Ebrœ̂ 6:19 - Kálar Nzyɛ̌m : Ejwán é Sáá

¹⁹ Mpûʼla nyaá, nye lɨ́ esúʼo míléme gá míná e nkul. Nyé abá tyɛ̂b. Nyě súʼó mílémé gá míná ó, ɨ́ kpɨ́ɨ́ɨ́ mpʉ̌ kǒl dí emɛ̂r byɛ̂l ɨ́ sʉ̌m díbé wɨ́. Mpûʼla nyaá, nye ó mpʉ̌ kǒl dí entaǎ kán ébê dí tyelá ɨ́ mpáh Nzyɛ̌m wɨ́. Wɨ̂ʼ ódumo ó kǒl waá, wê tyeelá ó, ɨ́ mɨná gâ. Gúú ódumo wɨ́ɛ, wé ó ɨ́ gúmó dí tí yɨ́, ɨ́ mpáh Nzyɛ̌m tʉ́ŋlʉ̌.

Kálara Zyɛ̌m Edwán é mpʉ̌n

¹⁹ Mbɛla waa, wé ó waa ebuʼlɔ. Wé emɛr mɨleme ga mina ó, mpʉ monkwab bɨnkoho lé emɛr titima é sʉm dibe é larada ɛ. Wé ó mpʉ kol lé entaa kan ebe é l'odia mo Zyɛm tʉŋlʉ ɨ. Guu odumo o kol waa, wé ó tiila é Tiʼe ndɨ e l'ekɛn é buobuo e.

Ebrœ̂ 6:19 ပူးပေါင်းရင်းမြစ်များ

Ebrœ̂ 9:7

Sâ gwár, njwɨ́ɨ opara nye omér ó b'á ninî ɨ́ ntɔ́ɔ mbá. Nye á jaa ninî tɨ̂ʼ ó, njɨ jɔʼ gwár ɨ́ mbû. Nye á tʉ̂to gʉ̂ʼ ó e sʉ́á métié mé ótír, ó Nzyɛ̌m pɛ́ʼɛɛ bibaa bí ébébe nyé á pa niʼe bí, byaá ɨ́ lɔ̌b ébébe lé nye mʉr tɨ̂, ti e laá e bʉ̂r oswîh, bé á sâ, bɨ́ɛ l'agʉ́a lɨ́.

Ebrœ̂ 9:3

Yé á be ó e gúú kán wé á be lɨ́ ela ébê wɨ́. Wɨ́haá kán ébê, wé ó waá mbá pára dí ebɔma e wé ɨ́ jɔʼ nyé ní ɨ́ mpáh Nzyɛ̌m yɨ́ wɨ́. Nko píhe kán ébê waá, yé á bě e ntɔ́ɔ mbá, nyaá bé á jébe ó «ntɔ́ɔ dí ɨ́ buú buǒ tí nyɨ́.»

Mataos 27:51

Jɔʼ yaá, kǎ saʼ nɛ́ɛ: kán ébê, wé á bɨbe tyelá ɨ́ mpáh Nzyɛ̌m wɨ́, ntɔ̂ʼ nyɛɛ ɨ́ kwiií bipéh bíbá, táare kʉ́, kumo sí. Sí nzě kubla, mekóʼ bʉ̂l.

Kolosi 3:1

Yé bé yê tyeetye ó, bɨ̌n e Krîst, bé á be ó sí duho lɨ́ eswie, báʼǎ bǐ twiʼ nó, sáŋáá gá bé ebi bísâ bi dí ɨ́ jʉ́o kʉ́ bí. Byé ó, ɨ́ gúmó Krîst dí ɨ́ mbó éjʉ́m mé Nzyɛ̌m yɨ́.

2 Timotɛ 2:19

Damá jóʼo nó, nkǎn Nzyɛ̌m á tyêl nyɨ́, nye dína ó, lɨ́ etyɛ̂b ɨ́ sɨŋ. Mekǎn nyé á cɛma, dumo e nkan nyaá má ó mâ: Nzyɛ̌m, nye lɨ́ egʉ́ǎ baá o dí egúmo e né bá. Mʉ́ʉ́ mé tɨ̂, mé ó: Mʉr dí ekɛn díé mé Tî gá wɨ́ná nyá, nye ɨ́ jala le esyɛ̂hle ébébe!

Mɨlʉmlʉ 27:29

Bé á kpɛ́ɛ ó, sitíma yɔ́ɔ́, yé ámû jaá mɛ́ʼa ɨ́ mekóʼ. Sá tɨ̂ʼ ó bé á guho binkóho binâ byé á mɛ̂r sitíma bí, ɨ́ medíbé yɨ́. Píe tɨ̂, bé á jaa ka gwɨgwɨ̂m ó, njɨ mɛ́n, wé lɔ́maa.

Rôm 4:16

Nzyɛ̌m á kɛʼ Abraham, bé le onta bé, sí yɨ̂ʼ ó, ɨ́ lɔ̌b búʼó Abraham á bûʼla nye yɨ́. Nkɛ̌ʼ nyaá, nye bé ó, ntinɨ̂ e ntinɨ̂ njʉ̌m dǐ e njʉ̌m dǐ. Yé á syɛ́ɛ nó ó, Nzyɛ̌m nkʉ̂ dwe bé nyǎ edwɛ́na. Nyě kɛ̌m ó, onta mé Abraham bɨ́bɛ̂h. Yé abe ó, nye á jaa dwe nkɛ̌ʼ nyaá ó, njɨ bʉr o dí ebaʼle métié bá. Nye á kɛʼ ntémé ó, bʉr o dí edyêʼ koo e né, baá o dí enwɨɨla le Abraham ɨ́ nkǒ páʼ búʼó bá. Ebě, Abraham, nye ó sɔ́ŋ gá wɨ́ná, mɨná gá óbɛ̂h. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó:

Mɨlʉmlʉ 27:40

Sá tɨ̂ʼ ó bé á tíʼe mikǒl myé á mɨmɛ̂r sitíma gúmo gwár mí, líʼɔɔ bínkóho bi tɨ̂ʼ ɨ́ medíbé yɨ́. Jɔʼ yaá ntémé ó bé á tii mikǒl myé á sɨsâ ó, sitíma dwíraa mí. Bé ntɔ̂ʼ tyeelě péh kán ɨ́ sitíma. Nó ó bé á tyen empǒm é sitíma nko ébʉ̂m laá.

