Ebrœ̂ 6:2 - Kálar Nzyɛ̌m : Ejwán é Sáá

² milɛ́ʼlá mi dí edwɛ̂ʼ míndubó mí, myaá mi dí edwɛ̂ʼ kɛlá mébô mí, nkʉ̂ ɨ́ lɔ̌b pahá ódwe, nkʉ̂ ɨ́ tíʼá mílɔ̌b, waá mésíé.

Kálara Zyɛ̌m Edwán é mpʉ̌n

² edu sikʉlʉ lé edwɛʼ mpʉ bé lé enʉa mɨndubo e, egʉa mpʉ bé lé ekɛl bʉr mobo e, egʉa mpʉ odwè, bé ópàh é foo e, le egʉa mpʉ Zyɛm ótiʼe bʉr mɨlɔb etiʼ le epihe e.

Ebrœ̂ 6:2 ပူးပေါင်းရင်းမြစ်များ

Mɨlʉmlʉ 6:6

Sɔ́má óbûʼla ntɔ̂ʼ tyêl bé ɨ́ mpǒm bʉr o mílʉ́mlʉ́ mé Yésʉs. Bê nzě jɨʼla e Nzyɛ̌m, le ekɛl bé mebô ɨ́ milʉ̂.

Mɨlʉmlʉ 24:25

Pɔ̂l nzě nyɛl édwe nyé milɛ́ʼlá ɨ́ mpʉ mʉ̂r jálá le etiʼe lɨ́ otîtyěl le emâr léme yɨ́, le mpʉ̌ Nzyɛ̌m ngá tíʼe mílɔ̌b yɨ́. Félix ntɔ̂ʼ bil bʉ́á. Nye e né ó: «Paá nyɛɛ́ swîʼ! Jɔʼ mé óbi épʉ́la yɨ́, mé obáʼǎ jébe gô.»

Mɨlʉmlʉ 23:6

Sâ gwár, ɨ́ jɔ̌ʼ Pɔ̂l á ka gʉ́a ó, bʉr ó bʉm, bé á be ó menkɔ̌m mebá: nyɨ̂ʼ nkɔ́m, oSadwisyɛ̂n; nyʉ́ʉ́, oFarizyɛ̂n yɨ́, nó ó nyé á bʉ̂ tím gúmó ótîʼ o mílɔ̌b bé á be yɨ́. Nye ó: «Bɨ́ɔɔ́ bâm, me ó Farizyɛ̂n. Odâ, bé á be ntémé ó oFarizyɛ̂n. Me lɨ́ ebúʼla ó, odwe, bé ópah. Sá tɨ̂ʼ ó mé mû lɨ́ esâ nkâr yɨ́.»

Mɨlʉmlʉ 17:18

Bʉ́ʉ́ ómpʉ́n ó Epikʉ́rʉs ndu e baá ó Stoyɨ̂ke, bé e boo Pɔ̂l, bê nzě pére mékǎn. Bâʼ, bé á lɛ́ɛ ɨ́ lɔ̌b wé ó: «Ágólogólo nyâʼ pʉgʉ́ kpɛl élɛ́ɛ wâʼ yé ɛ́?» Bʉ́ʉ́, bé á lɨlɛ́ɛ ó: «Yé ó go ó, nyě lɛ́ʼlé mɨ́ná gá ó, onzyɛ̌m o bíkúl bíswîh.» Bé á lɛ́ɛ nó ó, ebě, Pɔ̂l á be lɨ́ etúnǒ Mbɨambɨa Lɔ́ɔ́ dí edumo e Yésʉs, ti e pahá sóo wé yɨ́.

Mɨlʉmlʉ 16:33

Nye nzě nʉa bé lɨ́ ewala laá ɨ́ pum. Nye nzě jwɨɨ bé mepɨ́ɨ́. Adeʼ, nye nzě duŋɔɔ, bé e mbɛ̌r bʉ̂r wé wɨ́wɛ̂h.

Mɨlʉmlʉ 16:15

Nye nzě duŋɔɔ, bé e mbɛ̌r bʉ̂r wé ntémé. Nó nyé á jébe bɨ̌h. Nye e bɨ̌h ó: «Yé bé bɨ̌n bɨ́ gwá kʉ́ bee ó, me mû ó lɨ́ ekʉ́ dyɛ̂ʼwo e Tî Yésʉs nó, ntaá di gá ɨ́ mbɛ̌r wâm.» Nó nyé á tíne bɨ̌h ó, bɨ̌h kámaa.

