Ebrœ̂ 6:4 - Kálar Nzyɛ̌m : Ejwán é Sáá

⁴ Nó ó, bʉr o b'á nyɛɛ kʉnɔɔ mimbah bá, bé á be lɨ́ enyɛɛ́ bibi míndwéá mi dí eduho ɨ́ jʉ́o kʉ́ mí. Ɨ́ jɔʼ yaá, Sísǐm mé Nzyɛ̌m bé e boo nɔ́ɔ́ ó b'á bɨbe.

Kálara Zyɛ̌m Edwán é mpʉ̌n

^4-6 Bʉr o b'a taare kʉnɔ mɨmbah, bé a be ó lé etaare bi-bi mɨndwɛa lé eduho é jobo kʉ ɨ. É til molu yaa, Mbɨambɨa Sisim, bé e boo nɔɔ ó b'a be-be. Bé a be nteme ó, lé ejoʼo-joʼo lɔɔ Zyɛm ndɨ é bul mbɨa ɛ, joʼo monwam mo tɨ. Bɛɛ, bé a si taare dweŋɔ mbi nkul óka kabɔ pie e l'esie e mbi jɔʼ yiʼ ɨ. É jɔʼ mbi bʉr baa ka lɨŋa é buʼo e, bé abe e nkul ebâʼle gbɛlɔ, ó bé óbula gwɨma mobebe mɔɔ, le edwir mɨleme myɔɔ, ebe, bé bʉr o tɨ, bɨ kʉ gbaa ó, bé ócyèl Mwan mo Zyɛm é klos é jɔʼ mba, le esa ó, nye bul lwɨɔ é nkɛŋlɛm.

Ebrœ̂ 6:4 ပူးပေါင်းရင်းမြစ်များ

Mataos 5:13

«Bɨ̌n ó dí ekpa é sí yɨ̂. Sâ gwár, ékpa, lé óbe, akǎ jómo nó, bé óbáʼǎ sâ ó, lé jwɨ́ʼwɨɨ ejómo e yé? Lé ójaá kǎ jala ó, njɨ esʉ́ŋɔɔ̌ kʉ̌l, bʉr tyéele lé e mekʉ̌.»

Yʉanes 15:6

Mʉr dí apûhla e me nyá, ómyahɔɔ̌ kʉ̌l mpʉ̌ lɔ́ɔ́ raisin dí emyahɔɔ yɨ́. Wé lɨ́ eswâh. Bé ntɔ̂ʼ syɛŋ mílɔ́ɔ myaá, guhɔɔ myé lɨ́ ebéʼé é siʼe. Myé ntɔ̂ʼ síe lɨ́ edíʼe.

Éfɛsɔs 2:8

Ebě, mpam mé Nzyɛ̌m ó b'á tiʼ bɨ̌n, lɨ́ nzɨ̌ búʼó. Twiʼ yaá, yé aduho kwá nyɨ́n, bɨ̌n bʉr o tɨ̂. Yé ó ndwéá mé Nzyɛ̌m.

Yʉanes 3:27

Yʉánɛs, nye e bé ó: «Nzyɛ̌m bé adwe mʉ̂r sɔ̂ʼ nó, nyé abe e nkul ebi yê.

Ebrœ̂ 10:32

Símsáá gá mpʉ bɨ́n á be, ɨ́ jɔʼ bɨ́n á nyɛɛ bûʼla yɨ́. Bɨ̌n bé á nyɛɛ bi ó, twǐʼ Nzyɛ̌m dí egbâ bʉ̂r ɨ́ miléme yɨ́. Bɨ̌n nzě sia e mitúú ɨ́ buo buo e bíhwó.

Mataos 12:45

Nó wé ntɔ̂ʼ báʼǎ nkɛ́ɛ, tó nʉa myúú mímbɨ́a mísísǐm nzaangbá myé á be ɨ́ buú buo cére, laa wé mí. Mímyɛ̂h ntɔ̂ʼ nzeŋɔɔ, nzě komlɔɔ ódiá wɔ́ɔ́ ɨ́ mʉr waá tʉ́ŋlʉ̌. Nó ó twiʼ mʉ̂r waá á suʼla bu bébe, laǎ jɔʼ ésôʼ yɨ́. Mbi ngwár e ngwár waá ntémé ó ngá be lɨ́ esú é bíbɨ́bla bi bʉ̂r ó myǎ wɨ̂ʼ wɨ́.»

