâ. (Me bé lɨ́ edǐ lɛ́ɛ ó, Nzyɛ̌m, nyɨ́ gʉ́a bɨ́n mpʉ bwán bé.) Bɨ̌n bé lɨ́ ebáʼǎ dû mílɛ́ʼlá bʉ̂r ó sí yɨ̂ʼ dí ekûhlo, myaá dí abe e nkul mí ɨ́ yé? Bɨ̌n bé lɨ́ ebáʼǎ kpɛl édi bítúʼǎ byɔ́ɔ́ ɨ́ yé?

Ebrœ̂ 6:20

Tɨ̂ʼ ó Yésʉs á nî yɨ́. Nye á nî ó, esôʼ e mɨná gâ. Nye mû ó njwɨ́ɨ opara gá wɨ́ná, mpʉ̌ Mɛlkisédɛk á be yɨ́. Nye ódi ntémé ó njɨ nó, njʉ̌m dǐ e njʉ̌m dǐ.

Ebrœ̂ 5:10

Nó ó Nzyɛ̌m á tyêl nye njwɨ́ɨ opara ɨ́ mpʉ mé Mɛlkisédɛk yɨ́.

Galásia 4:3

Jwɨʼ gwár e gwár yaá ntémé, mɨná bé á be gá ó mpʉ bítúʼǎ, agʉ́a bísá bímpâ. Mɨná bé á nî gá lɨ́ otúʼǎ waá ó, mɨná dúʼoo gá milɛ́ʼlá bʉ̂r ó sí yɨ̂ʼ dí ekûhlo mí.

Ebrœ̂ 7:10

Ebě, mpʉ̌ Levî á be apǎ byɛ̂l yɨ́, yé á be ó mpʉ̌ sá lɛ́ɛ́, nye á be ó, nye dína tʉ́ŋlʉ̌ nyʉ̂l mé sɔ́ŋ mpám wé Abraham, ɨ́ jɔʼ bé e Mɛlkisédɛk, bé á bɔma yɨ́.

Ebrœ̂ 7:12

Yé bé syɛ́ɛ́ pára, yé mû ó sí céne nó, yé jɨ ntémé ó, metié mé ésôʼ, mé cénɔɔ, ó maá meswîh, mé tyélɔɔ.

Ebrœ̂ 7:13

Mɨná bé lɨ́ egʉ́a gá ó, mʉr dí elwibɔɔ ɨ́ lɔ̌b wé nyá, á bé abyɛ̂l lɨ́ onzweh mé Levî. Nye á byɛ̂l ó, ɨ́ waá oswîh. Tɔʼ e mʉr onzweh waá á tirwo e syɛ́ɛ́ édîʼ míndwéá lɨ́ alatâr.

Ebrœ̂ 9:6

Jɔʼ bé á sil ekomlo bisâ byaá bíbyɛ̂h, le ekomo byé ɨ́ bijá byɔ́ɔ́ yɨ́, opara bɨ́ɛ nzě táare éninî ɨ́ ntɔ́ɔ esôʼ ɨ́ ti ti ti, lɨ́ etô le elóŋlǒ syɛ́ɛ́ yɔ́ɔ́.