Mɨlʉmlʉ 10:47

«Nzê mʉr, nyě e nkul ekǎ kamle bʉ̂r bâʼ lɨ́ eduŋɔɔ ɨ́ medíbé ɛ́? Ebě, bé mû ó sí bǐ Sísǐm mé Nzyɛ̌m ntémé, jwɨʼ gwár e gwár e mɨná gâ.»

Mɨlʉmlʉ 2:41

Buobuo bʉr ɨ́ sɔ́má yɔ́ɔ́, bé ntɔ̂ʼ kǎm sá Pétrus á lɛ́ɛ yɨ́, ntɔ̂ʼ duŋɔɔ. Ɨ́ móhó waá, kúnókúno e bʉr otɔ́ɔ́sin olɛ̂l, bé á si nî ɨ́ sɔ́má óbûʼla.

Mɨlʉmlʉ 2:38

Nó ó Pétrus á yala e bé ó: «Túmáá gá mikoo e misyóm mín. Bɨ̌n a dwírá míléme. Mʉr nyɨnyɛ̂h ɨ́ sɔ́má yɨ́n, nye dúŋɔɔ ɨ́ díé mé Yésʉs-Krîst, Nzyɛ̌m pɛ́ʼɛɛ nye bibaa bí ébébe nyé á niʼe nye bí. Nó ó bɨ́n ngá kǎ nʉǎ sá Nzyɛ̌m á boo kɛʼ bɨ̌n yɨ́: Sísǐm wé.

Yʉanes 1:33

Me á be ntémé ó, apǎ nyɛɛ́ gʉ́a nyê. Nó ó, Nzyɛ̌m, mʉr á lómo me ó, me ntáa nzě du bʉ̂r e medíbé nyá, á tɨ́e me ó: “Mʉr gó óbeě Sísǐm wâm sulo, nzě berwo kʉ́ nye nyá, mʉr waá, nye ó ngá du bʉ̂r e Sísǐm mé Nzyɛ̌m.”

Markus 16:16

Waá ngá dyɛ̂ʼwo e me, ntɔ̂ʼ duŋɔɔ nyá, ótiʼe. Waá ngá be, adyɛ̂ʼwo e me nyá, nyɨ́haá ó ngá dweŋɔɔ bíntɨ́ʼá bi dí ɨ́ buú bébe bí.

Mataos 28:19

Nó ó, tóʼ gá ɨ́ sí yɨ́yɛ̂h. Bɨ̌n a sá bíkúl bíbyɛ̂h ompʉ́n bâm. Bɨ̌n bé odu bé ɨ́ díé é Sɔ́ŋ, le Mwân le Sísǐm mé Nzyɛ̌m.

2 Pyɛr 3:7

Lwǐb mé Nzyɛ̌m gwár e gwár yaá ó dí ebaʼlě jʉ́o, le ejwoo le sí. Yé óbaʼle byé ó, tó pyâl ɨ́ móhó étíʼ é mílɔ̌b. Byé odíʼɔɔ. Minjéʼe-Nzyɛ̌m, myé ódwe ɨ́ móhó waá.

Ebrœ̂ 11:35

Bʉ́ʉ́ bʉ́bá, bé á baʼa nʉa bʉr bɔ́ɔ́ bé á nyɛɛ dwe, kǎ pah bá ó, ɨ́ nzɨ̌ búʼó yɔ́ɔ́. Bʉ́ʉ́ bʉ̂r, bé á si bɔma e bintɨ́ʼá ɨ́ lɔ̌b búʼó, akam ó, bé dwíhɔɔ lɨ́ okómó, ebě, bé á kpɛl ó, bé páhaa lɨ́ odwe, mbǐ pahá dí ɨ́ buú mbɨa wɨ́.