Galásia 3:2

Me ódî bɨ́n tíá mpwár nyɨ̂: nzê Nzyɛ̌m á ntɨh bɨ̌n Sísǐm wé jɔʼ bɨ́n á lóŋlo metié yɨ́ ɛ́? Nzê nye á bé antɨh wé ɨ́ jɔʼ bɨ́n á bûʼla Mbɨambɨa Lɔ́ɔ bé á lɛ́ɛ bɨ̌n wɨ́ ɛ́?

2 Timotɛ 2:25

Yé jala ó, nye gwâ tɨ́e bʉ̂r o dí edû nyé e megô bá, e njwɨr ɨ́ tala tala. Nyé sá nó wá, Nzyɛ̌m óbɛ̌m dib bé nzɨ̌ ó bé túmaa mikoo e misyóm myɔ́ɔ́, le edwira míléme. Bé ogʉ́a ótyeetye ɨ́ jɔʼ yaá.

1 Yʉanes 5:16

Mʉ̂r sí bee mɨ́ɔɔ́ wé lɨ́ esâ syóm, syóm waá, abe waá dí etyen nyé lɨ́ eswie wɨ́ nó, nye jɨ̂ʼlaa e Nzyɛ̌m. Nzyɛ̌m ókʉ́ tíʼ mɨ́ɔɔ́ wé. Yé e nyɔm ó, ɨ́ páʼ mɨ́ɔɔ́ dí sí sâ mbǐ syóm dí abe lɨ́ etyen mʉ̂r lɨ́ eswie wɨ́ nyá. (Sâ gwár, gúú mbǐ syóm, wé yɨ́ɛ ó tɨ̂: waá dí etyen mʉ̂r lɨ́ eswie wɨ́. Mé alɛ́ɛ ó, bɨ̌n jɨ̂ʼlaa e Nzyɛ̌m lɨ́ esú é mbi syɛ̂l misyóm waá.)

Ebrœ̂ 2:4

Nzyɛ̌m, nyɨ́ nzě boʼlo ntémé ó, lɔ́ɔ waá, wé ó tyeetye, ebě, nye á si ntɨh bisyɛ́ɛla bi nkûl, le byaá bí ékâm, le mesimá mimbi mimbi, kumǒ kumáa e mindwéá Sísǐm wé dí entɨntɨh mɨ́ná gá mí, dû mpʉ wé dí ekpɛl yɨ́.

1 Timotɛ 4:14

Anyamlě sâ lěh ɨ́ lɔ̌b ndwéá Nzyɛ̌m á dwe go ɨ́ jɔʼ ógwíha o mílɔ̌b mé Nzyɛ̌m bé á lwib, dumo e go yɨ́, púhlá le kɛlá mébô ótyɛ̂b bé ésôʼ ó Mbɛ̌r-Nzyɛ̌m bé á kɛl go wɨ́.

Mɨlʉmlʉ 11:17

Tó kœb ó, Nzyɛ̌m á si dwe bé ntémé sâ gwár nyé á nyɛɛ dwe mɨná gá ɨ́ jɔʼ mɨ́ná bé á dyɛ̂ʼwo gá e Tî Yésʉs-Krîst yɨ́. Nó mɛm, me á be wáǎ mbi mʉ̂r lɨ́ ebeně gwɨ́má mé Nzyɛ̌m?»

Éfɛsɔs 4:7

Mɨná gá óbɛ̂h, bé á be ó sí bi míndwéá mimbi mimbi lɨ́ edû mpʉ̌ Krîst nyɨɛ á ntɨh mɨná gá myǎ yɨ́.

Éfɛsɔs 3:7

Nzyɛ̌m á si kʉ bu séa e nkul nyé kwá nyǎm ɨ́ buo buo, e nzɨ̌ mpam nyé. Nye á si dwe me sɔ̂ʼ, abe e myɛ́na. Sá tɨ̂ʼ, yé á be ó dǐ syɛ̂l mesâ wé.

Mɨlʉmlʉ 10:45

Obûʼla bé e boo Pétrus bé á nze, baá bé á tíʼɔɔ mpʉ́n bá, bé á si bu kâm lɨ́ ebánǎ beě Sísǐm mé Nzyɛ̌m lɨ́ edweŋɔɔ ntémé bʉr o b'á be abyɛ̂l oYúden bá.

Mɨlʉmlʉ 8:20

Pétrus nyɨɛ nzě kǎ lɛ́ɛ e né ó: «Bɨ̌n e mɔnɨ́ yô bɨ́bɛ̂h dímɨɨ ɨ́ jɔʼ gwár, ebě, go sí bánǎ jwɨʼ ó, ndwéá mé Nzyɛ̌m, wé sá ó bwámɔɔ e mɔnɨ́.