Ebrœ̂ 4:16

Nó, mɨná sîhlaa gá bǎʼ e né, tó pyâl pyáláa ɨ́ mecwɨ́ɨ́ mé jwɨ́ɨ́ yé. Mɨná pyálaa gá ɨ́ mpǒm nyé, abáawǒ sɔ̂ʼ, le ebúʼla ó, nyě dǐ ɨ́ mecwɨ́ɨ́ maá ó, lɨ́ esú ó, nye sâʼ bʉr mpam, le ejɨ̂ʼ bé nkoó. Mɨná bi gá mpam nyé ó, ɨ́ jɔʼ mɨ́ná dí ebuú jɨ gá nkɔ̌m nyé yɨ́.

Éfɛsɔs 2:6

Nzyɛ̌m á si pɛh mɨná gá e Yésʉs-Krîst, ntɔ̂ʼ dil mɨ́ná gá le onɔ́ɔ́ ɨ́ mecwɨ́ɨ́ ɨ́ jʉ́o kʉ́, e nzɨ̌ mpúhlá gá nyɨ́ná e Krîst.

1 Korɛnt 15:58

Bɨ́ɔɔ́ le okɛ́l bâm mé dí ekpɛl bá, tyɛ́bɨ́ɨ́ gá mekʉ̌ sí ɨ́ sɨ́ŋ. Kʉ́ buú séa gá syɛ́ɛ́ mé Tî Yésʉs ɨ́ jɔʼ yɨ́yɛ̂h. Gʉ́ŋáá gá ó, syɛ́ɛ́ bɨ́n dí eséa Tî Yésʉs yɨ́, yé ákóʼó dwě ntuʼ.

Mɨlʉmlʉ 23:6

Sâ gwár, ɨ́ jɔ̌ʼ Pɔ̂l á ka gʉ́a ó, bʉr ó bʉm, bé á be ó menkɔ̌m mebá: nyɨ̂ʼ nkɔ́m, oSadwisyɛ̂n; nyʉ́ʉ́, oFarizyɛ̂n yɨ́, nó ó nyé á bʉ̂ tím gúmó ótîʼ o mílɔ̌b bé á be yɨ́. Nye ó: «Bɨ́ɔɔ́ bâm, me ó Farizyɛ̂n. Odâ, bé á be ntémé ó oFarizyɛ̂n. Me lɨ́ ebúʼla ó, odwe, bé ópah. Sá tɨ̂ʼ ó mé mû lɨ́ esâ nkâr yɨ́.»

Rôm 4:18

Sá Abraham á be ajala le ebóno ó, yé ópyâl nyé yɨ́, nye á bóno sâ gwár yaá ó e mpûʼla ɨ́ léme. Nye ntɔ̂ʼ sûʼla sɔ́ŋ bikûl ɨ́ buo buo. Nkɛ̌ʼ Nzyɛ̌m á dwe nye nyɨ́, nye ntɔ̂ʼ dira ó: Onta bô, bé óbe ó, ɨ́ buo buo.

Rôm 5:4

Jɔʼ mɨ́ná ódi gá e bíhwó nyaá ɨ́ di di di yɨ́, mɨná bé otyɛ̂b gá ɨ́ píʼi ɨ́ mebʉ́blá. Mɨ́ná óbóblɔɔ gá, aduma nó, miléme gá míná, myé ólóno ɨ́ mpûʼla.

1 Korɛnt 13:13

Nó ó, ɨ́ báánâ, búʼó, mpûʼla ti e kpɛ̌l, byé ó tɨ̂: bisá bílɛ̂l. Ɨ́ bisá bílɛ̂l byaá, yaá dí elaa byaá byúú yɨ́, yé ó kpɛ̌l.

Kolosi 1:27

Ebě, Nzyɛ̌m á be lɨ́ ekpɛl élɛ̂ʼle bé jwɨʼ nyé á be e yé mesǒ yɨ́, jwɨʼ dí ɨ́ buú mbɨa, yaá dí e nyɔm lɨ́ esú é bíkúl bíbyɛ̂h yɨ́. Solá jwɨʼ yaá, yé ó: Krîst, nye mû ó sí pûhla e bɨ̌n. Bɨ̌n mû e mpûʼla ɨ́ miléme ó, bɨ̌n óbi kûm tɨ̂.

1 Pyɛr 1:3

Mɨná gúmlaa gá waá dí Nzyɛ̌m mé Tî gá wɨ́ná Yésʉs-Krîst, waá dí Sɔ́ŋ wé nyá. Nyɨ́ buú jɨ̂ʼ mɨ́ná gá nkoó, ntɔ̂ʼ dwe mɨ́ná gá nkul ebyɛ̂l jɔʼ mbá, lɨ́ esú ó, mɨná díʼee gá lwɨ́ŋlá e mpûʼla ɨ́ miléme. Mpûʼla nyaá, nyě duhó ó, ɨ́ nkul pɛhá nyé á pɛh Yésʉs-Krîst ɨ́ soo wɨ́.