Ebrœ̂ 9:10

Nzyɛ̌m á tíʼe ɨ́ lémé wé ó, bʉr, bé ósɨsâ nyé mbǐ yébé nɨ̌ ó, tó pyâl ɨ́ jɔʼ nyé ókǎ tyêl bʉ̂r metié me dí tîtyěl má yɨ́. Metié le mempéné mé ésôʼ, mé á jaa dwɛ̂ʼ ó, njɨ ɨ́ páʼ nyʉ̂l mʉr. Metié maá, mé á jaa tɨ́e mʉr ó, njɨ mimbi méde le menyoʼ myé á jala ó, nye dêʼ mí, le mimbi míndubó myé á jala ó, nye dúŋɔɔ mí.

2 Timotɛ 2:18

Bɨ́ sâ ébébe énɨ́nɨ́ɨ́. Bé amɛ̂r ótyeetye. Bé lɛ́ɛ́ ó, Nzyɛ̌m, nyɨ́ boó pɛh ódwe kɔ́m. Lɔ́ɔ́ wɔ́ɔ́ waá, wɨ́ dímle bʉ́ʉ́ óbûʼla búʼó yɔ́ɔ́.

Kolosi 2:12

Ɨ́ ndubó bɨ́n á duŋɔɔ wɨ́, bɨ̌n bé á si debe, bɨ̌n e Krîst ɨ́ jɔʼ gwár. Bɨ̌n e né ntémé ó b'á pah, ebe bɨ́n dí ebúʼla nkûl nɨ́nɨ́ɨ́ mé Nzyɛ̌m. Nkǔl nɨ́nɨ́ɨ́ nyaá ó b'á pɛh nye.

Filipi 3:21

Nye ódwir bísá ményʉ́l gá mɨ́ná mâ. Menyʉ́l gá mɨ́ná, mé ókǎ nwɨɨla e nyʉ̂l nyé, dí e kûm nyɨ́. Nyě e nkul egbâ bísá bíbyɛ̂h ɨ́ jwɨ́ɨ́ yé. Nó ntémé ó nyé dí e nkul edwe mɨ́ná gá menyʉ̂l maá yɨ́.

1 Korɛnt 12:13

Mɨná gá óbɛ̂h, oYúden, nkʉ̂ bʉr o bíkûl biswîh; bitúʼǎ, nkʉ̂ onzyɛh o bʉ̂r, mɨná bé á si duŋɔɔ, ntɔ̂ʼ kǎ di nyʉ̂l mpwár e nzɨ̌ Sísǐm ngwár. Sísǐm ngwár ó b'á nze di ɨ́ milémé gá míná.

1 Korɛnt 10:2

Bɨ́bɛ̂h, bé á si pûhla e Moyɨ̂z ɨ́ jɔʼ bé á tye sí dwiné, le ɨ́ jɔʼ bé á ntaa mâŋ yɨ́. Tɨ̂ʼ ó bé á nze duŋɔɔ ɨ́ Moyɨ̂z.

Rôm 2:16

Sá mé dí elwib wâʼ yɨ̂, yé ónyɨ̂n ɨ́ ponó, ɨ́ móhó Nzyɛ̌m ngá tíʼe bʉ̂r milɔ̌b wɨ́. Nye ósâ nó ó, ɨ́ nzɨ̌ mé Yésʉs-Krîst. Bisâ bi dí bʉr baá solá ɨ́ miléme bí, nye ólɛ̂ʼle byé ɨ́ kpɛŋlɛm. Mbɨambɨa Lɔ́ɔ mé dí etúno wɨ́, wé ó nó.

Mɨlʉmlʉ 26:8

Bɨ̌n pʉgʉ́ di, abûʼla ó, Nzyɛ̌m óbánǎ pɛh ódwe ɨ́ yé ɛ́?

Mɨlʉmlʉ 24:21

Sá bé dí bɛ̌m lɛ́ɛ gó yɨ́, yê njɨ ó, sá mé á lwib e nkul yɨ́. Me á lɛ́ɛ e bé ó: “Me lɨ́ ebúʼla ó, odwe, bé ópah. Sá tɨ̂ʼ ó mé dí etyɛ̂b wâʼ mûh ɨ́ mempǒm mɨ́n ɨ́ nkar yɨ́.”»