Yʉanes 6:32

Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, ntʉ̌ Moyɨ̂z á dwe bɨ̌n mede mempâ mé á duho ɨ́ jʉ́o kʉ́ má. Sɔ́ŋ wǎm ó dí entɨh méde mempâ me dí eduho ɨ́ jʉ́o kʉ́ má.

Galásia 3:5

Ɨ́ jɔ̌ʼ Nzyɛ̌m dí entɨh bɨ́n Sísǐm wé, le esâ mésimá ménɨ́nɨ́ɨ́ páʼ nyɨ́n yɨ́, nzê nyě sá nó ó ebe bɨ́n dí elóŋlo métié ɛ́? Nzê yé ó ebe bɨ́n dí ebúʼla Mbɨambɨa Lɔ́ɔ bɨ́n á jóʼo wɨ́ ɛ́?

Mɨlʉmlʉ 15:8

Nó ó, Nzyɛ̌m, mʉr dí egʉ́a mílémé mí bʉ̂r nyá, á si kʉ lɛ̂ʼle ó, nyɨ́ kam bê, ebě, nye á si ntɨh bé Sísǐm wé jwɨʼ gwár e gwár e mpʉ nyé á ntɨh mɨná gá wǎ yɨ́.

Yʉanes 4:10

Yésʉs ntɔ̂ʼ lɛ́ɛ e né ó: «Yé bé go bé ɨ́ gʉ́a étʉ́m mé Nzyɛ̌m ti e mʉr gwám gó medíbé nyá nó, lɛ́ɛ́, go ô gwám nyé medíbé mé twiʼ, nye ntɔ̂ʼ gwá dwe gó mǎ.»

2 Timotɛ 4:14

Alexandre, dí lûl melûl nyá, á si bu sâ me ebébe. Tî gá wɨ́ná ókuna mé bisyɛ́ɛla nyé á sâ me bí.

Rôm 1:11

Ebě, me lɨ́ ejóʼǒ dwéh ébee bɨ́n lɨ́ esú lé édwe bɨ́n nyʉ́ʉ́ nkûl Sísǐm mé Nzyɛ̌m, ó bɨ̌n nʉ́aa pîm ɨ́ búʼó.

2 Korɛnt 4:4

Bʉr o dí abûʼla bá, bé lɨ́ elúʼo pɨ̂ʼ dí ó, bé jóʼaa lɔ́ɔ́ wɨ́h, bûʼla wê, ebě, nzyɛ̌m sí yɨ̂ʼ á si dímle bé pɨʼ nyaá. Nyě sá nó ó, nye kámlaa bé lɨ́ ebee mímbah mi dí epan, duho ɨ́ mentyɛnwa mé Krîst mí. Nyě sá nó ó, bé ámû jaá bee méntyɛnwa maá ɨ́ Mbɨambɨa Lɔ́ɔ́ mé Yésʉs, bé ntɔ̂ʼ gʉ́a ó, Yésʉs ó dí gulo mé Nzyɛ̌m.

2 Korɛnt 4:6

Ebě, Nzyɛ̌m á lɛ́ɛ ó: «Njʉl, wé pánaa myɛ́n, duho lɨ́ edúrʉ́ʉ́ tʉ́ŋlʉ̌.» Mʉr ngwár e ngwár á pa lwib nó nyá, á sâ ntémé ó, njʉl pánaa myɛ́n ɨ́ miléme gá míná. Njʉl waá ó dí esâ ó, mɨná béyɨɨ gá mpǒm mé Krîst, le egʉ́ǎ mpʉ nyé dí yɨ́, bee méntyɛnwa mé Nzyɛ̌m mʉr tɨ̂.

Éfɛsɔs 1:18

Nye bɛ́yɨɨ bɨ̌n mîh me dí ɨ́ milémé mín tʉ́ŋlʉ̌ má, ó bɨ̌n gʉ́ŋaa metʉ́m bʉ̂r ó Nzyɛ̌m á jébe bá, dí ebóno e né má. Bɨ̌n gʉ́ŋaa ntémé kûm nɨ́nɨ́ɨ́ bɨ́n ngá nʉa, jala e nkɔb líʼe nyɨ́n nyɨ́. Nyě komó ékʉ̌m laá ɨ́ buo buo ó, lɨ́ esú lé édwe bʉ̂r bɨ́bɛ̂h o dí egúmo e né bá.