Mɨlʉmlʉ 24:15

Lémé wâm, wɨ́ lóno ɨ́ mpûʼla mpwár bé bʉr o tɨ̂ʼ dí e nye nyɨ́. Bɨ̌h bé e mpûʼla ɨ́ miléme ó, bʉr, bé ópah: otîtyěl o bʉ̂r, le onzyɛ́h ó bʉ̂r.

Mɨlʉmlʉ 4:2

Bé á be ó, bé mû miléme ɨ́ díʼa díʼa, ebě, Pétrus, bé e Yʉánɛs, bé á be lɨ́ elɛ̂ʼle bʉ̂r le etúno ó, Nzyɛ̌m ópɛh ódwe ó, ɨ́ nzɨ̌ mé Yésʉs.

Yʉanes 5:29

Bé opah ɨ́ mesoo. Baá bé á sâ embɨa bá, bé ópah, bǐ twǐʼ njʉ̌m dǐ. Baá bé á sâ ebébe bá, bɨ́ɛ ntémé ópah; bé otíʼɔɔ mílɔ̌b.»

Lʉkas 14:14

Gó sá nó wá, go óbi métyɛʼ me mpóm, ebě, bé abe e nkul ebwóolo gó embɨa lô. Embɨa laá, lé óbwóolɔɔ gó ó, ɨ́ móhó ótîtyěl o bʉ̂r, bé ópah wɨ́.»

Lʉkas 12:50

Me á nze ó, me dúŋɔɔ ndubó wâm. Lémé wâm, wé ó kʉ́ ɨ́ tyěl tî tyěl, tó pyâl ɨ́ jɔ̌ʼ ndubó waá, wé óbe, wé mû sí syɛ́ɛ yɨ́.

Lʉkas 11:38

Farizyɛ̂n waá á be ɨ́ kâm ɨ́ jɔʼ nyé á bee ó, Yésʉs á bana nze lɨ́ edɨ́ɨ́ ó, apǎ jwɨɨ mébô yɨ́.

Lʉkas 3:16

Yʉánɛs nzě lɛ́ɛ bɨ́bɛ̂h ó: «Mɛ̌m du bɨ́n ó e medíbé. Yé e nyʉ́ʉ́ mʉ̂r dí e nkul jwɨ́ɨ, laa mé nyá. Nye lɨ́ enze. Mɛm, mé abě tyé mʉ̂r dí ó, me tíyɨɨ mikǒl mí ósípah myé nyá. Nyɨɛ ó ngá du bɨ́n e Sísǐm mé Nzyɛ̌m ndu e siʼe.

Markus 7:8

Bɨ̌n bé lɨ́ ebene métié mé Nzyɛ̌m, bɨbaʼlě sɔ̂ʼ njɨ metum me bʉ̂r.»

Markus 7:4

Jɔʼ bé búlá lɨ́ ebɨ̌m é pátele lɨ́ etó bwâm bísɔ̂ʼ yɨ́, bé abe e nkul ede, apǎ jwɨɨ mébô. OFarizyɛ̂n bɨɛ, bé lɨ́ ebaʼle mʉ́ʉ́ métum meswîh mpʉ maá me dí elɛ̂ʼlě mpʉ mʉ̂r jálá le esohlo mémpéle, mikâʼ, le mempɨ̌ bínkóho mbɨ̂mbɨá yɨ́.

Mataos 3:14

Sâ gwár, Yʉánɛs á si nyɛɛ bene. Nye e né ó: «Yé jala ó, gua dúʼoo me, abe ó, gua ntâʼ ó me dúʼoo go.»

2 Korɛnt 5:10

Ebě, yê mɨná gá bɨ́bɛ̂h bi ó, mɨná pyálaa gá ɨ́ mpǒm mé Krîst lɨ́ esú é tíʼá mílɔ̌b gá wɨ́ná. Mʉr nyɨnyɛ̂h óbi myɛ́na ó, dû mpʉ bísyɛ́ɛla byé, byé á be ɨ́ jɔʼ nyé á be ɨ́ twiʼ yɨ́: nkʉ̂ byé á be ó, ɨ́ mbɨa, nkʉ̂ ó, byé á be ó, ɨ́ bébe.

Mɨlʉmlʉ 13:3

Jɔʼ bé á bě sí ti méde le ejɨʼla yɨ́, bé ntɔ̂ʼ kɛl bé mebô, le ebîr bé ó, bé tôʼ.